VOAL

VOAL

Please Wait ...
0%

Zvicra publikon listën përfundimtare, 4 shqiptarë të përfshirë

By | June 4, 2018

Komentet

14 LARCORI (MARSI) ËSHTË FESTË E STINËS SË PRANVERËS APO E VERËS..? – Nga Abas Fejzullahi

Titulli i këtij vështrimi, është mbshtetur në kuptimin e mendjes (logjikës), pasi që. për katër stinët e vitit janë bërë shkrime nga më të ndryshmet, në prozë e pozi dhe punime tjera të shumta artistike, si fotografi e filma të ndryshëm, kushtuar veçorive të seclës stinë veç e veç.
Vet titulli i këtij vështrimi është pyetje e parashtruar, për të gjithë lexuesit e në veçanti për studiues të letërsisë e historisë në të gjitha drejtimet që kanë njohuri e të dhëna me dëshmi për të dhënë përgjegjen e kërkuar:
Nga përvoja dhe të menduarit që lidhen me të dhëna e dëshmi në kohë dhe hapësirë, për të dhënë shpjegimin e festës së 14 Larcorit (Marsit) si festë e vjetër pagane që nga koha Pellazgjike, pra, para lindjes së krishtrimit dhe besimeve tjera të mëvonshme, kur besim i të parëve tanë ka qenë në shumë perëndi, si bazë e mos njohjeve të shkaqeve dhe arsyeve të disa ndodhive si të: ndryshimeve klimatke, brenda stinëve të vitit si ( Era, shiu,vërshimet, bora, vetëtime, bubullima-rrufeja, zjarri, dielli etj), për të dhënë shpjegimin përkatës nga mosnjohja e burimeve dhe shkaqeve për ndodhi (fenomene) natyrore. janë krijuar besime të ndryshme në shumë perëndi.
14 Larcori(Marsi) është muaj i tretë i fillim vitit, sipas njehsimit kalendarik në vendet tona, stina e Pranëverës fillon me 21Larcor(Mars) dhe përfundon me 20 Qershor, kështu vazhdojnë edhe stina e Verës, Vjeshtës dhe Dimrit.
Stina e Pranverës, nëse analizohet në hollësi ka kuptimin që do të thot, se jemi afër- pranë stinës së Verës.
Prandaj si mund të jetë 14 Larcori(Marsi) Festa e Verës ?
Sipas mendimit tim, dhe nga përvoja të cilën do e shpjegoj në vijim, mendoj se 14 Larcori(Marsi) është FESTA E PRANVERËS dhe jo, e VERËS, nëse analizohet me kujdes secila stinë e viti me karakteristikat dhe veçorit e tyre, që kanë.


OPOJA DHE DITËT E VERZËS
Gjat vitit shkollor 1967-1968, kur ish mësues me shërbim në Bresanë të OPOJËS që përfshinë këto katunde (fshatra) në kuadër të komusës së Dragashit:
Bresanë, Kuklibeg, Pllajnik , Kuk, Kosavë , Shajne , Rrenc , Plavë , Buçe, Brezne Zymi, Bellobradi, Kapre , Buzezi, Blaqi, Zaplluxhe, Zgatari i vogël, Zgatari i madh Bruti i madh, Bruti i vogël.
Në të gjitha katundet(fshtrat) e shënuara 14 Larcori(Marsi) festohet për mrekulli dhe quhet DITA E VERËZAVE.
Unë, për herë të parë si mësues në Bresanë gjatë vitit shkollor 1967\68 pata rastin e fatëbardhësisë të shof dhe përjetoj kënaqësinë dhe krenarin se si festohej Dita e Verëzave , me gjitha ritet dhe këngët e ndryshme e shumë përmbajtësore që vajzat e fshatit heret në mengjes fillonin kremtimin dhe këndimin, të veshura për mrekulli dhe me njp kultur pastërtie dhe pedantërie që ishte vërtet mahnitëse dhe e mrekullueshme.
Të gjithë në trevën e Opojës kësaj feste i thonë DITA E VERËZAVE që jep me kuptuar si Ditën e fillimit të stinës së Pranverës.
Mua aso kohe s’ më ka ra as të dëgjoj e as të lexoj ndonjë lajm se 14 Larcori(Marsi) Festohej dikund tjetër në Kosovë apo Shqipëri, përveç në OPOJË si DITA E VERËZAVE, apo siç po lexoj tani se po i thonë DITA E VERËS, që për mua s’ është në rregull të festohet Dita e Verës në fillim të Pranverës…!?


Andaj edhe vetevetiu ka lindur pyetja që në fillim:
A është 14 Larcori (Marsi) Festa e Pranverës apo, e Verës?
Në kushte dhe rrethana të caktuara në rrjedhat e ngjarjeve nga më të ndryshmet gjatë historis që nga kohrat kur paganizmi ka qenë si besim e deri në ditët e sotme disa nga festat e pastra e të parve tanë prej Pellzgëve e deri me sot janë festuar e disa edhe janë zhdukur e herë pas here janë ripërseritur e festuar si
Psh: FESTA DARKA E LAMËS , që falë kryetarit të parë dhe historik të Kosovës Dr. Ibrahim Rugovës, filloj me të madhe të festohet, e që burimin si festë e të korrurave dhe vjelurave është festuar qysh nga pellazgët dhe në Dardaninë e lashtë, si edhe shumë festa tjera si trashëgimi kulturore janë fetuar e festohen sot e kësaj dite ku më shumë e ku më pak por ka edhe nga ato që më janë shuar e nuk festohen fare..!

Fotoja e publikuar në Faqe të librit- facebook që më shtyri të parashtroj pyetjen në vështrimin tim sipër me tirullin: 14 LARCORI(MARSI) ËSHTË FESTË E STINËS SË PRNËVERËS APO E VERËS..?

7 MARSI SI SHENJË KULTURORE NË EPOKËN E SOTME – Nga Nexhmije Mehmetaj

Të shtunën, më 9 mars 2019, nën kujdesin e veçantë të Lidhjes së Arsimtarëve dhe Prindërve Shqiptarë “Naim Frashëri” në Zvicër, në bashkëpunim me Ministrinë e Diasporës dhe Investimeve Strategjike u zhvillua një ceremoni festive në nderim të 7 Marsit 1887, themelimi i “Mësonjëtores së Parë Shqipe”. Në sallën e restorantit Glattof në Glattbrugg afër Zyrihut u mblodhën mësues, pedagogë, nxënës, prindër e të ftuar. Një festë e bukur me plot emocion dhe dashuri, siç janë festat e vërteta. Dhe festat, të përbashkuara më figurën e mësuesit dhe nxënësit, janë edhe më të bukura, sepse mbajnë fisnikërinë dhe magjinë e dijes brenda.
Pritja vëllazërore filloi që nga hyrja në festë – nga mësuesi veteran zoti Hasan Spahiu.


Mbrëmjen festive e hapi mësuesja Afërdita Veliu (Zyrih) paraqiti programin; “Në ketë kuadër janë përfshirë disa data, si:17 Shkurti – Dita e Pavarësisë së Kosovës, 7 Marsi – Dita e mësuesit, 8 Marsi dita ndërkombëtare e gruas dhe 11 marsi e pranverës ‘81” tha. Më pas freskinë e sollën tingujt e ëmbël të recitimeve nga nxënës të talentuar.
Në mbrëmjen produktive të festës, ashtu sikundër dhe ishte planifikuar dhe detajuar nga bashkë organizatorët e saj, të pranishmit i përshëndeti zoti Naser Ulaj mësues dhe Kryetari Këshilli Kantonal (LAPSH) të Zyrihut.
Në ketë mbrëmje fjalën e mori zonja Nazane Breca Ambasadorja e Republikës së Kosovës në Bernë foli për rëndësinë e datës 17 shkurt 2008.” Te nderuar të pranishëm rruga e Kosovës drejtë pavarësisë ishte një rrugë përplot me vuajtje, dhimbje e sakrifica por në të njëjtën kohë ishte një rrugë përplot mburrje dhe krenari. Procesi shekullor drejt lirisë nga pushtuesit asnjëherë në asnjë çast nuk arriti të dobësoi shpirtin liridashës të shqiptarit. Rezistenca popullore gjeti përkrahjen në forma nga më të ndryshmet, nga pena e fjala, në besnikëri e solidaritet e deri në kryengritje të armatosur.
Sot kujtojmë qëndresën e popullit tonë si sinonim i kësaj rruge drejtë lirisë.
Kosova nuk do të harroj asnjëherë gjithë veprimtarët dhe patriotët falë angazhimit të së cilëve ajo sot ndërton të ardhmen e saj të ndritur. Populli i Kosovës përkulet para gjithë atyre të cilët kontribuuan për çështjen kombëtare, duke na e mundësuar ne dhe brezave që vijnë të jetojmë një jetë të dinjitetshme dhe njerëzore.” Ajo si çdo herë u bëri thirrje prindërve” Dërgoni fëmijët në shkollimin plotësues në gjuhën shqipe në kuadër të LAPSH-it! Gjuha shqipe është baza e ndërtimit të personalitetit të fëmijëve tuaj!”
Më tej zoti Nexhat Maloku, mësues, kryetar disa mandatesh i LAPSH- it uroi dhe hodhi një vështrim mbi organizimin e mësimit plotësues shqip në Zvicër.
“Të nderuar mësues dhe mësuese! 7 Marsi, dita e nderimit të mësuesit, më jep kënaqësinë t’ Ju përcjell me shumë respekt dhe mirënjohje urimet më të sinqerta për Ju, familjet tuaja dhe nxënësit që mësoni. Ju jeni siguria e procesit të pandalshëm të mësimit plotësues shqip në Zvicër. Aktualisht mësimi plotësues i gjuhës shqipe zhvillohet në 15 kantone janë 1800 nxënës që ndjekin mësimin shqip. Sonte janë të pranishëm përfaqësues të këtyre Këshillave Kantonale. Arau, Bern, Basel Land, Zyrih, Friburg, Glaruesi, Jura, Solothurn, Gjenevë, Vaud.
Për të festuar me ne sonte kanë ardhur Prof. dr. Naxhi Selimi nga SHLP Schwizit, mësuesja zvicerane Annelies Schneller, mësuesja Nexhmije Nussbaumer etj. I ftuar ka qenë edhe ambasadori i Shqipërisë, z. Ilir Gjoni i cili për arsye objektive nuk mund të jetë i pranishëm në festën tonë. Në pamundësi për të ardhur përshëndetje të përzemërta keni nga anëtarët e nderit të LAPSh, dr.dr. Basil Schader dhe zonja e tij Erica Bauhofer-Schader”.
Por tjetër ide e përbashkuar me festat na nxit të hedhim vështrimin tek një nga problemet e vazhduara të shkollës sonë cekura edhe nga zoti Gëzim Kasumaj, prind anëtar i kryesisë pranë Këshilllit Kantonal të Zyrihut, shtrojë nevojën për një përkrahje sa më gjithëpërfshirëse të prindërve dhe fëmijëve shqiptarë në mësimin e gjuhës shqipe.
Zoti Nuhi Gashi, përgjegjës i njësisë për shkollat shqipe të mësimit plotësues jashtë atdheut. Duke marrë fjalën, u shpreh se ndihej i nderuar të përshëndeste të gjithë mësuesit dhe prindërit për përpjekjet e tyre në organizim të mësimit shqip. Duke shprehur vlerësim dhe respekt për misionin fisnik të mësuesit, si u shpreh ai se me këtë mision, ata janë dhe do të mbeten promotorë kryesorë të dijes dhe zhvillimit të ruajtjes së gjuhës shqipe larg atdheut.
Në vijim vuri theksin në faktin se, Ministritë përkatëse në Kosovë dhe në Shqipëri, punojnë së bashku, koordinojnë dhe hartojnë politika dhe programe të përbashkëta për zhvillimin e mëtejshëm të arsimimit të fëmijëve shqiptarë në Diasporë. Por sonte shpreh brengën time nga mos prania e përfaqësuesve diplomatik të Ambasadës së Shqipërisë në Bernë.
Ndërsa për përvjetorin e 38-të të 11 marsit apo Pranvera ’81, ka folur mësuesja dhe veprimtarja e njohur, Saime Isufi.

Në ketë eveniment ishin të pranishëm edhe miq e të ftuar tjerë: zoti Skënder Nikoliqi nga Këshillimorja për Arsimim dhe Këshillim të Migrantëve në Basel, zoti Shefqet Cakolli nga SHKA «Dardania» Winterthur, zoti Orhan Spahiu dhe zoti Ardian Retkoceri nga shoqata Kuvendi Shqiptar në Zvicër, gazetarët Rexhep Rifati nga Prointegras dhe Sevdail Tahiri nga Albinfo.ch.

LAPSh “N. Frashëri” në Zvicër përpos punës së vazhdueshme në ruajtjen e identitetit të fëmijëve shqiptarë dhe zgjerimit të njohurive të tyre gjuhësore dhe në fushën e historisë e gjeografisë kombëtare, i ka përkrahur fort ata edhe në fushën e integrimit në shoqërinë zvicerane. Në vazhdën e kësaj pune, Lidhja fitoi shumë miq dhe figura të shquara të jetës publike, shkencore, kulturore e sportive.
Ndaj dhe kjo festë për Ditën e Mësuesit është shprehje e një pune të vazhdueshme që është bërë për një shkollë kualitative, në kuadër të së cilës kanë punuar e punojnë mësuese e mësues me përkushtim të vazhdueshëm.

Autori i fotografive: Lulzim Hasi
Delemont, 11.03.2019 Nexhmije Mehmetaj

 

Herë si korb e herë si qyqe : Portreti pa kornizë i Aleksander Vuçiqit Nga Xhafer Shatri

Më 2010 u mor vendimi katastrofik, kur ne i jemi drejtuar me letër Gjykatës Ndërkombëtare të Drejtësisë për ta pyetur se a është shpallja e Pavarësisë së Kosovës ilegale apo jo, dhe morëm përgjigjen se vendimi nuk ishte ilegal. Po të ishin shqiptarët të mençur, në Këshillin e Sigurimit do t’i përmbaheshin vetëm këtij vendimi, e jo në atë që i zura dhe i munda lehtë, si Plani i Ahtisaarit e çdo gjë tjetër, (në atë rast) ne do ta kishim shumë më vështirë”

Marrëdhëniet serbo-shqiptare e anasjelltas kanë qenë gjithmonë të acaruara. Shkalla e acarimit është matur me qëndrimin dhe veprimet e personaliteteve që kanë përfaqësuar elitat kombëtare të të dyja kombeve. Aktualisht këto marrëdhënie janë në tehpikun e një humnere apo të një rrugëtimi të mundimshëm mes luftës dhe paqes, mes armiqësisë e paqetimit, mes urrejtjes e respektimit të interesave reciproke…

Në këtë përballje që po vazhdon tash një shekull e gjysmë, shqiptarët vazhdimisht kanë dalë humbës në territore e në jetë njerëzish. Kjo për shumë shkaqe, por të shumtën e rasteve për shkak të keqorganizimit, të mungesës së elitave të qëndrueshme apo sajimit të tyre, të mungesës së vetëdijes kolektive dhe, natyrisht, yllësive gjeopolitike.

Në përballjen aktuale Serbinë po e përfaqëson kryetari i saj, Aleksandar Vuçiq. Ky është një personalitet me shumë ndikim dhe me pushtet të pakufishëm. Përmes mendimit të tij politik, përmes veprimtarive të tij të përditshme, mund të konkludohet se Vuçiqi pasqyron, në mënyrën më origjinale, tërësinë e moralit, vendosmërisë, dinakërisë dhe aftësive të prijësve serbë që nga Garashinini e këtej.

Prandaj edhe është objekt i kësaj analize.

Ngadalë, por sigurt drejt pushtetit absolut

Aleksandër Vuçiq (1970) angazhimin politik e filloi në kulmin e luftërave në ish-Jugosllavi, si gazetar i radios së Karaxhiqit në Bosnjë, dhe me aderimin, më 1993, në partinë e Sheshelit (Partia Radikale Serbe, PRS), një parti që mëtonte të jetë trashëgimtare e partisë së Nikolla Pashiqit (1845 – 1926).

Më 1994, Vuçiqi u zgjodh sekretar i përgjithshëm i Partisë Radikale Serbe, duke u bërë njëri prej bashkëpunëtorëve më të afërt e më besnikë të Vojislav Sheshelit, i dënuar për krime lufte.

Vuçiqi, me retorikën e tij të egër, përpiqej t’ia kalonte atit të tij shpirtëror, Sheshelit; ende mbahet mend deklarata e tij në Parlament, më 20 korrik 1995, kur u zotua se: “Për një serb të vrarë do t’i vrasim 100 myslimanë (boshnjakë)!“

Në vitin 1998, Vuçiqi u emërua ministër për informata në Qeverinë serbe të unitetit kombëtar. Gjatë bombardimeve ai ishte zëdhënës autentik i politikës shfarosëse serbe në Kosovë.

Gazetari anglez, Robert Fisk, në një shkrim në “Independent”, 14 maj 2016, e përshkruan kështu Vozhdin e gjatë:

“Në Beograd…, më 18 qershor 1998, u shfaq një i ri i sjellshëm, por i rrezikshëm; i referohesha sherrisht ‘fytyrës së tij të pafajshme, buzëve të trasha dhe buzëqeshjes së shpejtë’ derisa ai tentonte të na bindte ne, gazetarëve, se krejt çka donte diktatori Slobodan Milosheviq në Kosovë ishte paqja, dialogu dhe të drejtat e njeriut për të gjithë, përfshirë edhe 90 për qind të popullatës shqiptare. Për autonominë e Kosovës që ia kishin rrënuar nëntë vjet më parë nuk e thoshte asnjë fjalë”.

Më 2008, për shkak të mospajtimeve me liderin e tyre, Sheshelin famëkeq, derisa ky ishte “me pushime“ në Hagë, T. Nikoliq dhe A. Vuçiq, u ndanë nga partia radikale dhe formuan Partinë Progresiste Serbe (Srpska Napredna Stranka), duke i dhënë kështu partisë radikale një grusht dërrmues.

Se si ‘u mor kalaja nga brenda’ Shesheli e shpjegon pas daljes nga burgu, në një tubim me besnikët e tij:

“Gjatë kohës sa isha në Hagë, aktivistët e PRS-së, për të evituar shpenzimet, komunikonin brenda një rrjeti qarkor telefonik. Ndërkohë, Vuçiqi kishte blerë një aparat, rreth 30.000 euro, dhe i përgjonte të gjithë, përfshirë këtu edhe Tomislav Nikoliqin, madje edhe kur ky fliste me të huajt, prandaj e dinte saktësisht se çka po ndodhte në parti. [1]

Partia progresiste nuk ndryshonte shumë në përmbajtje nga partia e Sheshelit, por me një fjalor të zbutur e bënte ideologjinë politike të radikalëve serbë më të pranueshme për bashkësinë ndërkombëtare.

