VOAL

VOAL

Please Wait ...
0%

Zëri i Amerikës: Në Shqipëri vazhdon largimi i popullsisë (video)

By | September 16, 2019

Komentet

(Video) Nuk ka asnjë reagim nga Akademitë shqiptare ndaj fyerjeve që Beogradi bën ndaj shkrimtarit e historianit të shquar Jusuf Buxhovi për veprën “Dardania – antika, mesjeta”.

Dëgjoni si vjell vrerë me fyerje dhe sharje Beogradi kundër shkrimtarit dhe historianit të shquar shqiptar Jusuf Buxhovi, për veprën e tij “Dardania – antika, mesjeta”,
ndërkohë nuk ka asnjë reagim nga Akademitë shqiptare!
Autori i “Dardanisë” fyhet nga Beogradi: “shiftar i çmendur”!
Vazhdojnë reagimet e ashpra, kresisht me fyerje nga më të rëndat,
nga Beogradi pas botimit të librit “Dardania – antika, mesjeta”.
Ato janë edhe të kuptueshme, ngaqë, me argumente të pamohueshme, demistifikohen gënjeshtrat e tyre që janë përhapur prej më shumë se një shekull!
Këto reagime, përkujtojnë fushatën që pat filluar Beogradi dhe disa “historianë” nga Kosova pas botimit të “Kosovës” në tre vëllime ku u vunë në pah mashtrimet e historiografisë serbe rreth të ashtuquajturit shtet mesjetar serb, që demantohet nga shumë burime bizantine…
Këtë herë, në mungesë të reagimeve shkecore, autori i “Dardanisë” quhet “shiftat i çmendur”!

(Video) Dalin në dritë thesarët e Pirustit të Ilirisë – Dukagjini i Arbërisë – arbërve të mesjetës në Komanin e 9 kishave

Reportazh nga News24: Dalin në dritë thesarët e arbërve të mesjetës në Komanin e 9 kishave.
E si mos të ndihemi krenarë me Komanin e madhërishëm?
Me zemrën e Arbërisë! Me urën lidhëse të arbërve dhe ilirëve që na ndrin faqen në historiografinë botërore!
Arkeologia, zj. Etleva Nallbani ka të drejtë kur i referohet si popullsi dukagjinase, sepse edhe vetë Puka është Dukagjini i Vjetër dhe vendorigjina e Dukagjinëve. E mos të harrojmë se në Sardë të Komanit, Lek
Dukagjini kishte edhe rezisencën e tij të fortifikuar, kalanë e tij në pjesën më perendimore të Dukagjinit të Vjetër (Pukës) e gjithashtu Principatës së Dukagjinëve.
Nga puna e arkeologëve, fakteve dhe gjetjeve arkeologjike e mbi të gjitha gjetjes së punishtës së përpunimit të metalit, vërteton edhe më shumë dhe qartë se Puka gjithashtu ishte edhe epiqëndra e popullsisë piruste, pra e fisit Pirust.
Në një numër të revistës “Hylli i Dritës”, ndër të tjera shkruhet se “Pirustët, përpunuesit e metaleve, së pari ishin (banorë) në Koman të Pukës.”
Pra, Puka = Pirusti i Ilirisë – Dukagjini i Arbërisë.
Falenderojmë përzemërsisht misionin e arkeologëve, të gjithë ata që po kontribuojnë të nxjerrin çdo ditë e më shumë në dritë copëza të historisë, vazhdimësisë së popullsisë dhe trashëgimisë kulturore të PUKËS
SË LASHTË!!!
Falenderojmë News24 e gjithashtu gazetarët!
KOMANI DUHET TË SHPALLET “NDERI I KOMBIT” për vlerat e jashtëzakonshme e të pakrahasueshme që i shton Atdheut tonë, Shqiptarisë.
Thesaret e arberve te mesjetes ne Komanin e 9 kishave Deshmite e fisnikeve arber ne malet e Komanit Etleva Nallbani, drejtuese e misionit arkeologjik “Komani tregon mesjeten e Arberit ne teresine e vet”
Nallbani: Qyteza shtrihet ne mbi 1 mije hektare “Jane kishat e Shen Janit, Shen Gjergjit, Shen Mhillit” “Eshte nekropoli, kalaja, kisha e Shen Kollit”
Nallbani: Pas nekropolit, prisnim nje kishe te madhe Komani ishte qyteze e pasur, ka 9 kisha e disa lagje Nallbani: Kishin tregti deri me Kalifatin arab “Nekropoli na tregon armet, veshjet e bizhute” “Mund te jene Dukagjinas, kulturalisht shume te pasur”
Elvana Metalla, arkeologe “Te kisha e Shen Gjergjit gjejme punishte metali” “Materiale te ardhura nga Venecia dhe vendase”
Nallbani: Varret, nga shek. IV ne shek. XII “Riti i varrimit ka gjithe takemin, veshje, arme” “Varret jane familjare, ka veshje laike e kishtare” “Ka kuti ne varret familjare dhe kultura veshjesh”
Nallbani: Trashegimi ne gjerdane dhe rripa
Helidon Sokoli, Arkeolog “Linja e fortifikimit tregon mbrojtjen e qytezes” Sokoli: Fortifikimi doli gjate survejit tone Deshmite e fisnikeve arber ne malet e Komanit

