TORBË
.
Të moshuarat ngjiten
ngadalë në kodër
dalëngadalë
.
me gjysmë fryme
fryme të cokët
secila hall.
.
Më pak ato
u besojnë kërcinjve
tremben
mos u rrëshqet
noj popël gjymtyrëve,
.
shkopit të lutjeve i besojnë
shkopi vet i çalë
herë – herë
atyre
s’u bindet
.
do t’i lerë mbëdhe, ngjis tutje?
.
Të moshuarat
pa u ndi
fiken pak nga pak
kodra tëposhtë zbret
gjelbërimin e saj nur,
plot frymë
heshtja mëditëse
afër rrugëmbarë
.
ajo … korbëzeza
hirtë e hijshme
tani për tani
brum jo guvë…
.
Të moshuarat ngadalë
dal’ngadalë ngjiten
përpjetë në kodër
me shkopin e lutjes
dhe torbën e hijes
me hijen pupël
popël…
.
LUHATJE
1.
E qara mbi det … mbi det e qara …
mbi kuvertën e anijes që digjet
digjet nuk shuhet, ani, krejt,
mbi krye i rri e e mbron
një shenjt’ i ri lutur
thirrjeve të para
.
duke shkundur rrufetë.
.
E qara mbi tokë, loton mbi bar,
milingona hypin zbresin
nga shpina e trilleve
të hirnosura
qyshkur
mijëra dashurive
dhe atyre që janë duke ardh’.
2.
Gulçet e qara, gulçet ëmbël, s’klith,
e qara përpëlitet, përtërihet
bisk e qara, dhimbja
degë në lis.
.
Dallga dëshiron t’i afrohet
sa më shpejt gjibregut
bari pupulitës eshtrës
mbin për të mirë
pa të keq,
.
Njeriu dallgon prehur
me milingonat në shpinë
mijëra dashuri mbirë thellë…
.
TJETËR DIHATJE
.
Ç’është ftohja e këmbëve ?
…kacavjerrje …
gjarpër me zile,
pulpat squllin
shputat sikur
pijnë baltë
gjymtyrët
treten
.
të gjitha, dikur, frut i bimëve.
.
Krisja e gishtave ç’është
gishtat si me gunga arre ?
.
Rrëmbehet koka prej duarve
ecjeve rrëmbehen gjymtyrët
(ato ndërruan vend
shpejt përfare.?)
.
Ç’është ftohja e tyre,
dikur gjithçka
frut i bimëve,
.
tani përhitje, shumë ngathët,
.
krisja e ditëve
me thelpinj
ngjarjesh
arrë gungëçarë është
.
ç’është gjarpër?
.
AFËR, PËRQARK
1.
Drurët nuk i mbajnë fatkeqësitë,
fytyra e të ndjerit duket sikur
nga të tijtë ende s’ka ikur
sikur rreth tij fjalosen
akoma t’afërmit
e shtëpisë.
.
Drurët janë t’dhimbsur me të ndjerin
gjethe shkundin mbi fytyrën e tij
perëndim përlotjeje qetëvrapthi,
befas duken sikur mes tyre
ata njihen qyshheri
përqafuar diellorë
sy nër sy prej fari.
.
Jeta të dhembshurit afron
i le pas të ngathëtit.
.
2.
Përhera drithërohemi kur shohim fytyra të dhembshura tek drurët,
drurët i ndjellin
thellë frymë
të gjelbër
të ndjerit
sakaq,
.
sa të duket sikur heshtja
pendohet, cicëron
edhe në gjumë
mbi të fjeturin
që mund të jetë
secili prej nesh
vonë o tani
afër tutje
përqark…
.
Konferenca e Valbonës-Tropojë dhe synimet antikombëtare të organizatorëve të saj- Nga Agron Isa Gjedia
KUR BIJTË E SAJ I VLERËSON KRAHINA- Përgatiti: Besnik Bedollari (Poet, publicist)
Historia e panjohur e dy familjeve antikomuniste nga Puka: Çun Kuraj u arratis së bashku me të shoqen dhe vajzën e 7 muajshe, por shpejt u përhap lajmi i kobshëm se duke kaluar Drinin
KABALISTI I BROADWAY-T LINDOR- Tregim nga ISAAC BASHEVIS SINGER (NOBEL, 1978)- Pёrktheu: Mimoza Erebara
“Miku im, ti nuk ke vdekur! Na ike herët dhe padrejtësisht”- Fjalimi prekës i Big Mamës për Shpat Kasapin: Kjo nuk është lamtumirë, por shihemi përsëri
GJURMËVE TË RRËNJËVE TONA – EDICIONI I TRETË: AKADEMI KULTURORE NË 400 -VJETORIN E LINDJES SË ERUDITIT SHQIPTAR IMZOT PJETËR BOGDANIT
Gjenevë, Partia Popullore (SVP) kërkon të shfuqizojë të drejtën e votës së të huajve
Gazetari ukrainas ndalon “vajzën” e Putinit në Paris: Thuaji të ndalë luftën! Luiza Rozova: Më vjen shumë keq, nuk jam unë përgjegjëse për situatën (VIDEO)
Publikohet LISTA e vendeve më të sigurta në botë! Shqipëria pëson rënie, ja në cilin vend renditet
Mediat izraelite: Trumpi ka gati fazën e dytë të planit të paqes në Gaza! Hamas drejt dorëzimit të armëve
Shqipëria parashikon ngritja e 20 qendrave të reja pritëse për emigrantë nga Afganistani, Pakistan, Irani, Siria, Libani dhe Gaza!
Takimet e Enver Hoxhës me oficerët e Wehrmacht dhe marrëveshja e fshehtë e shtatorit ‘44! Rrëfimi i truprojës, zbardhen dokumentet
