Voal – Njeriu i cili hodhi dyshimet e para se ndeshja Shqipëri-Serbi, Enea Fezaj, tashmë ka sjellë fakte të reja.
Ai deklaroi në emisionin “Zonë e Lirë”, se ka dyshime të forta që sfida Shqipëri-Serbi ka qenë e trukuar dhe se përvec atij ka edhe shumë qytetarë të tjerë të cilët e besojnë këtë gjë.
“Fill pas daljes time në emisionin “Zonë e Lirë”, ku shpreha hapur dyshimet e mia për një trukim të mundshëm të ndeshjes Shqipëri-Serbi, një lumë mesazhesh vërshuan në llogarinë time në facebook. Pjesa dërrmuese e tyre ndanin të njëjtin mendim me mua rreth trukimit duke më sjellë bashkëngjitur edhe materiale që materializonin dyshimin tonë.
Pas kësaj vendosa të sjellë për të gjithë Shqipëtarët një analizë të thjeshtë se si kanë variuar koefiçientët e sfidës ku Shqipëria u mund me atë rezultat të pamerituar.
Një ditë para ndeshjes Kombëtarja jonë e futbollit kuotohej nga kompanitë e basteve (madje edhe në ato Serbe) si favorite me një luhatje të vogël nga 2.2-2.45, për fitoren e ekipit tonë.
Ndërkohë që në fotot më poshtë po pasqyroj koefiçientet që kompanitë e ndryshme kanë pasur deri në momentin që ka rënë bilbili për fillimin e ndeshjes. Duket qartë që favorite pak para fillimit të ndeshjes është bërë ekipi serb dhe për fitoren e Shqipërisë kuotat kanë shkuar nga 2.2-2.45 në 3.1-3.5.
Të gjitha këto kompani që shihni në foton e parë janë Europiane dhe për vendosjen e koefiçienteve bazohen në kompanitë aziatike të basteve, të cilat janë ndër më të fuqishmet në botë në këtë fushë. Në foton e dytë paraqiten kuotat e kompanive aziatike më në zë. Kompanitë aziatike i ndryshojnë koefiçientet në mënyrë kaq të theksuar vetëm në rastet kur nga e njëjta llogari, një bast luhet me shumë se dy herë. Atëherë këto kompani për çdo bast të përsëritur vazhdojnë dhe ofertojnë koefiçientin duke e ulur me 0.05 për çdo bast të vënë. Fitimi maksimal që këto kompani të lejojnë për çdo bast të vënë për ndeshje të nivelit të tillë si kjo e eleminatoreve të Europianit është deri në 1 milion euro, ndërkohë që bastin mund ta përsërisësh sa herë të duash. Domethënë në rastin në fjalë në qoftë se Serbia e ka pasur koefiçientin e fitores 3.30 si fillim maksimumi që mund të luanim në një bast është 333 000 euro. Nëse po nga e njejta llogari do të përsërisnim bastin kompania oferton koefiçientin nga 3.3 ne 3.25 e kështu me rradhë. Tani bëjini vetë llogaritë se sa herë është përsëritur ky bast nga një llogari e vetme dhe që koefiçienti i fitores së Serbisë ka zbritur nga 3.3 në 2.35 dhe sa milionë euro janë vendosur gjithsej.
Janë afro 7 milionë euro. Të gjitha këto nga një llogari e vetme në një kompani të vetme.
Rezultati i saktë Shqipëri 0-2 Serbi, u bë i ditur rreth 4 orë përpara fillimit të ndeshjes”, ka shkruar Fezaj./syri.net
Adoleshenti shqiptar Adri Mehmeti, vazhdon të lërë gjurmën e tij në MLS dhe në natën e të shtunës, futbollisti 17-vjeçar ka dhënë provën e radhës në ndeshjen që Nju Jork Red Bulls kanë luajtur në fushën e Inter Majemit.
Mehmeti, si zakonisht titullar, zhvilloi një ndeshje të mirë në mesfushë, por u bë protagonist i mirëfilltë i kësaj sfide në minutën e 77 të saj, kur pas një goditje dënimi u tregua i aftë që të çonte topin në rrjetë, për të barazuar shifrat në 2-2.
