VOAL

VOAL

Please Wait ...
0%

Zjarr në anije në Kaliforninë e jugut; mbi 34 të zhdukur

By | September 2, 2019

Komentet

Biden kërkon që Trumpi të publikojë bisedën me presidentin ukrainas

Ish-zëvendëspresidenti amerikan Joe Biden, kandidat demokrat për president në zgjedhjet e ardhshme presidenciale, ka kërkuar nga presidenti Donald Trump që të bëjë publike bisedën me presidentin ukrainas Volodymyr Zelenskiy, pas dyshimeve se Trump kishte kërkuar nga ai hetimin e Biden dhe djalit të tij që kishte biznes në Ukrianë.

Në një komunikatë të lëshuar të premten, Biden tha se Trump duhet që menjëherë të bëjë publik transkriptin e bisedave dhe pastaj populli do ta gjykojë vetë rastin.

Shtëpia e Përfaqësuesve është duke hetuar raportimet e mediave ku thuhet se Trump kishte kërcënuar administratën e Zelenskiyt gjatë një bisede telefonike për tërheqje të mbështetjes ushtarake ndaj Ukrainës nëse nuk hetohen Biden dhe djali i tij Hunter Biden.

Demokratët deklaruan se nëse kjo është e vërtetë, atëherë do të ishte keqpërdorim i pushtetit.

Pas fillimit të hetimeve të telefonatës mes Trump dhe Zelenskiyt, Shtëpia e Bardhë ka njoftuar javën e kaluar se do të lëshojë 250 milionë dollarë për ushtrinë e Ukrainës. rel

Biseda Trump-Zelenskiy, në qendër të polemikave

Sipas një njoftimi të gazetës, Wall Street Journal, Presidenti Trump disa herë i ka kërkuar presidentit ukrainas të hetojë rreth djalit të ish-nënpresidentit Joe Biden, i cili kryeson garën mes kandidatëve demokratë për president.

Gazeta shkruan se Presidenti i kërkoi presidentit ukrainas tetë herë të punojë me avokatin e tij personal, Rudolph Giuliani, për të hetuar rreth djalit të zotit Biden.

Zoti Giuliani ka thënë se, kur ishte nënpresident, zoti Biden është përpjekur për shkarkimin e një prokurori ukrainas që po hetonte rreth marrëdhënieve të biznesit të djalit të tij Hunter Biden në Ukrainë. Zoti Biden dhe djali i tij e kanë mohuar akuzën.

Çështja u bë publike pas njoftimit të gazetës Washington Post, e cila tha se ankesa e ngritur nga një informator i fshehtë i shërbimeve të inteligjencës përfshinte Presidentin Donald Trump dhe Ukrainën.

Duke përmendur dy ish-zyrtarë amerikanë që kanë dijeni mbi çështjen, gazeta raporton se zoti Trump i ka bërë një “premtim” një udhëheqësi të huaj, që me sa duket është Presidenti i Ukrainës Volodymyr Zelenskiy.

Të dy presidentët kanë patur një bisedë telefonike dy javë e gjysmë përpara se informatori të paraqiste ankesën më 12 gusht tek Inspektori i Përgjithshëm i Komunitetit të Zbulimit Michael Atkinson.

Presidenti Trump do të takohet me zotin Zelenskiy gjatë Asamblesë së Përgjithshme të OKB-së në Nju Jork.

Telefonata e 25 korrikut mes dy udhëheqësve është nën hetim nga tre komisione të Dhomës së Përfaqësuesve ku demokratët kanë shumicën. Ata duan të dinë nëse
Presidenti Trump dhe avokati i tij Giuliani, janë përpjekur t’i bëjnë trysni qeverisë së Ukrainës për të ndihmuar fushatën e zotit Trump për t’u rizgjedhur.

I pyetur të premten nëse e kishte përmendur zotin Biden në bisedën me Presidentin ukrainas, Presidenti Trump u përgjigj: “Nuk ka rëndësi se çfarë diskutova.” Ai e shfrytëzoi këtë rast për t’i bërë thirrje medias që të hetojë rreth së kaluarës së zotit Biden me Ukrainën.

