Agavi *- Poezi nga SULEJMAN MATO

September 27, 2025

Agavi, moj lule e egër e rivjerës.

lindur nga dashuria e shkëmbit

dhe e detit njëherësh?

.

Agavi,

moj lule e vetëtimave,

kush të lindi në cep të kësaj bote ?

.

Ke lindur nga shkuma e bardhe e detit

apo nga lotët e nënave himariote?

.

Kush të lindi , kush,

Agavi dritëhëna,

në këtë buzë deti,

me bukuri si dhimbja?

.

Eheej! Jehojnë zërat e çobanëve në male,

Yjet e verës bien si shi mbi kete mbrëmje.

.

Bekoje o Zot këtë bimë rivjere

me dashurinë tënde!

.

Jemi të gjithë fëmijë të dritës,

lindim, lulëzojmë dhe vdesim një ditë,

po lulëzofshim të gjithë

si lulëzimi yt

i zjarrtë dhe i shpejtë,

si vetëtima në det.

.

Të jetosh si ti,

një ditë sa një shekull,

Agavi, Agavi.

______________

*Agavia është një bimë që lulëzon ne bregdet,

rritet dhe thahet sa çel lulen e saj të vetm

• twitter

  Follow
• facebook
• linkedin

Fjalë kyçe: SULEJMAN MATO