Shefi i Tesla-s, Elon Musk, është bërë personi i parë që ka arritur një pasuri neto prej më shumë se 500 miliardë dollarësh (370.9 miliardë paund), pasi vlera e kompanisë së makinave elektrike dhe bizneseve të tjera të tij është rritur këtë vit.

Pasuria neto e manjatit të teknologjisë arriti për pak kohë në 500.1 miliardë dollarë të mërkurën pasdite sipas kohës së Nju Jorkut, përpara se të binte në 499 miliardë dollarë më vonë gjatë ditës, raportoi indeksi i miliarderëve të Forbes.

Krahas Teslës, vlerësimet e sipërmarrjeve të tjera të tij, duke përfshirë startup-in e inteligjencës artificiale xAI dhe kompaninë e raketave SpaceX, thuhet se janë rritur gjithashtu në muajt e fundit.

Ky moment historik e përforcon më tej statusin e Musk si personi më i pasur në botë, shumë përpara rivalëve në sektorin global të teknologjisë.

Sipas indeksit të miliarderëve të Forbes, themeluesi i Oracle, Larry Ellison, është personi i dytë më i pasur në botë, me një pasuri prej rreth 350.7 miliardë dollarësh.

Ellison e kaloi për pak kohë Musk muajin e kaluar pasi aksionet e Oracle u rritën me më shumë se 40%.

Pasuria e madhe e Muskut është e lidhur ngushtë me më shumë se 12% të aksioneve të tij në Tesla, aksionet e së cilës kanë shënuar një rritje të ndjeshme këtë vit. gsh