Zakonisht çështjet shqetësuese dhe urgjente që konsiderohen të besueshme duhet t’i përcillen komisioneve përkatëse të Kongresit, por sipas një komunikimi të bërë publik të enjten, drejtori në detyrë i Zbulimit Kombëtar Joseph Maguire, e kishte ndaluar zotin Atkinson ta bënte këtë gjë.

Komisioni i Zbulimit i Dhomës së Përfaqësuesve zhvilloi të enjten një seancë tre-orëshe me dyer të mbyllura me Inspektorin e Përgjithshëm për të diskutuar çështjen. Pas kësaj, kryetari i komisionit Adam Schiff u tha gazetarëve se drejtori i përkohshëm i Zbulimit Kombëtar po ndërhynte në proces.

Në një koment Twitter, Presidenti Trump e cilësoi njoftimin si lajm të rremë, duke hedhur poshtë pretendimet se ai i kishte premtuar diçka një udhëheqësi të huaj.

I emëruari i Presidentit Trump zotohet për pavarësinë e mediave qeveritare amerikane

Michael Pack, një producent konservator filmash i propozuar për të drejtuar Agjensinë e Shteteve të Bashkuara për Mediat Globale (USAGM), dëshmoi të enjten në një seancë konfirmimi në Senat. Korrespondenti i Zërit të Amerikës, Brian Padden, njofton se i emëruari iu përgjigj shqetësimeve se Presidenti Donald Trump mund të imponojë anshmëri politike tek agjensitë qeveritare të lajmeve, siç është Zëri i Amerikës, për të cilin legjislacioni amerikan përcakton se duhet të jetë objektiv dhe i balancuar në raportimet e tij.

Të enjten, Michael Pack i tha Komisionit të Senatit për Marrëdhëniet me Jashtë, se ai do të sigurojë pavarësinë mediatike në Agjensinë e Shteteve të Bashkuara për Mediat Globale (USAGM), agjensia që mbikqyr edhe Zërin e Amerikës, nëse do të konfirmohet në detyrë si i pari Drejtor Ekzekutiv i kësaj organizate i caktuar nga administrata Trump.

“E gjithë agjensia mbështet tek besimi se gazetarët janë të pavarur, se asnjë influencë politike nuk po u dikton se si të njoftojnë për zhvillimet dhe se çfarë duhet të thonë. Pa këtë mirëbesim, mendoj se agjensia është tërësisht e minuar”, u tha senatorëve i propozuari i Presidentit Trump në detyrën e drejtorit të USAGM, zoti Michael Pack.

Zoti Pack ka prodhuar dokumentarë, ka drejtuar Institutin Claremont, një organizatë konservatore me seli në Kaliforni, si dhe ka denoncuar njëanshmërinë liberale të perceptuar në industrinë e filmave.

Me një buxhet vjetor prej 628 milionë dollarësh, USAGM mbikqyr të gjitha organizatat ndërkombëtare të lajmeve të financuara nga qeveria, të cilat transmetojnë në 100 vende dhe kanë një audiencë prej rreth 345 milionë njerëzish.

Këtu përfshihet edhe Zëri i Amerikës që transmeton në mbi 40 gjuhë në mbarë botën, TV dhe Radio Marti që transmeton në Kubë, rrjetet në gjuhën arabe Alhurra TV dhe radio Sawa, si dhe Radio Evropa e Lirë, Radio Liria dhe Radio Azia e Lirë.

Karta e Zërit të Amerikës, e miratuar me ligj në vitin 1976, si dhe Ligji për Transmetimet Ndërkombëtare, përcaktojnë se të gjitha transmetimet qeveritare duhet t’u përmbahen standarteve strikte mediatike, për të cilat mbështetësit e shtypit të lirë thonë se janë thelbësore për të qenë një burim i besueshëm lajmesh për audiencat ndërkombëtare.

“Nuk është fjala për një media shtetërore që tregon vetëm njërën anë të çështjes, siç ndodh shpesh me mediat shtetërore në vende të tjera”, i tha Zërit të Amerikës, Al Tompkins, i Institutit Pointer.

Ligjvënësit republikanë dhe demokratë mbështesin misionin mediatik të këtyre agjensive, thotë një ish-drejtues i Zërit të Amerikës.

