‘New York Times’ raporton se Irani kishte planifikuar të lëshonte një breshëri prej 1.000 raketash balistike ndaj Izraelit si përgjigje ndaj sulmeve izraelite mbi objektet e tij bërthamore, por nuk ishte në gjendje ta realizonte këtë për shkak të dëmeve të shkaktuara nga Forcat Ajrore Izraelite në bazat e tij ushtarake.

Lajmi i është bërë i ditur gazetës amerikane nga dy burime brenda Gardës Revolucionare Iraniane. Sipas raportit, kjo është arsyeja pse Irani ka lëshuar vetëm rreth 100 raketa në secilën nga valët e para të sulmeve ndaj Izraelit.

Ndërkohë Irani ka deklaruar se sulmet izraelite kanë shkaktuar vdekjen edhe të dy gjeneralëve të  rëndësishme ushtarakë .

Shtabi i Përgjithshëm i Forcave të Armatosura të Republikës Islamike të Iranit njoftoi se dy nga zëvendëskomandantët e tij janë vrarë gjatë sulmeve.
Mësohet se gjatë sulmeve izraelite humbën jetën   Gholamreza Mehrabi, zëvendës i inteligjencës, dhe Mehdi Rabbani, zëvendës përgjegjës për operacionet e shtabit. sn