SHBA- Presidenti i SHBA-ve, Donald Trump nuk humbet kurrë një mundësi për tu ‘përplasur’ me CNN-in. Trump e ka akuzuar për lajme të rreme, teksa thotë se emisionet po shkatërrohen dhe sulmon gazetarët e tij. Viktima e tij e fundit nga CNN ishte Kaitlan Collins, e cila në moshën 34-vjeçare është korrespondentja kryesore e rrjetit në Shtëpinë e Bardhë si dhe prezantuesja e një emisioni të përditshëm lajmesh.

Collins e filloi karrierën e saj në gazetari si reportere arti për “The Daily Caller”, një faqe interneti lajmesh konservatore e themeluar nga Tucker Carlson, përpara se të merrte përsipër mbulimin e ngjarjeve nga Shtëpia e Bardhë. Ajo u diplomua në Universitetin e Alabamës, nga ku është edhe vetë, në vitin 2014, me një diplomë në shkenca politike dhe gazetari. Në një intervistë, ajo kujtoi se familja e saj kishte pak interes për ngjarjet aktuale, përtej lajmeve lokale.

Në vitin 2017, ajo u transferua në CNN, duke mbuluar përsëri ngjarjet nga Shtëpia e Bardhë. Ajo u bë e famshme dhe disa vjet më vonë, në moshën 28 ​​vjeç, u bë korrespondentja më e re kryesore që CNN kishte pasur ndonjëherë në Shtëpinë e Bardhë.

Më vonë ajo nisi edhe emisionin e saj, “The Source”, i cili transmetohet çdo ditë në orën 9 të mbrëmjes. Por, nëse Trump e sheh një orar të tillë, ai do të preferonte Fox News… Revista ‘Time’ e përfshu gazetaren në vitin 2024 midis 100 personave që do të formësojnë të ardhmen. Portreti e paraqiste atë si një gazetare të palodhur, me një telefon të mbajtur në vesh gjatë gjithë kohës për të komunikuar me burimet e saj.

“Historia” e gjatë e sulmeve

Nëse Collins mund të pretendojë një “dekoratë”, është se në 5 vitet e tij në Shtëpinë e Bardhë, Trump është përplasur me Collins shumë herë, ndoshta më shumë se çdo gazetar tjetër.

Sulmi më i fundit ishte rreth çështjes “Epstein”, pasi Trump iu përgjigj një pyetjeje që e shqetësoi duke thënë: “Je më e keqja. Nuk të kam parë kurrë të buzëqeshësh.

Kur Collins reagoi ai tha: “Është vërtet koha që vendi të ecë përpara, tani që asgjë nuk ka ardhur nga unë”.

Ky nuk është sulmi i parë, edhe dhjetorin e kaluar, Trump e sulmoi gazetaren përmes një postim të gjata në Truth Social, duke e quajtur të ligë dhe budallaqe, pasi ajo e pyeti për kërcënimet kundër Venezuelës.

Ndërsa prillin e kaluar, pas një sërë pyetjesh në lidhje me deportimin e paligjshëm të një shtetaseje nga El Salvadori, për të cilën Gjykata e Lartë e SHBA-së vendosi se duhet të kthehet në SHBA, Trump e sulmoi atë, duke e quajtur një “prezantuese të talk show me vlerësim të ulët” dhe duke vënë në dyshim besueshmërinë e CNN-së.

Në një rast tjetër, ai u bezdis nga një pyetje që ajo bëri në lidhje me Joe Biden. Në vitin 2018, ajo u pezullua përkohësisht nga Shtëpia e Bardhë për shkak se e pyeti Trumpin rreth lidhjeve të tij me Presidentin rus Vladimir Putin.

Në vitin 2023, në një forum në New Hampshire për votuesit republikanë, Collins e pyeti Trumpin rreth pretendimeve të tij se zgjedhjet e vitit 2020 ishin të vjedhura. Gjatë gjithë bisedës 70-minutëshe, Trump shpesh e humbi durimin me gazetaren, duke e quajtur në një moment person të lig.

Pas gjithë këtyre sulmeve, vetë Collins nuk duket e shqetësuar. Në një intervistë me New Yorker, ajo tha se që nga fillimi i karrierës së saj, motoja e saj ka qenë “nuk ka të bëjë me mua”.

“Nëse i lejon të ta bëjnë personale, ke humbur tashmë“,thotë ajo./Dosja.al