LETER NANS- Poezi nga Sergej Esenin- Ringjalli në shqip: Ukë ZENEL Buçpapaj

July 30, 2025

Sergej Esenin

(Сергей Есенин)

Leter Nans

(Письмо матери)

Ringjalli në shqip: Ukë ZENEL Buçpapaj

1.

A je, si je, e amla nan?

Gjall e shndosh jam. Tungatjeta!

Mramjeve vatren tande aneman

E mloft drita, ajo e pashprehshmja.

2.

Kam marr vesh se maraki tinzar per mue

Shpirtin ta ka djeg e krejt ta ka shkrumue,

Se del e endesh qorrazi rrugve posht e perpjet

E veshune me tesha ma plaka sesa je vet.

3.

Sa her me errsin krejt të qellt lyhet mramja

Syt e shpirtit t’i kap, peng t’i merr ty pamja

Sikur me gjakin tem kan la pijetoren,

Ma kan ça zemren flegra-flegra, si mollen.

4.

Në dert mos u tret, dashni, kurrqysh mos u tut!

Rrena jan tan çka je kah blue në krye me ngut.

Jo, jo, nuk jam aq i pim edhe i bam tap

Sa me ndrrue jet pa ardh me të marr ngryk prap.

5.

Kingj i but kam met, i gatuem me qiell,

Dhe pa da vetem andrroj diten per diell:

Nga kthetrat e vuejtjes me u çlirue,

Me ardh, me puth votren voglajk, koft bekue!

6.

Dor per dore me pranveren cok kam me u kthye

Kur lulet pemt e kopshtit të jen gati tuj i thye.

Po ket her mos ma qit gjumin sa nis me le dita,

Si para tet vjetve kur ende s’m’u kish da rrita.

7.

Mos m’i ço me dvetje shpresat e vjetra bylbyle,

Mos m’i nguc te tana ato çka s’mujta me i mrri –

Kam provue boll humje dhe gajasje katile

Qysh se nisa me besue se kjo bot ka dashni

8.

Mos m’u lut me u lut, pash madhnin e të Madhit Zot!

Te kush jam kan dikur per mue perjet s’ka ma kthim.

Veç ty të kam pshtim e paqe e ngazllim e lumnim.

Veç ty të kam driten që mu me m’i mujt terr e lot.

9.

Pra, hiqe marakin per mue, myte në prrue

Mos e le shpirtin me ta ka djeg, me ta shkrumue.

Mos del me u end qorrazi rrugve posht e perpjet

E veshune me tesha ma plaka sesa je vet.

• twitter

  Follow
• facebook
• linkedin

Fjalë kyçe: SERGEJ ESENIN, UKË ZENEL BUÇPAPAJ