Ky kërcim akrobatik në verbin e Vuçiqit dukej kështu;

“Kur shqiptarët e shpallën pavarësinë, kam qenë i trishtuar, por kurrë nuk kam parë asi guximi si te djemtë përpara ambasadës së djegur amerikane.“ (2008)[2]

Është fjala për tubimin e madh protestues që u mbajt në Beograd me t’u shpallur Pavarësia e Kosovës, me ç’rast, në sytë e policisë, u sulmuan ose u dogjën disa ambasada të shteteve perëndimore në Beograd, e sidomos Ambasada amerikane, ku edhe u vra një person.

Pas disa muajsh, po i njëjti person, me emrin Aleksandar Vuçiq shprehej kështu:

“Kushdo që mund të thotë se gjendja në Serbi është ideale e ne t’i kemi marrëdhëniet ‘thikë e gjak’ me SHBA-në, unë i them se s’ka lidhje me kokën. Marrëdhëniet e mira me amerikanët janë e vetmja rrugë për ta shpëtuar Serbinë… Në këtë vend janë disa budallenj që thonë se mund të qeverisësh pa pasur mbështetjen e SHBA-së… Amerikanët kanë verëra të shkëlqyera. Më kanë dhuruar disa ‘chafer merlo’ (2008)“[3]

Në saje të këtij ‘reformimi’, Partia Progresiste serbe i fitoi zgjedhjet presidenciale të vitit 2012, ndërsa më 29 shtator 2012, Aleksandër Vuçiqi u zgjodh kryetar i saj.

Në korrik të vitit 2012, Vozhdi i gjatë u emërua nënkryetar i Qeverisë, ministër i Mbrojtjes dhe njëherësh sekretar i Këshillit të Sigurisë Kombëtare. Me një fjalë, një kupolë e të gjitha shërbimeve sekrete serbe dhe një trampolinë drejt majës së gjithë pushtetit.

Në zgjedhjet e vitit 2014, Vuçiqi u emërua kryeministër i Serbisë, ndërsa më 2 prill 2017 ai u zgjodh kryetar i saj.

Gradualisht, Vuçiqi e shtriu pushtetin e tij absolut gjithandej në Serbi, së pari, me përjashtime të rralla, i disiplinoi mediat dhe orientoi tehun e tyre mercenar kundër opozitës, kundër shqiptarëve, kroatëve dhe boshnjakëve, dhe natyrisht kundër Perëndimit. Falë mediave ai e komprometoi keq dhe pastaj e eliminoi politikisht edhe shefin e tij, Tomislav Nikoliq, ani se ky i fundit e konsideronte si djalin e vet.

Me të marrë në duar të gjithë frenjtë e pushtetit, Vuçiqi i kushtoi një rëndësi të madhe komunikimit me Perëndimin dhe nuk la gur pa lëvizur për të krijuar atje një imazh tjetër për veten dhe për Serbinë. Në këtë funksion emëroi si kryeministër Ana Bërnabiq, lesbike e deklaruar, e cila madje nuk ishte as anëtare e partisë së tij.

Vozhdi, SHBA-ja dhe luftërat në ish-Jugosllavi

Gjatë gjithë luftërave në ish-Jugosllavi, Vuçiqi ishte dora e djathtë e Sheshelit dhe mbështetës i vendosur i krerëve serbë në Kroaci e Bosnjë kur ata, me ndihmën e ushtrisë federale, zbatonin ideologjinë serbomadhe dhe strategjinë e saj të spastrimeve etnike masive.

Për shkak të këtyre veprimeve dhe të kësaj vetëdijeje gati kolektive te serbët, Papa Pali i Dytë i pati thënë Klintonit:

Duhet t’i bombardoni serbët…

Më 20 mars 1995, në qytetin e pushtuar kroat të Glinës, Vucic e ndezte turmën:

“Vëllezër serbë, motra serbe, ju përshëndes juve që ngritët flakadanin e lirisë në tokat serbe.

Kurrë Krajina serbe dhe Glina nuk do të jenë Kroaci. Kurrë Banija nuk do të bëhet Kroaci… Nëse radikalët serbë fitojnë zgjedhjet, ju e dini se do të jetoni në Serbinë e madhe.“[4]

Në këtë vijë, sipas Vuçiqit: “Radovan Karaxhiqi pasqyron simbolin e luftës së popullit serb për liri. Radovani dhe Ratko (Mladiq) janë trima dhe patriotë të shquar në luftën atdhetare… Nuk do t’i dorëzojmë as njërin as tjetrin.. Nëse i takojmë diku, do të pimë kafe me ta. Serbisë ia duan të keqen më të madhe ata që detyrojnë Mladiqin dhe Karaxhiqin të dorëzohen në Gjykatën e Hagës. Akuzat kundër gjeneralit Mladiq janë gënjeshtra e manipulime që kanë për qëllim satanizimin e tij… Shtëpia ime, si dhe çdo shtëpi e familjes së gjerë Vuçiqi do të jetë shtëpi-strehë e sigurt për gjeneralin Ratko Mladiq…“[5]

Dënimi i serbëve për krime gjithandej në Kroaci dhe Bosnjë-Hercegovinë nga Tribunali i Hagës e sidomos për gjenocidin në Srebrenicë, nuk u pranua asnjëherë nga krerët e Serbisë.

Në këtë pikë, Vozhdi i gjatë ishte më i vendosuri:

“Histeria që po krijohet përmes Srebrenicës është një fushatë antiserbe, ndërkohë që heshtën vuajtjet e serbëve, viktimat dhe fatkeqësitë e tyre… Qëllimi i kësaj fushate që po bëhet kundër popullit dhe shtetit serb është arrestimi i Ratko Mladiqit dhe suprimimi formal i Republikës serbe.“[6]

Për shkak të qëndrimit të pandryshueshëm të krerëve serbë për këtë çështje madhore, më 29 nëntor 2018, Parlamenti Evropian, në rezolutën për Serbinë, nënvizoi “se pranimi i gjenocidit në Srebrenicë është një etapë fondamentale në procesin e aderimit të Serbisë në BE“.[7]

Vozhdi i gjatë vazhdimisht villte helm e vrer kundër Perëndimit dhe Amerikës sidomos: “Ashtu siç zgjerohej fronti antifashist në Luftën e Dytë Botërore, po ashtu do të zgjerohet edhe fronti i rezistencës kundër amerikanëve dhe idesë së tyre naziste-imperialiste.“ (1999)[8]

“Kemi vuajtur nën bombat amerikane, ndërsa tani po vuajmë edhe më shumë nga gjoja ndihmat dhe mbështetja e tyre ekonomike“. (2001) [9]

“Amerikanët po duan të zaptojnë dhe të pushtojnë çdo gjë, kudo duan ta kenë nga një Gjingjiç“ (2003, këtë e tha vetëm disa javë para se ai të vritej, shënim i autorit) [10]

“Krerët e DOS-it (partitë politike që erdhën në pushtet pas rënies së Milosheviqit) në mënyrë kusare e banditeske po përpiqen ta arrestojnë dhe ta dorëzojnë Slobodan Milosheviqin, të shkatërrojnë emrin e kombit serb, krenarinë, nderin dhe shtetin e popullit serb… Është e mjerë dhe e ngratë ajo qeveri që i dorëzon serbët vetëm për të përmbushur urdhrat e SHBA-së dhe Gjykatës së Hagës…“[11]

“Bashkësia ndërkombëtare po do t’ia fusë popullit serb banderin në anus dhe pret prej nesh që t’i themi se po ndihemi shumë mirë…“ (2005) [12]

Sipas Sheshelit, shefit të tij të dikurshëm:

“Vuçiqi ka ngjitur parulla me foton e Ratko Mladiqit nëpër rrugët e Beogradit, duke i vënë ato mbi treguesit e rrugës ‘Zoran Gjingjiq’.

Ai madje edhe në Kuvendin e Serbisë ka futur banderola me emrin Sigurna kuça za Ratka Mladiqa (Shtëpi e sigurt për Ratko Mladiqin)…

Ka punuar shumë me vetveten dhe është bërë ekspert për manipulimin e mediave. Me premtimet e zbrazëta ka fituar shumë simpati dhe ky është një fakt.“
Vozhdi i gjatë për Kosovën

Në diskursin politik të Vuçiqit Kosova është A-ia dhe Kryefjala e tij. Platforma më e qartë për Kosovën e Vozhdit të gjatë dhe bashkëmendimtarëve të tij është botuar në gazetën e Partisë radikale serbe “Velika Srbija“ (Serbia e madhe), më 14 tetor 1995. Vuçiqi ishte anëtar i redaksisë dhe i këshillit botues.

Platforma me titull “Si do ta zgjidhnin çështjen e Kosovës e Metohisë radikalët serbë“, ka 5.540 fjalë dhe është nënshkruar nga udhëheqja e PRS-së, kryetari, zëvendëskryetari, sekretari i përgjithshëm, Vuçiqi, të katër nënkryetarët si dhe nga 81 deputetë të PRS-së.

Në këtë analizë, kjo platformë do të citohet gjerësisht, sepse është njëri prej projekteve serbe më të rrezikshme dhe, për më keq, nuk përmendet asnjëherë prej pushtetarëve shqiptarë, madje as në rastet, si në një darkë me përfaqësuesit e BE-së, kur Vuçiqi pati akuzuar rëndë njërin prej qyqarëve të Kosovës dhe ky i fundit, për turpin dhe për të zezën tonë e të Kosovës, nuk e hapi gojën!

Fillimisht, në Platformë konstatohet se:

“Pa Kosovë e Metohi nuk ka as shtet serb. Mu për këtë ruajtja e Kosovës e Metohisë, si pjesë përbërëse dhe integrale e Serbisë, për nga rëndësia, është e barabartë me vetë ekzistencën e kombit serb…“

Në këtë frymë nënshkruesit zotohen për suprimimin e “…federatës ekzistuese dhe formave të autonomisë territoriale, sepse ato janë provuar si dështime për popullin serb, prandaj zgjidhja më e mirë duhet të jetë krijimi i një shteti unitar serb, në përbërjen e të cilit do të hynin Republika e Krainës Serbe, Republika Serbe, Republika e Serbisë dhe Republika e Malit të Zi.“

Pakicave u njihet “… e drejta për përdorimin e gjuhës së vet në jurisprudencë, e drejta për arsimin fillor në gjuhën e vet amtare, për shprehjen e ndjenjave fetare, marrjen me veprimtari kulturore e të ngjashme. Ndërkaq, ushtrimi i këtyre të drejtave nënkupton, para së gjithash, detyrimin e anëtarëve të pakicave për sjellje luajale ndaj shtetit, qytetarë të të cilit janë.“

Sipas Platformës, në atë kohë ishin rreth 400 mijë shqiptarë që duhej ndjekur nga Kosova, sepse qenkëshin ardhacakë. Ndaj tyre “… duhet të zbatohen standarde të dyfishta: për ata që njihen si ekstremistë duhet paraparë përzënia e menjëhershme, ndërkaq të tjerëve duhet t’u vihet si kusht zotërimi i të gjitha dokumenteve, madje edhe për nevojat më të zakonshme, për sigurimin e të cilave, si parakusht do të ishte dëshmia e shtetësisë, të cilën ata nuk e kanë si edhe pasja e listës së atdheut. Lista e atdheut do të zbatohej për të gjithë shtetasit e Serbisë, si mjet i detyrueshëm, me të cilën do të vërtetohej se kanë shtetësinë e Republikës së Serbisë. Në kopertinë, lista e atdheut do të kishte stemën e Serbisë: shqiponjën e bardhë dykrenore të Nemanjiçëve, mburojën me kryq dhe katër S-të.“ (Samo sloga srbina spashava! që do të thotë: vetëm uniteti serbët i shpëton).

“ Duhet penguar me të gjitha mënyrat kthimi i shqiptarëve të punësuar në botën e jashtme, e posaçërisht kthimi i atyre, që në periudhën 1990/93 kanë shkuar në mënyrë masive jashtë (vlerësohet se kanë shkuar rreth 300 mijë pjesëtarë të popullsisë më aktive).“

“Të gjitha pronat serbe që janë shitur apo që u takojnë në ndonjë mënyrë tjetër shqiptarëve, shtëpitë dhe apartamentet, sidomos ato të periudhës 1966/1987, (gjatë kohës së pushtetit ballisto-komunist në Kosovë), si edhe ato që fashistët i përvetësuan gjatë Luftës së Dytë Botërore, duhet t’u kthehen pronarëve të mëparshëm ose pasardhësve të tyre.“

T’u hiqet shtetësia serbe dhe t’u ndalohet kthimi të gjithë shqiptarëve shtetas të Jugosllavisë, të cilët banojnë jashtë shtetit e që, atje veprojnë nga pozita separatiste.

“Përmes ndërtimit të autostradave (qëllimisht me korsi të ndara deri në 1 km, për shkak të ‘konfiguracionit të terrenit’ dhe sheshimit të një brezi të gjerë buzë rrugës) mes për mes mjediseve rurale shqiptare me dendësinë më të madhe të popullsisë, dhe ndërtimit të objekteve të tjera, si kazerma, poligone, magazina, etj., si dhe dhënia e trojeve dhe hapësira për kolonitë e të ardhurve, në këtë mënyrë do të imtësohet hapësira etnike shqiptare, me çka ata do të humbin “thellësinë” e territorit, që është element cenues i rëndësishëm i ndjenjës së tyre të sigurisë.

Qëllim i gjithë kësaj është krijimi i vetvetishëm ‘i lëkurës etnike të leopardit’, me çka, më vonë, me shtrirjen e enklavave serbe, ato shqiptare do të zvogëloheshin dhe do të zhdukeshin“.

“Me ndryshimin e kushteve të tregtisë, përmes firmave private, mund të shkaktohen mungesa artificiale mallrash, që nuk do të gjenden as në ato shtetërore, me çka do të krijohet ndjenja e pasigurisë dhe e ankthit.

Furnizimi me rrymë elektrike (ndërprerjet e shpeshta të saj me qëllim, si dhe sabotimet e vërteta në ato pjesë të rrjetit që furnizon enklavat shqiptare), në veçanti, u duhet ndërprerë ujin, që është problem i mprehtë në Kosmet, në këtë mënyrë do t’ua bëjmë jetën e padurueshme. Qëllimi i gjithë kësaj është që të bëhet ndarja (veçimi i plotë) e popullsisë, jo vetëm për nga aspekti i hapësirës, por për të bërë izolimin e plotë të shqiptarëve nga enklavat e tjera të banuara prej tyre…“

“…duhet vështirësuar funksionimi i sektorit privat të shqiptarëve me anë të veprimeve të rrepta administrative dhe të kontrollit të përhershëm të tregtisë, me çka do të vihej njëfarë kontrolli mbi financimin e partive të tyre politike.“

“Duhen vështirësuar kontaktet me firmat dhe ndërmarrjet private në Serbi, për të mos lejuar që kapitali shqiptar të krijojë monopol dhe të ndikojë në proceset ekonomike në Serbi.

Me anën e dispozitave përkatëse përfshirë dhe politikat tatimore, të mbikëqyret sektori i ndërtimeve pa leje, prej nga mund të fitohen mjete të mëdha financiare për investime në programin e kolonizimit dhe krijimit të vendbanimeve të posaçme“.

“Shkaktimi dhe demaskimi i aferave të ndryshme, në saje të të cilave do të ndiqeshin firmat e mëdha private dhe pronarët e tyre. Kujdes i veçantë i duhet kushtuar trafikut me drogë, duke përfituar nga rastet e zbuluara për të dënuar një rreth të gjerë njerëzish me dënime të ashpra. Rastet e zbuluara të përdoren për komprometimin e individëve të shquar…“

“Dhënia e lejeve të caktuara, dokumenteve nga organet shtetërore (me përjashtim të pasaportave) duhet të ndërlikohet deri në maksimum, ndërkaq dënimet për mungesën e tyre duhet të jenë të ashpra. Shqiptarët kanë aversion të posaçëm ndaj sjelljeve të këtilla, sepse rrjedhin nga një mjedis ku drejtpërsëdrejti aplikohet e drejta zakonore. Ata nuk e durojnë sidomos ndërhyrjen administrative në atë që ata e konsiderojnë si çështje të veten intime. Madje, duhet kërkuar edhe “leje për lopën” (leje për posedimin e kafshëve).

Duhet ndikuar që shkuarja e shqiptarëve jashtë të bëhet e zakonshme, ndërkaq kthimi të vështirësohet me procedura të koklavitura në kufi…“

“Veprimtaria gjithëpërfshirëse (e shërbimeve serbe, shën. i autorit) brenda organizatave shqiptare doemos do të shkaktojë pakënaqësi te shqiptarët, gjë që është parakusht për ta rritur gatishmërinë e tyre për t’u angazhuar në organizata të ndryshme, prej atyre jashtëligjore e deri në ato terroriste. Për këtë arsye, është e udhës që të infiltrohen individë nga Sigurimi i Shtetit, të cilët, në momente të përshtatshme do të inicionin formimin e organizatave të tilla, në mënyrë që pastaj të ndikohet në veprimtarinë e tyre, në mos edhe në udhëheqjen e tyre…“

“Me këso komplotesh mund të shkohet madje edhe në kryerjen e aksioneve, me çka kontribuohet në arritjen e satisfaksionit kolektiv të masave shqiptare, por edhe rënies së tendosjeve, ndërsa shtetit kjo do t’i shërbejë si shkas për veprime shumë më të ashpra ndaj të gjitha organizatave të tjera, e kjo sjellë deri tek tendosjet ndërnacionale dhe thellimi i mëtejmë i jetës së tyre paralele“.

“Në këtë kuptim, është i nevojshëm ekzistimi i shumë grupeve të tilla, ndonjë prej të cilave policia dhe Sigurimi i Shtetit, kohë pas kohe, do ta shkatërronin, deri sa ato të konsolidohen sërish, të tjerat e vazhdojnë punën dhe kjo i kontribuon krijimit të mendësisë se këto veprimtari janë në funksion të çlirimit“.

“Eliminimi i individëve të shquar (atyre aktivë, por edhe potencialë) të cilët luajnë ose mund të luajnë rol vendimtar në jetën politike, me afera të fryra publike dhe me “fatkeqësi të rastit”, si (fatkeqësi trafiku, vrasje nga xhelozia, infektime të individëve me virusin e SIDA-s, gjatë qëndrimit në botën e jashtme, të tillëve për të cilët dihet se kanë prirje për ekskursione dashurie, infektime që ‘zbulohen’ gjatë kontrollit në kufi, pas të cilit zbatohet vënia në karantinë.

Me përpunim të përshtatshëm medial, mund të krijohet një atmosferë e tillë, e cila do të nxitë kontrollin medikal të popullsisë shqiptare, në mënyrë që të konstatohet artificialisht se ekziston një përqindje e madhe e të sëmurëve nga SIDA, prej nga rrjedh nevoja e izolimit të një numri sa më të madh njerëzish; në mënyrë që të krijohet përshtypja në opinion se shqiptarët janë komb infektues“.

