Shpesh here ndigjojme qe populli ashte i majte. Jam dakord pak a shume e eshte normal kur ke parasysh mbylljen e tij 45 vjeçare nen terrorin sllavo-komunist dhe ne shushatjen qe i ashte ba qellimisht per 26 vjet prej Katovices.

Megjithese ne Mars te 1992 ishte po ky popull qe votoi kunder diktatures dhe te majtes …….

Nejse, por percaktimin dhe emrimin e popullit si te majte nuk kane te drejte morale ta perdorin ato qe ne programet e tyne jane ma te majte se vet e majta e deklarueme. Ndryshimi, ashte se populli me prirje jo te majte, ashte lodh e zhgenjy me programin, veprimet dhe qendrimet e te ashtuquajtunes te “djathte ” dhe me te drejte kane bojkotu.

Nuk mund te vihen ne nji llogore, nji pinjoll i nji familje nacionaliste qe ashte shkri e derrmu prej sistemit me pushkatime vrasje burgje e interrnime me nji pinjoll te nji familje komisari te kohes se enferrizmit. Nuk mund te vihen ne nji llogore nji pinjoll i nji familje pronari me nji pinjoll te nji familje proletari. Nuk mund te vihen ne nji llogore pinjoll te familjeve nacionaliste qe kane kontribu sinqerisht per ceshtjen kombtare me njerez qe hypnin tankeve dhe kercenonin stabilitetin e kombit ose me njerez qe permendnin varje kafkash ne shtyllat telefonike. Nuk mund te viheshin ne nji llogore pinjoj te familjeve qe kerkojne te drejtat e tyne te neperkamuna nga sistemi komunist me pinjoj te xhailave prokuror e sigurimsa e aq me keq te leje keto te fundit te kujdeseshin per krijimin e ligjeve per shperblimin e integrimin e te pareve. Jo mor jo, ishte e pa mundun nji sajese e tille dhe heret a vone do te shperbahej.

Kjo sajese artificiale u kriju prej Katovices ose ramizoviç-qoses per me realizu nji tranzicion fort mire te llogaritun, qe eterve dhe bijve te tyne , jo vetem qe mos t’ju hynte gjem n’kame, por edhe me u institucionalizu si klasa politike qe do te kontrollonte gjithçka ne çdo qelize te kombit dhe kjo do te arrihej vetem nepemjet nxjerjes jashte loje te se Djathtes Tradicionale sic eshte Legaliteti e Balli. E ja arriten.

Normal, qe ashte vertete e hidhun kur mendon qe bijte do te jene totalisht ne kontroll bazu ne zgjedhjet e fundit, por e frikshme do te ishte, nqs e djathta reale tradicionale, nuk mblidhet urgjentisht e te krijoj nji levizje a konfederate te djathte e te shkeputen perfundimisht nga ideja a iluzuioni se e djathta dhe interesat tona mund te perfaqsohen nga pseudo e djathta. Nuk jane fundi I botes nji pale zgjedhje, vendi yne e klasa jone humbi edhe me keq ne 1944, por humbja me e madhe do te ishte sic thash ma siper nqs : pinjojte e nacionalizmit, do te vazhdonin duke punu te veçuar seicili me vete, ne vend se te baheshin bashke, per te zevendesu ket boshllek te se djathtes reale e vendi te mbetej pa opozite te mirefillte te djathte. Per ato bashkevuejtes qe besuan naivishte ne pseudo te djathten ndjej keqardhje e per ato qe ne rastin me te keq kontribuan per kete pseudo te djathte te ndergjjegjshem per nji llokem a karrige, n’qafe paçin veten .

Perfundimisht, sot, ma shume se kurre, ashte terreni dhe domosdoshmeria, qe klasa nacionaliste, ne menyre urgjente, te gjej gjuhen e perbashket, e te perveshin manget, per me u perballe me bijte e eterve e te pregatisin terrenin per zgjedhjet e ardhshme. Perndryshe, do te kryenim te njejtat gabime te te pareve tane te 1944 dhe do te ishim drejte zhdukjes si si klase ose shtrese.

Shpresoj qe i Madhi Zot te na ndihmoj si klase !

Hakik Mena

Qershor 2017.