Ky ishte goli i parë në MLS për djaloshin shqiptar i cili ka lënë përfaqësueset e moshave kuqezi dhe për momentin përfaqëson SHBA-në. Një gol i cili la të shtangur edhe Lionel Mesin, pasi për të dytën ndeshje radhazi, Inter Majemi nuk ia doli që t’i gëzohej fitores së parë në stadiumin e ri, pasi disa ditë më parë atë kënaqësi ia hoqi edhe Austin i Myrto Uzunit.
Gati tri vjet pasi e fitoi të drejtën për organizimin e Lojërave Mesdhetare 2030, Kosova ende nuk ka filluar mirë t’i kryejë punët rreth infrastrukturës sportive për organizimin e garave, mbase duke e vënë në pikëpyetje mbajtjen e tyre.
Lojërat Mesdhetare janë ngjarje me sporte të llojllojshme që zhvillohen çdo katër vjet dhe cilësohen si më të rëndësishmet pas Lojërave Olimpike.
Kosova do të jetë organizatore e tyre për herë të parë – nga 24 korriku deri më 4 gusht 2030 – në atë që do të ishte ngjarja më e madhe sportive e zhvilluar në vend deri më tani.
Pallati i Rinisë dhe Sporteve në Prishtinë është një nga qendrat kryesore multifunksionale, ku parashihet të zhvillohen sporte në ambient të mbyllur, në Lojërat Mesdhetare 2030. Shteti ka ndarë 50 milionë për rindërtimin e tij.
Shqipëria është zotuar se do ta ndihmojë duke ia ofruar bregdetin e vet për garat në sportin e lundrimit.
Megjithatë, jo gjithçka po shkon sipas planit për organizatorët, pasi punët në ndërtimin e objektit kryesor dhe rinovimin e njërit prej më të rëndësishmeve as që kanë nisur bile: stadiumi kombëtar – ku duhet të bëhet ceremonia e hapjes dhe mbylljes së lojërave – dhe fshati mesdhetar, një kompleks i domosdoshëm për akomodimin e rreth 5.000 atletëve nga rreth 26 vende pjesëmarrëse.
Brenda Pallatit të Rinisë dhe Sporteve në Prishtinë, i hapur për herë të parë më 1977. Pallati duhet t’i nënshtrohet një rinovim të plotë, përfshirë sallën e madhe, sallën e djegur në vitin 2000, dhe hapësirat e tjera.
Kosova duhet ta ketë të gatshme infrastrukturën sportive përafërsisht deri në viti 2028 – para se ajo të testohet dhe të pranohet nga federatat ndërkombëtare – dhe Qeveria i ka ndarë 250 milionë euro në një projektligj për lojërat, i cili duhet të miratohet nga Kuvendi.
Ministria e Sportit dhe Rinisë e Kosovës, së bashku me komunën e Prishtinës dhe me Komitetin Olimpik të Kosovës (KOK) janë përgjegjës për organizimin e këtyre lojërave.
Gjendja brenda Pallatit të Rinisë dhe Sporteve në Prishtinë, ku parashihet të zhvillohen sporte të ndryshme, si hendbolli, futsalli, gjimnastika etj, në Lojërat Mesdhetare 2030.
Zëdhënësi i KOK-ut, Kushtrim Krasniqi, e pranon për Radion Evropa e Lirë (REL) se Kosova ka ngelur mbrapa në përgatitje.
“Sigurisht se jemi prapa me infrastrukturën dhe çdo ditë që kalon është në disfavorin tonë”, thekson Krasniqi.
Ndërtimi i një stadiumi kombëtar është temë e kamotshme në vend, por edhe pse tani më i domosdoshëm së kurrë më parë, për ndërtimin e tij nuk ndarë as toka e as paratë.
Punimet në stadiumin “Adem Jashari” në Mitrovicë, i ndërtuar në vitet ’70, po shkojnë me ritëm të ngadalshëm. Ky stadium pritet t’i ketë rreth 18 mijë ulëse, pamjaftueshëm për t’i plotësuar kushtet për ceremoninë hapëse dhe mbyllëse të Lojërave Mesdhetare.
