VOAL- Gjyqi kundër ish-presidentit Donald Trump ka arritur në fazën përfundimtare, bëjnë të ditur agjencitë e lajmeve. Pas gjashtë javësh gjyqi, juria u tërhoq për të vendosur nëse kandidati për Shtëpinë e Bardhë falsifikoi dokumente për të fshehur pagesën prej 130,000 dollarësh për yllin porno Stormy Daniels dhe për të marrë heshtjen e saj për të shmangur një skandal. Një vendim që mund ta zhysë fushatën presidenciale në një skenar krejtësisht të ri, edhe nëse, në rast dënimi, Trump do të jetë në gjendje të vazhdojë si kandidat.

Vendimi i jurisë duhet të jetë unanim dhe pritet të merret në fund të javës. Gjykatësi Juan Merchan paralajmëroi anëtarët e jurisë që të mos marrin vendime “të bazuara në stereotipe ose paragjykime” dhe të lënë mënjanë “çdo opinion personal që keni për ose kundër të pandehurit”, duke vlerësuar kështu vetëm faktet dhe provat në dispozicion.

Ka 34 akuza dhe Trump rrezikon një gjobë deri në katër vjet burg. Krimi kryesor për të cilin akuzohet ka të bëjë me mashtrimin e mundshëm të votuesve në vitin 2016. Duke dalë nga gjykata, Trumpi foli për një Gjykatë të korruptuar.

Ndërkohë, në frontin presidencial, gazeta amerikane The Wall Street Journal ka zbuluar se lideri i Tesla dhe “X” Elon Musk mund të jetë këshilltar i Trumpit nëse ai fiton. Të dy thuhet se janë takuar në mars në Florida.