NGJYRAT E BOTËS- Poezi nga Bekim I. Blaku

June 10, 2026

Pse më rri ashtu, kujtueshëm?

Me laps nxirr mendimet në letër.

Në je i mallëngjyer a gëzueshëm,

mos e lër për një herë tjetër.

.

Ditë të mbarë, kudo qofshi,

në këtë botë përplot ngjyra.

Mos më rrini ashtu vëngër;

më mirë dukeni kur ju buzëqesh fytyra.

.

Edhe pse ne shpesh na duket

e tërë bota bardh e zi,

në mes tyre, gati pa u diktuar,

lulëzojnë shumë fusha gri.

.

Nuk jam i lindur

të jap këshilla me çdo kusht.

Sa mirë sikur secili t’i mbante

hallet e veta në zemër a në grusht.

.

Ç’ngjyrë a ç’fushë do të zgjedhim,

në do të jetë e bardhë, e zezë a gri,

unë do ta mendoj për vete;

vendos për vete edhe ti.

.

Bekim I. Blaku

Berlin, 29 maj 2026

• twitter

  Follow
• facebook
• linkedin

Fjalë kyçe: BEKIM I. BLAKU