Motivi për ta dashur një qytet- Poezi nga FATBARDH AMURSI

August 10, 2025

S`janë reklamat,

Luksi,

As vitrinat,

Motivi për ta dashur një qytet.

Mjafton kjo grua me nurin që hijeshon,

Këto vajza, që duket sikur bëjnë rrëmujë,

Që s`ngrenë gracka me gjuhën e trupit,

S`ka qytet më të ndyrë

Nga ai që i dorëzohet llumit.

.

Injorojeni panairin e kotësive,

(Tregun e skllevërve në një semafor kollaj e gjen,)

Të dekoruarit me tituj fals e bëjnë pis qytetin,

Sikurse ata që mbahen,

Se në duar kanë çelsat e hadit,

Qoftë dhe fatin tënd.

Mjaftojnë këto gra e vajza të bukura

Për të kuptuar se në këtë qytet

Ka djem, që mund të gdhihen heronj

Dhe burra me mend.

.

Fatbardh Amursi

• twitter

  Follow
• facebook
• linkedin

Fjalë kyçe: Fatbardh Amursi