“Ligjvënësit kanë mbështetur gjithnjë transmetimet e Zërit të Amerikës dhe agjensitë e tjera, pasi i njohin vlerat e të paturit një burim lajmesh tek i cili mund të mbështeten njerëzit dhe audiencat në botë”, thotë David Jackson, ish-drejtor i Zërit të Amerikës.

Disa prej kritikëve të Presidentit Trump kanë ngritur shqetësimin se ai mund të përpiqet t’i kthejë këto agjensi në makineri të njëanshme propagandistike për politikat e administratës së tij.

Kreu demokrat në këtë komision, Senatori Bob Menendez, ngriti pikëpyetje rreth marrëdhënies së zotit Pack me Steve Bannon, ish-strategu kryesor në Shtëpinë e Bardhë për Presidentin Trump, njëkohësisht edhe ish-drejtues i Breitbart News, një organ vendas që perceptohet gjerësisht si nxitës i nacionalizmit dhe kauzave konservatore.

Ata kanë punuar së bashku për dokumentarë ku shqyrtohet çështje si lufta në Irak, apo energjia bërthamore.

Senatori Menendez e pyeti zotin Pack se si do t’i mbrojë ai gazetarët e agjensisë nga presioni politik. Pyetjes së Senatorit nëse ai do të ishte në gjendje të thoshte “jo”, zoti Pack iu përgjigj se “kështu mendoj. Kam thënë ‘jo’ edhe më parë”.

Edhe nëse do të qartësohen shqetësimet gazetareske, emërimi i zotit Pack mund të vonohet më tej prej kontrollit të imtësishëm të historikut të tij, si dhe nga radha e gjatë e emërimeve të prapambetura në Senat që presin të konfirmohen me votim nga senatorët.

Media amerikane: Informatori ngriti shqetësime për veprimet e presidentit

Kryetari i Komisionit të Dhomës së Përfaqësuesve për Zbulimin, Adam Schiff komenton pas seancës me dyer të mbyllura.

Gazeta Washington Post shkruan se ankesa e një informatori të fshehtë të shërbimeve të zbulimit përfshin Presidentin Donald Trump dhe Ukrainën.

Duke përmendur dy ish-zyrtarë amerikanë që kanë dijeni mbi çështjen gazeta raporton se zoti Trump i ka bërë një “premtim” një udhëheqësi të huaj, që me sa duket është Presidenti i Ukrainës Volodymyr Zelenskiy.

Të dy presidentët kanë patur një bisedë telefonike dy javë e gjysmë përpara se informatori të paraqiste ankesën më 12 gusht tek Inspektori i Përgjithshëm i Komunitetit të Zbulimit Michael Atkinson.

Zakonisht çështjet shqetësuese dhe urgjente që konsiderohen të besueshme duhet t’i përcillen komisioneve të mbikëqyrjes së Kongresit, por sipas korrespodencës së bërë publike të enjten, drejtori në detyrë i Zbulimit Kombëtar Joseph Maguire, e kishte ndaluar zotin Atkinson ta bënte këtë gjë.

Komisioni i Zbulimit i Dhomës së Përfaqësuesve zhvilloi të enjten një seancë tre-orëshe me dyer të mbyllura me Inspektorin e Përgjithshëm për të diskutuar çështjen. Pas kësaj, kryetari i komisionit Adam Schiff u tha gazetarëve se drejtori i përkohshëm i Zbulimit Kombëtar po ndërhynte në proces.

Në një koment Twitter, Presidenti Trump e cilësoi njoftimin si lajm të rremë, duke hedhur poshtë pretendimet se ai i kishte premtuar diçka një udhëheqësi të huaj.

Rihapet Monumenti i Xhorxh Uashingtonit

Në kryeqytetin amerika, të enjten u rihap për publikun Monumenti kushtuar George Washingtonit, i cili ishte mbyllur prej disa vitesh për shkak të punimeve për të zëvendësuar ashensorin dhe sistemin e sigurisë. Zonja e parë Melania Trump mori pjesë në ceremoninë e rihapjes. Korrespondentja e Zërit të Amerikës, Patsy Widakuswara sjellë hollësitë.

Ky objekt emblemë në kryeqytetin amerikan ka qenë i mbyllur për publikun në pjesën më të madhe të 8 viteve të fundit, pas një tërmeti 5.8 ballësh në vitin 2011 që shkaktoi 150 çarje në gurët e monumentit.