Veprimtaria informativo-propagandistike

“Duhen krijuar programe të posaçme televizive e radiofonike në gjuhën shqiptare, përmbajtja e të cilave do të orientohej drejt rrënimit të mendësisë së tyre patriarkalo-fisnore, me anën e paraqitjes së përmbajtjeve më dekadente nga Perëndimi, ndaj të cilave shfaqin prirje popujt primitivë. Enklavat serbe do të mbroheshin nga programet e tilla, para së gjithash me pengesa gjuhësore (radioja), si edhe me anën e aplikimit të televizionit kabllor, në vendbanimet e reja dhe në ndërtesa.

Ndaj botës është e domosdoshme të formohet një mekanizëm i fuqishëm propagandistik, në përputhje me përvojat e njohura.

Të parashikohen madje edhe botime të fshehta të nëndheshme, me përmbajtje që do të përhapnin për ta ide fatale e mistike dhe gjoja kritike për “regjimin serb“.

“Të gjitha shkollat dhe akademitë ushtarake e policore, të gjitha entet ushtarake, që nuk janë të lidhura drejtpërdrejt me komandimin në disa fusha ushtarake, si edhe një varg institucionesh të tjera shtetërore, si bie fjala, ministri të tëra, duhet të transferohen në rajonin e Kosovës e Metohisë, në mënyrë që të krijohen kushtet për vendosjen e dhjetëra e mijëra oficerëve, policëve, nëpunësve e anëtarëve të familjeve të tyre, dhe të infrastrukturës së plotë. Të gjithë serbëve, që dëshirojnë të jetojnë në ato hapësira tonat, duhet t’u sigurohet falas tokë bujqësore në pronësi të përhershme, si dhe troje për ngritjen e shtëpive familjare dhe të ndërmarrjeve ekonomike. Të gjithë atyre, që transferojnë atje përfaqësitë tregtare dhe ndërmarrjet prodhuese, në të cilat punësojnë së paku 10 veta, do t’u ofrojmë një prej lehtësive kyç: lirimin nga pagesa e tatimit, më së paku për dhjetë vjet. Pse Kosova e Metohia të mos jenë zona jashtë doganore?“

“Oficerëve të pensionuar, nënoficerëve, policëve dhe nëpunësve shtetërorë, si zgjidhje e përhershme e çështjes së tyre të banimit, t’u ofrohen banesa maksimalisht komfore në territorin e Kosovës e Metohisë. Të sigurohet brezi kufitar në gjerësi prej 50 km (minimumi) përgjatë kufirit me Shqipërinë. Të mos lejohet cenimi i kufirit nga hapësira e Shqipërisë së tashme, ndërsa marrëdhëniet me të do të zhvillohen në harmoni me mundësitë dhe interesat e të dyja palëve.

Zona kufitare me Shqipërinë do të mundë të popullohej vetëm me serbë, ndërsa toka tjetër do të ishte në pronësi të Ushtrisë së Jugosllavisë“.

2) Shkollimi

“Në shkollat shtetërore në Kosovë e Metohi, sistemi shkollor duhet të mbështetet në përmbajtjen dhe vlerat e artit dhe kulturës serbe, evropiane dhe botërore dhe duhet të shtjellohet në gjuhën serbe. Perspektiva e hapur e jetës dhe e zhvillimit të lirë në Serbi është mjaft tërheqëse që këtë sistem ta pranojnë edhe anëtarët e pakicave kombëtare. Shkollat në gjuhët e bashkësive minoritare duhen trajtuar si private dhe gjatë punësimit duhet kërkuar verifikimi i mësimdhënies sipas plan programeve zyrtare. Në këtë mënyrë do të bëhej seleksionimi normal në përputhje me vlerat dhe strukturën e shoqërisë serbe. Mësimi në Universitetin e Prishtinës, pas rrënimit të parashtetit shqiptar, ka përjetuar kthesë rrënjësore dhe është në rrugë e sipër për të arritur rezultate kapitale, dhe me këtë ta përcaktojë qartë fatin e Kosovës e Metohisë dhe të shtetit serb në tërësi. Ky nivel i arritur duhet stabilizuar edhe më tej, duke vazhduar me projektet dhe programet e reja. Kushtet e studimit në gjuhën serbe në Universitetin e Prishtinës duhen bërë më të përshtatshme se kudo tjetër në Serbi“.

“Duhet mbajtur dhe thelluar edhe më tej sistemi i tanishëm paralel e ilegal i shkollimit të shqiptarëve, sepse në këtë mënyrë, në të ardhmen, me diploma jolegale, atyre u mbyllen dyert e çdo angazhimi dhe integrimi në shoqëri si dhe mundësitë për gjetjen e vendeve adekuate të punës. Veç kësaj, vazhdimi i mëtejmë i shkollimit paralel dhe ilegal i shqiptarëve ka edhe një rëndësi tjetër: nuk është arsimim i detyrueshëm si ai shtetëror, prandaj bie shkalla mesatare e mësimit dhe zvogëlohet aftësia e tyre kolektive për t’i rezistuar manipulimit nga jashtë dhe nga brenda“.

“Të gjitha këto veprimtari duhet të bashkërendohen në mënyrë të tillë që ta nxisin sa më shumë derdhjen e popullsisë shqiptare në botën e jashtme, në Maqedoni dhe në Shqipëri. Duhet të përdoren mënyra të nduarnduarta të trysnisë, të krijimit të ndjenjës së pasigurisë për të nxitur shpërngulje sa më të madhe të shqiptarëve“.

“Policia, si organ i rëndësishëm i pushtetit, është përgjegjëse për mbetjen e Kosovës e Metohisë në pronësi të përhershme të shtetit serb“.

“Bisedimet dhe marrëveshjet me përfaqësuesit e shqiptarëve të mos fillohen, para miratimit të ligjit mbi shtetësinë dhe konstatimit të numrit të atyre që e njohin dhe e pranojnë Serbinë si shtet të vetin.“

“Ndaj atyre shqiptarëve që përcaktohen për të qenë shtetas të Serbisë, përkatësisht të Jugosllavisë, duhet të sillemi me tolerancë dhe t’i trajtojmë drejt, por, inkorporimi i tyre në organet shoqërore, politike dhe shtetërore, duhet bërë sipas masës së integrimit dhe të identifikimit të tyre të vërtetë me shtetin serb dhe me ligjet e tij.“[13]

Sigurisht për shkak të planeve të tilla, të shumta, të serbëve për Kosovën dhe për krimet e tyre në Bosnje e Hercegovinë, Margareth Thaçer pati kërkuar: “Ndalini serbët menjëherë dhe përgjithmonë!“[14]

Ndërkaq, Jacque Chirac, gjatë një dreke, në qershor të vitit 1995, ishte edhe më i drejtpërdrejtë:

“Serbët janë popull pa ligje dhe pa fe, këta janë popull banditësh dhe terroristësh.“

Kur lexuesi mendon thellë arsyen pse njerëz kaq larg prej serbëve dhe Serbisë, kaq të pa rrezikuar prej saj, shprehin këso mendimesh të pamëshirshme për ta, besoj se shkakun duhet kërkuar te rrëfime që nuk i mban as toka;

– për grabitësin që ta merr kafshatën nga goja dhe të tjerëve u thotë, është imja;

– për pushtuesin që ta burgosë fëmijën tënd dhe e tretë burgjeve pafund, e të tjerëve u thotë, ma ka rrezikuar ekzistencën time;

– për xhandarin që ta merr tokën e shtëpinë, dhe të tjerëve u thotë, gjithmonë kanë qenë te miat;

– për shtetin që të nxjerr nga shkolla, nga bibliotekat, nga universiteti që i kanë themeluar me mund prindërit tu, e ty të thotë nuk i meriton se je i egër;

– për oficerin që me urdhër shteti me krejt njësinë e tij t’i përdhunon gruan, fëmijët dhe të tjerëve u thotë ia kanë bërë vetës;

– për ushtrinë që t’i vret njerëzit tu në shtëpi dhe i djeg brenda ose ua merr kufomat dhe, për t’i fshehur gjurmët, i djegë në furrat e xeheroreve ose hap varreza masive dhe mbi të ndërton kisha e pista aeroportesh dhe ti nuk e ke as një varr për ta derdhur, në ditë trishtimi, një truç lot mbi të…
“Dialogu” me Kosovën dhe për Kosovën

Që nga viti 2013 e këtej, Vuçiqi u bë faktor vendimmarrës në ‘dialogun’ e Kosovës dhe Serbisë në Bruksel.

Edhe në këtë pikë qëndrimet e tij më herët ishin radikale:

“Vetëm pasi të jenë kthyer ushtria dhe policia jonë në Kosovë e Metohi ne do të mundë të negociojmë me të huajt dhe me shqiptarët.“ (2003)[15]

“Askush nuk ka të drejtë të heqë dorë as nga një livadh apo arë e vetme serbe… E vetmja mënyrë për ta ruajtur Kosovën është të na mbështesin Rusia dhe Putini.“ (2005)[16]

“Evropa dhe Amerika po na grabisin Kosmetin, Serbia as që duhet të mendojë për integrimet evropiane.“ (2007).[17]

Ndërkaq katër vjet më vonë, Vozhdi përdorte një fjalor disi tjetër :

“Kosova është e rëndësishme për ne, por ne duhet të mendojmë për investimet, partia progresiste nuk do të heqë dorë nga rruga evropiane.“ (2011)[18]

Me ardhjen e tij de facto në krye të delegacionit të Serbisë, Vuçiq e dinamizoi dialogun dhe arriti që, në prill të vitit 2013, të nënshkruhet nga Thaçi-Daçiq Marrëveshja e Parë e Parimeve, përmes së cilës, në kundërshtim me Kushtetutën, në Kosovë formohej një entitet juridik, një etnik, pra bëhej federalizimi i vendit.

Kjo Marrëveshje, që cenon rrezikshëm rendin kushtetues dhe integritetin e vendit, u përthellua përmes marrëveshjes për Asociacionin, më 25 gusht 2015, nënshkruar nga Vuçiqi dhe Mustafa. Nëse Marrëveshja e vitit 2013 e federalizonte vendin në favor të një pakice prej 5% të popullsisë, Marrëveshja për Asociacionin, sipas Aktgjykimit të Gjykatës Kushtetuese (23 dhjetor 2015), krijon nga Kosova“…një formë konfederate ku njësitë territoriale bashkëpunojnë në nivel horizontal në bazë të bashkëpunimit të ndërsjellë dhe ndarjes së informatave. Asnjë formë e vetëqeverisjes lokale apo edhe e vetëqeverisjes rajonale nuk njeh një marrëdhënie të tillë horizontale me autoritetet qendrore…“

Kjo Marrëveshje dhe ajo për demarkacionin e sollën vendin buzë greminës së luftës civile, që filloi me hedhjen e gazit lotsjellës në Kuvend, në ato rrethana, si e vetmja mënyrë e mbetur për ta shpëtuar Kosovën nga copëtimi.

Paralelisht me këto fitore në tryezën e bisedimeve, Vozhdi i gjatë e ndryshoi kahun “dialogut“. Ai gradualisht dialogun me Kosovën dhe për Kosovën arriti ta kthejë në negociata të Serbisë me shqiptarët: në negociata për territore të Kosovës. Ai, ashtu si Gjingjiqi, është i prerë se zvarritja e kësaj çështjeje “po i thith gjakun sistemit, sepse po i kushton shtetit 1 miliard e 300 milionë euro në vit.“ [19]

Suksesi më i madh i Vuçiqit në politikën e jashtme ishte sidomos fakti se ai arriti ta fusë në kurth kryeministrin shqiptar, Edi Rama, në mënyrë që edhe ky të bëhet avokat i vënies në pikëpyetje të kufijve të Kosovës dhe të vendimit të GjND-së:

“Më 2010 u mor vendimi katastrofal, kur ne i jemi drejtuar me letër Gjykatës Ndërkombëtare të Drejtësisë për ta pyetur se a është shpallja e pavarësisë së Kosovës ilegale apo jo, dhe marrim përgjigjen se vendimi nuk ishte ilegal. Po të ishin shqiptarët të mençur, në Këshillin e Sigurimit do t’i përmbaheshin vetëm këtij vendimi, e jo në atë që i zura dhe i munda lehtë, si Plani i Ahtisaarit e çdo gjë tjetër…“[20]

Njohësit e mirë të historisë moderne serbe e dinë se të paktën qe një gjysmë shekulli e këtej, Serbia ka këmbëngulur që për ndarjen e Kosovës të mos flasë me parinë e saj, por me pushtetarët në Shqipëri.

Kjo i përshtatet Beogradit shumë më tepër, sepse së pari nuk do të ketë nevojë ta njohë Kosovën, së dyti krerët serbë e dinë se shumë më lehtë do të merren vesh për këtë çështje me politikanë të atjeshëm se sa me ata të Prishtinës. Shkaqet janë të njohura: çdo politikan nga Kosova e din se futja në këtë lojë do të thotë të fusë në rrezik kokën e tij dhe të familjes, ndërsa ata në Shqipëri janë mësuar t’i bien kryq e tërthorazi Rubikonit pa u lag dhe pa therrë në këmbë.

Edi Rama: ora e mësimit të serbishtes

Mirëpo Edi Rama, pavarësisht se është një sharlatan ‘par excellence’, e hetoi se sa patate e valë është kjo temë, prandaj këtë punë të pistë ia la në dorë Hashim Thaçit, kokë turku që e di mirë se e presin prangat, prandaj është i gatshëm në çdo akt që do ta kursente nga burgu.

Vozhdi i gjatë është treguar mjeshtër në raport me shqiptarët, Thaçin duke e shantazhuar me dosje të trasha, ndërsa Ramën duke ia kashagitur mendjemadhësinë. Ja një dialog publik në Beograd (31 gusht 2015), që flet shumë.

Rama: “Kemi folur për unionin ekonomik, që realisht ta zgjerojmë tregun…, për rrugën Nish-Prishtinë-Durrës…, ajo rrugë duhet të jetë pa barriera tarifore…“

Vuçiqi: Edi është politikan botëror, ndërsa unë jam lokal, i ngarkuar vetëm për Serbinë.“[21]

Lojën “me tre çibrita“ që ka bërë Vuçiqi me Thaçin dhe Ramën në dëm të territoreve të Kosovës ai ia shpërfaq publikut me humor:

“Bisedimet që kisha në Davos me Hashim Thaçin dhe Edi Ramën nuk ishin të lehta… Me rëndësi është që të mos e humbim atë që nuk guxojmë ta humbim, dhe të humbim vetëm atë që jemi të detyruar… ose atë që nuk na takon.“[22]

Në allishverishet me Serbinë, si duket, Edi Rama ka shkuar edhe më larg. Sepse në mbledhjen, më shumë se teatrale, të të dyja qeverive në Pejë, më 26 nëntor 2018, ai shpalosi idenë se: “Marrëdhënia jonë me Serbinë është strategjike dhe afatgjatë. Shqipëria është e vendosur të ndërtojë një partneritet strategjik me Serbinë.“

Për marren e tyre, askush nga të pranishmit nuk i kërkoi sqarime Edi Ramës, se cili institucion shtetëror dhe kur kishte vendosur për këtë orientim strategjik të politikës shqiptare? Për më tepër kur dihet se marrëdhëniet në mes dy vendeve vuajnë në çdo pikëpamje nga pabarazia dhe mungesa e reciprocitetit elementar.

Këtë lojë të tejdukshme me liderët e pagdhendur shqiptarë, Vozhdi i gjatë e arriti edhe falë rrethanave të reja gjeopolitike, duke luajtur me mjeshtri kartën shumëfytyrëshe në marrëdhëniet e acaruara të Perëndimit me Rusinë, një imitim i politikës dikur të leverdishme të Titos.

Telashet me ndërkombëtarët, kur përpiqej t’ua shiste goglat për arra, Vuçiqi i shpjegon në mënyrë prozaike “… e pyeta shefin e diplomacisë gjermane si të dalë para serbëve dhe t’u them se nuk ka asgjë prej Kosove dhe se këtë ma kanë thënë miqtë tanë? Dhe të gjithë serbët të marrin fërteret dhe të më mëshojnë kokës?“[23]

Gazetari i njohur Andrej Ivanji shpjegon mirë taktikën e Vozhdit : “Thelbi i politikës së Vuçiqit është që Perëndimit dhe rajonit t’ua përcjellë të njëjtin mesazh: në njërën dorë kam shkrepsen dhe këtij rajoni jostabil mund t’i vë zjarrin kur të dua; njëkohësisht në dorën tjetër kam aparatin zjarrfikës dhe jam i gatshëm që zjarrin që kam ndezur vetë ta fik lehtësisht. Ju takon juve të zgjidhni.“[24]

Gjatë një manovre ushtarake, jo larg kufirit me Kosovën, në Pasuljanske livade (Livadhet e Pasulit), Vozhdi rrahte gjoksin se: “Asnjë vend në rajon nuk mund të krahasohet me ushtrinë e Serbisë… ne dhe hungarezët jemi si baraz. Të tjerët janë larg prapa nesh.“[25]

Njëri prej analistëve më të mirë të rajonit, Vladimir Gligorov, kërcënimin e Vozhdit e deshifron saktësisht: “Ushtria është mjeti, ushtria e pajisur mirë është mjet më bindës, e qëllimi cili është, të mbrohet vendi. Por nga kush saktësisht? Në mënyrë që përmes kërcënimit t’i kushtëzojmë të tjerët për të bërë lëshime? Cilët saktësisht. Nëse nuk ka përgjigje në pyetjen për qëllimin, atëherë fjala është për para të hedhura kot…“[26]

Kur strategjia për copëtimin e Kosovës u kundërshtua me këmbëngulje gjithandej ndër shqiptarë po edhe nga shumë serbë, më 24 shtator 2018, para Këshillit të përgjithshëm të Partisë së tij, Vozhdi i gjatë vajtoi:

“Politika ime që Serbia të ruajë shumëçka në Kosovë ka pësuar disfatë. Serbët duan t’i humbin të gjitha. Më shumë preferojnë të qajnë për diçka që do të mbetet larg se sa për diçka që e kanë në duar.“[27]

Dhe vazhdon të vajtojë:

“Patëm rastin të fitojmë më shumë se zakonisht, por serbët thanë se këtë nuk e duan.“[28]

Por kjo është vetëm lojë, nga ato që i thoshte D. Qosiq se “…rrena është interes shtetëror serb…“, sepse burime të besueshme pohojnë se Thaçi-Vuçiq, me dijen e Ramës, që në muajin shtator 2018 kanë ravijëzuar një marrëveshje për copëtimin e Kosovës. Vetëm po presin momentin e volitshëm që, nëse ia arrijnë, t’ia imponojnë popullit të Kosovës copëtimin e vendit, duke vënë kështu shqiptarët para një akti të kryer tradhtie.

