I dyshuari që hyri me forcë në një pikë kontrolli sigurie dhe qëlloi një agjent të Shërbimit Sekret në Darkën e Korrespondentëve të Shtëpisë së Bardhë në Uashington DC ishte i armatosur me disa armë dhe thika, thotë policia.

Donald Trump, zonja e parë Melania dhe zyrtarë të lartë u evakuuan shpejt në vend të sigurt nga eventi vjetor pasi u dëgjuan disa të shtëna me armë zjarri jashtë sallës së vallëzimit të hotelit Washington Hilton, ku ishin të pranishëm rreth 2,500 persona.

I dyshuari është identifikuar nga autoritetet amerikane si 31-vjeçari Cole Thomas Allen, nga Torrance, Kaliforni.

Zyrtarët kanë thënë se ai nuk ka të kaluar kriminale dhe nuk ishte në radarin e zbatimit të ligjit.

Policia tha se i dyshuari ishte i armatosur me një pushkë gjahu, një pistoletë dhe disa thika.

I dyshuari shkëmbeu të shtëna me një oficer, i cili u godit, por nuk u lëndua sepse mbante veshur një jelek antiplumb.

Ai u “rrëzua përtokë” dhe u prangos nga forcat e rendit përpara se të kapej, shtoi Carroll.

Zyrtarët besojnë se i dyshuari ka vepruar i vetëm, por motivi i tij është i paqartë.

Duke folur në një konferencë për shtyp pas incidentit, Presidenti Trump tha se ai mund të ketë qenë shënjestra e personit të dyshuar të armatosur.

Më parë, Trump ngarkoi një foto në platformën e tij Truth Social duke pretenduar se tregonte personin e dyshuar të armatosur duke u kapur.

Ai e përshkroi të dyshuarin si një “ujk të vetmuar” nga Kalifornia. bw