Sapo doli nga shtypi libri i titulluar “NË SYTË E ARDIT” (Përmbledhje me poezi për fëmijë) i autores Xhevrije Kurteshi – Nimani.

Fjala e redaktorit të libri z. Hysen Ibrahimi
Suedi/Förslöv, 04.08.2025

POEZI ME BURIME QË PREKUN THELL SHPIRTIN E POETES

Çështja e kritikës në fushën e krijimtarisë poetike nuk mund ta marrë formën e duhur të kritikës në çdo rast dhe për çfarëdo poezie qoftë ajo, përveç atëher kur kemi të bëjmë me poezi të bukura artistike dhe me poetë të talentuar dhe dijetarë të fushës poetike, sikurse në këtë rast, që kemi të bëjmë me poeten e mirënjohur, znj. Xhevrije Kurteshi Nimani. Në krijimtarinë e saj, pa dyshim, hasim poezi që kanë vlera të mirëfillta poetike letrare, poezi që ngjallin kërshërinë me një ndjenjë dashurie për fëmijët. Megjithatë, si mendim rreth poezisë, kritika është më se e domosdoshme dhe në interes të vetë krijuesit, në këtë rast edhe të vetë poetes. Si redaktor i librit të saj të parë dhe të dytë, mund të them se dallon rrënjësisht të shkruarit e poezisë nga e kaluara në librin e parë të saj. Tani poetja në këtë libër ka poezi të një standardi më të lartë, që sheshojnë kuptimin dhe qëllimin e poetes në secilën poezi. Këtu vërejmë se kritika ka shënuar rezultate të dukshme te poetja Kurteshi, rezultate këto, që sa vijnë e më shumë po rriten. Do të thotë se kemi të bëjmë me një poete e cila është në rrugën e duhur, duke e rritur numrin e veprave të botuara dhe që nuk ka të ndalur.
Në planin poetik, në këtë libër, te poetja Kurteshi shohim synimin e saj, synim ky që do ta kapë realitetin letrar poetik si të tillë dhe ta përshkruajë realitetin kohor të kësaj kohe që jemi duke e jetuar. Ajo është duke arritur sukses dhe duke nxjerrë vargje poetike për fëmijë në këtë libër e po ashtu kemi disa poezi edhe për të rritur, që përshkruajnë jetën e saj në mërgim, pra që lidhen me burime shpirtërore të jetës nga vendlindja.
Këto burime, që prekin thellë shpirtin e poetes, kryesisht janë:
vendi i lindjes;
rinia shkollore;
të afërmit;
nipat dhe mbesat;
fëmijët;
natyra;
simbolet kombëtare.

Libri i titulluar ”NË SYTË E ARDIT” i autores Xhevrije Kurteshi Nimani ka afri me shumë poetë tanë si Lasgushi, Asdreni etj., thënë me fjalë të tjera, vargjet poetike për të rritur të poetes kanë lidhje të përbashkëta me atdheun dhe gjithçka që ka të bëjë me origjinën arbërore. Kurse poezitë për fëmijë ngjajnë me poezitë e poetit tonë të madh, Rifat Kukaj.
Autorja këtë libër e ka titulluar duke ia kushtuar syve të birit të saj më të vogël, Ardianit, që shkurt e quan Ardi. Jo vetëm që e titullon, por poetja ia kushton edhe një poezi titulluar ”NË SYTË E ARDIT”. Po shkëpusim dy strofa nga kjo poezi:

Në sytë e Ardit
Është një botë e tërë
Sa herë nëna e shikon
Zemra e saj gëzon

Në sytë e Ardit nëna
E sheh lumturinë
Hënën që shndrit
Dhe yjet në gjithësi.

Poezia e dashurisë së nënës ndaj fëmijës ka të bëjë me një nga momentet më karakteristike të njeriut, sepse atë e ndien thellë në shpirt. Vargu poetik ndaj fëmijës burimin e ka nga thellësia e zemrës, që është një përjetim që veçohet në mënyrën e përjetimit. Ndaj jo rastësisht, poetja shkruan për Ardin dhe e titullon librin në emrin e tij.
Autorja përmes vargut poetik arrin ta krijojë një botë për dy të moshat: për të vegjlit dhe për të rriturit, në të cilat poezi lexuesi mund të gjejë diçka të veten, diçka që e ka jetuar dhe e ndien në shpirt.
Do ta kisha veçuar një poezi, e cila titullohet ”ABETARJA JONË”, me dy strofat e para:

Shkronjat tona janë të arta
Për fëmijët janë si mjalta
Në abetare janë shkëlqim
Për fëmijët shumë gëzim

Shkronja A si më e para
Pastaj të tjerave u vjen radha
Tridhjetë e gjashtë të gjitha sa janë
Krijojnë më të bukurin gjerdan.

Autorja kësaj poezie i qaset mëvetësishëm, duke e shndërruar këtë poezi në vargje të cilat depërtojnë në thellësi të jetës së vërtetë të fëmijëve në mërgim.
Motivet poetike kushtuar për fëmijë, autorja Xhevrije Kurteshi Nimani i trajton me një ngrohtësi të madhe, me ndjeshmëri atdhetare me një ndjenjë bindëse.
Mendimet e poetes, që rrjedhin në vargun poetik letrar, përkojnë me realitetin e jetës në mërgim, por edhe me vizionin për ardhmërinë.
Libri ka gjithsej 120 poezi.