(Video) Intervistë e Xhafer Shatrit: Fati i individit nuk është fati i Kosovës!

Xhafer Shatri tregon për telashet e Kosovës. Ndiqeni se ia vlen. Intervistoi Agron Bajrami

 

https://www.youtube.com/watch?v=Tk1KBYBIhzY

 

Trump: Marrëveshja Kosovë-Serbi, një hap i madh përpara

Besim Abazi

Presidenti amerikan, Donald Trump, tha se Serbia dhe Kosova ranë dakord të normalizojnë marrëdhëniet ekonomike, duke e cilësuar këtë si “një tjetër angazhim historik”.

Presidenti Trump i bëri komentet në një deklaratë për shtyp të premten, pas nënshkrimit të marrëveshjes mes dy vendeve në Shtëpinë e Bardhë.

Në dokumentin e nënshkruar në praninë e Presidentit Trump parashikohet vënia në jetë e lidhjeve rrugore dhe hekurudhore mes Prishtinës dhe Beogradit si dhe projekte të tjera me një vlerë të përgjithshme që, sipas kryeministrit të Kosovës, Avdullah Hoti e kalon shifrën 1 miliard euro.

“Pas një historie të dhunshme dhe tragjike dhe vitesh negociatash të dështuara, administrata ime propozoi një mënyrë të re për të kapërcyer ndarjen”, thuhet në deklaratën e presidentit Trump. “Duke u përqëndruar në krijimin e vendeve të punës dhe rritjen ekonomike, të dy vendet ishin në gjendje të arrijnë një përparim të vërtetë në bashkëpunimin ekonomik për një gamë të gjerë çështjesh”.

Presidenti Trump tha se me këtë marrëveshje është bërë gjithashtu përparim në arritjen e paqes në Lindjen e Mesme. Kosova dhe Izraeli kanë rënë dakord për normalizimin e marrëdhënieve dhe krijimin e lidhjeve diplomatike. Serbia është zotuar të hapë një zyrë tregtare në Jeruzalem këtë muaj dhe të zhvendosë ambasadën e saj në Jeruzalem deri në korrik.

“Është dashur një trimëri e jashtëzakonshme nga Presidenti Vuçiq i Serbisë dhe Kryeministri Hoti i Kosovës për të filluar këto bisedime dhe për të ardhur në Uashington për të finalizuar këto angazhime”, thuhet në deklaratën e presidentit Trump. “Në këtë mënyrë, ata i kanë bërë vendet e tyre, Ballkanin dhe botën më të sigurtë. Unë pres që të shoh Serbinë dhe Kosovën të përparojnë ndërsa ne punojmë së bashku për bashkëpunimin ekonomik në rajon në të ardhmen”, përfundon deklarata.

“Serbia dhe Kosova janë përkushtuar për normalizimin ekonomik”, tha presidenti Trump duke theksuar se “është një hap i madh përpara për të vendosur përparimin dhe paqen në Ballkan dhe në botë”.