“Madje, ngecjen më të madhe e kemi në ndërtimin e stadiumit kombëtar. Edhe pse futbolli është zëvendësuar me futsallin, stadiumi kombëtar na duhet për ceremoninë hapëse dhe mbyllëse, pasi për shkak të rregullave të ICMG-së dhe madhështisë që kanë këto lojëra, stadiumi duhet të jetë me kapacitet prej 25-30 mijë ulëse”, nënvizon Krasniqi.
Kosova, sipas Krasniqit, nuk ka tani për tani ndonjë alternativë tjetër nëse nuk do ta ketë të gatshëm një stadium me kaq ulëse në kohë.
Një koridor në Pallatin e Rinisë dhe Sporteve në Prishtinë, i mbushur me ujë teksa vonesat në rinovimin e tij për Lojërat Mesdhetare 2030 vazhdojnë.
Megjithatë, Fidan Shatri nga Ministria e Sportit dhe Rinisë, e mohon se vendi ka ngecur në përgatitje, duke nënvizuar se “nuk mund të themi që jemi vonë, sepse shumica e objekteve sportive janë të planifikuara për renovim dhe përshtatje, e jo për ndërtim nga fillimi, çka e bën procesin më të menaxhueshëm në aspektin kohor”.
Sa i përket fshatit mesdhetar, janë përmendur dy projekte, një nga Ministria dhe një nga komuna e Prishtinës.
Pamje nga lart të Qendrës Nacionale të Xhudos në Pejë, pranë së cilës do të ndërtohet një palestër dhe qendër e re multifunksionale për Lojërat Mesdhetare 2030.
Kryetari i Prishtinës, Përparim Rama, tetorin e kaluar e paraqiti një projekt duke e quajtur “fshati olimpik” duke treguar se ishin ndarë 60 hektarësh tokë në Bernicë në periferi të kryeqytetit. Megjithatë, ndërtimi nuk ka nisur.
Por, Ministria është duke punuar për ta përgatitur fshatin mesdhetar në qendër të kryeqytetit, në Qendrën e Studentëve.
Projekti përfshin konviktet, palestrën 1 Tetori, menzën e studentëve, qendrën e shërbimeve shëndetësore dhe ndërtesat tjera përcjellëse. Gjithashtu përfshihen edhe sallat e edukatës fizike të 12 shkollave të kryeqytetit.
Mjete të punës shihen pranë Qendrës Nacionale të Xhudos në Pejë, ku pritet të zhvillohen garat e xhudos në Lojërat Mesdhetare 2030. Shteti ndau 5.7 milionë euro për punët shtesë në të.
Shatri thotë për REL-in se lidhur me fshatin mesdhetar, në pjesën e dytë të këtij viti pritet të procedohet me projektin zbatues, ndërsa në pjesën e parë të vitit 2027 është planifikuar të fillojnë punimet për renovimin dhe ndërtimin e Qendrës së Studentëve, bashkë me palestrën 1 Tetori.
Komiteti Ndërkombëtar i Lojërave Mesdhetare (ICMG) i ka bërë trysni Kosovës t’i përveshë mëngët për t’i kryer përgatitjet në kohë.
Gjatë një vizite në Prishtinë në fund të shkurtit, sekretari i përgjithshëm i ICMG-së, Iakovos Filippoussis, u takua me ministrin e ri të Sportit dhe Rinisë, Blerim Gashani, si dhe anëtarët të KOK-ut, të cilëve u kërkoi t’i përshpejtojnë punimet.
Pishina e mbyllur olimpike duke u ndërtuar në Podujevë për garat e notit në Lojërat Mesdhetare 2030.
Krasniqi nënvizon se ICMG-ja është duke i vëzhguar punimet dhe vazhdimisht dhe se Komiteti i përkohshëm Organizativ i Kosovës (OCMG) është “vazhdimisht në koordinim dhe bashkëpunim me të”.