Monumenti i Uashingtonit u hap për pak kohë në vitin 2016, por u mbyll përsëri për shkak të difekteve në ashensor.

Por të ejten ai u rihap për publikun.

“Ne rindërtuam plotësisht sistemin e ashensorit. Pra, instaluam kabllo të reja dhe riparuam motorin. Dhe pastaj ne gjithashtu shtuam masat e kontrollit të sigurisë”, thotë Jeffrey Reinbold, punonjës i mirëmbajtjes së Shëtitores Kombëtare dhe Parqeve Memoriale.

Zonja e parë Melania Trump bëri “udhëtimin e parë” ceremonial me disa studentë vendas.

Monumenti, i cili mban emrin e Presidentit të parë të Shteteve të Bashkuara, është një objekt i veçant në Uashington dhe një nga atraksionet më të njohura në Shëtitoren Kombëtare. Monumenti vizitohet nga mesatarisht rreth 500,000 vizitorë në vit. Disa nga këta vizitorë janë të gëzuar që tani mund të ngjiten në majë të monumentit për të shijuar një pamje spektakolare të qytetit.

Vizitorët kanë krijuar një radhë të gjatë që herët në mëngjes për të marrë biletat për të hyrë në monument.

Ky çift nga Shanghai që nuk flet anglisht, kërkoi bileta rezervë duke treguar një shenjë të shkruar me dorë, ku thuhej se paraardhësit e tyre dhuruan një nga pllakat përkujtimore të gurëve në monument.

“Ata ishin shumë këmbëngulës. Ata me të vërtetë donin të ngjiteshin atje dhe unë kisha dy bileta shtesë”, thotë Jill Chestnut, një turiste nga Teksasi.

Janë njëqind e nëntëdhjetë e tre pllaka përkujtimore të vendosura në muret e brendshme të monumentit.

Sipas Shërbimit të Parqeve Kombëtare, njëri prej tyre u dhurua nga Misioni Amerikan në Ningbo të Kinës, për të cilin çifti Zhang pretendon se ishin paraardhësit e tyre.

“Jemi shumë të lumtur”, tha zoti Zhang.

“Ne jemi shumë mirënjohës”, tha zonja Zhang.

“Të gjitha biletat ishin shitur dhe nesër do të kthehemi në Kinë”, tha zoti Zhang.

Ndërtimi i Monumentit filloi në vitin 1848, dhe u deshën gati 40 vjet për përfundimin e tij për shkak të Luftës Civile dhe mungesës së fondeve.

Këtë herë, riparimi i monumentit u financua jo vetëm me paratë e taksapaguesve, por edhe me miliona dollarë në donacione private.

SHBA, padi ndaj ish kontraktorit të CIA-s, Snowden

Eduard Snowden duke folur përmes një videolinku.

Departamenti amerikan i Drejtësisë ngriti të martën një padi civile kundër ish-punonjësit të CIA-s dhe ish-kontraktorit të Agjencisë së Sigurisë Kombëtare Edward Snowden për publikimin e një libri kujtimesh, i cili bie ndesh me kontratën e tij me agjencitë e inteligjencës për të mos publikuar materiale sekrete.

Snowden aktualisht banon në Rusi, ku ai mori strehim në vitin 2013 pasi zbuloi detaje tepër të klasifikuara të programeve amerikane të përgjimit. Këto programe të Agjencisë së Sigurisë Kombëtare ngritën pyetje etike në lidhje me praktikat amerikane të përgjimit.

Libri me kujtime titullohet “Permanent Rekord” që mund të përkthehet “Dëshmia e pashlyeshme”. Ai u vu në qarkullim të martën dhe shitet në Amazon.com në gjermanisht dhe anglisht. Një librar në Uashington thotë se botuesi nuk u ka shpërndarë asnjë kopje librarive paraprakisht, siç është praktika.

“Shumë libra, ose libra të rëndësishëm, u dërgohen paraprakisht librarive që ne të mund t’i lexojmë përpara se ti vëmë për shitje. Ndërsa ky libër u mbajt mjaft i fshehtë nga botuesi,” thotë librari Mark Laframboise.

As agjencitë qeveritare nuk morën kopje paraprakisht. Në një deklaratë të martën, Departamenti i Drejtësisë tha se nuk po përpiqet të bllokonte librin, por synon të garantojë se Snowden nuk do të përfitojë prej tij.