Ai tha gjatë ceremonisë së nënshkrimit në Zyrën Ovale se Kosova dhe Izraeli janë pajtuar të vendosin marrëdhënieve diplomatike, ndërsa Serbia është zotuar ta lëvizë ambasadën e saj në Jerusalem.

Në një deklaratë pas njoftimit, Kryeministri izraelit Benjamin Netanyahu tha: “Kosova do të jetë vendi i parë me shumicë myslimane që hap ambasadë në Jeruzalem. Siç e kam përmendur ditët e fundit, rrethi i paqes dhe i njohjeve për Izraelin po zgjerohet dhe pritet t’i shtohen vende të tjera.”

Kryeministri i Kosovës, Avdullah Hoti, tha se marrëveshja me Serbinë është një hap i madh që duhet të çojë në njohjen e ndërsjellë ndërmjet të dyja vendeve.

Ndërsa presidenti serb, Aleksandër Vuçiç, tha se ka ende shumë dallime ndërmjet Serbisë dhe Kosovës, por ky është një hap i madh përpara.

Befasi në takim

Pas ditës së parë të bisedimeve mes Kosovës dhe Serbisë në Uashington, Presidenti i Serbisë, Aleksandër Vuçiç, tha se gjatë takimit, ishin paraqitur projekt-propozime që përfshinin njohjen e ndërsjellë dhe se ai e kishte refuzuar një gjë të tillë, ndërkohë që kryeministri Avdullah Hoti nuk u përgjigj nëse një gjë e tillë ishte propozuar por tha se “marrëveshje të dëmshme për Kosovën, të papranueshme për Kosovën, asnjëherë nuk ka ardhë dhe nuk do të vijë nga Shtëpia e Bardhë”.

Ambasadori Richard Grenell, i dërguar i posaçëm i presidentit Donald Trump për bisedimet Kosovë – Serbi, mohoi të jetë shtruar në tryezën e bisedimeve çështja e njohjes së ndërsjellë, pasi një gjë të tillë e tha fillimisht për mediat, Ministri serb i Financave, Sinisa Mali.

Ambasadori Grenell i tha portalit “Newsmax” se “nuk ka bisedime, që nuk kanë ndonjë befasi, të cilat janë gjithmonë të mira. Ato ushtrojnë trysni mbi të dyja palët që të bëjnë më shumë. Pra, po, kemi paraqitur disa befasi, por mendoj që asnjëra palë nuk ishte aq e befasuar. Ndonjëherë bëhen para medieve se kjo është befasi më e madhe se sa që është. Të dyja palët janë njoftuar dhe mendoj që kemi shënuar përparim dhe shpresoj për një zgjidhje”, tha ai.

Pala serbe tha se kërkesa për njohjen e ndërsjellë ishte shtruar si një nga pikat e diskutimeve të ndërmjetësuara nga Këshilltari për Sigurinë Kombëtare, Robert O’Brien dhe ambasadori Richard Grenell, i dërguar i posaçëm i presidentit Donald Trump për bisedimet ndërmjet të dyja vendeve.

“Ai dokument ishte shumë i rëndë, kishte 15 apo 16 pika dhe një prej tyre ishte për njohjen e ndërsjellë. Unë e refuzova. Nuk është asgjë e re sepse kjo është politika amerikane, vetëm se ne thamë që ajo pikë nuk duhet të jetë në dokumentin për stabilizimin ekonomik. Nga kabineti i Trumpit u treguan “fer” dhe na dëgjuan. Në dokumentet tjera kjo pikë nuk është më”, tha presidenti serb.

Zoti Vuçiç tha pas takimit për shërbimin serb të Zërit të Amerikës se “kishte disa vështirësi politike për ne por mendoj dhe shpresoj që i kemi kapërcyer ato dhe vazhdoj të shpresoj që ta arrijmë një marrëveshje nesër.”

“Nëse më pyesni mua nëse Serbia do të pranojë njohje të ndërsjellë që ishte përmendur në disa projekt-propozime, kjo nuk do të funksionojë për Serbinë”, tha ai.