“OCMG, të cilit i prinë presidenti i KOK-ut, Ismet Krasniqi, ku anëtarë janë edhe përfaqësues të Ministrisë së Sportit dhe Rinisë, si dhe komunës së Prishtinës, janë duke vazhduar punën në përgatitjen sa më të mirë të Lojërave Mesdhetare Prishtina 2030 dhe momentalisht jemi në prag të finalizimit të përzgjedhjes së logos”, shton ai.
Pamje nga pishina gjysmolimpike në Podujevë.
Shatri, i cili është ushtrues i detyrës së drejtorit në Agjencinë e Sportit në Ministrinë e Sportit, thotë se pritjet janë që projektet të përfundojnë në pjesën e dytë të vitit 2029, periudhë në të cilën është paraparë edhe testimi i infrastrukturës.
Pamje nga lart e ndërtesës së pishinës së mbyllur gjysmolimpike në Podujevë, për ndërtimin e së cilës u ndanë 4 milionë euro.
Ndërkohë, në shumë objekte të tjera, punimet janë duke vazhduar, edhe pse në faza fillestare.
Stadiumi “Adem Jashari” në Mitrovicë, i cili është olimpik dhe për përdorim të shumëfishtë, po rindërtohet, por përfundimi i punimeve duket larg.
Në këtë stadium, i cili ishte hapur në vitin 1979, u zhvillua edhe ndeshja e parë ndërkombëtare e kombëtares së Kosovës në futboll e njohur nga FIFA në vitin 2014, para se asaj të bëhej anëtare e saj dy vjet më vonë.
Pamje pranë stadiumit “Adem Jashari”, rindërtimi i të cilit u bë sagë në vend pasi ka dështuar të kryhet për më shumë se 10 vjet.
Në këtë stadium, i vetmi që parashikohet të përdoret për Lojërat Mesdhetare, duket të mbahen garat e atletikës.
Ndërkohë, përveç stadiumit në Mitrovicë, shteti synon rindërtimin e stadiumeve edhe në qytetet e tjera të mëdha, si Gjakovë, Gjilan dhe Pejë.
Megjithatë, për shkak se futbolli u hoq nga kalendari i garave për Lojërat e ardhshme Mesdhetare, këto stadiume nuk do të përdoren gjatë lojërave.
Stadiumi i Pejës, i njohur si stadiumi “Shahin Haxhiislami”, duke kështu sot. Ky stadium ishte ndërtuar në vitin 1938. Rindërtimi në të nisi më 2024.
Kjo ua ka lehtësuar punën organizatorëve, duke parë se punimet në rindërtimin e tyre nuk kanë shënuar përparim.
Por, rindërtimi sa më parë i stadiumit në Gjilan, për shembull, është tejet i rëndësishëm për zhvillimin e futbollit.
Kështu duket stadiumi i Gjilanit i fotografuar në prill nga kameramani i REL-it, Arben Hoti.
Ky qytet në juglindje të vendit, ndër më të mëdhenjtë në Kosovë, ka dy klube që bëjnë gara në Superligë, garën elitare në vend: Gjilanin dhe Dritën, kjo e dyta kampione në fuqi.
Këto dy klube detyrohn të lujnë në një fushë alternative me bar artificial dhe pa tribuna për shikues.
Punimet brenda “Stadiumit të Qytetit” në Gjilan në prill. Ky stadium ishte hapur më 1967. Ai u rinovua dy herë, por kurrë s’i arriti standardet e nevojshme. Tani synon të jetë stadium i kategorisë së katërt të UEFA-s.
Ndërkohë, kur iu pranua kandidatura në shtator 2023, synimi i Kosovës ishte që krahas përmirësimit të infrastrukturës për shumë sporte, të nxiste edhe turistë në vend përmes organizimit të lojërave të vitit 2030.
ICMG-ja i cilëson Lojërat Mesdhetare si ngjarjen më të rëndësishme që përfshin shumë lloje sportesh pas Lojërave Olimpike.
Për një vend që nuk ka qenë mikpritës i ndonjë organizimi të madh sportiv, organizimi i Lojërave Mesdhetare shihet si një arritje e madhe për Kosovën.
Në Lojërat Mesdhetare 2030 pritet të marrin pjesë 26 vende nga tri kontinente, ndërsa programi sportiv përmban rreth 24 sporte, me pjesëmarrjen e rreth pesë mijë sportistëve.
