Numri i të vdekurve nga raktetat ruse në stacionin Kramatorsk shkon në 50.

Të paktën 50 njerëz u vranë dhe qindra u plagosën në një sulm me raketa ruse në stacionin hekurudhor Kramatorsk të mbushur me të evakuuar, tha guvernatori rajonal Pavlo Kyrylenko, duke përditësuar një vlerësim të mëparshëm prej 30 viktimash.

Në një postim në internet, guvernatori tha se shumë nga të plagosurit ishin në gjendje të rëndë, raporton Reuters. Kryebashkiaku Oleksander Honcharenko citohet se tha se spitalet nuk mund të përballojnë numrin e njerëzve të plagosur nga sulmi me raketa.

“Kryetari i bashkisë së Kramatorsk Olexander Honcharenko thotë se pas sulmit rus në hekurudhë, spitalet nuk mund të përballojnë numrin e të plagosurve.
‘Ka shumë të lënduar rëndë pa duar dhe këmbë. Ato operohen nga 30-40 kirurgë në të njëjtën kohë’.”, shkruan Kryeredaktorja e Zaborona, Katerina Sergatskova.

Presidenti ukrainas, Volodymyr Zelenskiy, tha se nuk kishte trupa ukrainase në stacionin e trenit kur u sulmua.

Duke folur në parlamentin finlandez, Zelenskiy tha:
Forcat ruse goditën stacionin e trenit në Kramatorsk, (qëlluan) në një stacion treni të zakonshëm, mbi njerëzit e zakonshëm, atje nuk kishte ushtarë.

Dy raketa ruse kanë goditur një stacion hekurudhor në Kramatorsk, në Ukrainën lindore. Kramatorsk njihej gjerësisht si një nga rrugët kryesore të evakuimit jashtë Ukrainës lindore.

Nga ana tjetër Guvernatori rajonal i Donetskut, thotë se policia dhe ekipet e shpëtimit kanë raportuar ndodhen në vendin e ngjarjes për të ndihmuar të plagosurit.