SYRI Televizion, faktoi  me prova mashtrimin e Lulzim Bashës dhe Jemin Gjanës, për numrin e delegatëve, në kuvendin e 18 dhjetorit. Ndërsa Basha pretendon se në sallë, ishin 5004 delegatë, SYRI TV, numëroi  live karriget e sallës, të cilat rezultuan 1958. Kjo vërtetoi që Basha nuk kishte në sallë as kuorumin prej 3820 delegatësh që duhet për të marrë vendime. 

Syri Tv

Ndërsa kryetari i shkarkuar i Partisë Demokratike, Lulzim Basha, pretendon se 5004 delegatë morën pjesë në kuvendin kombëtar, të ditës së shtunë, Syri Telëvizion, në një vëzhgim live, numëroi të gjitha ndënjeset e pallatit të kongresve, duke hedhur poshtë pretendimet e Bashës, të cilat para fakteve tregojnë sa qesharake është bërë  kupola e  shkarkuar e PD.

Nga numërimi prej 30 minutash që bëri gazetari Ermal Rizai, në transmetim Live, rezultoi se numri i karrigeve në sallën e  pallatit të kongreseve,  ishte 1958, shumë herë më pak  se  sa numri i delgatëve  që raportoi Jemin Gjana. Sipas numërimit të të gjitha zonave të Pallatit të Kongreseve, mungojnë 3046 karrige për të arritur shifrën e rreme të Bashës dhe Jemin Gjanës.

Çfarë vërteton se vendimet e marra dje në atë që u cilësua kuvend i PD, janë të pavlera, është fakti, që rezoluta e miratuar të cilësohej  legjitime, do duhej në sallë, një numër prej 3820 delegatë të pranishëm që  të merren vendime. Por teksa u vërtetua që në sallë, mund të uleshin vetëm 1958 persona, bie edhe pretendimi tjeter I Lulzim Bashës,  që  kuvendi i djeshem, kishte kuorumin për të marrë vendime.

Edhe në faqen zyrtare të Wikipedias, vërtetohet se pallati i kongreseve ka një kapacitet  prej 2100 karrigesh. Por pavarësisht, këtyre fakteve, pavarësisht se salla ishte e mbushur, më shumë se më delegate, më familjarët e deputetëve, sërish Lulzim Basha insitioi se 5004 delegatë, ishin në 18 dhjetor, në pallatin e kongreseve.

Një këmbengulje e ish kryetarit të PD, si ajo, kur doli  para shqiptarëve, pas humbjes së katërt dhe pas 8 viteve në opozitë,  duke u thënë se kutitë e bastioneve të djatha ende nuk ishin numëruar dhe beteja kundër regjimit të Edi Ramës sapo  kishte filluar.