Unioni i Gazetarëve Shqiptarë Profesionistë të Diasporës sinjalizon një ndadalësim të dukshëm të procesit të mbërritjes së zarfeve të votimit të emigrantëve shqiptarë pranë KQZ.

Përfaqësuesit e Unionit të Gazetarëve Shqiptarë Profesionsitë të Diasporës me statusin e vëzhguesit nga Komisioni Qëndror i Zgjedhjeve si organizatë media në zgjedhjet politike të 11 majit 2025, ka vizituar sot vendin e depozitimit të zarfeve me skedat e votuesve shqiptarë nga jashtë pozicionuar pranë Komitetit Olimpik Shqiptar në Tiranë.

 Unioni i Gazetarëve Shqiptarë Profesionistë të Diasporës sinjalizon se dita e sotme ka shënuar një ndadalësim të dukshëm të mbërritjes së zarfeve me skeda votimi nga Diaspora.

Nëse më datë 8 maj, pra një ditë më parë kanë mbërritur në Tiranë e janë marrë në dorëzim nga KQZ rreth 12 600 zarfe të votusve shqiptarë nga jashtë, ndërsa sot më datë 9 maj 2025, numri i tyre është mjaft i ulët, më pak se gjysma.

UGSHPD informon se gjatë ditës së sotme 9 maj 2025 janë marrë në dorëzim në pikën e KQZ për votuesit nga jashtë, 6000 zarfe të mbërritura në Tiranë me postën private DHL.

Në të dhënat e përditësuara deri më ora 17.30 të datës 9 maj 2025, kanë mbërritur në KQZ 174.488 zarfe me skeda votime të votuesve shqiptarë nga Diaspora, nga 245.935 zarfe të dërguara e prej 227.097 zarfe të marra nga zgjedhësit shqiptarë nga diaspora.

Zarfe të mbërritura në KQZ, sipas shteteve

Zarfe të mbërritura në KQZ, sipas qarqeve