I pyetur nga gazetarët nëse kishte kërkuar njohjen nga Serbia, Kryeministri i Kosovës, Hoti u përgjigj:

“Për çdo gjë që flasim me Serbinë, qëllimi ynë është njohja reciproke. Sot kemi bërë një hap të madh në drejtim të përafrimit”, tha ai.

Zëri i Amerikës ndoqi më herët të enjten më herët një paraqitje të ministrit serb Sinisha Mali, i cili tha se palëve u është dorëzuar një dokument ku përfshihet një pikë që parashikon njohjen e ndërsjellë.

“Temat ekonomike nuk janë kryesoret, siç kemi pritur. Pika e dhjetë e listës që na është paraqitur flet për njohjen e ndërsjellë, ndërsa të gjitha 16 pikat janë politike dhe jo ekonomike”, tha ai.

“Ky është propozimi më i keq që kemi parë në historinë e bisedimeve tona me shqiptarët e Kosovës. Por ne nuk do të heqim dorë dhe do të luftojmë”, tha ministri serb.

Ai tha se po ushtrohet trysni mbi presidentin e Serbisë, Aleksandër Vuçiç, i cili kishte paralajmëruar se mund të ketë “befasi gjatë takimit”.

Bashkëpunimi ekonomik

Ndërkohë, Këshilli për Siguri Kombëtare shkroi se pati “bisedime shumë të mira këtë pasdite me udhëheqësit e Kosovës dhe Serbisë. Ata bënë përparim të vërtetë. Normalizimi ekonomik nënkupton vende pune për të rinjtë. Bisedimet do të vazhdojnë nesër”, thuhet në postimin në Twitter të Këshillit për Siguri Kombëtare.

Zoti Vuçiç shfaqi shpresën se mund të arrihet marrëveshje për çështje ekonomike, projekte të infrastrukturës, lidhjet ndërmjet Beogradit e Prishtinës që siç tha, do të ishin në të mirë të serbëve në Kosovë, të shqiptarëve dhe të gjithëve.

Kryeministri i Kosovës, Avdullah Hoti, tha se të premten pritet të prezantohet marrëveshja për temat ekonomike, për të cilat i diskutua të enjten në Shtëpinë e Bardhë.

“Nesër presim që ta finalizojmë të gjithë këtë angazhim që kemi pasur tash e sa kohë dhe diskutimet që patëm sot”, tha kryeministri Hoti.

Edhe presidenti Vuçiç tha se shpreson në një marrëveshje për tema të interesit të përbashkët.

Kosova dhe Serbia biseduan sot në Shtëpinë e Bardhë, për herë të parë në një nivel të lartë të udhëhequr nga Shtetet e Bashkuara të Amerikës.

Para takimit ishte thënë se bisedimet do të përqendrohen tek çështjet ekonomike dhe se Shtetet e Bashkuara nuk kanë asnjë plan sekret për zgjidhjen politike.

Më herët gjatë ditës ambasadori Grenell, shkroi se populli i Kosovës dhe i Serbisë meritojnë normalizimin ekonomik dhe shansin për të krijuar një ekonomi të zhvilluar. Në një postim në rrjetin twitter ai tha se “sot është i përqendruar te të rinjtë që duan një karrierë, një punë të mirë dhe një lidhje me perëndimin. Le ta lëmë mënjanë politikën”, shkroi ai.

Kryeministri i Kosovës, Avdullah Hoti tha para se të fillonte takimi se me Serbinë do të bisedohet vetëm për njohjen e ndërsjellë, ndërsa presidenti serb, tha se pret takim të vështirë, por “dorëzimi nuk është një opsion”.

Reagimi i kandidatit Biden

I pyetur nga Zëri i Amerikës lidhur me marrëveshjen për normalizimin e marrëdhënieve ekonomike mes Kosovës dhe Serbisë, kandidati demokrat për president, Joe Biden tha se nuk ishte në dijeni të hollësive të marrëveshjes, megjithatë, “Ajo që kam argumentuar në lidhje me Serbinë dhe Kosovën është se Kosova duhet të jetë një vend i pavarur. Nuk është pjesë e Serbisë. Kam kaluar shumë kohë atje. Nuk i di hollësitë e marrëveshjes por supozoj se do ta përforconte pavarësinë e Kosovës.

