Një sulm me dronë i nisur nga Ukraina drejt qytetit turistik rus Gelendzhik, në Detin e Zi, ka shkaktuar zjarr pranë një pylli ku gjenden pallati dhe vreshtat e presidentit Vladimir Putin.

Sic raporton media e pavarur ruse Insider, sulmi u krye më 27 gusht dhe deri mëngjesin e 29 gushtit, zona ishte rritur në një sipërfaqe prej 41,5 hektarësh, sipas Ministrisë së Situatave të Emergjencave të Rusisë.

Fshati ndodhet 10 kilometra nga pallati i Putinit në Kepin Idokopas. Sipas Important Stories, zjarri mund të ketë shpërthyer 3-4 kilometra nga pallati.

Një zjarr tjetër u ndez më pak se një kilometër nga vreshtaria Krinitsa e Putinit.

Si vreshtaria ashtu edhe pallati u vunë në hetim nga Fondacioni Kundër Korrupsionit i Alexey Navalny në vitin 2021, duke shkaktuar protesta të mëdha në qytetet ruse.

Pallati Idokopas, i ndërtuar midis viteve 2005 dhe 2010, ka fituar famë për koston e tij të madhe dhe ambientet e brendshme luksoze – duke përfshirë një teatër privat, një dhomë lojërash me makina lojërash elektronike, një sallë vallëzimi me shkop, një kazino dhe një “aqua-disco“.

Sipas një hetimi tjetër të publikuar nga opozita ruse meda Project në maj 2024, zonat e argëtimit në pallat ishin eliminuar, të zëvendësuara nga një sallë e gjerë kushtuar pikturave ushtarake dhe një faltore luksoze pallati që përfshinte një ikonë të Shën Vladimirit, një ikonostas dhe një fron prej druri.

Forcat ukrainase kanë synuar vazhdimisht infrastrukturën ruse përmes operacioneve sabotuese dhe sulmeve me dronë gjatë gjithë luftës në shkallë të plotë, duke synuar shkatërrimin e aftësive logjistike të Rusisë në furnizimin e ushtrisë ruse me materiale karburanti, municione dhe personel. bw