Eksperti i menaxhimit të mbetjeve, Lulzim Bauman, i angazhuar në çështjet mjedisore dhe ndotjen e lumenjve në Shqipëri, në një intervistë për Edicionin e Mbrëmjes në SYRI TV, ka deklaruar se Shqipëria është shumë e ndotur dhe kjo nuk është më dyshim.

Ai theksoi se Shqipëria është vendi më i ndotur në Evropë dhe ka një nga lumenjtë më të ndotur në rajon, duke përmendur lumin Ishëm si një nga më të ndoturit në botë.

Eksperti u shpreh se sistemi i menaxhimit të mbeturinave në vend nuk është ndërtuar me hapa të sigurtë dhe përmendi dështimin e projekteve të inceneratorëve në Elbasan, Fier dhe Tiranë, të cilët ose nuk punojnë, ose nuk janë ndërtuar ende.

Bauman vuri në dukje se mungesa e infrastrukturës dhe e veprimeve konkrete është një problem i madh, por shtoi se kjo punë ka zgjidhje dhe nuk mungon as ana financiare, as ajo teknike.

Ai bëri me dije se ka pasur kompani që kanë arritur sukses në menaxhimin e mbetjeve edhe në Maqedoninë e Veriut, duke nënvizuar se skema e zgjidhjes është e thjeshtë dhe e realizueshme.

Baumman: 

Unë do ta filloja duke thënë se që Shqipëria është shumë e ndotur kjo nuk ka dyshim sepse kemi vëzhgime që ndjekim dhe prej 10 vitesh po merremi me këtë punë.

Që Shqipëria është vendi më i ndotur në Evropë edhe kjo s’ka dyshim, që Shqipëria është vendi më i ndotur në Evropë edhe kjo s’ka dyshim, që Shqipëria ka një nga lumenjtë më të ndotur në Evropë, ose mund të themi lumi i Ishmit që është më i ndoturi në botë, nuk ka dyshim.

Sistemi i menaxhimit të mbeturinave kurrë nuk u ndërtua me hapa të sigurtë, ne kemi folur shumë herë në këtë studio rastin e inceneratorëve, qindra miliona para u hodhën për të zgjidhur problemin e mbeturinave i cili dështoi.

Sot që po flasim, inceneratori i Elbasanit nuk punon, inceneratori i Fierit kurrë nuk u vendos në punë dhe inceneratori i Tiranës kurrë nuk u fillua të ndërtohet.
Është një kolaps që mungon infrastruktura dhe hapat e duhura, janë disa vendime që…

Ajo që më vjen shumë keq është se ka zgjidhje kjo punë dhe nuk mungon ana financiare apo ana teknike, unë vetë personalisht jam marrë shumë me këtë punë, janë disa kompani që kanë dhënë shumë sukses edhe në Maqedoninë e Veriut, është shumë e thjeshtë skema e zgjidhjes. sn