Ministri i Jashtëm serb, Daçiq, ditë më parë, në një intervistë pohoi: “Nëse para dhjetë vjetësh do të vepronim kështu do të ishim në gjendje shumë më të mirë. Jam i bindur se deri tash problemi i Kosovës do të ishte zgjidhur.“[29]

Burime të besueshme pohojnë se katër vjetët e fundit Serbia për veprime që lidhen me zgjidhjen e çështjes së Kosovës ka shpenzuar rreth 600 milionë euro. Kjo nuk ka të bëjë fare me financimin e strukturave të saj apo të popullsisë serbe në Kosovë. Se a bëjnë pjesë në këtë shumë edhe 39 milionë euro që shpenzoi Serbia për pengimin e Kosovës të bëhet pjesë e Interpolit, nuk e di, sikundër që nuk e di se ku ka përfunduar ajo shumë kolosale parash; në xhepa të disa shqiptarëve, në xhepa të disa ‘ndërkombëtarëve’ apo në xhepat e të dyja palëve bashkë. Ajo që dihet është se çështja e Kosovës, që ishte një kapitull i mbyllur, sërish u nxor në pazarin e madh si çështje e pazgjidhur.

Hashim Thaçi: Mirësevini, bukë e territor sa te doni…

Edhe Hashim Thaçi, në takatin e tij, ka kontribuar në këtë drejtim, sepse me paratë e buxhetit skamnor të Kosovës, ka paguar lobistë për t’u mbështetur nga qendrat vendimmarrëse marrëveshja e tij me Vuçiqin.

Veç kësaj, ai ka harxhuar shuma kolosale të parave të taksapaguesve për të botuar jashtë librat e tij për marre, ku, paturpësisht, sakrificat e disa brezave për liri përpiqet t’i përvetësojë si kusar.

 

Keqpërdorimi i serbëve të Kosovës

Serbët e Kosovës qe një shekull e gjysmë janë objekt i yshtjes, dezinformimit dhe manipulimit të paskrupullt nga Beogradi. Kjo veprimtari diversive kundër tyre është intensifikuar sidomos këto katër dekadat e fundit.

Zakonisht votat e serbëve të Kosovës përdoren për sajimin e strukturave të cilat veprojnë jo sipas interesave të serbëve lokalë, por sipas diktatit të Beogradit, siç është e ashtuquajtura Listë Serbe.

Se si përdoren votat më së miri e shpjegon gazetari kosovar, Darko Dimitrijeviq: “… në zgjedhjet e fundit që janë mbajtur në Kosovë, në Osojan (vendbanim serb, afër Istogut) kanë votuar 38 zgjedhës, ndërsa 1.700 nga Kraljeva, Kragujevci etj. (qytete në Serbi, ku banojnë shumë serbë me origjinë nga Kosova), prej tyre 60% janë të vdekur. E kam parë listën me sytë e mi.“[30]

Prej ardhjes në pushtet, Vozhdi i gjatë u drejtohet, gati për çdo ditë, serbëve të Kosovës me mesazhe kundërthënëse e keqdashëse. Dhe nuk është ndalur me kaq, sepse në kulmin e bisedimeve të fshehta për copëtimin e Kosovës, kur Vuçiqit iu kundërvu vendosmërisht edhe njëri prej liderëve më të spikatur serbo-kosovar, Oliver Ivanoviq, këtë e vranë mizorisht para zyrës së vet. Burime serioze konfirmojnë se këtë vrasje, dhe jo vetëm këtë, e kanë kryer strukturat mafioze të lidhura me shtetin serb.

Paraprakisht, Ivanoviqi ishte demonizuar nga bashkëpunëtorët më të afërt të Vozhdit dhe mediave që ky i kontrollon plotësisht, duke u shpallur njeri i lig e vegël e Prishtinës.

Prandaj, disa ditë para se të vritej, Ivanoviqi kishte takuar Vuçiqin dhe krerët e BIA-s (shërbimi sekret serb) dhe kishte kërkuar ndihmën e tyre për shkak se e kërcënonte me jetë, nënkryetari i partisë së Vuçiqit në Kosovë (Lista Serbe), mafiozi famëkeq, Milan Radoiçiq.

Një vit para se të vritej, Oliver Ivanoviq, u deklaroi mediave se “…fushata që po bëhet për zgjedhjet lokale në Kosovë, thënë më së buti është e çuditshme dhe se tash serbët po frikësohen prej serbëve më shumë se që janë frikësuar nga shqiptarët radikalë në vitet 1999, 2004 dhe 2008.“[31]

Në tubimin e fundit javor në Beograd (12 janar 2019), ku po marrin pjesë nga disa dhjetëra mijëra kundërshtarë të regjimit, Rada Trajkoviq, njëra prej liderëve të njohur të serbëve të Kosovës deklaroi:

“Na e vranë Oliverin, më të mirin prej nesh. Kanë menduar se vrasja e Oliverit do të promovonte si krejt të pamundur bashkëjetesën e serbëve dhe shqiptarëve, në mënyrë që përkufizimi (ndarja territoriale) të imponohet si ardhmëri. Ai edhe i vdekur i sfidoi, sepse në rrugëtimin e tij të fundit e përcollën edhe fqinjët e tij shqiptarë, të cilët shprehën keqardhje për vrasjen e fqinjit të tyre, dhe kështu plani i Vuçiqit dhe Thaçit (për ndarjen e Kosovës, shënim i autorit) u bë një plan i parealizueshëm“.

“Ne, serbët (e Kosovës) nuk po kërkojmë shumë. Po kërkojmë që serbët të mos frikësohen prej serbëve. E prej që Vuçiqi ka ardhur në pushtet, ne (serbët) po frikësohemi prej serbëve.“[32]

Vozhdi i gjatë ua fut frikën në palcë serbëve të Kosovës edhe duke gënjyer sy ndër sy. Në kohën e acarimit të gjendjes pas aplikimit të taksave doganore, ai në një tubim me serbët e Kosovës deklaroi: “Kemi informata për lëvizjen e trupave shqiptare nga baza e Belvedereve dhe Vrella… Ndoshta po shkojnë për të kontrolluar Liqenin (e Gazivodës), për t’i treguar muskujt dhe për të penguar ndonjë import mallrash“.

Ndërkaq zëdhënësi i KFOR-it deklaronte krejt të kundërtën: “…Nuk po ndodh asgjë. Nuk ka pasur kurrfarë lëvizjeje të trupave të FSK-së drejt veriut… nuk ka asnjë arsye për shqetësim.“[33]

Për këtë klimë të krijuar artificialisht flet me shqetësim edhe ish-ministri serb për Kosovën, Goran Bogdanoviq, përndryshe banor i Leposaviqit: “Ajo që s’më pëlqen është pompimi medial që shpërndahet live. Tërë ditën emetohen emisione speciale, në të cilat të intervistuar të ndryshëm me përgjigjet, demagogjinë dhe rrenat e tyre i shqetësojnë serbët në Kosovë. Nuk e di pse krejt kjo. Kanë ndodhur gjëra shumë të rënda, por nuk kishte emetime mediale live. Duhet informuar qytetarët, por jo kështu…“[34]

Pas vendimit për formimin e Ushtrisë së Kosovës, Vuçiqi luante teatër me serbët e Kosovës, thua se ata nuk e dinë se KFOR-i nuk lejon të rrezikohet prej askujt siguria e tyre:

“Mos u shqetësoni. Në çdo përpjekje për sulm ndaj jush, Serbia do të ketë forcë për t’ju mbrojtur… Ne mbrapa nuk mundemi më, s’kemi ku. Mos mendoni se do ta pranojmë dhe me mirësjellje të kënaqemi me vetëshkatërrimin tonë.“[35]

Në këtë lojë të madhe, Vozhdi i gjatë ka mobilizuar sidomos mediat serbe. Vitin që lamë pas, ta zëmë, vetëm në tabloidët mercenarë “Informer“ e “Srpski telegraf“ në kryetitujt e faqeve të para 265 herë paralajmërohen luftërat dhe konfliktet kundër kroatëve e shqiptarëve në radhë të parë.“[36]

Në njërën anë Vuçiqi ndez zjarrin dhe menjëherë pastaj merr rolin e zjarrfikësit. Shembulli më i mirë është treni laran rus, që Kosova e ndali në kufi:

“Një pjesë e mirë e serbëve hidhërohen pse nuk e çuam trenin deri në Mitrovicë. Ne mund ta bënim këtë, por do të kishte të vdekur në të dyja anët… “ [37]

Kjo politike e tejdukshme meskine dhe e paskrupullt, që ka për synim të realizojë objektiva strategjike serbomëdha, ka irrituar edhe shumë serbë. Fjalët që do të duhej t’ia thoshin në takimet e tyre të shpeshta Vozhdit të gjatë, Hashim Thaçi, Isa Mustafa ose Edi Rama, ia tha regjisori, çedomir Petroviq, serb me prejardhje nga Prishtina, deri tash mbështetës i Vozhdit të gjatë, i cili, në një letër që ia drejtoi, para disa javësh, kryetarit të tij, i thotë troç:

“Besimi im në ju ishte pjellë e dëshirës sime dëshpëruese që të shfaqet dikush pas kaq vitesh dhe me ndryshimin e vet ta ndryshojë edhe Serbinë.

Na mashtruat dhe na zhgënjyet. Kemi humbur në mënyrë të pakthyeshme shumë vjet, falë politikës tuaj të gabueshme e të luhatshme duke shtyrë kohën, e cila kurrsesi nuk punonte për ne“.

“Kemi kryer krime të tmerrshme ndaj shqiptarëve gjatë luftërave ballkanike, para dhe pas Luftës së Dytë Botërore.

Forcat policore serbe gjatë viteve 1998 e 1999 kanë kryer masakra, shkatërrime, helmime, të puseve të ujit, përdhunime, plaçkitje, vrasje të civilëve… Ushtria dhe policia.. të kontrolluara nga maja e shtetit kanë dëbuar nga Kosova 700 mijë shqiptarë të Kosovës.

Milosheviqi ka urdhëruar që të gjitha kufomat në Kosovë që do të mund të ishin objekt interesimi për Gjykatën e Hagës duhej të fshiheshin.

Në furrat e Trepçës janë djegur 1500 kufoma.

Nga thellësitë e Danubit të ftohtë janë dalë në sipërfaqe frigoriferët me trupa të grave dhe fëmijëve shqiptarë.

Gjithandej nëpër Serbi, në poligonet e policisë ka varreza masive.“[38]

Në vend se me fakte të tilla t’ia mbyllte gojën Vozhdit dhe Daçiqit, kur këta, duke ia treguar këndin e dosjeve të trasha me paudhësi, i kanë kërkuar copëtimin e Kosovës, Hashim Thaçi, i zënë pisk vetëm ka pëshpëritur : “… hesht se na dëgjojnë të tjerët… !“[39]

 

Komunikimi diabolik, herë prush e herë akull

Prej që ka ardhur në pushtet, gati për çdo ditë, Vuçiqi komunikon intensivisht me opinionin, përmes intervistave dhe deklaratave të ndryshme. Kryetemë ishte dhe vazhdon të jetë Kosova. Për të Kosova është : “…ankth i natës, është brenga më e madhe, me të cilën bie dhe zgjohem, ani se flej pak. Kosova është brenga ime më e madhe, sepse e di se sa shumë jemi përpjekur për ta ruajtur stabilitetin…“[40]

“Kosova ma han shpirtin. Pa zgjidhjen e këtij problemi çdo gjë që kam arritur nuk do të jetë e qëndrueshme. Kriza e parë do të na mbysë.“[41]

Në këtë temë me kërrabëzën e verbit, Vuçiqi përthur luftën, paqen, shpresën, lutjen, kërcënimin, inatin, zhgënjimin… Tamam teatër:

Deklaratave të pamend të parisë së Kosovës për Nishin etj., ai u përgjigjet me ironi: “Mirë, ata janë të fortë e të mëdhenj, ne, serbët, të vegjël e të pafuqishëm. Ndoshta do të mbërrijnë deri të Smederevska Palanka (qytet afër Beogradit), ta shohim…“[42]

Sipas Snjezhana Milivojeviq, eksperte e mediave, “…Vuçiq është një orator mesatar… ai përhap frikë rreth vetës… dhe dëshiron të krijojë bindjen se ai natë e ditë kujdeset për Serbinë… Sillet si pater familias i krejt kombit, kujdeset jo vetëm për njërin por për të gjithë serbët… Mendoj se ai ka një ide të fiksuar se ai duhet të jetë shpëtimtari i Serbisë… për të është tmerrësisht e rëndësishme që mu ai ta zgjidhë çështjen e Kosovës dhe ashtu të hyjë në histori…“[43]

Në një analizë të gjatë, të publikuar në NSPM (Nova srpska politicka misao) me titull “Silovanje Srbije“ (Përdhunimi i Serbisë) dhe nëntitull “Aleksandër Vuçiq në faqet e para të gazetave të përditshme“ konstatohet se:

“Si mediet e tjera, edhe gazetat e përditshme pandërprerë dhe me këmbëngulje formësojnë fotografinë e kryetarit si hero dhe martir, prijës dhe shpëtimtar i kombit, të gatshëm në sakrifica për të mirën e vendit dhe të popullit si model i lehtëpranueshëm për opinionin e brendshëm.“[44]

Shpeshherë edhe kur gjendja është krejt e qetë, Vozhdi ankohet pa asnjë shkak: “Jemi në gjendje të rëndë, po rrëmihin me këmbë e me duar… “ Me ata që rrëmihin ai mendon në Perëndimin, në shqiptarët dhe në opozitën.

Ose: “Shtrohet pyetja si do t’ia bëjmë nëse shpërthen ndonjë konflikt, prandaj vazhdimisht kam kërkuar ta gjejmë një kompromis. Ishte kjo lufta ime e Davidit me Golijatin, i cili quhet krejt Perëndimi me shqiptarët. Po luftoj që të fitojmë diçka për Serbinë dhe popullin serb, nuk isha afër asaj që të fitojmë diçka, por disa filluan të na dëgjojnë… Për shqiptarët Amerika është edhe nënë edhe baba, të tjerët janë halla dhe teze, Anglia, Franca, Gjermania.“

“Ne po përpiqemi, kemi mbështetjen e Kinës, Rusisë dhe disa vendeve. Por a mjafton kjo? Pozita jonë është e vështirë, po përpiqemi të mbahemi në fushë, që të paktën të kemi remi.“[45]

Përderisa me të huajt Vuçiqi përdor një fjalor shumë të përzgjedhur, me opozitën ai sillet si karrocier, duke i quajtur liderët e saj me të gjithë emrat: kafshë, hajdutë, tradhtarë, të pabesë, plaçkitës e çka mos tjetër. Njohësit e mirë të gjendjes në Serbi pajtohen se mediat, por edhe klima politike në Serbi nuk dallojnë shumë nga ajo e viteve të luftës (1991 – 1999).

Si pasojë e kësaj gjendjeje, ka dy muaj që në Beograd ka manifestime të rregullta. Shëtitësit, apo manifestuesit, që po shtohen vazhdimisht ditë më parë iu drejtuan Vozhdit me një letër të hapur.

“Po të drejtohemi drejtpërdrejt Ty, sepse ti je redaktori i të gjitha mediave. Sepse ti dëshiron të kesh njerëz-objekte e jo qytetarë.

Të gjithë ata që guxojnë ta thonë mendimin e tyre, trajtohen si armiq dhe duhet kredhur në baltën e “tabloidëve“… Dikur armiq ishin Slavko Quruvija e Oliver Ivanoviq, ndërsa tash të gjithë jemi bërë armiq dhe objekt i sulmeve tuaja.“[46]

Më 25 nëntor 2018 në një tubim përkujtues, në Vojvodinë, Vozhdi i gjatë u drejtohet kundërshtarëve sidomos:

“E keni kuptuar se Serbia sot është nën presion nga anë të ndryshme, dhe zogj të ndryshëm të zinj kanë mësyrë të çukatin çdo gjë që munden nëpër Serbinë tonë të bukur, por Serbia e di se ani se nuk jemi më të mëdhenjtë as në mesin e të mëdhenjve askush nuk ka mundur ta gjunjëzojë e nuk do t’ia arrijnë as ata që po përpiqen sot…“[47]

Në forumin e liderëve të Ballkanit me BE-në, në Tiranë, më 28 maj 2015, Vuçiqi iu drejtua përfaqësuesit të BE-së pa dorashka, lërini përrallat se: “Jemi lodhur me seminare, neve na duhen paratë…“[48]

Vozhdi i gjatë është ekspert për shndërrimin e tezave. Para se zyrtarizohej formimi i ushtrisë së Kosovës, ai takoi ambasadorët e Kinës dhe Rusisë në Beograd dhe i alarmoi se “Sjellja e Prishtinës mund të çojë deri te katastrofa, qëllimi i tyre është përzënia e popullit serb…“

“Serbia me asgjë nuk po shkakton destabilizim, por me provokacionet e përhershme do të vihemi para një situate pa rrugëdalje (deri të domosdoshme) për të mbrojtur popullin serb në Kosovë e Metohi. Serbia nuk guxon të lejojë ndjekjen e popullit të vet…“ [49]

Ndërsa vetëm pas dy ditësh :

“Shpresoj se do ta ruajmë paqen, Serbia do të japë çdo gjë nga vetja. Jam i bindur se do të kemi paqe, që s’do të ketë luftë, por nuk do të lejojmë përzënien e njerëzve tanë prej aty ku ata jetojnë… Gjithnjë do të bisedojmë për t’i zgjidhur problemet në mënyrë paqësore…“[50]

“Ata janë shumë të fortë dhe Serbia nuk është ajo që (mund) t’ia ndërrojë mendjen SHBA-së. Ne s’kemi çka të bëjmë tjetër, me shpatulla për muri jemi, duhet të ruhemi dhe të mbrohemi…“[51]

Vendimi për formimin e ushtrisë së Kosovës i shqetësoi së tepërmi autoritetet dhe opinionin serb gjithandej. Dhe nuk është çudi, sepse në shumicën e luftërave që i ka bërë Serbia, ajo zakonisht është përballur me civil ose me çeta të keqorganizuara e pa armë.

Lufta në Kroaci dhe BeH e ka dëshmuar se kudo ku ushtria serbe kishte përballë njësi ushtarake të udhëhequra nga oficerë profesionistë edhe sado të pakta në numër, megjithatë e ka humbur çdo betejë. Një shembull i mirë është Korpusi i pestë i Ushtrisë boshnjake i udhëhequr nga gjenerali Dudakoviq, i cili u ka shkaktuar forcave serbe humbje të pariparueshme.