Se a do t’i ketë kryer Kosova punët para vitit 2029 dhe se a do ta kalojë testin infrastruktura e saj sportive për organizimin e lojërave, mbetet të shihet.
Kanë mbetur vetëm 70 ditë për Meksikën dhe Afrikën e Jugut për të nisur topin në spektaklin më të madh në botën e sportit. Dhe tani që dihet se cilat skuadra kanë mundur të blejnë biletën për ngjarjen e madhe, superkompjuteri Opta ka shpërndarë fatin.
Dhe duket se, nëse do të varej nga teknologjia, Spanja nuk duhet të shkonte aspak keq. ‘La Roja’, pavarësisht se humbi vendin numër një në renditjen e FIFA-s në ndeshjen kundër Egjiptit në favor të Francës, është ende favoriti kryesor për të ngritur titullin në USA me një shans 15.83%. Pas tyre në këtë listë janë francezët.
“Roosters” kanë një shans 12.77% për të qenë kampionë bote në atë që do të ishte finalja e tyre e tretë radhazi. Anglia dhe Argjentina ndjekin francezët, të dyja me më shumë se 10%. Kampionët në fuqi nuk fillojnë si favoritë për të rivërtetuar kurorën që fituan në Katar 2022. Duke plotësuar këtë top 5, Portugalia e Kristianos, të cilës Opta i jep një shans 6.92% për të ngritur Kupën e tij të parë të Botës.
Brazili dhe Gjermania bien nga pesë të parët, duke qenë respektivisht i gjashti dhe i shtati. Një Kupë Bote me 48 skuadra. Dhe, për këtë arsye, grupe me një mori opsionesh. Superkompjuteri i Opta gjithashtu ka vendosur. Në varësi të teknologjisë, të parës në secilin grup do të ishte, Meksika, Zvicra, Brazili, USA, Gjermania, Holanda, Belgjika, Spanja, Franca, Argjentina, Portugalia dhe Anglia.
Duhet mbajtur mend se, edhe në këtë edicion, kalojnë tetë skuadrat më të mira të vendit të tretë. Shanset për të përfunduar i treti sipas Opta. Dhe kjo është ajo që thotë Opta për të tretën, Koreja e Jugut, Irani, Australia, Austria, Bregu i Fildishtë, Suedia, Gana dhe Katari do të ishin të fundit që do t’i bashkoheshin partisë së raundeve eliminatore.
Presidenti i FIFA-s, Gianni Infantino, njoftoi pjesëmarrjen e ekipit kombëtar të Iranit në Kupën e Botës
ZVICER – Përgatitjet për Kupën e Botës së ardhshme, që do të luhet këtë verë në SHBA, Meksikë dhe Kanada, kanë hyrë në një kapitull të ri dhe vendimtar, një kapitull që në mënyrë të pashmangshme ndërthurr dinamikat sportive dhe ekuilibrat delikatë gjeopolitikë.
Presidenti i FIFA-s, Gianni Infantino, ka folur publikisht dhe personalisht për të shuar polemikat e nxehta ndërkombëtare të kohëve të fundit. Mundësia ideale për të sqaruar situatën lindi gjatë ndeshjes miqësore midis Iranit dhe Kosta Rikës, e luajtur dje në Turqi në stadiumin Mardan.
Ndeshja në Turqi dhe “misioni” i Taremit me shokë…
Ndërsa vëmendja globale ishte përqendruar te çështjet diplomatike, fusha ofroi një monolog të vërtetë futbolli. Ndeshja përgatitore ndaj Kosta Rikës përfundoi 5-0 në favor të Iranit. Ylli i padiskutueshëm i ndeshjes ishte sulmi aziatik, i udhëhequr nga një dygolësh i jashtëzakonshëm nga ish-lojtari i Interit, Mehdi Taremi.
Gjatë pjesës së parë, kreu i organit qeverisës të futbollit botëror kërkoi të sqaronte praninë e Iranit në turneun kryesor, duke iu drejtuar drejtpërdrejt një teme që tani është bërë një temë e nxehtë globale.
