Mbretëria e Bashkuar ka njohur një shtet palestinez.

Bëhet vendi i tretë i G7 që e bën këtë, menjëherë pas Kanadasë dhe Australisë.

“Përballë tmerrit në rritje në Lindjen e Mesme, ne po veprojmë për të mbajtur gjallë mundësinë e paqes dhe një zgjidhjeje me dy shtete”, thotë kryeministri britanik, Keir Starmer, në një video.

Ndryshe, këto veprime vijnë mes rritjes së presionit ndërkombëtar për një zgjidhje me dy shtete dhe përfundimin e dhunës në Rripin e Gazës, ku mijëra civilë palestinezë kanë humbur jetën gjatë muajve të fundit.

Këto njohje zyrtare pritet të ndikojnë edhe në qëndrimet e vendeve të tjera të fuqishme.

Kryeministri izraelit Benjamin Netanyahu më parë tha se një veprim i tillë “shpërblen terrorin”. /Telegrafi/