Zoti Biden tha se e sheh me pozitivitet faktin që një vend me shumicë myslimane si Kosova e njeh Izraelin si shtet. “Mendoj se është e rëndësishme. Por gjithashtu besoj se Izraeli duhet të jetë i përgatitur të punonjë drejt një zgjidhje me dy shtete me palestinezët, tha zoti Biden.

<iframe src=”https://www.zeriamerikes.com/embed/player/0/5572130.html?type=video” frameborder=”0″ scrolling=”no” width=”640″ height=”360″ allowfullscreen></iframe>

 

Besimtarët bektashianë festojnë sot ‘Ditën e Hashures’, Baba Mondi: Zoti i bekoftë shqiptarët, shpresojmë t’i kthehen riteve

Besimtarët bektashianë festojnë sot ‘Ditën e Hashures’, e cila konsiderohet si dita më e rëndësishme për ta.

Dita e Ashures cilësohet si dita e martirizimit të Imam Husejnit, i cili u rrethua në shkretëtirën e Qerbelasë 1400 vite më parë dhe u vra së bashku me një numër të madh besimtarësh të tjerë për të shpëtuar fjalën e vërtetë të Zotit dhe Islamin. Me rastin e kësaj feste në Kryegjyshatën Botërore u zhvillua një ceremoni ku u përkujtua dita e rënies heroike të 72 dëshmoreve

Gjatë fjalës së tij, Baba Mondi teksa uroi për këtë festë besimtarët, u lut për të shqiptarë shqiptarët. Mes të tjerash Baba Mondi pohoi se për shkak të situatës me pandeminë e COVID-19, shpreson që besimtarët t’i kthehen riteve fetare.

Ku janë të dashurit tanë – videoklip për të zhdukurit e luftës nga Shenida Bilalli Nga Elida Buçpapaj

Luftrat në ish-Jugosllavi kanë shkaktuar plagë të mëdha ende të pashëruara sepse edhe sot e kësaj dite janë mijra bij nënash të zhdukur.

A duhet t’i kujtojmë këto viktima vetëm në Ditën Ndërkombëtare e Personave të Zhdukur çdo 30 Gusht?!

Natyrisht që jo! Pa shëruar ish-Jugosllavia plagët nuk mund të vijojë jetën normalisht.

Për të zgjuar ndërgjegjet e fjetura vjen videoklipi “Ku janë të dashurit tanë ?”, xhiruar 15 vjet më parë me regji dhe skenar nga gazetarja e mirënjohur Shenida Bilalli, me prejardhje nga Kosova,  me veprimtari kryesisht në Kroaci, por e njohur kudo ku jetojnë shqiptarët.

Sot në Kroaci mungojnë 1869 burra e djem të zhdukur, mes tyre 386 janë marrë me forcë nga zona e Vukovarit, tregon Shenida, po ashtu të zhdukurit e vet i ka edhe Bosnje Hercegovina, Kosova. Politikanët e Kosovës marrin votat duke bërë premtime të cilat pastaj i harrojnë.

Në Shqipërinë londineze rezultojnë 6000 të zhdukur gjatë diktaturës komuniste.

Kanë kaluar tre dekada prej pretendimit se në Shqipëri është rrëzuar diktatura dhe 6000 viktimat shqiptare rezultojnë ende të zhdukur dhe pa varre.

“Ku janë të dashurit tanë ?” shfaqet çdo 30 gusht në televizionet e Kroacisë,  por është një video që mund të shfqet në të gjitha televizionet e shteteve të ish-Jugosllavisë, në Shqipëri dhe Europës Perëndimore !

Ku janë të dashurit tanë ? Është një pyetje ankthi e makthi bërë në Nënat, Baballarët, Motrat, Gratë, Fëmijët e djemve dhe burrave të zhdukur në konfliktet e ish-Jugosllavisë nga makineria kriminale serbe.

Çdo emër që mungon është një tragjedi, është një plagë që rrjedh gjak, është një dhimbje që kërkon humanizëm njerëzor për t’u zbutur sado pak.