Prandaj Vozhdi i gjatë flet me kaq shqetësim:

“Kosova e Metohia është makth i madh për ne, sidomos për shkak të potezit të Prishtinës për formimin e ushtrisë, që nuk mbështetet as në të drejtën (ndërkombëtare) e as në Rezolutën 1244. Është detyrë e Kforit që ta shformojë ushtrinë. Por ata nuk do ta bëjnë këtë, do të thonë se çdo gjë ka ndryshuar prej që (shqiptarët) e kanë shpallur Pavarësinë.“

“Mos e poshtroni Serbinë dhe popullin serb, sepse këtë nuk do ta lejojnë as Serbia e as populli serb.“[52]

“Shqiptarët dhe sponsorët e tyre amerikanë kishin vetëm një qëllim – ta shkelin Serbinë në kuptimin politik dhe të nëpërkëmbin vlerat e saj, në mënyrë që Serbia të mos mund të ngritet…“[53]

“Mirëpo Serbia ka fytyrë, krenari, dinjitet, shtetësi dhe popullin e saj krenar. Jam krenar me popullin tonë në Kosovë e Metohi, në ata njerëz që, si përgjigje ndaj atyre që kanë renditur gjithandej flamurin amerikan, ngritën flamurin e Serbisë nëpër rrugë dhe nëpër shtëpitë e tyre… e jo si ata që s’kanë me se të krenohen por shpalosin flamurin e huaj për të treguar se sa të fortë janë…“[54]

Duke analizuar makiavelizmin e Vozhdit të gjatë, m’u kujtua për dreq, një thënie e Martin Luterit, e shkruar këtu 500 vjet më parë për serbët, për të cilët kishte një urrejtje të madhe, ndoshta sepse mund të ketë takuar ndokund Vuçiqin e parë…:

“Serbët janë populli më i lig i të gjithë popujve, ai është popull i malokëve dhe i hajdutëve…“[55]

Një ditë pasi kishin marrë ai dhe Thaçi letrën nga presidenti amerikan, Vuçiqi paralajmëron opinionin se: “Zgjidhja në raportet Beograd-Prishtinë nuk është afër. Druaj se do të ketë zgjidhje të keqe për ne…“ dhe se për këtë letër do të fliste me Putinin.[56]

Kulmi i këngës së përvajshme të Vozhdit të gjatë, gjithsesi ishte fjalimi tij në Këshillin e Sigurimit, më 17 dhjetor 2018:

“Numrat tregojnë se serbët nuk kanë kryer pastrime etnike, sepse dikur në Kosovë ishin 220.000, ndërsa sot kanë mbetur vetëm 106.000…

I kemi përgjëruar të mos kandidojnë për anëtar të Interpolit, UNESCO-s, ENTSO-E. Ata llogarisnin në mbështetjen e SHBA-së dhe shumë shteteve evropiane, duke shpresuar se do të fitojnë. Në rundin e parë kishin më pak se 50% të votave. E pastaj filluan ta akuzojnë Serbinë, sikur ishte faji ynë…“

“Me taksat e tyre ata kanë rrezikuar krejt popullsinë serbe në Kosovë…, a mund ta merrni me mend që dikush, në shekullin XXI, ndalon dhe pengon qarkullimin e lirë të mallrave dhe të njerëzve… ? “

Ne i kemi respektuar të gjitha që burojnë nga marrëveshja, ndërsa (shqiptarët) qe 2070 ditë nuk e kanë zbatuar dhe as që ka ndërmend të zbatojnë detyrimin për formimin e Bashkësisë së komunave serbe.“

“Dëshiroj të them se Serbia ka bërë shumë përpjekje e derdhur shumë mund që të vendoset paqja e stabiliteti gjithandej në Ballkanin Perëndimor. Kemi bërë çdo gjë që të përmbahemi e të mos përgjigjemi në provokime të ndryshme që vinin nga Prishtina…

Më duhet të them se jam tepër i shqetësuar, madje nga pak edhe i frikësuar për të ardhmen jo vetëm të popullit tim dhe shtetit tonë, Serbisë, por për krejt rajonin…“

“Duhet të jemi ne fajtor në mënyrë që dikush ta arsyetojë politikën e vet të gabuar.“[57]

Në këtë fjalim pervers Vozhdit të gjatë do t’ia kishte zili edhe mentori i tij i ndjerë, Dobrica Qosiq, i cili thoshte se “Serbët shumë herë gjatë historisë i ka shpëtuar gënjeshtra…“

Vuçiq, sa herë ka nevojë për ta zhvendosur vëmendjen e atyre që e dëgjojnë u kthehet dyshuesve në llogoret e tij politike, por të shumtën e rasteve opozitës, siç bën edhe në kongresin e partisë socialiste të Daçiqit:

“T’i pyes sot anëtarët tuaj e të mitë dhe funksionarët (partiakë), cili është kompromisi (për Kosovën) me të cilin ju do të ishit të kënaqur, askush nga ju nuk do të më përgjigjeni. Ne, serbët kënaqemi vetëm kur e fitojmë maksimumin.“

“Lërini përrallat e tuajve e të mive se krejt (Kosova) ishte e jona. Asgjë nuk ishte e jona. E kanë vënë kufirin në mes Serbisë qendrore dhe Kosovës në Jarinjë dhe në Bërnjak. Krejt ua kanë dhënë. Më 2010, ua kanë dhënë vendimin e Gjykatës Ndërkombëtare të Drejtësisë, se deklarata e tyre (e Pavarësisë) nuk ishte akt ilegal. Ky është turpi më i madh që i ia kemi bërë vetës. Dhe sot kjo është e vetmja gjë rreth të cilës po përpiqen ekspertët tanë dhe nuk po mund ta mbrojmë.“

Dhe, ashtu si në Gazivodë, edhe kësaj radhe glorifikon kasapin e Ballkanit :

“E di se gjithnjë do ta duani më shumë Milosheviqin se mua, ndoshta edhe më shumë se Daçiqin, por sot rezultatet janë më të mira se atëherë, pra edhe për këtë çështje (të Kosovës).“[58]

Në një letër të peshkopit të Kosovës, Teodosije, përmes së cilës kleriku i lartë kundërshtonte ndarjen e Kosovës, Vuçiq përgjigjet me hungërim:

“Nuk doni përkufizim me shqiptarët? S’ka problem, thoni njerëzve që të jenë të gatshëm ta mbrojmë Vranjën (qytet në kufi me Kosovën Lindore) për 40 vjet. A vërtet mendoni se qysh tash njerëzit tanë nuk po shpërngulen prej atje?“[59]

Vozhdi nuk vajton vetëm për Kosovën, por edhe për Malin e Zi: “Ne e kemi humbur Kosovën më 2008, sepse i kishim në pushtet dy persona që garonin në Beograd se cili do të pëlqehet më shumë nga të huajt… Edhe më 2006 kishim pushtetarë të paaftë kur e humbëm Malin e Zi…“[60]

Prandaj ministri i Jashtëm i Malit të Zi, Drmanoviq, shpreh shqetësimin se:

“…Vuçiqi po i acaron marrëdhëniet me fqinjët… Acarimi i marrëdhënieve gati me të gjithë fqinjët nuk i sjell asgjë të mirë as vetë Serbisë.“[61]

Ndërsa ambasadori i Sllovenisë në NATO, Kacin, dikur europarlamentar i ngarkuar për Ballkanin deklaroi:

“Për sa i përket Ballkanit Perëndimor, krejt do të varet nga ajo se a do të përcaktohet A. Vuçiqi për të ardhmen e Serbisë apo të gjitha vendet e rajonit do të mbeten peng i kthimit të tij në të kaluarën dhe në mitologji.“[62]

Ish-ministri kroat i Punëve të Jashtme, Davor Stier, në një analizë serioze për politikën serbe rezonon kështu :

“Ajo u përshtatet rrethanave të reja, por në substancë mbetet në gjurmët e Naçertanies së Garashaninit të shekullit XIX.“

Stier shpreh shqetësimin e tij të ligjshëm për qëllimet strategjike të Serbisë për ta shtrirë ndikimin në hapësirat e ish-You-së si dhe për sjelljen e papërgjegjshme të disa shteteve evropiane : “…kjo alternativë e logjikës së sferave të interesit ka bërë që për disa kryeqytete të BE-së më e kapshme është të mbështesin apo të tolerojnë Vuçiqin sesa të lejojnë që këto hapësira t’ua lënë lojtarëve më të mëdhenj, Moskës ose Ankarasë…“[63]
Përfundim

Vozhdi i gjatë, nganjëherë di edhe të befasojë me gjoja çiltërinë e tij, siç është rasti kur, më 29 dhjetor 2013, denoncoi krimin e shëmtuar të shërbimeve serbe, të cilat më, 14 dhjetor 1998, në Pejë, në kafenë “Panda“, që frekuentohej ekskluzivisht nga serbët, vranë mizorisht 6 të rinj serbë dhe plagosën shumë të tjerë. Me qëllim që të fajësonin shqiptarët.

Por ai nuk ndërmori asnjë hap për t’u zbardhur ky krim i shëmtuar dhe për t’i nxjerrë kriminelët para drejtësisë, përkundër premtimeve që, disa herë, u kishte dhënë familjeve të viktimave.

Në të njëjtën mënyrë është sjellë edhe me vrasjen mizore të vëllezërve Bytyqi (korrik 1999), sepse përkundër kërkesave të vazhdueshme të Washingtonit, kriminelët, megjithatë ende nuk janë nxjerrë para drejtësisë…

Pavarësisht aftësive dribluese, energjisë dhe këmbënguljes, Vuçiq, megjithatë mbetët një politikan tipik ballkanik:

“E dua shumë gruan dhe për asgjë në botë nuk do ta ndërroja. Thjesht e adhuroj. Si person është e matur dhe e përmbajtur. Asnjëherë nuk më pyet se ku po shkoj dhe kur do të kthehem. Ajo nuk shkon askund pa fëmijët dhe burrin e saj. Me shoqet shkon për kafe kur unë konsideroj se është fjala për një datë të përshtatshme… “ [64]

Megjithatë, katër vjet më vonë ai e la këtë grua dhe e mori një tjetër, më të re. Por, fundja, kjo është çështje e tij private.

Ajo që nuk është çështje e tij private, sepse dëmton themelshëm interesat jetike të një populli, është se Vuçiq, falë mirëfunksionimit të organeve shtetërore serbe, shërbimeve sekrete sidomos, këmbënguljes së tij (Ai ia ka arritur që edhe një Angela Merkel ta bindë për t’i shikuar hartat, thoshte këshilltarja e tij, natyrisht, hartat për copëtimin e Kosovës…) pa përjashtuar këtu edhe lumin e parave, arriti që çështjen e Kosovës, që megjithatë ishte një çështje e mbyllur, ta nxjerrë sërish në tavolinën ndërkombëtare si çështje të hapur.

E nxori në një kohë kur rrethanat gjeopolitike kanë ndryshuar shumë dhe, mjerisht në disfavor të shqiptarëve.

Vuçiqi ia arriti kësaj, falë pushtetarëve të pagdhendur e të pamoralshëm të Kosovës, që është dëshmia më e qartë se sa të rrezikshme janë elitat e sajuara. Por edhe falë faktit se Shqipëria, fatkeqësisht, edhe pas një shekulli shtet, nuk arrin t’i mbrojë as interesat e veta strategjike e të mos flasim për interesat e kombit shqiptar.

Pallavrat e Edi Ramës se copëtimi i Kosovës do të mundësojë bashkimin kombëtar është një demagogji e shëmtuar që nuk do të duhej t’i lejonte vetës as Shukri Xhelili i ‘famshëm’…

Por të jemi me këmbë në tokë. Ky shtetrrënim i Kosovës para së gjithash është meritë e Hashim Thaçit, sepse ky, për të shpëtuar lëkurën e tij, në negociatat me Serbinë, luajti dhe po vazhdon të luajë rolin e Kalit të Trojës.

Thaçi përmes lidhjeve të tij, përfshirë dhe një mantenutë të kahershme, dhe me paratë e buxhetit të Kosovës, ka lobuar gjithandej që aleatët e Kosovës ta pranojnë si të mirëqenë Marrëveshjen e tij me Vuçiqin. Rezultat i kësaj veprimtarie duhet të jetë edhe letra e Boltonit drejtuar qeverisë së Kosovës, ku, në mënyrë ultimative kërkohet prej saj t’i heqë taksat kaherë të meritueshme doganore ndaj Serbisë.

Në të njëjtën mënyrë nesër do t’i kërkohet qeverisë heqja dorë nga qëndrimi kundër ndarjes së vendit e pastaj, edhe miratimin e nënshkrimit të Marrëveshjes Thaçi-Rama-Vuçiq për copëtimin e Kosovës.

Të njëjtën gjë Thaçi e ka bërë edhe gjatë negociatave për demarkacionin me Malin e Zi, kur, përmes kanaleve të tij, kërkoi nga BE që Kosovën ta kushtëzojë me liberalizimin e vizave derisa populli ta pranojë demarkacionin e imponuar./xhafershatri.info

 


Predrag Popoviq, “Moralni portret Aleksandra Vuçiqa”, Beograd 2011
Aty

Predrag Popoviq, “Moralni portret Aleksandra Vuçiqa”, Beograd 2011
Aty
Aty
Aty
Aty
Aty
Aty

“Kako bi srpski radikali razresili Kosovsko Metohijske pitanje“, ‘Velika Srbija’, tetor 1995
NYT, 04. 05. 1994
Predrag Popoviq, “Moralni portret Aleksandra Vuçiqa”, Beograd 2011
Aty
Aty
Aty
https://www.espreso.rs/autor/313/sasa-m-stajic
https://www.espreso.rs/autor/313/sasa-m-stajic
https://www.youtube.com/watch?v=ttXM8pVHhWc, minuti 10 :50
Pravda, 14 janar 2018
B92, 1 mars 2018.
Andrej Ivanji, intervistë te ‘Avangarda’, 28. 11. 2018
Blic, 10.11.2018
Vladimir Gligorov, Beta, 8. 01. 2019
B92, 15.10.2018. | 13:57
Blic, 6. 12. 2018
Blic, 9 janar 2019

Oliver Ivanović za JUGpress : Srbi se sada više plaše Srba nego što su se plašili radikalnih Albanaca


Danas, 13. 01. 2019
B92, 22. 11. 2018
Danas, 24. 11. 2018
Beta, 14. 12. 18
“Danas“, 01. 01. 2019.
Beta, 15. 01. 2017
Danas, 18. 12. 2018
https://rs.sputniknews.com/politika/201804121115234794-dacic-kosovo-priznavanje/
Danas, 13. 12. 2018
Blic, 15. 05. 2018
Tanjug | 29. 12. 2018
https://www.slobodnaevropa.org/a/most-vučić-poltroni-moć/29593420.html
Silovanje Srbije (Përdhunimi i Serbisë), NSPM, 12. 12. 2018
B92, 26.11.18
NSPM (Nova srpska politicka misao), 08. 01. 2019

ВУЧИЋ: Никад нико није покорио Србију, па неће ни данас


rs.n1info.com/…/Vucic-porucio-EU-Dosta-nam-je-seminara-treba-…
Tanjug | 04. 12. 2018
Blic, 6.12.2018
Tanjug | 07. 12. 2018
Tanjug | 13. 12. 2018
Politika, 14.12.2018
Novosti, 14. 12. 2018

СЕВЕРНИ СРБИ И НЕМАЧКЕ ЛУТЕРАНСКЕ ВРЕДНОСТИ


B92, 19.12.2018.
Novosti, 17. 12. 2018
http://www.rts.rs/page/stories/ci/story/1/politika/3210729/vucic-necete-razgranicenje-a-za-40-godina-cemo-braniti-vranje.html
NSPM, 27. 12. 2018
Danas, 31. 12. 2018
Pobjeda, 23. 12. 2018
(Globus, 13.09.2018)
“Vreme” nr. 909, 05. 06. 2008/

 

GËZUAR 7 MARSI, DITA E MËSUESIT SHQIPTAR…! Nga Gëzim KASUMAJ – Zvicër

Historia e arsimit tonë është një histori luftash, përpjekjesh, histori e një populli të vogël në numër, por të madh në botën e tij shpirtërore, në vullnetin e tij për të qenë i lirë dhe i pavarur.

Ngjarjet janë ato që duhet nga gjeneratat të kujtohen, kurse mendimet dhe veprat të lartësohen. Populli ynë do ta kujtojë dhe do ta festojë diten e mësuesit shqiptar që është një ngjarje e madhe për historinë e arsimit dhe të kulturës shqiptare.

Rrënjët e edukatës dhe të arsimit tonë kombëtar i gjejmë që në lashtësine e hershme. Megjithatë, në historinë e zhvillimit të shkollave shqipe dhe të arsimit tonë kombëtar si pikënisje merret mësonjëtorja e Korçës që filloi të punojë me 7 mars 1887, me mësuesin e saj Pandeli Sotiri, të cilin e pason shkolla e Prizrenit në vitin 1889, me mësuesin Mati Logoreci.

Hapja e mësonjëtores së parë të Korçës qe një rreze drite që u ndez në errësirën shekullore të pushtuesve. Ajo realizoi një ëndërr të vjetër të shqiptarëve: Daljen në dritë të gjuhës shqipe pas shumë shekujsh,ringjalljen e ndërgjegjës kombëtare që ngjalli shpresën e madhe se edhe shqiptarët si një komb i veçantë dhe nga më të vjetrit në ballkan , nëpërmjet arsimit në gjuhën shqipe do të ngrihet në majat e larta të përparimit dhe të lirisë.

Kamgjiku turk , i ngjashëm me atë të Atiles për pesë shekuj rresht kishë qenë një terr i zi që shqiptarët dita-ditës i zhyste në errësirën turke qe c’është më e keqja pushtuesit dhe përkrahësit e tij e detyruan këtë popull të varfër që të ndahet në tri besime, me qëllim që më lehtë ta perçajnë e zhdukin. Megjithatë, nuk u doli ashtu. Shqiptarët kurrë nuk qenë pajtuar me regjimet e huaja, sepse nga gjiri i këtij populli luftarak dolën burra të shquar, ashtu siç i përshkruan Anteu shqiptar Fan S. Noli ” Njerëz me privacione e me vojtje e me tortura të çdo minute, përpara të cilëve edhe ferri i Dantes ishte një panair i bukur” . Ata dhanë besën e shqiptarit pa dallim feje e krahine që fjalës ilire t’ia japin shpirtin në hapesirën e Gjithësisë.[3]

Mbi shqiparët kanë kaluar stuhitë e shumta dhe rrallë mund të ketë ndonjë popull në botë që të ketë pasur pushtime dhe pushtues kaq të egër, siç kanë njohur shqiptarët. Veprimtarët e shqiptarisë gjatë gjithë jetës punuan për kombin dhe vendin duke jetuar në të.Lidhja e përhershme me ambientin e jetës shqiptare, ashtu si dhe perkushtimi shpirtëror i tyre i vunë pergjithnjë vulën e artit dhe dashurinë e zjarrtë për vendin, për tokë e qiell dhe horizont të caktuar që quhej Shqipëri.

Në kushte shumë të vështira nga gjiri i popullit shqiptar dolën një varg atdhetarësh të flaktë qe iu përveshën punës për përhapjen e arsimit shqip në popull dhe për krijimin e shkollave ne gjuhën amtare. Midis tyre më së shumti u shquan: Naum Veqilharxhi, Konstandin Kristoforidhi, Zef Jubani, De Rada, Thimi Mitko, Naim e Sami Frashëri, Pashko Vasa, Qiriazët etj. Këta rilindas të shquar, që punuan ditë e natë për të ngritur vetëdijen kombëtare, iu përveshën kultivimit të gjuhës që më vonë u bë strumbullar i gjithë luftës për kulturën kombëtare.

Gjuha shqipe, që i jepej shqiptarit me qumështin e nënës, ishte për rilindasit “xhevahir i origjinës sonë”.

