25 Qershori është dita e 177 e vitit, deri në fund të tij janë edhe 189 ditë.

Ngjarje

Elena Piscopia

1678 – Elena Piskopia bëhet gruaja e parë në botë me doktoraturë në filozofi, kur diplomohet nga Universiteti i Padovës, Itali. Lindur në një familje fisnike në Venecia, Piskopia (1646 – 1684) fillimisht kishte kërkuar të studionte për teologji, por nuk u lejua nga Kisha – kështu ajo iu përkushtua filozofisë dhe matematikës. Megjithatë, arritja e saj nuk hapi menjëherë dyert për gra të tjera në shkolla të larta. Vetëm në fund të shekullit XX, një grua tjetër do të merrte një doktoraturë nga Universiteti i Padovës.

1741 – Maria Tereza e Austrisë kurorëzohet mbretëreshë e Hungarisë. Maria Tereza dhe burri i saj, Francis I, Perandori i Shenjtë romak, patën 16 fëmijë, përfshi mbretëreshën Marie Antoinette të Francës. Pas vdekjes së burrit të saj, Maria Tereza trashëgoi më shumë se 30 tituj sundimi e fisnikërie.

1788 – Virginia, territori i kolonisë së parë britanike të Amerikës (vitet 1600), bëhet shteti i 10 që ratifikon Kushtetutën e Shteteve të Bashkuara.

1847 – Robërit zezak të liruar nga SHBA-të, themelues të Liberisë, shpallën këtë shtet të Afrikë Republikë të Pavarur.Në të njejten ditë të vitit 1862. Liberinë e njohin edhe SHBA-të.

1903 –Lindi Erik Arthur Blair – autor i novelave alegorike Animal Farm dhe 1984, të cilat i nënshkroi me emrin  George Orwell –  vdiq më 1950.
“Tani do t’ju tregoj përgjigjen e pyetjes time: Partia kërkon pushtetin për hir të pushtetit. Ne nuk jemi të interesuar për të mirën e të tjerëve, por vetëm për pushtet.…Ne jemi ndryshe; oligarkitë e së kaluarës dhe gjithë të tjerët ishin frikacakë dhe hipokritë. Nazistët dhe komunistët erdhën shumë afër me ne në metoda, por kurrë nuk patën guximin për të njohur motivet e veta. Ata pretendonin, ndoshta edhe besonin, se e kishin marrë pushtetin me dhunë dhe për një kohë të kufizuar…Ne nuk jemi si ata. Ne e dimë se askush kurrë nuk e kap pushtetin për të hequr dorë prej tij. Pushteti nuk është mjet por qëllim. Një nuk vendos diktaturën për të mbrojtur revolucionin; por bën revolucion për të vendosur diktaturën. Objekti i persekutimit është persekutimi. Objekti i torturës është tortura. Objekti i pushtetit është fuqia. Tani ju filloni të më kuptoni.”
George Orwell, “1984”

1924 – Presidiumi i Federatës Komuniste Ballkanike dhe Partia Komuniste italiane lëshojnë një manifest të përbashkët drejtuar klasës punëtore të Shqipërisë për të mbrojtur fitoret e revolucionit të qershorit.

1938 – Në Amerikë, miratohet ligji federal për pagën minimale (40 qindarka në orë). Sot kjo pagë ka arritur në rreth 10 dollarë në orë. Ekspertët thonë se me zhvillimet ekonomike dhe rritjen e kostos së jetesë, paga minimale në SHBA duhej të kishte arritur në rreth 22 dollarë në orë. Përpjekje legjislative për rritjen e pages minimale vazhdojnë.

1950 – Me një forcë ushtarake prej mbi 100.000 trupash, Koreja Veriore sulmon fqinjin e vet jugor, duke e filluar në këtë mënyrë edhe zyrtarisht luftë ndërmjet dy Koreve.

