VOAL

VOAL

Copyright © 2022

VOAL

“E rëndësishme të zbulohen lidhjet mes krimit e pushtetit”, Doris Pack mesazh për gazetarët e News24: Vijoni të bëni punën, pavarësisht sa e rrezikshme është!

August 23, 2025

Sulmi ndaj News24, Doris Pack: U tentua të heshten gazetarët! Pa lirinë e medias, e vështirë të kuptohet realiteti

Ish-eurodeputetja gjermane Doris Pack ishte e ftuar sot në studion e News24, ku komentoi zhvillimet e fundit në Shqipëri dhe rolin e lirisë së medias në një demokraci funksionale.

Ajo u ndal veçanërisht te situata e krijuar pas ngjarjes së pak ditëve më parë që përfshiu median më të madhe informative në vend.

Pack e quajti bastisjen e redaksisë së News24 si një tentativë për t’u mbyllur gojën gazetarëve, ndërtsa theksoi se pa lirinë e mdias është e vështirë të kuptohet ajo që po ndodh në vend.

“Këtu, në studiot tuaja të improvizuara është bukur por mendoj se si autokratët sillen përballë medias, e kam parë e kam lexuar dhe është për të intimiduar gazetarët, për t’i heshtur ata sepse pa lirinë e medias ka shumë problem për të kuptuar se çfarë po ndodh. Ka shumë politikanë sot që punojnë për policinë, politikën, janë të lidhur me kriminelë, ndërkohë që politikanët duhet të punojnë për qytetarët”, tha ajo.

“Berisha dhe opozita të vijojnë betejën në Kuvend”, Doris Pack kundër djegies së mandateve: Të gjejnë mënyrën të bëjnë politikë me mazhorancën

Sipas ish-eurodeputetes, opozita duhet të vijojë betejën politike, por jo vetëm në rrugë. Ajo theksoi se lideri i opozitës, Sali Berisha, duhet të ngrejë zërin brenda Kuvendit dhe të përfaqësojë qytetarët që kanë votuar.

Ajo komentoi gjithashtu edhe mbi procesin zgjedhor të fundit në vend, duke u shprehur se ishte i manipuluar.

“Askush nuk mund të mohojë faktet, ka prova e video që zgjedhjet janë të falsifikuara. I kam parë vetë faktet dhe mendoj se ODHIR duhet t’i përmbahet gjetjeve dhe shpresoj shumë që KE t’i marrë këto çështje seriozisht. Sa i përket parlamentit të ri mendoj se deputetët e opozitës janë zgjedhur, duhet të shkojnë në Kuvend dhe të gjejnë argumentet për të gjetur mënyrën të bëjnë politikë me shumicën, nuk mund të qëndrojnë jashtë.

“Për News24 nuk u respektua vendimi i Gjykatës”, Doris Pack: Vendi po bën hapa pas! Keni humbur rrugën drejt BE-së

Ajo kritikoi ashpër mungesën e respektimit të vendimeve të gjykatave dhe veprimet e jashtëligjshme ndaj figurave politike.

Ish-eurodeputetja theksoi se këto ngjarje tregojnë qartë se Shqipëria po bën hapa pas në rrugën e saj drejt integrimit në Bashkimin Europian.

“Ajo që ndodhi me ju është kundër çdo sistemi. Kujtoj arrestimin e Metës në Rrugë, kjo nuk ndodh askund, apo Berisha që u arrestua pa vendim gjykata. Për News24 nuk u respektua vendimi i gjykatës. Kjo tregon se vendi po bën hapa pas dhe ka humbur rrugën drejt BE-së.

Krijohet impresioni se demokracia është më e mirë, por realiteti nuk është kështu. Njerëzit meritojnë një mënyrë demokratike qeverisëse”, tha ajo.

“E rëndësishme të zbulohen lidhjet mes krimit e pushtetit”, Doris Pack mesazh për gazetarët e News24: Vijoni të bëni punën, pavarësisht sa e rrezikshme është!

Ish-eurodeputetja Doris Pack ishte e ftuar në studion e News24, ku theksoi rëndësinë e medias së lirë dhe rolin thelbësor të gazetarëve në shoqëri.

Ajo u drejtua me një mesazh të fortë për gazetarët e News24 dhe gjithë Shqipërisë.

“Kemi nevojë për gazetarët, ata përpiqen të informojnë njerëzit dhe zbulojnë realitetin. Gazetarët janë ata që gjejnë faktet dhe investigojnë lidhjet mes krimit dhe politikës,” tha Pack.

Doris Pack vuri në dukje se lufta kundër korrupsionit dhe lidhjeve të errëta mes krimit dhe pushtetit është vendimtare për konsolidimin e demokracisë dhe integrimin europian të vendit.

