Një sulm me dron ukrainas ka shkatërruar pjesërisht një uzinë të rafinimit të gazit natyror në rajonin e Orenburgut, pranë kufirit me Kazakistanin, rreth 1,300 kilometra larg vijës së frontit ruso-ukrainas, raportojnë mediat ukrainase dhe autoritetet lokale ruse.

Sipas guvernatorit të rajonit, Yevgeny Solntsev, pas sulmit ka shpërthyer një zjarr në njërën prej termocentraleve të uzinës.

“Të gjitha shërbimet e emergjencës janë dërguar menjëherë për të eliminuar pasojat”, njoftoi guvernatori, duke cituar burime nga Ukrinform dhe RBC-Ukrainë.

Nuk raportohet për viktima, por dëmet materiale konsiderohen të konsiderueshme.

Sipas RBC, termocentrali i Orenburgut është një nga nyjet më të rëndësishme të industrisë së gazit rus, me një kapacitet vjetor prej 45 miliardë metrash kub gaz. Uzinat janë të lidhura drejtpërdrejt me burimet e gazit natyror në Kazakistan dhe operohen nga KazRosGaz, një ndërmarrje e përbashkët ruso-kazake. Objekti ndodhet nën sanksione të Bashkimit Evropian për shkak të rolit të tij në mbështetjen ekonomike të luftës ruse në Ukrainë. bw