Deklaratë e Shoqatës së Gazetarëve Europianë – Dega Shqipëri Mbi rrethimin e godinës së News 24
Shoqata e Gazetarëve Europianë – Dega Shqipëri ka reaguar për ngjarjen e paprecedentë që po ndodh sot në televizionin News24.

Teksa dënon sulmin, shoqata thekson se ky veprim cënon dhe prek drejtpërdrejtë lirinë e medias në Shqipëri.

REAGIMI
Shoqata e Gazetarëve Europianë – Dega Shqipëri shpreh shqetësim të thellë dhe dënon rrethimin e godinës së televizionit “News 24”, si një veprim që prek dhe cënon direkt lirinë e medias në Shqipëri. Ky veprim i shoqëruar edhe pa transparencën e duhur, është i papranueshëm!
Liria e medias nuk është privilegj, por detyrim kushtetues dhe standard europian.
Ne i bëjmë thirrje autoriteteve përgjegjëse sidomos Këshillit të Ministrave që të japin sqarim publik mbi rrethanat e këtij veprimi dhe revokimin e pronësisë me herët nga Bashkia Tiranë te shoqëria KAYO dhe a janë ezauruar të gjitha hallkat ligjore?!
Qartazi pa transparencën e duhur ky është veprim represiv ndaj medias Neës 24, Balkanëeb dhe gazeta Panorama por ka një impakt tejet negativ ndaj medias në tërësi.
Liria e medias është detyrim që buron nga Kushtetuta dhe nga standardet europiane jo nga dëshirat e politikës apo aktorëve të tjerë.
Shoqata e Gazetarëve Europianë – Dega Shqipëri mbetet e angazhuar për të mbrojtur çdo gazetar dhe redaksi nga çdo formë presioni apo intimidimi, duke punuar për një mjedis ku fjala e lirë të jetë e garantuar për të gjithë. Për situatën e krijuar do të informohen dhe institucionet Europiane të medias. bw