LIVE SERBI-SHQIPËRI 0-1

45’+1′ Manaj

NGJARJET KRYESORE

90’+4’ Mbyllet ndeshja me fitoren 1-0 të Shqipërisë.

90’+4’ Bajrami niset i vetëm drejt portës, por gabon duke gjuajtur në trup portierin.

90’+3’ Mihaj hyn në lojë në vend të Uzunit.

90’+1’ Tjetër tentativë e Joviç, përsëri Strakosha i vëmendshëm kontrollon gjithçka.

90’ Jepen 3 minuta shtesë.

90’ Mitaj dhe Joviç ndëshkohen me të verdhë pas një përplasje.

87’ Joviç provon të djathtën e tij nga distanca, sfera shkon në duart e Strakoshës. (VIDEO)

85’ Veljkoviç ndëshkohet me të verdhë për një faull ndaj Dakut.

84’ Iliç merr vendin e Stankoviç te Serbia.

81’ Goditje dënimi e rrezikshme pranë zonës kuqezi, sfera në fund shkon te Pavloviç por ai prek topin me dorë dhe i dhuron qetësi prapavijës së Shqipërisë duke shkaktuar faull.

78’ Daku dhe Bajrami hyjnë në fushë në vend të Manajt dhe Laçit.

77’ Kostov ka mundësinë të gjuajë në zonë por çon sferën në këmbët e Gjimshitit i cili largon rrezikun.

74’ Samarxhiç dhe Maksimoviç i lënë vendin në fushë Kostov dhe Zukiç në radhët e Serbisë.

73’ Gjuajtje nga jashtë zone e Asllanit, sfera shkon në duart e portierit vendas. (VIDEO)

69’ Pavloviç hyn në zonë nga e majta. Uzuni e bllokon dhe mbrojtësi bie në tokë, gjyqtari bën shenjë që nuk ka asgjë dhe vazhdon lojën. (VIDEO)

68’ Hoxha ka hapësirë para tij dhe niset në kundërsulm, por në fund fiton vetëm një këndore.

63’ Broja i lë vendi në fushë Hoxhës në radhët e Shqipërisë. Ndërkohë, Zhivkoviç dhe Mitroviç i bëjnë vend Joviç dhe S. Mitroviç në radhët e Serbisë.

62’ Vlahoviç ia del të driblojë në zonë dhe shfaqet para Strakoshës, por fluturon topin mbi traversë. (VIDEO)

55’ Një goditje dënimi nga e djathta e sulmit serb shkon në zonën e vogël, por Strakosha mbërthen sferën mbi kundërshtarët.

53’ Kostiç harkon nga e majta e sulmit, sfera shkon te Mitroviç i cili gjuan me kokë duke dërguar topin mbi traversë. (VIDEO)

52’ Hysaj pason në qendër për Manajn i cili këtë radhë nuk koordinohet për të gjuajtur drejt portës. (VIDEO)

50’ Samarxhiç provon me një tjetër gjuajtje nga jashtë zonës, por ajo është qendrore dhe shkon në duart e Strakoshës. (VIDEO)

47’ Broja merr mirë fundoren në të djathtën, por pastaj gjuajtja e tij është e gabuar dhe kalon katërkëndorin e portës pa rrezikuar Petroviç.

46’ Nis pjesa e dytë pa zëvendësime mes skuadrave.

45’+1’ GOOOL SHQIPËRIA! Pas zhvillimit të një goditje dënimi, vjen goli i avantazhit me një gjuajtje predhë të Manajt. (VIDEO)

45’ Jepet 1 minutë shtesë.

42’ Shehu është futbollisti i parë i ndëshkuar me të verdhë në këtë ndeshje.

40’ Aksion i gjatë i Brojës i cili driblon disa kundërshtarë, në fund sfera shkon te Asllani i cili gjuan në mënyrë të gabuar.

38’ Provon edhe Samarxhiç nga jashtë zonës, Strakosha mbërthen sferën. (VIDEO)

36’ Mitaj shpëton portën kuqezi pas një inkursioni të Pavloviç dhe gjuajtjes së tij të devijuar që po shkonte drejt rrjetës. (VIDEO)

35’ Asllani del në sulm dhe harkon në fundore nga e majta, mbrojtja vendase largon.

32’ Tjetër situatë e rrezikshme në zonën kuqezi me një pasim që mbërrin te Vlahoviç në pozicion të favorshëm. Por në fund Ajeti i heq sferën nga këmbët dhe zgjidh situatën.

30’ Serbia i afrohet golit me dyshen Vlahoviç-Mitroviç, ku i pari gjuan në qendër të zonës dhe i dyti për fat nuk ia del të devijojë sferën drejt rrjetës me Strakoshën e mposhtur. (VIDEO)

29’ Harkimet radhazi si nga këndorja, ashtu edhe më pas nga Mitaj, nuk sjellin gjuajtje drejt portës serbe.

28’ Broja nga e djathta arrin të fitojë një goditje këndi pas një dueli me Pavloviç.

26’ Vlahoviç tenton me një gjuajtje nga distanca, Strakosha kontrollon në dy kohë. (VIDEO)

22’ Asllani provon të rrezikojë me një goditje dënimi, topi devijohet dhe përfundon në duart e portierit. (VIDEO)

18’ Minuta qetësie me lojën që zhvendoset nga një gjysmëfushë në tjetrën, pa rreziqe për portat.

12’ Rasti i parë i Shqipërisë është me një harkim nga Hysaj në të djathën, topi shkon te Manaj por gjuajtja me kokë e sulmuesit është e gabuar. (VIDEO)

10’ Mitaj vihet në vështirësi në prapavijë, Manaj kthehet dhe rifiton topin para zonës, duke i dhënë qetësi ekipit.

7’ Një goditje këndi e Serbisë nga krahu i majtë sjell panik në zonë, sidomos pasi Broja mban topin më shumë se sa duhet duke i dhënë mundësi kundërshtarëve të qëndrojnë përpara.

5’ Krosime radhazi nga Kostiç në krahun e majtë të sulmit të Serbisë, Ajeti e Hysaj largojnë rrezikun pa mbërritur topi në zonë.

2’ Broja shfaqte menjëherë rrezikshëm djathtas, duke vënë në vështirësi Pavloviç i cili largon sferën në anësore.

1’ Nis dueli në Leskovac.

FORMACIONET ZYRTARE

SERBIA: Petroviç, Erakoviç, Veljkoviç, Pavloviç, Zhivkoviç, Maksimoviç, Stankoviç, Kostiç, Samarxhiç, Vlahoviç, Mitroviç.
Trajner: Dragan Stojkoviç

SHQIPËRIA: Strakosha, Mitaj, Hysaj, Ajeti, Gjimshiti, Shehu, Laçi, Asllani, Broja, Manaj, Uzuni.
Trajner: Silvinjo

PANORAMASPORT.AL