Rilindasi i parë, iluministi dhe demokrati shqiptar Naum Veqilharxhi problemin e gjuhës dhe të shkollës shqipe e shihte si kushtin e parë për të marrë populli shqiptar rrugën e zhvillimit, ai për këtë qëllim botoi të parën abetare të shqipes me alfabet origjinal të tij si kërkesë urgjente që të mund të pengohej cdo ndikim i huaj dhe t’i bashkonte të gjithë shqiptarët, pavarësisht nga bindjet fetare. Kjo abetare ndër shqiptarët u bë libër i shenjtë. Ndjekjet, burgimet, helmimet nuk kishin të mbaruar ndaj patriotëve shqiptar vetëm e vetëm që të shtinin frikën e të hiqnin dorë nga shkolla dhe gjuha shqipe.

Vetëdija te shqiptarët dita-ditës rritej.Gjuha shqipe kishte filluar fshehtazi kudo të mësohej: në male,në bodrume e në izba. Megjithatë, siç shprehej Sami Frasheri ndonëse “ishin në gojën e ujkut e afër kuçedrës së mallkuar s’pushuan së punuari për të shpëtuar kombin e tyre”.Vullneti i fortë dhe deshira e zjarrtë për ta mësuar gjuhën shqipe si nga patriotët ashtu edhe nga masat e gjera, pa dallim feje hasi kudo në përkrahje të madhe.

Më 7 mars 1887, Pandeli Sotiri e filloi mësimin në gjuhën shqipe me 35 nxënës. Hapja e kësaj shkolle në Korçë pati fizionomi kombëtare dhe për nga karakteri është demokratike, sepse në të mësonin fëmijët e shtresave te ndryshme. Kjo shkollë kishte një klasë përgatitore dhe katër klasë të rregullta. Lëndët që mësoheshin ishin:shkrim dhe këndim, gramatika e gjuhës shqipe, historia, gjeografia, aritmetika, mësim natyre etj.

Ajo u bë vatër e rëndesishme për ngritjen e ndërgjegjës kombëtare,për edukimin patriotik të brezit të ri e të masave popullore, terhoqi vëmendjen dhe simpatinë e të gjithë shqiptarëve, brenda dhe jashtë vendit dhe me shmbullin e saj po frymëzonte edhe krahinat e tjera shqiptare.

Hapja e shkollës me mësim në gjuhën shqipe ishte një ngjarje dhe një fitore e madhe për gjithë lëvizjen kombëtare. Po kështu i këndon edhe poeti i shquar Naim Frasheri duke thënë:

O vëllezër shqiptarë,
Gëzohuni qe erdhi kjo ditë
Kaq e mirë e kaq e mbarë,
Na sjell të gjithë mirësitë.

Lumja ti, moj Korçë’ o lule,
Q’i le pas shoqet e tua,
Si trime ne ball’u sule
e paçim për jetë hua.

Më vonë u hapën edhe shkolla të tjera, si në Pogradec,Ersekë, Kolonjë, Elbasan, Ohër, Rekë etj.

Me gjithë këtë, pengesat nuk ishin të pakta nga armiqtë të cilët nuk linin gurë pa lëvizur mbi tokë e nëntokë për t’ua bërë jetën të pamundshme shqiptarëve.

Historia e popullit shqiptar, siç thotë Rexhep Qosja “është kronikë martirike e popullit që e paguan shtrenjtë pozitën gjeostrategjike si popull i Perëndimit për ata në Lindje; dhe si popull i Lindjes për ata në Perëndim ”. Prandaj ”derri e dosa, ujku e çakalli, qeni e dhelpra çdohere kishin për qëllim ta copëtonin Shqipërinë”.

Kjo mospërfillje ndaj të drejtave tona nuk u shfaq vetëm në vitin 1913 prej atyre që fatin e kombit tonë donin ta mbanin në duar të tyre, po mbi trojet shqiptare u versulën një lukuni ujqish grabitqarë me qëllim që secili për hesap të vet të gllabërojë copa sa më të mëdha nga trungu ilir.Dhe kështu populli shqiptar u copëtua nëpër banovina e republika sllave si dhe nga Greqia.

Pas Luftës së Dytë Botërore , Shqipëria etnike u nda në dysh. Por sidoqoftë vitet 1967-1980 ishin një periudhë e përpjekjeve për krijimin e sistemit të gjuhës letrare. Shqiptarët patën periudha të vrullshme e të përgjakshme, por edhe të arritjeve arsimore, kulturore e të tjera, sidomos gjatë viteve 1968,1981, 1989 dhe me luftën e fundit çlirimtare në Kosovë.

Shkolla shqipe kudo që të jetë do te frymojë shqip që nga emërtimi e administrata e deri te përmbajtjet mësimore, nga gjuha, letërsia, historia e kultura jonë kombëtare.
Asnjëherë nuk do të pranojmë shkollë të huaj, por shkollë kombëtare, ashtu siç na kanë mësuar mësuesit patriotë shqiptar që nuk kursyen as jetën si Pandeli Sotiri, Papo Kristo Negovani, Petronino Luarasi,Motrat Qiriazi, Mato Logoreci,Gjeqovi e shumë të tjerë. Prandaj, brezi ynë sot me krenari, dashuri e respekt i kujton emrat e tyre.
Shkolla shqipe është një homazhë për vëllezërit dhe motrat, për bijtë e bijat, pinjollë dardan që brez pas brezi u flijuan për çeshtjen kombëtare për mbrojtjen e trojeve etnike shqiptare.

SFIDAT E TË MËSUARIT TË SHQIPES NË MËRGIM!

Mërgata shqiptare kudo ballafaqohet me sfidat e emigrimit. Këto sfida janë të tipologjive të ndryshme; gjenerata e parë ka sfida që dallohen nga sfidat e gjeneratës së dytë, e ky dallim vazhdon edhe tek gjenerata e tretë që ka dallim nga gjenerata e dytë e kështu me radhë:

Sfida e identitetit: kush jemi ne?

Sfida e integrimit në vendin mikpritës: si të sillemi ne?

Sfida ndaj asimilimit (humbjes së gjuhës dhe kulturës)

Sfida ndaj globalizmit

Sfida ndaj teknologjisë informative; bota e internetit, etj.

Njeriu ynë është i detyruar të ballafaqohet me sfidat dhe jo për të gjitha sfidat ka një zgjidhje të shpejt apo është në dorën e tij se si duhet të veprohet, për fat të keq!

Megjithë vështirësitë, një gjë mërgimtarët tonë në përëndim e kanë thuajse në dorë të vet. Sfida me identitetin (gjuhën, kulturën) deridiku mund të zbutet nga gjenerata e parë duke e përcjellur tek gjenerata e dytë e diku diku edhe tek gjenerata e tretë. Cila është kjo gjë? Kjo është mundësia për të dërguar fëmijët (gjeneratën e dytë dhe edhe të tretën) në mësimin plotësues në gjuhën shqipe-ayt ku ai është i organizuar. E aty ku nuk është i organizuar të bëhen përpjekje për t’u organizuar sepse kjo është një e drejtë elementare e njeriut (fëmijëve) e cila në vendet përëndimore promovohet në parim.

Unë nuk dua të hyj kësaj radhe në një analizë të thellë të qështjes, por dua vetëm të them se kjo është në dorën tonë.

Fëmijët duhet të dërgohen në shkollën shqipe dhe atë jo për ë mësuar për të folur se ata disi do të mësojnë të flasin, por DUHET TË DËRGOHEN ATJE TË MËSOJNË QË TË SHKRUAJN, TË LEXOJNË DHE TË KUPTOJNË SHQIP. Paralelisht me këtë ata do të marrin njohuri të çmueshme për të ardhmen e tyre sepse do të mësojnë qështje nga kultura, historia dhe gjeografia e vendeve prej nga vijnë e ku flitet shqip, me çka përforcohet vetbesimi dhe identiteti i tyre. Po kështu ata në klasën ku mësohet shqip do njihen me njëri-tjetrin- pra do zgjerojnë rrethin e njohjeve, e kjo është një vlerë e çmuar në jetën e njeriut.

Shkencërisht nga shkencëtarët që merren me këto punët e gjuhës thuhet se; pa e njohur mirë gjuhën amtare (gjuhën e parë) nuk mund të mësohet si duhet gjuha e dytë, e tretë e kështu me radhë, PRA FILLIMISHT BAZAMENTI I GJUHËS AMTARE DUHET TË JETË NË RREGULL, për të vijuar më tutje!

Në gjuhën shqipe simbolikisht kjo shprehet kështu: NUK BÂHET HOP, PA E KAPËRCYER GARDHIN (rrethojën).

Këtë të drejtë të dashur prindër e kemi në dorë vetë dhe duhet t’a shfrytëzojmë patjetër aty ku mundësitë ekzistojnë.

LDK- JA PËR GJYNAH, LLUTA I LULEVE, BEQIRI SERRSEM, HASHIMI DREDHAXHI E FESATXHI..! Nga Abas Fejzullahi

Për të shkruar, lidhur me titullin e këtij vështrimi të shkurtër, në hollësi e thellësi, do të dilnin disa vëllime librash…!

Sa për fillim dhe përfundim falënderojm At. Gjergj Fishten me huazimin e thënieve të tij brilante që janë shumë me vlerë edhe sot e kësaj për rrjedhatë dhe rrethanat politike ndër shqiptarë: ” Ani kush, pra, me i pri kombit: ju, do pyka, bij prej llomit, qi „shqiptarë“ vedit i thoni, jo pse ju Shqipninë e doni…”
Por, me këtë rast, do të përkufizohem lidhur me disa paraqitje publike kohëve të fundit, të disa prej përfaqësuesëve të LDK-së dhe kërkesave të tyre, të lexuara në shtyp të dëgjuara e pa në emisione televizive.

Si hyrje, pak histori:

LDK-së si parti e themeluar në muajn Dimror (Dhjetor) të viti 1989, pas disa muajsh u masovizua me anëtarësi dhe u shëndërrua në një Lëvizje gjithë popullore, kryetar i së cilës u zgjodhë Dr. Ibrahim Rugova, më von i njejti me referendum u zgjodh edhe kryetar i parë dhe historik i Republikës së Kosovës të shpallur më 7 Frytor (Shtator) 1990, dhe ishte e mbeti kryetar partie dhe i Kosovës deri në fillim të vitit 2006, kur kaloj në amshim e përjetësi.

Me ndarjen e Dr.Ibrahim Rugovës nga jeta, brenda LDK-së, u qfaqen disa dukuri të shëmtuara, diku haptas e diku fshehurazi, nga disa në kryesi, me lakmi e tërpi bashkë, vepronin pa u ndal, për pozita e karrjerë, pa merita e pa nderë, me thash e theme dhe plotë dredhi, me ndërskamca e me lavdi, siç thot një fjalë e urtë popullore mes tjerash ”…filluan mashkuj e besa edhe femra t’ shpisë, me pi duhanin tinez…) dhe pa vonesë i dual tymi, u ndanë e u përçanë, u grushtuan e u shkelmuan dhe kurrë më, siç ishin s’ u bashkuan, sot e kësaj dite..!

Po si është tani LDK-së ?

Me ndejt shtremt e me folë drejtë siç thot një fjalë e urtë nga thesari popullor:
PËR GJYNAH..!

Nga vendi i parë që ishte në çdo zgjedhje sa ishte gjallë Ibrahim Rugova, në zgjedhjet e fundit mezi e zuri vendin e tretë… ku, shumicën e votave që kanë marrur anëtarët e vjetër të LDK-së edhe në zgjedhjet e fundit ua ka dhënë nga varri autoriteti i Dr.Ibrahim Rugovës që ka në popull, si kryetar i LDK-së dhe i Kosovës, prandaj, këta duhet pesë herë në dite të shkojnë e të përkulen te varri i tij, se për autoritetin që këta kanë në popull, s’ kishin për t’i marrur votatë e lagjës(mahallës) e ndoshta as të farefisit e familjarëve të tyre..!

Disa fjalë për Lutfi Hazirin:
Luta, nënkryetar i LDK-së, paraqitet melaqe, shërbimet i ka helaqe, taxhinë e hanë në grazhdin e LDK-së, shërbimet ja bënë PDK-së dhe Hashim Thaçit, që vet tha para disa dite në konferencë shtypi, se nga Luta ka marrur iden për ndryshimin e kufijve të Kosovës lidhur me bisedimet që po i bënë me Serbinë…!

Kushtzimet e Lutës me LULE..!
Luta në TV e në Bota Sot, kritikon drejtuesit përgjegjës të LVV dhe kushtëzon bashkëpunimin e tyre me LDK-së, me shkuarjen (apo mos shkuarjen e deritashme), tek varri i Rugovës me vu lule…!
Me që aq shumë i paska mbetur merak Lutës për lulet e LVV, që përgjegjësit e LVV, ja kanë dhënë përgjejgen e merituar, dua të ja bëjë me dije Lutës ndër lula e për lula si në vijim:
Te varri i Dr, Ibrahim Rugovës, kanë shkuar e shkojnë ende me lule në dorë(e me një kerrë therra në shpirt e në zmër), përulen e flasin fjalë të mira me lavdrime, ani pse në të vërtetë se kanë dashur asë për së gjalli e as tash për së vdekuri, por, siç thot populli për sy e faqe si faqezi, për interesatë e tyre vetanake për poste dhe pozita që i synojnë apo i kanë… (mu si vet Luta) e që shtihen tani, të urtë e të butë, engjuj të duken nëse u beson çfarë flasin, por kur analizon me kujdes bamet e tyre me të dhëna e dëshmi, që kanë bërë kundër Rugovës, janë të njejtit dreqën të zi e të larëm, që sa ka qenë gjallë e kanë urryer e penguar në çdo drejtim, ku e kah kanë mundur, s’kanë lënë gjë pa i thënë e pa i shpifur, e kanë dashur të vdekur më tepër se pushtuesin…!

Sa për të ja rikujtuar Lutës:
Sa ishte kryetar i LDK-së dhe i Kosovës Rugova, LDK-së ishte gjithnjë e para, Hashim Thaçi, kryetar i PDK-së ishte në opozitë.

LDK-së, pas ndërrimit të jetës së Rugovës, lidhi kumari me PDK-së, për bashkë- qeverisje për ndarjen e pozitave dhe pushteteve sipas marrëveshjeve të fshehta me Hashimin.
Hashim Thaçi, si pehlivan, mjeshtër i rexhur për premtime, kurthe, mashtrime, dredhi e tradhti, si gjarpër dredhej e përdredhej sipas situatës përshtatej, ka dredhë, çdredhë e tredhë, disa në kryesinë e LDK-së, ku edhe kanë mbetur tredhak e disa kanë mbetur zemrak(sersem e errzakë), me fjalë të mdhaja, të forta e të serta, si Demushi e punët si kërkushi, në vend të pushtetit të lakmuar Hashmi mori gjitha pozitatë e dëshiruara, LDK-së, ja shtroi rrugën me lule për në opozit siç është tani tue u përplitur tue zie e përzie brenda për brenda…!

Gjatë fushatës zgjedhore kryetari i LDK-së Isa Mustafa, premtonte para votuesve, që ua kërkonte voten e tyre, se me PDK-së, kurrë s’do të bëjë bashkëqeverisje, sepse, janë, banda e kriminel e keçpërdorues e çfarë s’ ju thonte..!

Kur erdhi koha për të ndarë pozita e pushtete, LDK-së, lidhi kurorë për herë të dytë me PDK-së e u muarën vesh mes vete, bënë pazare, ndanë postet e pozita si në vijim:

Hashim Thaçi, kryetar i Kosovës, me bekimin e votimin e LDKS-së, këtë pozitë e mban sot e kësaj dite dhe lavdrohet se ka qenë dhe është lideri më i votuari..!

Isa Mustafa, kryeministër i Kosovës, që se gëzoj deri në fund se Hashimi e qoi në opozitë… përmes organizimit të mosbesimit nga kurvendarët e Kuvendit të Kosovës!

Kush ishte kundër këtyre pazareve të pista nga anëtarët e LDK-së dhe votuan kundër që Hashim Thaçi të bëhet kryetar i Kosovës, u kërcënuan nga Isa në forma e mënyra të ndryshme, hapur apo fshehurazi dhe u sjellen në mënyrën më dinake dhe të ulët ndaj tyre, kryesisht anëtarët e vjetër metilana të kryesisë së LDK-së..!

Hashim Thaçi sot e kësaj dite është kryetar i Kosovës me bekimin e votimin e LDK-së, që tani kërkojnë dorëheqjen e tij, siç shkruan shtypi se i kanë ra pishman dhe mundohen kot so koti me e ndal, por Hasha ka me u plak e me i ra mjekrra te këmbët për deri sa LDK-së e lantë e për gjynah, do ta hjek Hashimin nga posti ku e ka vu vet… vetëm nëse këta metilanat e sersemët e kryesisë nuk shkojnë përgjithmonë në shtëpi dhe LDK-së ndoshta shpëton prej tyre..!

Sa për dijeni të Lutfi Hazirit nëse ka harruar, se shumë merak i paskanë mbetur lulet e VV.
Kur Hashim Thaçi u zgjodh kryetar i Kosovës, pas disa votimesh të përsëritura e (kërcënimesh) në Kuvend, me bekimin e LDK-së, një buqetë me lule, ju dhurua nga dikush, ja dorëzoj Teuta Rugovës… për me dëshmue se sa shumë e ka ”dashur” Rugovën dhe familjen e tij besa edhe me Dekorata për Blerina Kllokoqi-Rugova..!

Luto, Hashim Thaçi si len keq për lule, për fjalë të mira, lavdërata e dekorata, por gjurmët e shtetësisë dhe simbolet e kryetarit Rugova i zhduk nëse mundet gjithësesi, nëse i vie për dore dhe ka siguri do ti bënë të pa qena, paraprakisht ndërron Ligje po qe nevoja bie rregullore pune, si atij i vie për dore, siç edhe ka bërë, në të cilat do bazohet dhe arsyetohet për bamet e tija të shëmtuara, siç është tue vepru në vazhdimsi, për zhdukjen e çdo gjurme institucionale që ka lënë kryetari i parë dhe historik i Kosovës Dr. Ibrahim Rugova.
Dëshmi me fotografi:

Për veprimet e Hashim Thaçit si kryetar i Kosovës, në hapësirat ku ka vepruar kryetari i parë dhe historik i Kosovës Dr. Ibrahim Rugova, dhuratë nga LDK-së, tani më disa nga kryesia e LDJ-së , aty këtu edhe nga anëtarësia , kanë filluar me u nxe si zorra në prush, me kundërshtuar ate që vet e kanë vendosur aty, ku tash më po vepron sipas planit të tij (e ndoshta edhe në marrëveshje me ata që e kanë vendosur aty)…!
Në vijim mjafton vetëm disa nga titujt e shtypit Bota Sot për veprimet e Hashimit dhe kundërshtimet e atyre që vërtet pa hile e kanë dashur Rugovën dhe e atyre e disave që janë shtirur se e kanë dashur dhe kanë vepruar e veprojnë kundër veprimtarisë së tij dhe LDK-së…!

