Nga kush po mbrohen? Dhe pse kanë frikë nga e vërteta pengmarrësit e Federates Vatra?

Së fundmi, drejtuesit e vetëshpallur të “Vatrës” kanë filluar të shfaqen publikisht nëpër restorante me avokatin e tyre, duke e quajtur këtë një “takim pune për të mbrojtur Vatren”.

Por pyetja që lind natyrshëm është:

Nga kush po mbrohen?

• Nga vatranët e ndershëm?
• Nga anëtarët që kërkojnë zgjedhje?
• Apo nga e vërteta që po del në dritë?

Sepse faktet janë të thjeshta dhe të pakontestueshme:

Vatra nuk ka pasur zgjedhje prej katër vitesh.

Vatranët janë përjashtuar, shantazhuar dhe hedhur në gjyq nga vetë drejtuesit aktualë.

Çdo kritikë, çdo koment i vërtetë — fshihet.

Zërat kundër bllokohen.

Dhe Vatra mbahet peng nga një grup i vogël që ka frikë nga transparenca.

Në vend që të dalin para komunitetit në Amerikë, në vend që të sqarojnë, në vend që të hapin dyert e Vatrës për dialog, ata zgjedhin të bëjnë foto me avokatë nëpër restorante dhe ta shesin këtë si “mbrojtje të Vatrës”. Nga kush po mbrohen?

Por realiteti është ky:

Nuk po mbrojnë Vatren, po mbrojnë veten.

Po mbrojnë privilegjet, pozitat e vetëemëruara dhe mungesën e çdo procesi demokratik.

Sepse e dinë shumë mirë se:

një Kuvend i rregullt do t’i largonte që të nesërmen,

një votim i ndershëm nuk do t’i linte asnjë orë në krye,

dhe e vërteta do i rrëzonte të gjithë, një nga një.

Dhe frika e tyre nga e vërteta shihet qartë:

Fshijnë komente.

Bllokojnë kritikët.

Heshtin vatranët.

Mbyllin gojën e kujtdo që guxon të flasë.

Ky nuk është model i një institucioni 114-vjeçar.

Ky është model i një grupi të trembur që ka humbur çdo legjitimitet. Kjo nuk është Vatra e Fan Nolit dhe Faik Konicës. Kjo është Vatra e frikës, e bllokimeve dhe e heshtjes së imponuar. Por…askush nuk ka mundur dhe nuk do të mundë kurrë të mbrojë veten nga e vërteta.

“Pengmarrësit kanë frikë nga vota, nga statuti dhe nga historia. Pengmarrësit e Vatrës s’mund të fshehin pengmarrjen me një drekë me fytyra te zbehura”-am