Ambasada Amerikane në Tiranë, ka reaguar ashpër në lidhje me kërcënimet dhe censurën qeveritare ndaj fjalës së lirë, që sipas saj është një përbërës themelor të një demokracie funksionale.

‘Shoqëritë forcohen nga shprehja e lirë e mendimeve dhe censura qeveritare është e patolerueshme në një shoqëri të lirë. Liria e shprehjes mbetet e kërcënuar në shumë pjesë të botës, siç theksohet në Raportin e të Drejtave të Njeriut të vitit 2024’, shkruan Ambasada Amerikane në postimin e saj në Facebook, duke iu referuar deklaratës së Tammy Bruce, Zëdhënëse e Departamentit të Shtetit, 12 gusht 2025, Uashington DC.

Gjithashtu në reagim theksohet se ‘qeveritë vazhdojnë të përdorin censurën, mbikëqyrjen arbitrare ose të paligjshme dhe ligje kufizuese kundër zërave që nuk u pëlqejnë, shpesh mbi baza politike ose fetare’.

Kujtojmë se vetëm pak ditë më parë, qeveria e Edi Ramës zaptoi me ushtri e polici, ambientet e televizionit New24, duke lënë jashtë godinës të gjithë gazetarët, si dhe duke sekuestruar dosjet investigative, ku përfshiheshin ministra e deputetë të mazhorancës socialiste. Edhe pse gjykata e rrëzoi, duke e quajtur një veprim të jashtëligjshëm sekuestrimin dhe pushtimin e ambienteve të News24, qeveria e Edi Ramës nuk pranon të zbatojë vendimin.

Postimi i plotë:

“Ne e konsiderojmë lirinë e shprehjes një përbërës themelor të një demokracie funksionale. Shoqëritë forcohen nga shprehja e lirë e mendimeve dhe censura qeveritare është e patolerueshme në një shoqëri të lirë. Liria e shprehjes mbetet e kërcënuar në shumë pjesë të botës, siç theksohet në Raportin e të Drejtave të Njeriut të vitit 2024. Qeveritë vazhdojnë të përdorin censurën, mbikëqyrjen arbitrare ose të paligjshme dhe ligje kufizuese kundër zërave që nuk u pëlqejnë, shpesh mbi baza politike ose fetare. Dhe, pavarësisht se sa i papajtueshëm mund të jetë fjalimi i dikujt, kriminalizimi ose heshtja e tij me forcë shërben vetëm si një katalizator për urrejtje, shtypje dhe polarizim të mëtejshëm.” – Tammy Bruce, Zëdhënëse e Departamentit të Shtetit, 12 gusht 2025, Uashington DC.

“Ëe consider freedom of expression to be a foundational component of a functioning democracy. Societies are strengthened by free expression of opinion, and government censorship is intolerable in a free society. Freedom of expression does remain under threat in many parts of the ëorld, as outlined in the 2024 Human Rights Report. Governments continue to use censorship, arbitrary or unlaëful surveillance, and restrictive laës against disfavored voices, often on political or religious grounds. And no matter, really, hoë disagreeable someone’s speech may be, criminalizing it or silencing it by force only serves as a catalyst for further hatred, suppression, and polarization.” – Tammy Bruce, Department Spokesperson, August 12, 2025, Washington DC.