VOAL – Në një postim në faqen e tij në facebook, Osman Osmani, deputet shqiptar në dy legjislatura në Parlamentin e Kantonit të Shafhauzenit, Zvicër, duke i falënderuar mbështetësit e tij, e njofton opinionin shqiptar se nuk arriti të zgjidhet për herë të tretë në këtë detyrë të lartë.

Ja postimi i plotë i Osman Osmanit:

“Të nderuar miq dhe mbështetës Ju falëminderit shumë për mbështejen Tuaj me rastin e votimeve për rizgjedhjen e Parlamentit të Kantonit Schaffhausen! Me keqardhje me duhet të ju njoftoj se edhe përkundër rezultatit të mirë (i 8-i nga gjithësejt 27 kandidatët në listën e Partisë Socialdemokrate të Shafhauzenit), nuk kam arritur të fitoj drejtpërdrejt ulësen e deputetit për herë të tretë në Parlamentin kantonal të Shafhauzenit, pra kam arritur të jem vetëm zëvendësimi i dytë në listën e Partisë për të cilën kam kandiduar. Mjerisht edhe kandidati tjetër shqiptaro-zviceran, kolegu e bashkëkombasi Urim F. Dakaj nga njësia zgjedhore e Neuhausenit nuk arriti të fitoj ulësen e deputetit në Parlamentin kantonal. Të shpresojmë se ai, me mbështetjen e të gjithë neve, do të arrijë të fitojë ulësen e ansamblistit në Kuvendin e qytetit Neuhausen! Ky rezultat na tregon se me gjithë përpjekjet tona të përbashkëta, nuk kemi arritur të motivojmë e mobilizojmë mjaftueshëm shumicën e elektroratit të madh në numër me prejardhje shqiptare që të ushtrojnë të drejtën dhe detyrën e tyre qytetare. Të gjithë mbështetëset/it dhe votueset/it si dhe mediat në gjuhën shqipe si ato të Zvcrës ashtu edhe ne Kosovë (KTV) i falëndëroj edhe njëherë për përkrahjen dhe votën e tyre shumë të çmuar! Ky fakt nuk duhet të na pengojë që në të ardhmen edhe më fuqishëm të angazhohemi bashkërisht për vetëdijsimin e të gjithë njerëzve tanë, që edhe ata të marrin pjesë më aktivisht në jetën politike dhe të gjithmbarshme si në Zvicër ashtu edhe në vendet amë. Përpara drejt “betejave” të reja!”