Fërkimet politike dhe deklaratat e Donald Trump
Çështja diplomatike shpërtheu në një mbulim të plotë mediatik, kur Ministri i Jashtëm iranian, disa javë më parë, deklaroi mospjesëmarrjen e ekipit kombëtar në Kupën e Botës.
Ky qëndrim shumë i ashpër institucional u pasua nga deklaratat e Presidentit të SHBA-së, Donald Trump. Udhëheqësi i vendit pritës komentoi mbi çështjen e mprehtë me fjalë të qarta: “Irani është i mirëpritur në Kupën e Botës, por është më mirë nëse nuk paraqiten.”
Qëndrimi zyrtar i FIFA-s
Për të shmangur një dezertim historik dhe për të përsëritur se sporti duhet të bashkohet duke kapërcyer pengesat qeveritare, sot Presidenti i FIFA-s shprehu mendimin e tij për këtë çështje, duke i dhënë fund përfundimisht mosmarrëveshjes.
“Irani do të jetë në Kupën e Botës… prandaj jam këtu.” Kjo është siguria e Gianni Infantinos, duke mos lënë vend për interpretim . Prandaj, çështja është e mbyllur: për Presidentin e FIFA-s, ekipi kombëtar iranian do të jetë i pranishëm në Kupën e Botës në Shtetet e Bashkuara, gati për të dalë në fushë dhe për të nderuar garën.
Kupa e Botës 2026 sikurse dihet do të zhvillohet në Kanada, Meksikë dhe SHBA, duke filluar më 11 qershor.
SHBA – Me kualifikimin e gjashtë ekipeve të fundit, grupet për Kupën e Botës 2026 janë tani të kompletuara. Ky do të jetë edicioni i parë me 48 kombëtare, të ndara në 12 grupe me nga katër ekipe secili.
Turneu sikurse dijet do të zhvillohet në Kanada, Meksikë dhe SHBA, duke filluar më 11 qershor.
Ja si duken grupet:
Grupi A: Meksikë, Afrika e Jugut, Koreja e Jugut, Çekia
Grupi B: Kanada, Bosnja & Hercegovina, Katar, Zvicra
Grupi C: Brazili, Maroku, Haiti, Skocia
Grupi D: SHBA, Paraguai, Australi, Turqi
Grupi E: Gjermani, Curacao, Bregu i Fildishtë, Ekuador
Grupi F: Holandë, Japoni, Suedi, Tunizi
Grupi G: Belgjikë, Egjipt, Iran, Zelanda e Re
Grupi H: Spanjë, Kepi i Gjelbër, Arabia Saudite, Uruguai
Grupi I: Francë, Senegal, Irak, Norvegji
Grupi J: Argjentinë, Algjeri, Austri, Jordani
Grupi K: Portugali, DR Kongo, Uzbekistan, Kolumbi
Grupi L: Angli, Kroaci, Gana, Panama
Ky Botëror premton spektakël, me disa kombëtare historike që rikthehen dhe sfida interesante në çdo grup.
“E di se ai po tallte ekipin kundërshtar nuk ishte diçka personale kundër meje, por përdorimi i fesë si tallje në fushë të bën të dukesh injorant dhe racist.”
SPANJE – Lamine Yamal u largua shpejt nga stadiumi Cornellà dhe dukej i shqetësuar të martën.
Ylli i kombëtares spanjole është mysliman dhe iu desh të duronte, në katër raste të ndryshme, thirrje fyese drejtuar njerëzve të besimit të tij. Tani, ai e ka thyer heshtjen në llogarinë e tij në Instagram dhe e ka dënuar atë që ndodhi në Barcelonë.
“Dje në stadium, dëgjuam brohoritjen ‘kushdo që nuk kërcen është mysliman’. E di që i drejtohej ekipit kundërshtar dhe nuk ishte një sulm personal kundër meje, por si mysliman, është prapëseprapë mungesë respekti dhe e patolerueshme.
E kuptoj që jo të gjithë tifozët janë kështu, por për ata që brohorasin këto gjëra: përdorimi i një feje si tallje në fushë të bën të dukesh injorant dhe racist. Futbolli është për t’u argëtuar dhe për të brohoritur, jo për të mos respektuar njerëzit për atë që janë ose atë që besojnë.
