Gjergj Buxhuku kreu i Konfidustrisë ishte sot në një lidhje live në programin e drejtës në Neës24.

Ai u ndal tek aksioni për lirimin e hapësira publike dhe aksionin e ndërmarrë në Theth me prishjen e ndërtimeve pa leje. Ai u shpreh se këto aksione të ndërmarra me iniciativë personale të kryeministrit Edi Rama, nxorën në pah mungesën e funksionimit të institucioneve shtetërore si dhe faktin që ishin të korruptuara.

“Kanë qenë disa iniciativa personale nga Rama, si rasti i Thethit, nisma për të stabilizuar tregun e karburanteve në vend si dhe lirimi i hapësirave publike. Kemi edhe lëvizjen tjetër për sigurinë ushqimore që nuk ka lidhje vetëm me shëndetin e qytetarëve por edhe nxitjen e konkurrueshmërinë.
Në parim të gjitha këto janë të mirëpritura, por treguan që mjafton një lëvizje e tillë për të kutpuar gjendjen e vërtetë dhe reale të institucioneve të shtetit shqiptar, gjendje shumë e dobët.

Është njëlloj si të heqësh kapakun e pusetës së ujërave të zeza për të kuptuar atë që ndodh në realtetin tonë.
Marrim aksionin për lirimin e hapësirave publike, ishte një lëvizje shumë e rëndësishme. Pamë atë që të gjithë e shihnim çdo ditë, që është degradim i të gjithë institucioneve shtetërore, të cilat ishin indiferente dhe të korruptuara.
Kjo tregonte që ka rënë zinxhiri kontrollues i institucioneve shtetërore”, tha ai. bw