Në padi përmendej edhe botuesi, Macmillan, “për të siguruar se asnjë fitim nuk do t’i kalojë autorit, Snowden”, thuhej aty.

Zyrtarët e drejtësisë thonë se Snowden ka shkelur një detyrim që ndërmori ndaj Shteteve të Bashkuara kur nënshkroi kontratat me CIA-n dhe Agjencinë e Sigurisë Kombëtare.

Snowden u përgjigj me komente që bëri në video përmes një librarie në Gjermani:

“Ekziston një marrëveshje për ruajtjen e sekretit, por ekziston edhe një betim për të mbrojtur Kushtetutën. Dhe sekreti që ju kërkohet të mbroni është se qeveria po e shkel atë Kushtetutë si dhe të drejtat e njerëzve në të gjithë botën,” tha ai.

Snowden ka në të gjithë botën mbështetës që e konsiderojnë një hero, pasi ka folur për praktikat që shumë njerëz i shohin si abuzim nga ana e qeverisë.

“Juria e Çmimit Jeta e Denjë nderon Edward Snowden-in për guximin dhe aftësinë në zbulimin e përmasave të papara të përgjimit shtetëror, që shkel proceset themelore demokratike dhe të drejtat kushtetuese,” thotë Jakob von Uexkull, themelues i Çmimit ‘Jeta e Denjë’

Por shumë të tjerë e konsiderojnë atë një tradhtar dhe të jashtëligjshëm. Prokurorët federalë amerikanë e kanë akuzuar Snowden-in për vjedhje të pronës së qeverisë dhe ka ngritur dy akuza për shkelje të Ligjit për Spiunazhin të vitit 1917.

Presidenti i atëhershëm Barack Obama i kërkoi atij të kthehej në Shtetet e Bashkuara për t’u përballur me akuzat:

“Nëse në të vërtetë ai beson se ajo që bëri ishte e drejtë, atëherë si çdo qytetar amerikan, ai mund të vijë këtu, të paraqitet para gjykatës me një avokat dhe të mbrojë çështjen e tij.”

Në një intervistë të fundit për CBS News, Snowden tha se do të kthehej nëse i garantohet një proces i rregullt, i hapur për publikun, por se, sipas tij qeveria amerikane synon ta bëjë atë objekt të procedurave speciale në një sallë të mbyllur gjyqi./ za

Robert O’Brien emërohet këshilltar i Sigurisë Kombëtare

Presidenti i SHBA Donald Trump emëroi të mërkurën negociatorin Robert O’Brien si këshilltar të sigurisë kombëtare.

O’brien zëvendëson zotin John Bolton i cili dha dorëheqjen nga ky post javën e kaluar.

O’Brien është i dërguar presidencial për çështjet e pengjeve në Departamentin e Shtetit dhe ka një karrierë të gjatë në qarqet republikane të politikës së jashtme.

Presidenti Trump e bëri njoftimin në Twitter, menjëherë pasi shpalli se do të rrisë në mënyrë të ndjeshme sanksionet kundër Iranit.

Presidenti Trump tregon emrat që mund të zëvendësojnë John Boltonin

Presidenti i Shteteve të Bashkuara, Donald Trump, më 17 shtator, shpalli pesë emra si zëvendësues të mundshëm, për pozitën e lirë të këshilltarit të sigurisë kombëtare, katër prej të cilëve kanë punuar në Këshillin e Sigurisë Kombëtare, raportoi Reuters.

Duke folur para gazetarëve në bordin e aeroplanit presidencial, Trump renditi fillimisht, Ricky Waddell, një ish-këshilltar i sigurisë kombëtare, së bashku me Keith Kellogg, i cili aktualisht shërben si këshilltar për siguri i nënpresidentit amerikan, Mike Pence.

Më pas, Robert O’Brien, u veçua si një pasardhës i mundshëm i John Boltonit, i cili u shkarkua javën e kaluar nga ana e presidentit Trump. O’Brien është një veteran i politikës së jashtme në qarqet e partisë republikane.

Ish-oficeri i Agjencisë Qendrore të Inteligjencës (CIA), Fred Fleitz është një tjetër zëvendësim i mundshëm. Ai shërbeu si sekretar ekzekutiv i Këshillit të Sigurisë Kombëtare. Fleitz është kritik ndaj Iranit dhe ka pikëpamje të linjës së ashpër mbi islamin.