Titujt në vijim:
⦁ …” Rugova nën okupim krijoi qeverinë shqiptare, Thaçi në liri nuk po mund të çlirohet assesi nga serbët NGA DIANA BUNJAKU MË 21 JANAR 2019 NË ORA: 21:35


Hashim Thaçi para varrit të Presidentit Rugova
Përkulja e Thaçit para varrit të Presidentit Rugova, është hipokrizi dhe një veprim politik bosh ”
⦁ ” Thaçi largon nga dekoratat vulën presidenciale të trashëguar nga Presidenti Ibrahim Rugova MË: 22 SHKURT 2019 NË ORA: 11:51
⦁ Deputeti i LDK-së e quan Thaçin bajloz, thotë se të tillë edhe e dogjën këtë flamur NGA: D.RR MË: 22 SHKURT 2019 NË ORA: 19:13
⦁ “LDK-ja gojën plotë në kohë të fushatave zgjedhore e veprojnë jashtë filozofisë politike Rugoviane” NGA: D.B MË: 22 JANAR 2019 NË ORA: 21:00
⦁ Dallgët urryese të Thaçit nuk mund ta shuajnë Rugovën e pavdekshëm
NGA DRILON RRAHMANI MË 24 SHKURT 2019 NË ORA: 22:19
⦁ Profesori i njohur e alarmon LDK-në: Keni kujdes nga Lutfi Haziri, sepse në gjak e ka Thaçin dhe VeselinNGA: N.SH MË: 24 SHKURT 2019 NË ORA: 07:49

⦁ Urrejtja e Thaçit ndaj Ibrahim Rugovës s’ka të ndalur, veprimi i radhës është skandaloz! NGA: D.RR MË: 25 SHKURT 2019 NË ORA: 07:35
⦁ “Rugova tha që Thaçi është i rrezikshëm për Kosovë, tash Thaçi e hoqi maskën”
⦁ NGA: D.RR MË: 25 SHKURT 2019 NË ORA: 09:57
⦁ Gecaj: Rugova nuk ka pasur mendim të mirë për Thaçin NGA: D.RR MË: 25 SHKURT 2019 NË ORA: 12:18 ”

Si përfundim:

LDK-së pas kalimit në amshim e përjetësi të Dr. Ibrahim Rugovës, mban vetëm emrin ndërsa veprimet kanë ndryshuar,sipas programit të udhëheqsisë në kryesinë e saj siç janë disa prej tyre si : Isa Mustafa, Lufi Haziri, Ismet Beqiri e disa të tjerë, që kumonën e bartin rreth qafe në emrin e me emrin e LDK-së , ndërsa me veprime dhe taxhi e kanë ushqyer dhe vazhdojnë ta ushqejn PDK-së, me në krye Hashim Thaçin dhe sejmenët e tij..!

I madhi, At.Gergj Fishta, kishte me ua kushtuar këto vargje të cilat u bien fort për shtati dhe i meritojnë për bamet e tyre të deritashme dhe në veçanti për votimin dhe emrimin e Hashim Thaçit kryetar të Kosovës…!

…” Ju rrugaça e sallahana
vagabonda, shakllabana,
rriqna t’ndyet, mikrobe të kqij
qi të mjerës ksaj Shqypni
thellë hi i keni në mushkni
pa dhimbë gjakun tuj ia pi,
por der kur, bre batakçi!
Bre coftina, kalbë mbi dhè
der kur ju, t’u tallë për ne,
do t’na qelbni fis e atdhè?…”

Rrënjët nuk humbin,ato kultivohen-Rreth koncertit të Grupit “Vëllezërit Arbëreshë” me Artisten e mirënjohur Mimoza Nazarko e grupin e saj drejtuar nga pianisti Gjon Guralumi

Ështe ky titulli i koncertit te dates 16 shkurt ne Friburg per nder te 11 vjetorit te Pavaresise se Kosoves, nje bashkepunim ne mes grupit “Vellezerit Arbereshe ” dhe këngëtares qe jeton e zhvillon me shumë sukses prej shume vitesh aktivitetet koncertore ne Zvicer . E kemi fjalën për artisten shumë të mirënjohur Mimoza Nazarko dhe grupin e saj trion muzikore me drejtues pianistin Gjon Guralumi figure tashme e njohur ne rrethet muzikore zvicerane e jashte saj.

Ky koncert mbeshtetet nga komuniteti shqiptar i Friburgut me kordinatore znj.Mimoza Nazarko.

Koncerti po pritet me një padurim i madh nga gjithe artdashesit e bashkeatdhetaret tane ne Zvicer jo vetem per aspektin artistik por edhe per mesazhin tejet të fuqishem qe mbart ne vetevete ardhja e vellezerve arbereshe ne gjirin tone duke ditur dashurine, krenarine e punen e palodhshme qe bejne ata prej 600 vitesh per te ruajtur me dashuri e përkushtim të pakufishëm gjuhen, kulturen e traditat shqiptare. Emocioni qe ata percjellin nepermjet kengeve, melosit arberesh na bene aq shume t’i duam e t’i degjojme me endje e te jemi prane tyre per t’ju shtrenguar duart për dashurinë që ata derdhin për të transmetuar mesazhin e fuqishëm per ta dashur Shqiperine e per te bere shume e me shume per atdheun.

Brenda shoqates dallojne zera autentike e kjo ka bere qe grupi “Vellezerit Arbereshe” nga Frasnita(cs) e Kalabrise pergjate 30 viteve te jene prezantuar përmes koncerteve ne shume vende te Kalabrise, Shqiperi, Kosove, Kroaci, Maqedoni e Zvicer.

Midis tyre spikasin zerat historike te kengetareve te ketij grupi si :

-Michele Greco

-Domenico Imbrogno

-Soprano Maria Cristina-Imbrogno

-Backup Emiljana Oriolo

-Backup Francesco Durante

Mjeshtrit e Fizarmonikes

-Camillo Mafia

-Pasqualino Mitidieri

-Violine Daniela Fusha

Qellimi i shoqates ka qene i vetmi dhe gjithnje studimi, kerkimi dhe perhapja e traditave e gjuhes shqipe tek arbereshet dhe diaspores shqiptare kudo ne bote, ruajtjen e mbajtjen e gjuhes, transmetimin e kultures muzikore, të traditës të kostumeve arbereshe nder shekuj.

Shoqata “Vellezerit Arbereshe” jane pjese e Federates se Shoqatave Arbereshe f.a.a. ku te gjitha bashke keto shoqata bashkeveprojne ne Itali per te ruajtur e trasheguar kulturen arbereshe.

Me frymen e vellazerise qe i karakterizon, ky grup bashkepunon dhe me artiste shqiptare e me artiste te diaspores shqiptare ashtu si ne rastin e disa koncerteve te meparshme e gjithashtu edhe ne kete koncert te dates 16 shkurt ne Friburg

me artisten e mirenjohur Mimoza Nazarko,

pianistin e drejtuesin e trios muzikale Gjon Guralumi,

violinistin Edmond Basha dhe

flautisten Dori Sota.

Artistja e mirënjohur dhe e dashur aq shumë në diasporën shqiptare Mimoza Nazarko na tregon qe eshte prezantimi i tyre i katert se bashku në Zvicer, France, Maqedoni “por emocioni dhe permasat me te medha ne syte e mi thotë Nazarko do mbeten impresionet nga koncerti ne Kalabri ku jemi pritur me ovacione nga spektatoret arbereshe dhe italiane dhe ku jemi vleresuar me mirenjohje edhe nga kryetari i bashkise se qytetit Civita.”

“Ka vertet shume muaj qe po pregatitemi per kete koncert,vazhdon zonja Nazarko, por projektet mund te mbeten ne hije pa nje mbeshtetje e suportim qe te krijon infrastrukturen e duhur per te realizuar nje koncert me të tilla permasa. Gjej rastin te pershendes komunitetin shqiptar te Friburgut e ne veçanti mikun e dashamiresin e artit te mirefillte zotin Bajram Mehmeti i cili jo vetem qe nuk kurseu asgje per te na  bere qe te ndjehemi si në shtëpinë tonë si artistë te respektuar pasi na ka vënë gjithçka ne dispozicion. I shpreh falenderimet edhe nje here.”

“Michele Greco,presidenti i grupit “Vellezerit Arbereshe” dhe zevendespresidenti i F.A.A. ( Federata e Shoqatave Arbereshe ) ne Itali na tregon se programi do te jete i ndertuar me kenge arbereshe, me kenge qe variojne nga shprehjet e lashta te diaspores dhe kenge popullore te shekujve te mevonshem si dhe kenget nga me te njohurat tradicionale te Shqiperise, Kosoves e pjeses shqiptare te Maqedonise. Z.Michele falenderon komunitetin shqiptar te Friburgut dhe znj.Nazarko per ftesen e bere duke shfaqur gatishmerine e tij dhe te grupit per te bashkepunuar edhe me tej per inisiativa e ngjarje te rendesishme që duke kujtuar traditën e shkuar mbajnë gjalle te ardhmen dhe diasporen shqiptare neper bote.”

Persa i takon programit te trios muzikore ku soliste eshte zonja Nazarko ajo thote se “eshte nje repertor gjitheperfshires i trevave shqiptare ku pianisti Gjon Guralumi ka sjelle autorësinë dhe personalitetin e tij ne orkestrimin e disa kengeve te koncertit ku tashme dihet qe Gjon Guralumi eshte fondator i nje prej grupeve me te hershme “Guralumi Albanian Project Jazz” ku levrohet muzika shqiptare ne version jazz. Kenget jane te bukura e jane punuar me shume pasion nga te gjithe anetaret e grupit tone e besojme qe do te jene te pelqyeshme per publikun e me siguri do te duartrokiten fort.”

Zonja Nazarko nënvizon për evenimentin se “nuk do të jetë vetem nje koncert por edhe nje feste e madhe ku do të festojme bashkarisht 11 vjetorin e pavaresise se Kosoves por mbi te gjitha gjaku shqip eshte bashke per te treguar se kemi qene e jemi ndër shekuj nje e te pandare se ne shqiptaret kudo qe jemi, kemi kulture e tradita per te treguar e mund te mburremi me to çka është shembull konkret e i gjalle ky bashkepunim kaq i gjere si i ketij koncerti.”

Voal perfiton nga rasti për t’ju uruar suksese artisteve e komunitetit shqiptar te Friburgut ne kete koncert e mirupafshim ne te tilla koncerte perseri nëpër Zvicër, Europe e botë! Po kështu për t’ju uruar te gjithe shqipatereve kudo ku ata jane.

RISI Një Portal pedagogjik i rëndësishëm për zhvillimin arsimor e kulturor në gjuhën shqipe – Nga NEXHMIJE MEHMETAJ

 

Këto ditë në kuadër të Shkollës së Lartë Pedagogjike në Zyrih- Zvicër është hap Portali i parë pedagogjik i rëndësishëm për zhvillimin arsimor e kulturor në gjuhën shqipe.

Viti 2019 shënoi një sukses të ri në fushën arsimore e kulturore të Shkollave të Mësimit plotësues të gjuhës shqipe dhe perspektiva e arsimimit të fëmijëve shqiptarë të emigruar do të rritet.

Lajmin na e ka bërë të ditur vet pedagogu, albanologu i nderuar zviceran Prof dr dr Basil Schader. Ndër të tjera shkruan: “Besoj se kjo Qendër Interneti do të jetë tepër e dobishme për mësimdhënësit/et e MP shqip, sepse ajo e lehtëson shumë orientimin dhe kërkimin të materialeve për tema dhe fusha të caktuara, si dhe shkarkimin e faqeve përkatëse. Do të ju isha shumë mirënjohës po ta komunikonit linkun përkatës sa më shumë mësuesve dhe mësueseve si dhe personave dhe autoriteteve të tjera që mund të interesohen për këto materiale (të cilat me siguri mund të kontribuojnë edhe në mësimin e rregullt në Shqipëri dhe Kosovë).”

Një thesar me materiale didaktike për mësimin në gjuhën e prejardhjes është vendosur në ketë adrës: https://myheritagelanguage.com/sq/ është fryt i një pune të pandërprerë disa vjeçare bashkëpunimi të ngushtë mes profesionistëve zviceranë, atyre evropianoperëndimor dhe në anën tjetër mësimdhënësve të dalluar të mësimit plotësues nder të tjerë edhe shqiptarë. Në fakt në hartimin e Serisë “Materiale për mësimin në gjuhën e prejardhjes” që fillimisht është botuar edhe si libër i shtypur morën pjesë 67 persona nga 5 vende dhe 17 grupe gjuhësh. Projekti madhor ishte konceptuar, drejtuar dhe tani digjitalizuar nga Prof dr dr Basil Schader.  Vetëtimthi po hedhim një vështrim materialeve që janë digjitalizuar në gjuhën shqipe.

Seria me “Materiale për mësimin në gjuhën e prejardhjes” i përbërë nga libri “Bazat dhe arsyet” dhe gjashtë pjesë shtytëse që paraqesin vlera për përkrahjen e kompetencave gjuhësore:1) Përkrahja e të shkruarit në gjuhën e parë. 2) Përkrahja e të lexuarit në gjuhën e parë. 3) Përkrahja e komunikimit gojor. 4) Përkrahja e kompetencave ndërkulturore. 5) Strategji dhe teknika të të mësuarit. 6) Rreth përdorimit të dialektit dhe gjuhës standarde dhe informacionet e duhura për përdorim të mësimdhënësve. Në këtë drejtim në njërën anë gjejmë pjesën teorike të mësimdhënies, Bazat dhe arsyet e pedagogjisë dhe didaktikës evropiane dhe anën tjetër gjejmë modele mësimore praktike dhe konkrete. Duke njohur problemet e shkollës shqipe në lidhje me rritjen e cilësisë së të nxënit të saj, si dhe duke kuptuar, menduar, gjykuar mbi këtë fushë studimi mendojmë se risitë didaktike janë një nga çelësat përmes të cilit mund të ndryshojë cilësia e të nxënit të nxënësve në shkollë. Me ketë vepër janë hedhur hapa konkret për një mësimdhënie – nxënie aktuale, cilësore dhe moderne.

Ky realizim me vlerë u vjen në ndihmë në radhë të parë mësimdhënësve të mësimit plotësues të gjuhës amtare në punën e tyre të rëndësishme dhe  me kërkesa të larta.

Portali i sapo krijuar me materiale të bollshëm, të shumëllojshëm didaktik do t’i i përgjigjet gjendjes, nevojës dhe mundësive të mësimit plotësues në gjuhën e prejardhjes dhe se janë funksionale e praktike për mësim.

 

Delemont, 28.01. 2019                              Nexhmije Mehmetaj

Kosova me bardhësinë e borës dhe me ngricat e politikës – Nga Abas Fejzullahi

Titulli i huazuar 

Lidhur me këtë analizë të shkurtër më shtyri shkrimi i mikut tim të nderuar Nue Oroshi që pata rastin ta lexoj më  2019-01-14 në Faqe të Librit – Facebook  me titullin:

Kosova me bardhësinë e borës dhe me ngricat e politikës

Më vie mirë që  i nderuari  Nue Oroshi me shkrimin e tij  mjaft përmbajtësor dhe qëllim mirë e besa edhe plotë shpresa për ndryshimet e politikës së mërdhirë vendore nga ngricat e politikës ditore të  politikuajve, kurvendarëve,  pushtave e pushtshtetarëve vendorë..!.

Kishte me qenë shumë me fat Kosova, që me ndryshimin e stinëve të bëheshin edhe ndryshimet politike me shijen e pranverës, ku do shkriheshin,  ngricat politike siç dëshiron e shkruan i nderuari miku im Nue Oroshi.

Por, neve po na ndodhin në praktikë gjëra të kundërta që shpresatë po na mashtrojnë nga dëshira për të mirë, se premtime të kësaj natyre kishim edhe me FUSNOTËN e cila thuhej nga pranuesit e saj gjatë bisedimeve që i bënte Hashim Thaçi  me Serbinë, që ka prnua e nënshkrua sipas kërkesës së Serbisë, FUSNOTËN(PUSNOTËN) tue hjekur  shtetësin pra Republikën, që sot e kësaj dite Kosova jashtë kudo, përmendet vetem si Kosovë e jo si Republika e Kosovës që shkruhet e propogandohet në Kosovë, tue thënë e arsyetuar se s’ është gjë  FUSNOTA…  dhe e krahsonin por si fjollë bore, që do shkrihet në pranverë… dhe Kosova do të përfitoj me këtë FUSNOTË..?!

Kaluan shumë pranvera dhe stinë tjera të motmotit e deri në ditët e sotit FUSNOTA(PUSNOTA) jo që nuk është shkri… por siç thot populli është ngri e bërë kaçan, gjatë gjithë këtyre viteve në të gjitha stinët e vitit, pavarësisht ngritjeve të tempraturave në cilën do stinë të vitit qoft, pasi që Serbia se ka kërkuar që ajo të shkrihet  me syrinë e pranverës, por që përherë të jetë e ngrirë për sa ti duhet asaj për qëllimet e veta… dhe deri më tani dëshmi ka mjaft se Kosova asgjë nuk përfitoj vetëm humbi nga këto nënshkrime e marrëveshje të deritashme me Serbinë..!

Është interesant me ne shqiptarët në përgjithësi me fjalë dimërin e bëjmë verë e verën dimër…!

Në realitet shqiptarëve të gjitha të zezatë po u vijn nga qeverisja e keqe që po bëjnë vendorët në të gjitha stinët e vitit, pa ndonjë shpresë se do të ketë lulëzim në pranverë, punë dhe pushim të merituar në verë, fryte në vjeshtë dhe ngrohje për të gjithës siç duhet me pas në dimër:

Gjatë fushatave zgjedhore në cilëndo stinë qoft ajo, politikuaj, pushta e pushtetarë vendor, premtojnë e mashtrojnë, se për Kosovë po i votuan ata që thonë e prrallisin se janë më të mirët, më atdhedashsit e ma meritorët e kombit… më s‘do të ketë asë ngrica as ngërqe politike, por lulëzim e përparim në çdo drejtim… dhe Kosovës do të ja ket lakmi edhe Zvicëra, ku ndoshta  edhe zvicëranet  do të vijnë e të kërkojn strehim AZIL ekonomik a politikë në Kosovë… po të Ju besonin fjalëve dhe premtimeve të tyre…!

PO sa ta marrin pushtet e pozita, harron premtimet, fillon mashtrimet, përdorin  kërcënimet.., ndërsa opozita me fjalë e me kritika ndajnë shpesh poste e pozita, bashkohen e kurorizohen disa me opozitë e disa kundërshtojnë e si merr kush parasyshë, se votat e numrat thon i kemi ne si pozitë e ju rrini aty ku jeni…në opozitë,  nëse nuk dëshironi të na ndëgjoni…trusni  e mos folni … se kot e keni votat i kemi biem e marrim Vendime në Kuvend ashtu siç dojm na vet..!

