Një gazetar shumë deputetëve u dërgoi ftesë luksoze, në të cilën shkruante:

-Kemi nderin t’ju ftojmë që me praninë tuaj ta ndritni rastin solemn të zbulimit të bustit të patriotit të shquar, Demë Ahmetit, mendimtar i madh vepra e të cilit “Terri humb kur lind Dielli”-nuk do harrohet kurrë.

Të ftuarit nuk qenë te befasuar, sepse zbulimi i përmendoreve ishte i shpeshtë dhe ky akt nuk mund të paramendohej pa praninë e personaliteteve të shquara të jetës kulturore e politike.

Të gjithë deputetët paralajmëruan pjesëmarrjen e tyre në këtë solemnitet të rëndësishëm për hir të respektit të thellë që kanë për Demë Ametin.

Gazetari të gjitha përgjigjet e këtyre pseudointelektualëve i botoi në gazetë, për shkak se festa ishte vetem një shaka e kulluar, pasi mendimtari Demë Ameti as që ka ekzistuar.