Lisa Gordon-Hagerty, nënsekretare e sigurisë bërthamore në Departamentin e Energjisë, gjithashtu u rendit si zëvëndësuese e mundshme e Boltonit. Ajo gjithashtu ka shërbyer në Këshillin e Sigurisë Kombëtare.

Pozita e këshilltarit të sigurisë kombëtare nuk kërkon konfirmim të Senatit të SHBA-së. Këshilltari-ja e sigurisë kombëtare jep këshilla për çështjet e mbrojtjes, të sigurisë dhe diplomacisë dhe është pozicioni më i lartë i Shtëpisë së Bardhë për sigurinë kombëtare.

Megjithëse këta emra u përmendën nga presidenti Trump, më vonë përmes një deklarate zëdhënësja e Shtëpisë së Bardhë, Stephanie Grisham, tha se lista nuk është e plotë.

Më 10 shtator, presidenti Donald Trump, e shkarkoi këshilltarin e sigurisë kombëtare, John Bolton, duke i thënë se shërbimet e tij në Shtëpinë e Bardhë nuk janë më të nevojshme.

Zëdhënësja e Shtëpisë së Bardhë, Stephanie Grisham u tha gazetarëve se “Presidenti (Donald Trump) nuk i kanë pëlqyer shumë politikat e tij (John Boltonit), dhe se ata kanë pasur mospajtime”.

Ish analisti i CIA-s: Bota është më e sigurt pa John Bolton: më mirë pa këshilltar të sigurisë se të kishe John Bolton!

Ish analisti i CIA-s komenton shkarkimin e Këshilltarit të Sigurisë nga Presidenti Donald Trump.

Ish analisti i CIA-s John Kiriakou diskuton rreth largimit të John Bolton nga Këshilltar i Sigurisë Kombëtare dhe hamëndëson se kush mund ta zëvendësojë.

John Kiriakou parashikon se Presidenti Donald Trump të mund emërojë  Stephen Biegun ose Douglas Macgregor për këshilltar të ardhshëm të sigurisë kombëtare.

“Unë duhet të pajtohem me Elizabeth Warren dhe Bernie Sanders se bota është një vend më i sigurt pa John Bolton që të merrte vendime të luftës dhe paqes,” vazhdoi Kiriakou.

“Nuk më shqetëson fakti se tani nuk kemi një këshilltar të sigurisë kombëtare; është më mirë të mos kesh askënd në këtë pozitë sesa të kesh John Bolton në pozitë. ”

“Ai u përpoq aktivisht të rrëzonte qeverinë e Venezuelës; ai u përpoq aktivisht të rrëzonte qeverinë iraniane; ai u përpoq në mënyrë aktive të rrëzonte qeverinë Siriane – dhe ky është vetëm në vitin e fundit! Pra, po, është më mirë të mos e kemi John Bolton në këtë pozicion, “tha Kiriakou./thegrayzone.com

Presidenti Trump konfirmon vrasjen e djalit të Osama bin Ladenit

Shtëpia e Bardhë thotë se Hamza bin Laden, djali i udhëheqësit të ndjerë të al-Kaidës që ishte bërë një figurë gjithnjë e më e shquar në organizatën terroriste, është vrarë në një operacion amerikan kundër terrorizmit në rajonin mes Afganistanit dhe Pakistanit.

Presidenti Trump konfirmoi sot vrasjen e Hamza bin Ladenit por nuk dha hollësi të tjera, të tilla si, kur u vra ai apo si e konfirmuan Shtetet e Bashkuara vdekjen e tij.

Në një deklaratë të Shtëpisë së Bardhë thuhet se vdekja e Hamza bin Ladenit “jo vetëm që e privon al-Kaidën nga aftësi të rëndësishme drejtuese dhe lidhje simbolike me babanë e tij, por minon aktivitete të rëndësishme operative të grupit”.

