Ambasadori i Mbretërisë së Bashkuar, Nicolas Abbott e ka vlerësuar këtë javë të rëndësishme për Kosovën. Përmes një postimi në Facebook, ai ka shkruar se është i arritshëm një hap i vërtetë drejt normalizimit të marrëdhënieve dhe njohjes reciproke ndërmjet Kosovës dhe Serbisë.

“Kjo marrëveshje do të sjellë disa përfitime praktike dhe disa politike. Qeveria dëshiron të arrijë një plan kohor realist të zbatimit dhe mirëpres që disa parti opozitare po ofrojnë mbështetje të dobishme. Tani është koha për të siguruar një marrëveshje që funksionon për Kosovën. Ne besojmë se po” ka shkruar Abbot.

Kryeministri Albin Kurti dhe presidenti i Serbisë, Aleksandër Vuçiç do të takohen më 18 mars në Ohër, me ndërmjetësimin e shefit të politikës së jashtme të Bashkimit Evropian, Josep Borrell, dhe të dërguarit të BE-së për dialogun Kosovë-Serbi, Mirosllav Lajçak. Në këtë takim pritet që palët të diskutojnë për planin e zbatimit të marrëveshjes për normalizim të marrëdhënieve sipas propozimit evropian, për të cilin të dy liderët u pajtuan në takimin e 27 shkurtit në Bruksel. syri.net