Megjithatë, faleminderit të gjithëve që erdhën për të na mbështetur, shihemi në Kupën e Botës.”
Tifozë të Kosovës shikojnë të dëshpëruar pasi kombëtarja e tyre u mposht 1:0 nga Turqia të martën në Prishtinë, duke humbur shansin të marrë pjesë në Kupën e Botës 2026 në SHBA, Kanada dhe Meksikë në verë.
Radio Evropa e Lirë
Kosova ka dështuar ta përmbushë ëndrrën për të marrë pjesë në Kupën e Botës 2026 – e cila do të ishte e para për të – pasi u mposht 1:0 nga Turqia në finale të plajofit për kualifikim të martën mbrëma në Prishtinë.
Kerem Akturkoglu e shënoi golin e vetëm për triumfin e Turqisë në Stadiumin “Fadil Vokrri”, duke e çuar Turqinë në Kupën e Botës për herë të parë që nga viti 2002.
Në një natë me shi në kryeqytetin kosovar dhe në një ndeshje kryesisht të barabartë, dallimin e vetëm e bëri goli i sulmuesit të Fenerbahces në minutën e 53-të, kur ai shënoi nga afërsia pas një kundërsulmi të vizitorëve, pasi u asistua nga Orkun Kokcu.
Lojtarët e Turqisë festojnë kualifikimin në Kupën e Botës 2026, pasi e mposhtën Kosovën në Prishtinë.
Kosova pati fillim më të mirë të ndeshjes, duke krijuar dhe rrezikuar më shumë, posaçërisht kur Fisnik Asllani qëlloi shtyllën horizontale pasi goditja e tij nga rreth 20 metra largësi u devijua nga portieri Ugurcan Cakir.
Kombëtarja dardane më afër golit se kaq dhe në vazhdim të ndeshjes, me gjithë përpjekjet e mëdha dhe futjen e shumë sulmuesve të tjerë në lojë, si Edon Zhegrova, Milot Rashica e Albion Rrahmani, nuk arriti ta shmangë humbjen.
Kosova, e cila u pranua në FIFA vetëm 10 vjet më parë, nuk ka marrë pjesë asnjëherë në një garë të madhe ndërkombëtare, si Kampionat Botëror apo Evropian.
Lojtarët e Kosovës shtrihen në fushë të zhgënjyer nga humbja e shansit për t’u kualifikuar në Kupën e Botës 2026, pasi u mposhtën nga Turqia në Prishtinë.
Finalja e plajofit kundër turqve ishte më së afërmi që ajo ka arritur në historinë e vet relativisht të re.
Pritjet dhe trysnia për futbollistët ishin të mëdha pasi një vend i tërë ishte më sy kah ta pas fitores kundër Sllovakisë në gjysmëfinale të plajofit javën e kaluar.
Kjo u dëshmua edhe nga atmosfera në kryeqytet në ditët para ndeshjes dhe nga kërkesat e papara për biletë për ta parë ndeshjen në stadium.
Kapiteni i Kosovës, Vedat Muriqi, e përshkroi humbjen si “shumë të vështirë, sepse kemi luftuar shumë nga dita e parë”.
Sulmuesi i Mallorcas në LaLiga ishte tejet emocional duke folur pas ndeshjes, duke thënë se ndien “dhimbje për shtetin, ekipin dhe për të gjithë njerëzit që na përkrahën”.
“Jam shumë krenar me bashkëlojtarët e mi dhe me veten që jam kapiten i Kosovës. Do të doja ta udhëhiqja Kosovën në Kupën e Botës në Amerikë, por ja që nuk ishte e shkruar”.
Ndërkohë, Turqia, e cila po rikthehet në Botëror për herë të parë qëkurse kishte shkaktuar befasi në Kupën e Botës 2002 duke arritur në gjysmëfinale, do ta shijojë këtë garë për herë të tretë në historinë e vet.
Në Botërorin e kësaj vere, Turqia do të jetë pjesë e Grupit D, me kundërshtarë si SHBA-ja, Paraguai dhe Australia.
