Në botën virtuale po livadhisin demonët- Poezi nga FATBARDH AMURSI

October 28, 2025

Mos e kërko simpatinë

e atij që s`të do,

që as vetë s`e di pse të ka inat.

Në botën virtuale demonët

si kap as dreqi,

sado i sofistikuar të shpiket një aparat.

.

Mos prit që vampiri

të bëhet vegjetarian

dhe në ditën e dhurimit të gjakut,

të shfaqë mëshirë,

Kur peshku po ushqehej me bar

i dolën dhëmbët

dhe nis të kafshojë si një egërsirë.

.

Sapo u hoq dënimi me vdekje

të pafajshmit s`po i vajton më njeri

veçse shtohen vrasësit serialë,

Dhe armët fosforishente në qiell

po i duken viktimave si fishekzjarrë…

.

Fatbardh Amursi

• twitter

  Follow
• facebook
• linkedin

Fjalë kyçe: Fatbardh Amursi