Si udhëheqësi i al-Kaidës, Osama bin Laden dhe të tjerë komplotuan sulmet e 11 shtatorit, 2001. Ai u vra nga forcat seal të marinës amerikane në një bastisje në një shtëpi në Abbottabad, të Pakistanit, në vitin 2011. za

SHBA tejkaloi Arabinë Saudite në eksportin e naftës në qershor

SHBA-të tejkaluan Arabinë Saudite si eksportuesja më e madhe e naftës në botë në qershor, falë rritjes së prodhimit të naftës së argjilës në vend dhe kufizimeve të OPEC-ut që prekën kryesisht Arabinë Saudite.

“SHBA aktualisht është numër një në qershor, pasi eksportet e naftës së papërpunuar u rritën mbi 3 milionë fuçi në ditë, duke rritur eksportet totale të naftës së papërpunuar dhe produkteve në gati 9 milionë fuçi në ditë”, tha të enjten Agjencia Ndërkombëtare e Energjisë (IEA).

“Në të njëjtën kohë, Arabia Saudite zvogëloi eksportet e produkteve të naftës së papërpunuar dhe ato të rafinuara”, shtoi IEA në Raportin e Tregut të Naftës për shtatorin.

Raporti i IEA-së nuk jep shifra specifike për eksportet e naftës së papërpunuar të SHBA-së dhe Arabisë Saudite, megjithatë, shifrat e Nismës së Organizatave të Përbashkëta (JODI) tregojnë se eksportet e naftës së papërpunuar të Arabisë Saudite mesatarisht ishin 6.72 milionë fuçi në ditë në qershor, ndërsa eksportet e produkteve të përgjithshme të naftës mesatarisht ishin 1.27 milionë fuçi në ditë. Kjo solli sasinë totale të eksporteve të naftës për vendin në qershor në 7.99 milionë fuçi në ditë.

Në qershor, eksportet e naftës së papërpunuar të SHBA-së mesatarisht ishin 3.41 milionë fuçi në ditë ndërsa eksportet e përgjithshme të produkteve të naftës arritën në 5.44 milionë fuçi në ditë, duke sjellë vlerën totale të eksporteve të naftës në 8.85 milionë fuçi në ditë.

IEA tha se kompletimi i tubacioneve dhe terminaleve të nevojshme të naftës në SHBA tani bën të mundur rritjen e eksporteve të naftës në vend.

Megjithatë, Arabia Saudite riktheu pozitën e parë në eksportet e naftës në muajt korrik dhe gusht, tha IEA.

“Prodhimi amerikan u ndikua nga goditja e uraganit. Mosmarrëveshja tregtare e SHBA-së me Kinën gjithashtu e ka vështirësuar gjetjen e tregjeve për produktet e argjilës”, tha IEA.

Sa i përket prodhimit të naftës së papërpunuar, SHBA tejkaloi Arabinë Saudite në tetor 2018 me 11.2 milionë fuçi në ditë të prodhimit dhe më pas u tejkalua nga Rusia me 11.7 milionë fuçi në ditë në nëntor 2018 duke u bërë prodhuesja më e madhe e naftës së papërpunuar në botë.

Për shkak të marrëveshjes për kufizimin e prodhimit midis vedeve të OPEC-ut dhe aleatëve të saj, prodhimi i naftës së papërpunuar të Arabisë Saudite ishte mesatarisht 9.83 milionë fuçi në ditë në qershor, duke zbritur 4.6 për qind nga niveli mesatar i 2018 prej 10.31 milionë fuçi në ditë, thuhet në Raportin Mujor të Tregut të Naftës të OPEC-ut për shtator.

Eksportet e naftës së papërpunuar të SHBA-së u rritën gradualisht pas dhjetorit 2015 kur ish-presidenti Barack Obama hoqi ndalimin e vetë-imponuar katër dekada të eksporteve të naftës bruto të prodhuar në vend që ishte aktive që nga viti 1973 gjatë krizës së naftës të OPEC-ut. aa

Fillon detyrën ambasadorja e re amerikane në OKB

Ambasadorja e re amerikane në Organizatën e Kombeve të Bashkuara filloi detyrën të enjten. Kelly Knight Craft nuk do të ketë shumë kohë për t’u ambientuar, pasi ajo arrin pak më shumë se një javë para mbledhjes vjetore të udhëheqësve botërorë në Asamblenë e Përgjithshme të OKB-së. Korrespondentja e Zërit të Amerikës në OKB, Margaret Besheer sjellë hollësitë.