Prishtina është kthyer në qendrën e shqiptarisë. Këtë të martë Kosova sfidon Turqinë në finalen e play off të Botërorit.
Ndeshja do të luhet në stadiumin “Fadil Vokrri”. Qindra shqiptarë janë nisur nga Shqipëria në drejtim të Kosovës, për të mbështetur Dardadët. Ndërsa atmosfera në rrugët e Prishtinës është ndezur. Me flamuj të Kosovës, veshje kombëtare, flamuj kuqezi qytetarët kanë mbushur rrugët, ndërsa urojnë fitoren për ekipin e zemrës Kosovën.
Gjithashtu nuk kanë munguar edhe tifozë turq të cilët kanë mbërritur në Prishtinë për të mbështetur ekipin e tyre.
Kosova luan ndaj Turqisë në finalen e Play Off të Botërorit, në “Fadil Vokrri”. Pak orë para ndeshjes, në Prishtinë atmosfera është elektrizuese. Që në orët e para të mëngjesit, në qytet kanë mbizotëruar flamujt, ndërsa dëgjohen edhe këngë patriotike të ndryshme.
Gjatë ditës, ka patur edhe tifozë që kanë ardhur nga Shqipëria për të mbështetur Kosovën. Ndeshja Kosovë-Turqi fillon në orën 20.45 dhe interesimi për këtë takim ka qënë i jashtëzakonshëm, pasi bëhet fjalë për një sfidë historike.
Majorka ka mbështetur kapitenin e Kosovës, Vedat Muriqi, përmes një postimi në rrjetet sociale, duke e cilësuar atë një hap larg Kupës së Botës.
Ky reagim vjen në prag të përballjes shumë të rëndësishme që Kosova do ta zhvillojë sot ndaj Turqisë.
Vedat Muriqi po bën një sezon të shkëlqyer te Majorka teksa ka shënuar 18 gola. Sulmuesi ka mbajtur “gjallë” shpresat e skuadrës për mbijetesë, ndërsa tifozët shpresojnë se ai mund të vazhdojë këtë formë edhe deri në fund të sezonit.
Në prag të ndeshjes së Kosovës me Turqinë, e vlefshme për Play-off e botërorit amerikane, ambasada e SHBA-së në Prishtinë ka ndarë një mesazh në rrjetet sociale.
Në postim punonjësit e ambasadës janë të veshur me fanellën e Kosovës dhe urojnë për një fitore sot në ndeshjen vendimtare përballë kombëtares turke.
Postimi shoqërohet me mesazhin, “luani fuqishëm dhe bëjeni Kosovën krenare”.
Kosova pasi eliminoi Sllovakinë në gjysmëfinalet e play-off do të luajë sot finalen në stadiumin e Prishtinës “Fadil Vokrri” përballë Turqisë, për një vend në Kupën e Botës 2026, që do zhvillohet në SHBA, Kanada dhe Meksikë.
Postimi i Ambasadës amerikane në Prishtinë:
Nga të gjithë ne në Ambasadën e SHBA-së, ju mbështesim fort – luani fuqishëm dhe bëjeni Kosovën krenare!
Numërimi ka nisur mbrapsht dhe shumë pak orë na ndajnë nga starti i ndeshjes Kosovë-Turqi. Ajo që po bën xhiron në rrjet është një gjest i veçantë nga një lokal në Prishtinë.
Në hyrje të kafenesë është vendosur një letër me një mesazh domethënës: “Sot rivalë, por gjithmonë miq! Kafe dhe çaj falas për të gjithë tifozët turq. Ju paguat më 1999, sot nuk keni asnjë detyrim”.
Ky mesazh lidhet drejtpërdrejt me periudhën e luftës së Kosovës, kur Turqia ishte ndër vendet që mbështeti popullin e Kosovës në momentet më të vështira. Pronari i lokalit, përmes këtij gjesti simbolik, ka zgjedhur të rikujtojë mirënjohjen dhe lidhjen historike mes dy shteteve.
Reagimet në rrjetet sociale nuk kanë munguar, me shumë qytetarë që e kanë cilësuar këtë veprim si një shembull përtej rivalitetit sportiv.
Komentet