Filmi ‘One Battle After Another’ ishte fituesi i madh në Oscar, duke rrëmbyer çmimin kryesor Filmi më i Mirë dhe duke e mbyllur ceremoninë me gjithsej gjashtë statuja.

Çmimi kryesor u shpall në skenën e Dolby Theatre në Hollywood nga aktorët Nicole Kidman dhe Ewan McGregor, duke vulosur triumfin e filmit të regjisorit Paul Thomas Anderson, i cili dominoi kategoritë kryesore të këtij edicioni.

Në kategoritë e aktrimit, Michael B. Jordan fitoi Oscar për Aktorin më të Mirë për rolin e tij në filmin Sinners, ndërsa Jessie Buckley u vlerësua me Oscar për Aktoren më të Mirë për interpretimin në Hamnet.

Çmimi për Aktorin më të Mirë në rol dytësor shkoi për Sean Penn, ndërsa Amy Madigan fitoi Oscar për Aktoren më të Mirë në rol dytësor. Ndërkohë, Paul Thomas Anderson u vlerësua edhe me Oscar për Regjinë më të Mirë për filmin One Battle After Another.

Mes fituesve të tjerë spikati edhe filmi norvegjez Sentimental Value, i cili fitoi çmimin për Filmin më të Mirë Ndërkombëtar. Panorama