Dikur qyteti frymonte, sot kollitet.

Dikur kishim ajër të pastër, sot kemi aplikacione që tregojnë sa i ndotur është ajri.

Dikur shtëpia ishte vend pushimi, sot është strehë për t’u mbyllur nga tymi dhe zhurmat.

Dikur Tirana kishte njerëz që ndërtonin qytetin, sot është qyteti që po ndërtohet mbi njerëzit.

Dikur takoheshim në sheshin e lagjes, sot në qendrat tregtare.

Dikur fëmijët luanin në lulishte, sot luajnë në kafene.

Dikur pemët mbilleshin në tokë, sot mbillen në ballkone.

Dikur lulishtja ishte poshtë pallatit, sot është në foton e projektit.

Dikur tymi vinte nga oxhaku, sot nga trafiku.

Dikur e njihje fqinjin nga aroma e byrekut, sot nga zhurma e pompës së ujit.