Videoklipi brënda një minute sjell dhimbjen e mijrafishtë të të afërmëve që presin një trumbë eshtra të të dashurve të tyre për t’i varrosur në një varr ku të vendosin një tufë lule, pas asaj çmendurie që ndodhi në zemër të Europës, në fundshekullin e XX nën sytë indiferentë të Perëndimit!

Videoklipi me regji dhe skenar të Shenida Bilallit është emocionues, shokues.

Brënda një minute percjell njē tronditje që shkund çdo të gjallë që ka ndërgjegje!

Përgëzimet më të ngrohta për Artisten Shenida Bilalli, sepse vetëm një artiste e madhe mund të krijojë një vlerë të tillë artistike dhe me ndikim zgjues për opinionin publik!

 

VIDEO- Zjarr i përmasave të mëdha në Patos, flakët gjigandë përpijnë pishat, kërkohet ndërhyrje nga ajri

Zjarri në pyllin me pisha në Drenies të Patosit vijon të jetë ende aktiv, ndërkohë që është bërë e pamundur ndërhyrja për shkak të situatës. Aktualisht forcat zjarrfikëse të Patosit ndodhen afër zonës, por e kanë të pamundur të ndërhyrjën për shkak të terrenit të thepisur.

Sipas shefit të MZSH Patos, Alket Halimi po punohet ne kushte tepër re vështira, madje ai e cilëson situatën si teper të rëndë. Tymi rrezikon edhe asfiksimin e zjarrfikësve, te cilët janë të angazhuar te gjithe ne terren prej disa ditësh tashme. Gazetari Ervis Kuçi raporton për ‘BalkanWeb’ se zjarri ka marre përmasa te jashtëzakonshme dhe është përhapur edhe ne zonën e Mallakastrës. Një dite me pare në ndihme për fikjen e zjarrin ndërhynë edhe helikopterë të Ministrisë së Mbrojtjes. Zjarri vijon te përparojë edhe ne drejtim te zonës se Lofkendit ne Mallakastër dhe në pyllin me pisha te Vloshit. Deri me tani është djegur një sipërfaqe me më shumë se 100 hektarë pishe e butë.

Ndërkohë Halimi ka bërë një thirrje qe zjarrvënësit të ndalin dorën pasi po djegin mushkritë e natyrës “Ndaleni dorën o njerëz çfarë po bëni? Po digjni mushkrite e natyres. Ndaleni dorën o barbare aty vetsakrifikohen zjarrefikesit. Mendoni çfarë po bëni ne jemi vëllezërit tuaj. Zoti marte hak tek ju”, ka shkruar Halimi në një postim në rrjetet sociale.

Ceremoni nderimi në ish-kampin e internimit në Tepelenë

Raimond Kola

23 Gushti, Dita Europiane e Kujtimit të Viktimave të Stalinizmit dhe Nazizmit, po shënohet në Shqipëri me aktivitetet të shumta. Në ish-Kampin e Internimit në Tepelenë familjarët dhe ish të përndjekur politikë nderuan të dielën e 23 gushtit qindra persona që humbën jetën në këtë kamp. Mes viktimave ishin 300 fëmijë të cilët nderohen sot me një memorial natyror në ish kampin që sipas dëshmive të kohës ishte nga më të tmerrshmit e diktaturës komuniste në Shqipëri.

Në një fushë të vogël poshtë Tepelenës pesë kazermat e ish kampit famëkeq të internimit janë ende dëshmi për humbjen e jetës së qindra njerëzve dhe vuajtjeve për disa mijëra persona. Cdo vit familjarët e tyre por edhe ata që kanë arritur të mbijetojnë gjatë diktaturës komuniste organizojnë një ceremoni të thjeshtë nderimi dhe kujtimi. Në qendër të sheshit sot po rriten 300 qipariza, një memorial natyror për 300 fëmijët që humbën jetën në këtë kamp.

Megjithë situatën e pandemisë Shoqata Antikomuniste e ish-të Përndjekurve Politikë e ka organizuar këtë vit ceremoninë në përkim edhe me 23 gushtin, Ditën Europiane të Kujtimit të Viktimave të dy regjimeve, atij nazist, edhe atij stalinist”, thotë Nebil Cika , kryetar i shoqatës.