1960 – Dy kriptografë të Agjencisë së Sigurisë Kombëtare të Shteteve të Bashkuara  (NSA) nisen për pushime në Meksikë – William Hamilton Martin dhe Bernon F. Mitchell, nga Meksika shkojnë në Havanë, Kubë – ku hipin në një anije ruse transporti për në Bashkimin Sovjetik. Më 5 gusht, Pentagoni njoftoi se ata nuk ishin kthyer nga pushimet dhe se “mund të kenë shkuar prapa Perdes së Hekurt”. Më 6 shtator, dy kriptografët u shfaqën në një konferencë të përbashkët shtypi në Moskë dhe thanë se kishin kërkuar strehim politik dhe shtetësi sovjetike. Martin, përfundimisht u largua nga Bashkimi Sovjetik dhe vdiq në Meksikë më 1987 (56 vjeç). Pak dihet për Mitchell; ai kishte hequr dorë nga shtetësia amerikane, dhe mbeti në Bashkimin Sovjetik – vdiq në Shën Petersburg më 2001 (72 vjeç).

1962 – Gjykata e Lartë e SHBA-së vendosi (5 vota për – 4 kundër), se lutjet fetare në shkollat publike shkelin Amendamentit të Parë të Kushtetutës që përcakton ndarjen e kishës nga shteti.

1963 – Lindi ylli britanik i rockut, George Michael.
1975 – Mozambiku shpall pavarësinë nga Portugalia.
1982 – Greqia heq rregullin e rruajtjes së  kokës të rekrutëve në ushtri.

1985 – Policia britanike arreston 13 persona për lidhjet e tyre me IRA-n kryengritëse, e cila kishte filluar një fushatë masive të bombardimeve në vend.

1991 – Kroacia dhe Sllovenia shpallin pavarësinë e tyre nga Jugosllavia.

1993 – Kim Campbell zgjidhet në krye të Partisë Përparimtare Konservatore kanadeze dhe bëhet e para femër Kryeministre e Kanadasë.

1997 – Hulumtuesi francez i gjallesave të nëndetshme dhe oqeanografike, Jacques Cousteau, ndërron jetë në Sydney të Australisë, në moshën 43-vjeçare.

2009 – Përurohet autostrada Rrëshen – Kalimash. Rruga e ” Bashkimit kombëtarë”.

2005 – Mahmoud Ahmadinejas zgjidhet president i Iranit, duke i dhënë kështu një kah më ekstrem Republikës Islamike.

2005 – Gazetari Bardhyl Ajeti ndërroi jetë në një spital të Milanos, ku ishte dërguar pas atentatit të kryer ndaj tij në mbrëmjen e 3 qershorit.

Lindje

• 1852 – Antonio Gaudi, arqitekt spanjol
• 1858 – Georges Courteline, dramatiurg francez
• 1860 – Gustave Charpentier, kompozitor francez
• 1864 – Walther Hermann Nernst, kimist dhe fizikant gjerman
• 1903 – George Orwell, letrar dhe eseist anglez
• 1925 – Robert Venturi, arqitekt amerikan
• 1926 – Ingeborg Bachmann, letrare austriake
• 1961 – Ricky Gervais, komedian, moderator radios dhe aktor britanik
• 1963 – George Michael, muzikant britanik

Vdekje

• 1533 – Marija Tudor, mbretereshe franceze
• 1767 – Georg Philipp Telemann, kompozitor gjerman
• 1861 – Abdul Mexhidi  I, sulltan i prandorisë osmane
• 1997 – Jacques-Yves Cousteau,hulumtues francez
• 2005 – Gazetari Bardhyl Ajeti ndërroi jetë në një spital të Milanos, ku ishte dërguar pas atentatit të kryer ndaj tij në mbrëmjen e 3 qershorit.
• 2009 – Michael Jackson ,këngëtar, autor, kompozitor, koreograf, valltar amerikan, i quajtur ndryshe “King of Pop” (Mbreti i pop-it).

Festa dhe përvjetore

• Përkujtohet përvjetori i masakrave në Çamëri. Viktimat ishin kryesisht gra dhe fëmijë. Kjo ishte një nga masakrat më të egra të grekëve ndaj popullsisë autoktone Shqiptare, në luftën e dytë botërore.