Erjon Bogdani ka lënë gjurmë që vështirë se mund të fshihen ndonjëherë nga historia e Kombëtares. Ish-sulmuesi kuqezi, vazhdon të udhëheqë listën e golashënuesve me fanellën e Shqipërisë, duke shënuar 18 gola.Në një intervistë të dhënë për “Panorama Sport”, Bogdani u shpreh se situatën e Shqipërisë e sheh pozitive, duke pranuar se fitorja në Serbi i ka dhënë më shumë shanse Kombëtares.

Edhe pak ditë kanë mbetur nga dy ndeshjet e fundit. Si e sheh situatën e Shqipërisë?

Situatën e Shqipërisë e shoh në mënyrë pozitive. Shumë e rëndësishme ishte fitorja që ne bëmë në Serbi. Megjithatë, duhet t’i japim vëmendje maksimale ndeshjes me Andorrën, sepse në përgjithësi, në ndeshjet që i luajmë me ekipet më të dobëta se ne, kemi më shumë vështirësi. Dua të them që përqendrimi dhe ritmi nuk janë ata të duhurit që mbajmë me skuadrat më të forta se ne. Ndërsa ndeshja kundër Anglisë, për sa i përket përqendrimit dhe rëndësisë që ka, është “më e lehtë” ta përgatitesh si ndeshje.

Cili mendon se është momenti që mund të ndryshojë historinë?

Duke parë ecurinë e Kombëtares, do të thoja që pjesëmarrja në Botëror do të ishte momenti që mund të ndryshojë historinë.

Mbetet i paprekur rekordi juaj i golave. A sheh një “Bogdani 2” në Kombëtare?

Bogdani është Bogdani, nuk dua t’i ngatërroj kohët dhe karrierën që unë kam bërë. Megjithatë, për sa i përket karakteristikave të lojtarëve, Broja dhe Daku…

INTERVISTËN E PLOTË MUND TA LEXONI NË VERSIONIN PRINT TË GAZETËS PANORAMA SPORT

ERJON ALLARAJ-PANORAMASPORT.AL