Kuvendi shëndrrohet në aren përplasjesh- fush mejdani, ku ndëgjon fjalë nga më të ndryshmet që i drejtohen mjëri tjetrit, udhëheqësisë e qeverisë, qeveritarëve e kurvendarëve, se janë, hajna, kriminela, vrasës, rrenca, e çfarë su thuhet, shkruhet e përshkruhet si mashtrues, tradhëtar e bashkëpunues, besa ndonjëhere edhe me naj të shtyme a të pështyme pa lënë anash edhe grushtime, se sa për sharje ,fyerje e shamatë ke sa të duash  n’dash me thes e tmos flasim për çarje e përçarje  që gjithandej kanë mbjellur e mbjelin sa të duash dhe kështu e kanë bërë vendin,  shesh e përsheshë…!

Pra një mundësi e mirë për hulumtuesë gjuhësor, po u ra rasti me i pa dhe përcjellë në vazhdimsi, ndëgjue dhe shënue, do të ju ndihmojnë shumë që të pasurojnë fjalorin e gjuhësisë me fjalë e shprehje të huaja dhe sharje vendore, që do të kenë mundësi me krye ndonjë punim magjistrature apo doktorature (ani më tani ku ka aq shumë Universitete private me premtimet dhe izen e HASHIM THAÇIT, sepse mirrte vota për këtë çështje dhe në vend të fabrikave për punë e prodhime vendore, lejonte hapjen e Universiteteve private për të prodhuar analfabet me diploma e tituj të ndryshem  si Mr e Dr… që kanë bi si këpurdhatë pas shiu…kudo në Kosovë..!) dhe si burim literature të përdorur mund të shënojnë: Nga mbledhjet e Kuvendeve shqiptare gjithë andej ku janë e kah janë në Kosovë, Shqipëri e Maqedoni…!

Kështu Kosovës hallemadhe s’po i ndahen asnjëhere të zezatë e rëndimet që ju kanë kacavjerrur  gjithndej nga pushta e pushtetarë, politikuaj e kurvendarë, tregtarë e mashtrues, hajna e përdhunues, të cilët kah të munden e si të munden e mjelin e vjelin secili sipas pozitës dhe mundësive që kanë apo rasteve që ju ofrohen, në secilën kohë e stinë e si të ju bie atyre më mirë, për ti jetësuar qëllimet e tyre  përfituese…!

Kështu që në emër të politikës bëjnë kurthe e ndërskamca krijojnë situata të qëllimshme mjegull e tymnaj  dhe thonë : Si politikuaj e kurvendarë, pushta e pushshtetarë se vendi ka ra në krizë ka ngërçe apo edhe ngrica politike sepse këta  i kanë sjellur me plan e program qysh se kanë ardhur në pozita e pushtet dhe mashtrojnë se janë ngërçe e do kalojnë shpejt,(kuptohet pas pazareve që bëjnë mes vete për interesa, postet e pozita të tyre), në të vërtetë, këto sjanë ngërçe që këta i kanë sjellur me veprimet e tyre, por janë sëmurje të pa shërueshme afatgjate, pra mund të përcaktohen (diagnostifikohen) si lloj sëmurjesh të ndryshme si: PARALIZË (apo siç e quan populli DAMLLA) sëmurjen e keqe apo Kancerin apo edhe sëmurje tjera ngjitëse (infektive) si verdhëza(sarillëku) e besa i kanë mundësuar edhe sëmurjet e varësisë  po edhe Siden e ate më kryesoren sëmurjen e LAKMISË dhe HAJNISË në të gjitha drejtimet..!

Kështu në emër të politikbërjes, ja kan nxirë popullit jetën dhe për vete kanë parajsen me pasuri e përfitime në kurriz të popullit, që ja kanë rrëmbyer e shkatrruar, sigurin, shëndetësin arsimin dhe ardhmërinë, ndërsa per vete paga të mdhaja, kerre e pallate besa edhe turproje(Truproje) se mos po u bie ndonjë mizë e po i shqetëson  apo ndonjë e zezë për rreth rastsisht e jau prishë terezinë që kanë e që do të ua kishin lakmi edhe shumë perandor e perandori për këto sigurime që këta ikanë për veten e tyre, familjarë e bashkëpunëtor që vendin po e shkatrrojnë në secilën stinë e mot, por, të zezatë spo i ndalen si dhuratë e këtyre politikuajve, pushtave e pushtetarëve vendor që vendin e bërën horrë…!

Kësaj rradhe po ndalem me kaq se po të ndalemi e të analizojmë më thell  e në imtsi mund të thuhen e të shkruhen me mija faqe për këto helaqe, por është e kot se këta ndëgjojnë vetëm ate që dëshirojnë, shofin vetëm ate që ju pëlqen e lakmojn e që edhe mund ta përvetsojn..!

SHOQATA QE KRIJUESËVE SHQIPTARË NË ZVICËR – SHKSHZ

NJOFTIM
Njoftojmë krtijuesit, shkrimtarët, dashamirët e fjlës së shkruar se SHKSHZ, në kuadër të aktivitetit të saj letrar, mban takim me shkrimtarin (tashmë të njohur) Muharrem Blakaj. Me këtë rast do të prezantohet opusi letrar i autorit dhe do të bëhet promovimi i romanit PARAARDHËSIT dhe i librit të tij të fundit MËNDESHA (përmbledhje tregimesh). Për veprën letrare të shkrimtarit Muharrem Blakaj do të flasin shkrimtarë e kritikë letrar. Në këtë takim do të shfaqet edhe dokumentari NËNA KADË, që i kushtohet Nënës së dëshmorit Xhemajl Blakaj, përkatësisht shkrimtarit Muharrem Blakaj. Ky do të jetë rast edhe për një bashkëbisedim letrar. Prania juaj në këtë takim dhe pjesëmarrja në këtë bshkëbisedim i japin kuptim e përmbajtje takimit dhe debatit letrar.Takimi mbahet në St. Gallen, më 19 janar (e shtunë) 2019, duke filluar në ora 15.00.MIRË SE VINI!
Adresa:
Waaghaussaal
Marktplatz Bohl
9004 St. Gallen
Tel: 076 1965 62

Fotografia e Gani Bytyçi

Fotografia e Gani Bytyçi

Fotografia e Gani Bytyçi

MËSIMDHËNIE – Përkrahja e gjuhës shqipe standarde në kuadër të shkollës së mësimit plotësues – Nga Nexhmije Mehmetaj

Në kushtet e jetës jashtë Atdheut mësimi i gjuhës amtare shqipe dhe ruajtja e zhvillimi i identitetit kombëtar vështirësohet dhe kjo manifestohet shumë më tepër te brezi i ri, posaçërisht te fëmijët e lindur në mërgim dhe të gjendur mes dy kulturave.

Prandaj, institucioni më i përshtatshëm, ku mësohen e zhvillohen kompetencat gjuhësore e kulturore me përkujdesje profesionale, është Shkolla e mësimit plotësues të gjuhës shqipe.

Shkolla shqipe e mësimit plotësues ka për mision aftësimin dhe orientimin e fëmijëve për të vepruar në situata të ndryshme komunikimi në gjuhën shqipe standarde.

Mësimi plotësues shqip fillon  nga klasa e 1-9 të ciklit fillor 9-vjeçar. Nxënësit grupohen në tre cikle njohurish ose tre nivele.  Mësimdhënia (në mungesë të nxënësve) zhvillohet në kushte të klasave të bashkuara.

Bashkësia (klasa) ku zhvillohet mësimi është tepër heterogjene sa i përket kompetencave gjuhësore të shqipes së nxënësve. Ndërkohë që disa fëmijë kanë njohuri të mira të shqipes dialektore apo të standardit, të tjerë flasin vetëm nëndialekt shpesh me të meta në drejtshqiptim dhe me fjalor tepër të kufizuar të shqipes, nga një herë edhe i përzien të dy gjuhët që ata dinë si rezultat i dygjuhësisë (Code-Switching, Code-Mixing). Kjo vështirësi rrjedh sepse fëmijët janë brezi i dytë, i tretë apo i katërt të lindur në vend të ri, ku kanë emigruar gjyshërit apo prindërit e tyre. Si rezultat nxënësit më mirë e dinë gjuhën e vendit ku jetojnë se sa shqipen. Kjo situatë kërkon nga mësimdhënësit aftësi të larta didaktike si edhe aftësi për të diferencuar nxënësit në klasë.

Mësimdhënia kërkon të jetë e bazuar në pedagogjinë dhe didaktikën perëndimore, evropiane dhe nga ana tjetër modelet mësimore të jenë praktike dhe konkrete. Në aspektin pedagogjik gjuha dialektore që sjellin fëmijët të mësuar nga prindërit në shtëpi në asnjë mënyrë nuk duhet zhvlerësuar. Në të kundërtën nxënësi/ja do të zhgënjehet dhe krijon pasiguri. Mësuesi/ja duhet t’i bëjë nxënësit të vetëdijshëm për të dy format gjuhësore.

Nga aspekti didaktik të planifikohen  mësime për ndërgjegjësim dhe orientim mes dialektit dhe gjuhës standarde duke mbështetur aftësitë gjuhësore, veçanërisht në ndërtimin dhe zgjerimin e gjuhës standarde.

MODEL MËSIMI Mbështetur në Doracaku “Materiale për mësimin në gjuhën e prejardhjes” nga Qendra “International Projectsin Education dhe Shkolla e Lartë Pedagogjike, Cyrih-Zvicër.

Lënda: Gjuhë shqipe

Klasë e kombinuar: tri grupe, tri nivele.

Niveli ulët dhe i mesëm ( kl.3,  4-6): Rubrika: Shkruajmë: Tregimi kush – ku – çka. (Shih1.Përkrahja e të shkruarit fq 16)

Niveli III klasa 7-9 Rubrika: Lexojmë Poezia “Se po tret si hënë e ngrënë”

Materiali i nevojshëm.

Niveli ulët dhe i mesëm: copëza letre A6 të kuqe, të kaltër dhe të verdhë.

Niveli III klasa 7-9, teksti i poezisë, harta e trojeve shqiptare, letër me ngjyra, thumba dhe një fletë pune tabelë për krahasime thelluese dhe ndërgjegjësimi për dialektin dhe gjuhën standarde.

Njohurit:

Mbledhja e fjalëve/sinonimeve për foljet si „bëj“, „punoj“, „them“. Fjalët dialektore shënohen me ngjyrë. Me ciklin e mesëm e të lartë: Krahasim i fjalive në dialekt dhe gjuhë letrare: dallimet shënohen me ngjyrë.

Qëllimi i propozimeve mësimore:

  • Të zgjohet ndërgjegjësimi i nxënësve ndaj dialekteve dhe gjuhës standarde.
  • Dobia e zotërimit të gjuhës amtare edhe në trajtën letrare.
  • Të përkrahen nxënësit në mësimin e gjuhës standarde duke bërë shpesh krahasime të fjalëve dhe fjalive / ndërtime gramatikore; në gjuhën letrare thuhet kështu dhe në dialekt kështu. Në të njëjtën kohë, ky reflektim mësimor i bën të ndërgjegjshëm në punën e tyre gjatë mësimit të gjuhës shqipe, veçanërisht për rëndësinë e gjuhës standarde.
  • Të bashkëbisedohet për vlerën dhe dobinë e gjuhës letrare dhe për faktin që edhe në gjuhën e vendit ku jetojmë tani – ka dialekte dhe një trajtë letrare.

Rrjedha (struktura bazë) do të njoftohen nxënësit me detyrën që kanë sot.

  1. a) Në hapin e parë do të formohen grupe dyshe me nxënës (me dëshirë edhe me grup mosha të ndryshme).Secili grup i merr tri copëza letre në tri ngjyra të ndryshme. Në copëzën e kuqe të letrës do të shkruajnë emrin e një personi ose të një kafshe, në copëzën e kaltër vendin, ku do të shtjellohet tregimi dhe në copëzën e verdhë, çfarë do të duhej të ndodhë.
  2. b) Copëzat e letrës do të mblidhen dhe do të përzihen.
  3. c) Secili ekip i merr tri copëza letrash me ngjyra të ndryshme dhe me to

duhet të sajojë një tregim.

  1. d) Prezantimi përfundimtar. Lexohen disa nga krijimet e nxënësve, gjenden fjalët sinonime dhe shënohen në dërrasë të zezë në dy shtylla, fjalët në dialekt shkruhen me ngjyrë të kuqe dhe fjalët letrare me ngjyrë të bardhë.

Niveli III. Rrjedha. a) Si hyrje nxitje  me pyetje për diskutimin vijues: Ku flitet gjuha shqipe sot? Vështroni hartën dhe tregoni! A ka dallime ndërmjet gjuhës që flisni ju në shtëpi dhe gjuhës së librave të shkollës? Pse është e rëndësishme të mësojmë gjuhën shqipe standarde? Ne kemi mësuar se gjuha jonë ka dy dialekte kryesore. Vjersha “Se po tret si hënë e ngrënë” është shkruar në toskërisht prandaj ka fjalë e forma që nuk përputhen krejtësisht me shqipen letrare ose standarde.

  1. b) Bashkëbisedim «Çfarë dobie ka zotërimi i gjuhës amtare edhe në trajtën letrare?» Nxënësit formojnë flamuj të vegjël me letër ngjyrë të kuqe dhe vendosin në hartë aty ku flitet dialekti toskë, dhe flamuj me ngjyrë të kaltër ku flitet dialekti gegë-

Se po tret si hënë e ngrënë

Çamëri, tokë e begatë;

Tri pranvera e vera bashkë

Klumësht, mish e pite mjaltë.

Kush të shan gluha ju thaftë!

Çamëri !

Fati i zi të çau me spatë!

Morën rrugët burrat, gratë,

Morën rrugët: male e dete

Nëpër pesë kontinente.

S’morëm dot një plis me vete,

Veç ca rrecka mbi skelete!

Ku të lamë? Në ç ‘duar mbete

Çamëri !

Çamëri, o nënë e shkretë

Fol, ku i nise djemtë

Vajzat, nuset, foshnjat, pleqtë?

Ngele si zgjua pa bletë

Porsi vresht pa sythe e fletë!

Çamëri !

Çamëri o e bukur nënë

Po të nis një dorë hënë

Dhe një lot si gur të rëndë!

Nëm një bisk të ngre një këngë!

Nëm një gur të vras një gjëmë!

Se më vëren gjithë’ bota vëngër,

Se po tretë si hënë e ngrënë!

Se po vdes me mall në zemër!

Çamëri!

Nga Vehbi Skënderi

Marrë nga teksti “Shkollë e jetë” fq.94

Nxënësit plotësojnë fletën e punës sipas këtij modeli:

Titulli i tekstit që lexuat:
Shembuj për…Dialekt Gjuhë standarde
Hënë e ngrënë/

hëna në ditët kur fillon të duket gjithnjë e më e vogël në qiell.

 
   
   
   

 

Të përvetësojmë njohuritë

Kjo vjershë patetike i kushtohet Çamërisë. Në lashtësi ajo banohej nga fisi ilir i thesprotëve. Sot, Çamëria shtrihet në pjesën më jugore të trevave të banuara prej shqiptarëve, konkretisht gjatë bregdetit Jon, prej nga vjen duke u zgjeruar në thellësi nga Lindja deri në vargun e maleve që e ndajnë prej pellgut të Janinës. Në Veri Çamëria kufizohet me lumin Pavël, kurse në Jug me Gjirin e Prevezës. Rripi i saj verior bën pjesë në RSH, kurse pjesa tjetër është aneksuar nga Greqia, në bazë të vendimit të Konferencës së Ambasadorëve në Londër të vitit 1913. Qendrat kryesore çame janë: Filati, Gumenica, Paramithia, Margëlliçi dhe Parga. Këto qendra gjenden jashtë kufijve shtetëror shqiptarë.

Me qindra mijëra çamë janë detyruar të braktisin vendlindjen. Ata kanë mërguar në të gjitha kontinentet. Çamët kanë një histori të hidhur, por të lavdishme.

Delemont 26.12. 2018                          Nexhmije Mehmetaj

Fëmija i parë i Vitit të Ri në Zvicër është shqiptar

Kishin kaluar vetëm tri minuta nga Viti i Ri, kur ka lindur fëmija i parë në Kantonin e Gjenevës, që deri tani raportohet se është i pari që ka lindur në Zvicër.

Fëmija i parë është shqiptar, ndersa deri tani nuk ka emër. Prindërit mund të vendosin deri më 4 janar për emrin e tij, shkruan “20Min”.

Babai i foshnjës është Ejup Limani, i cili punon si piktor, përcjell albinfo.ch.

Fëmija ishte dashur të lindte më 25 dhjetor. “Falë pushimeve kishim më shumë kohë për të rëndë dakord për një emër”. Por ai ka një emër të preferuar. “Më pëlqen Aulon, por gruaja ime ende nuk është e sigurt”, thotë Ejupi.

Si për koincidencë, ky raportohet se është fëmija i parë i lindur në Zvicër. Dario lindi më 00:30 në Luzern.

Në kantonin e Bernës, Elea Siegenthaler lindi 51 minuta pas mesnatës. Prindërit e Eleas janë nga Ochlenberg. Vajza është e gjatë 52 centimetra dhe peshon 3260 gramë në lindje.

Në Zvicrën Qendore, sipas Tagblatt, Bera, ishte vajza e parë e vitit të ri. Ajo lindi në 01:30. Të gjitha foshnjat e lindura për Vitin e Ri janë mirë.

Mërgimtarët në Zvicër përsëri pre e mashtrimeve me bileta për në Kosovë

Përsëri janë rikthyer mashtrimet në disa kantone në Zvicër në lidhje me biletat për aeroplan.

Siç raporton gazeta zvicerane 20min, autorët po u bëjnë thirrje udhëtarëve kosovarë për fluturimet në Kosovë, prej të cilëve po përfitojnë mijëra franga.

Kjo nuk është hera e parë që autoritetet në Zvicër janë alarmuar për raste të tilla, e kjo ndodh kryesisht gjatë fundvitit.

Më shumë se 100,000 kosovarë që jetojnë në Zvicër, shkruan kjo gazetë, mbajnë raporte të mira me atdheun e tyre, Kosovën. Linja ajrore Zurich-Prishtinë ka qenë ‘rrugë popullore për vite me radhë’.

Por, policia tani përsëri paralajmëroi për një mashtrim të ri, transmeton Koha.net. Këta persona që po shesin bileta, po mashtrojnë qytetarët duke shitur bileta me oferta të ndryshme. Kur kosovarët paguajnë për bileta, këta persona që i ofrojnë ato oferta nuk janë më në dispozicion. Ose, biletat që marrin për aeroplan janë të pavlefshme ose joekzistente.

Aty thuhet se kontakti me ta bëhet përmes internetit, SMS-ve ose Viberit. Arsyeja e këtij paralajmërimi është prej momentit kur gjatë kësaj jave dy persona u bënë viktimë dhe raportuan rastin në polici.

Policia në Zvicër këshillon të gjithë udhëtarët, kryesisht ata që udhëtojnë me linjën Zurich-Prishtinë, të blejnë bileta në kompanitë e udhëtimit që janë të njohura e të besueshme.