Doris Pack: Kemi nevojë për gazetarët, ata përpiqen të informojnë njerëzit. Na duhen ata që investigojnë dhe zbulojnë realitetin. Duhet të jemi të lumtur që kemi gazetarë që bëjnë investigime për të parë lidhjet mes krimit e politikës. Gazetarët janë ata që gjejnë faktet dhe shpresoj që gazetarët në Shqipëri po bëjnë punën e tyre, aq më tepër në Shqipëri ku një gjë e tillë është e rrezikshme.

“Po shkatërrohen institucione demokratike”, Doris Pack: Shqiptarët, azilkërkuesit nr.1 në zonën Shengen. 35% e shqiptarëve po largohen

Ish-eurodeputetja Doris Pack në intervistën me Klevin Mukën në News24, ku ka ngritur shqetësime të forta për situatën politike, sociale dhe institucionale në Shqipëri, duke u shprehur se vendi po largohet nga rruga drejt Bashkimit Europian.

Pack shprehu shqetësim të thellë për emigracionin masiv, duke theksuar se më shumë se 1.1 milion shqiptarë po largohen nga vendi, ndërsa Shqipëria është vendi me numrin më të lartë të azilkërkuesve në zonën Shengen.

Duke folur për procesin e integrimit, Pack ishte e prerë:

“Nga mënyra se si punon sot qeveria, Shqipëria nuk mund të hyjë në Bashkimin Europian. Nuk mjaftojnë fjalët e bukura. Duhet të shohin realitetin dhe ky realitet nuk është pozitiv. Nuk kam shumë shpresë për anëtarësimin në BE në këtë gjendje.”

Ajo shtoi se, megjithëse nuk është më pjesë e Parlamentit Europian, vijon të ndjekë nga afër zhvillimet në Shqipëri dhe u shpreh se do të ishte e lumtur të shihte vendin pjesë të BE-së, por vetëm pasi të ndodhin ndryshime reale dhe të thella demokratike.

Doris Pack: Ka shumë politikanë sot që punojnë për policinë, politikën, janë të lidhur me kriminelë, ndërkohë që politikanët duhet të punojnë për qytetarët.
Kaq shumë njerëz largohen nga vendi. 1 mln e 100 mijë persona vijojnë të largohen. Shqiptarët janë azilkërkuesit nr 1 në zonën Shenghen dhe është një vend që ka kaq shumë burime e mundësi. Më shumë se 35 për qind e popullatës po largohet dhe për këtë më vjen shumë keq.
Po shkatërrohen institucione demokratike. Shumë njerëz nuk janë zgjedhur në mënyrë korrekte më 11 maj. Njerëzit ndihen pa mbështetje.

“Autokratët po shkatërrojnë Serbinë”, Doris Pack: BE të mos “puthë” çdo njeri, por të alarmohen për atë që po ndodh

Ish-eurodeputetja Doris Pack, një nga zërat më të njohur europianë për çështjet e Ballkanit, komentoi jo vetëm situatën politike në Shqipëri, por u ndal edhe në zhvillimet e fundit në Serbi, e cila prej muajsh ndodhet nën protesta të dhunshme dhe masive.

Pack i bëri thirrje Bashkimit Europian të ndërhyjë më me vendosmëri në rajon dhe të mos mjaftohet me sjellje formale ndaj udhëheqësve autokratë.

“BE duhet të nxisë Komisionin që të kuptojë realitetin, jo thjesht të puthë e t’i japë dorën çdo njeriu. Nuk mjafton vetëm diplomacia e buzëqeshur. Aktet kriminale janë të dukshme për këdo,” u shpreh ajo.

Duke folur për protestat në Serbi, Pack tha se situata është alarmante dhe se udhëheqësit autokratë janë duke e shkatërruar vendin nga brenda, ndërsa kërkoi reagim të qartë nga zyrtarët europianë.

“Nëse diçka ndodh në Serbi, mendoj se është rezultat i drejtpërdrejtë i mënyrës autokratike të qeverisjes. Ata që punojnë në Parlamentin Europian për rajonin duhet të jenë të informuar dhe të reagojnë,” tha Pack.

 Doris Pack: BE duhet të nxisë Komisionin Europian që të kuptojë realitetin, jo të puthë e t’i japë dorën çdo njeriu. Aktet kriminale janë të dukshme për të gjithë. Nëse diçka ndodh në Serbi, mendoj se autokratët janë duke e shkatërruar vendin. Liderët duhet të kontaktohen nga zyrtarët europianët. Kolegët në Parlamentin Europian që po punojnë për rajonin, duhet të jenë të larmuar poër atë që po ndodh. 

 

  • twitter
  • facebook
  • linkedin
Fjalë kyçe:

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend