Veprimet e Izraelit në Rripin e Gazës pritet të jenë në qendër të takimeve të Bashkimit Evropian që zhvillohen sot në Bruksel, teksa tensionet dhe presioni diplomatik mbi Tel Avivin po rriten ndjeshëm.

Ministri i Jashtëm i Spanjës, Jose Manuel Albares, ka njoftuar se do t’i kërkojë Këshillit të BE-së që të autorizojë pezullimin e menjëhershëm të Marrëveshjes së Asociimit me Izraelin, një traktat që rregullon marrëdhëniet politike, tregtare dhe ekonomike ndërmjet BE-së dhe shtetit izraelit.

Marrëveshja e Asociimit ndërmjet BE-së dhe Izraelit është në fuqi që nga viti 2000 dhe është themeli i bashkëpunimit ekonomik dhe politik. Pezullimi i saj do të ishte një hap i paprecedentë diplomatik dhe një sinjal i qartë i zhgënjimit të BE-së ndaj veprimeve të Izraelit në Gaza dhe në territoret e pushtuara.bw