Ambasadorja Craft ia dorëzoi letrat kredenciale Sekretarit të Përgjithshëm të OKB-së, António Guterres dhe më pas shkoi në Këshillin e Sigurimit.

Ajo u prit ngrohtësisht nga kolegët e saj të rinj dhe më pas votoi duke mbështetur tre rezoluta.

Më vonë ajo u tha gazetarëve se nuk është vetëm e dërguara e Presidentit Trump në OKB, por edhe një zë për angazhimin e Amerikës për lirinë, demokracinë dhe të drejtat e njeriut.

“Në një botë të përfshirë nga kriza humanitare, sfidat gjeopolitike, udhëheqja e fortë amerikane është absolutisht kritike dhe unë synoj ta siguroj atë. Unë do të mbroj vlerat dhe interesat e Amerikës. Do të qëndroj pranë miqve dhe aleatëve tanë. Do të mbështes të varfërit dhe të pambrojturit. Dhe kurrë nuk do të ngurroj të punoj me ata që vërtet dëshirojnë të çojnë përpara kauzën e dinjitetit njerëzor.”

Craft, ish-biznesmene nga Kentucky, dhe burri i saj, Joe, ekzekutiv miliarder i industrisë së qymyrit, janë të mirënjohur në qarqet republikane si donatorë të mëdhenj. Ata kontribuan 1 milion dollarë në garën presidenciale të Presidentit Trump në vitin 2016.

Presidenti Trump e emëroi atë në postin e ambasadores amerikane në Kanada dy vjet më parë. Mandati i saj u dominua nga negociatat për arritjen e marrëveshjes së re tregtare SHBA-Kanada-Meksikë.

Ambasadorja Craft u konfirmua për postin e saj në OKB më 31 korrik, me një shumicë të thjeshtë në senatin amerikan, ku disa demokratë u ankuan se ajo nuk kishte përvojë të mjaftueshme në politikën e jashtme.

“Zonja Ambasadore më lejoni të jem e sinqertë, kam rezerva të thella në lidhje me mungesën e kualifikimeve tuaja për një rol kaq kompleks dhe sfidues. Historikisht, ambasadorët e Shteteve të Bashkuara në OKB kanë sjellë përvojë të rëndësishme ekzekutive ose përvojë të drejtpërdrejtë pune në politikën e jashtme”, that senatori demokrat Bob Mendez.

Mungesat e saj të mëdha nga ambasada në Kanada, më shumë se gjysma e 608 ditëve në punë, gjithashtu ishin temë shqyrtimi.

Zonja Craft ka pak më shumë se një javë kohë para se udhëheqësit botërorë, përfshirë shefin e saj, të arrijnë në Asamblenë e Përgjithshme të OKB-së.

Analisti i çështjeve të OKB-së, Richard Gowan thotë se ambasadorja Craft do të luajë vetëm një rol në prapaskenë gjatë mbledhjes vjetore të Asamblesë së Përgjithshme të OKB-së.

“Detyra e saj është të sigurojë që udhëtimi i presidentit në Nju Jork të shkojë mirë. Ajo nuk do të bëjë vetë diplomaci thelbësore. Mendoj se zonja Craft do të jetë në gjendje të ketë një ndikim personal në Nju Jork pas mbarimit të punimeve të Asamblesë së Përgjithshme të OKB-së, dhe mund të shpenzojë pak më shumë kohë në ndërtimin e marrëdhënieve me anëtarët e tjerë të Këshillit të Sigurimit të OKB-së dhe fuqitë e rëndësishme të përfaqësuara në OKB”.

Një nga temat e mëdha në takimin e këtij viti do të jetë ndryshimi i klimës.

Familja e zonjës Craft ka lidhje me industrinë e qymyrit dhe ajo dikur i tha një intervistuesi kanadez se ajo u beson “të dyja grupeve” në debatin për klimën.

Ambasadorja Craft zëvendëson ish ambasadoren Nikki Haley, e cila u largua nga posti nëntë muaj më parë.

Niki Haley kishte statusin e anëtares së kabinetit, që zonja Craft nuk do ta ketë, dhe kultivoi një profil të lartë politik.

Analistët thonë se zonja Craft ka të ngjarë të ketë një rol më të kufizuar në përcaktimin e objektivave të politikës së jashtme.