23 gushti është dita ndërkombëtare e kujtimit të viktimave të sistemeve totalitare dhe për disa vite rresht ne kemi zgjedhur këtë datë për ta përkujruar pikërisht në Tepelenë ku kampi ka qenë nga më të tmerrshmit”.

Zoti Cika thotë se kampi i Tepelenës ka qenë më i tmerrshmi i internimeve në Shqipëri gjatë regjimit komunist:

Dihet që këtu në mënyrën më të paligjshme u organizua një kamp shfarosje ku fëmijë, gra dhe pleq, familjarë të kundërshtarë politikë të regjimit u sollën dhe u lanë të vdisnin apo të vuanin nga punët e rënda, torturat, sëmundjet”.

Ndërsa Simon Mirakaj që u interrnua me familjarët e tij tha se sa herë vinte në Tepelene ishte tejet i emocionuar:

Rreshtohet ndër kampet më të tmerrshme të Europës Lindore që patën fatin e keq që u drejtuan nga diktaturat komuniste. Për të parë fytyrën e sistemit vini re si u sollën me të vdekurit, shkaktarë të këtyre vdekjeve ka qenë ai lloj sistemi dhe janë ata që i kanë lënë dhe pa varr sot. Janë rreth 700 persona që nuk u gjenden eshtrat dhe nuk kanë një varr“.

Ish deputeti i Partisë Demokratike Tritan Shehu tha për Zërin e Amerikës se nderimi për ata që humbën jetën dhe vuajtën në ish Kampin e Tepelenës është dhe një moment reflektimi që e shkuara të mos përsëritet:

Është padyshim një homazh për ata njerëz me vlera, intelektualë,demokatë,me aspirata perëndimore që u sakrifikuan në këtë kamp. Gjithashtu është dhe një thirrje dhe një kujtesë për të mos harruar të kaluarën e cila mund të përsëritet gjithmonë nëse ajo harrohet apo nënvlerësohet. Gjërat më të çmuara janë liria, demokracia,vlerat perëndimore”.

Ndërsa Gjergj Marku, familjar i të internuarve në ish Kampin e Tepelenës thotë se duhet vënë drejtësi për viktimat që vuajtën dënimet në këtë kamp.

Vetëm në vitin 1995 u mor një nismë nga shoqata e të përndjekurve Mirdite per tre ish zyrtarë komunistë vendore te asaj kohe, por kjo duhej të pasohej nga padi të tjera penale për personat përgjegjës. Në sensin e kohës së sotme duhet ta vërtetonin fajësinë apo pafajësinë e tyre gjë e cila ska ndodhur”.

Kampi i Tepelenës filloi të funksionojë në maj të vitit 1949 dhe në harkun e katër viteve në këtë kamp u vendosën rreth 1500 familje: burra, gra, të moshuar dhe fëmijë. Kampi i Tepelenës është përmendur në mënyrë të posaçme nga qeveria amerikane në vitin 1955, si pjesë e ankesës në Kombet e Bashkuara “për shkeljen e të drejtave të njeriut në Shqipëri dhe për përdorimin e punës së detyruar si ndëshkim”.

Lekë Tasi dëshmon për krimet në periudhën e komunizmit

Është 92 vjeçari Lekë Tasi, një ish i pëndjekur politik i regjimit komunist dënuar me 15 vite internim, i cili përpara një grupi të rinjsh të qytetit të Shkodrës tregon historinë e jetës së tij dhe familjes në komunizëm. Ai ka pranuar të jetë në qendër të performancës teatrore “NOE 2”, ideuar nga shkrimtari dhe studiuesi Stefan Çapaliku për të sjellë përpara publikut shqiptar historitë e trishta të vuajtjeve dhe përndjekjeve gjatë regjimit komunist.

“Jo peng, por shumë ankesa kam ndaj reagimit që bëjnë shqiptarët ndaj vuajtjes. Kjo është shekullore, ndoshta është edhe një tipar i atij që vështron përpara dhe nuk sheh mbrapa. Këtë e ka shqiptari. Po ama bota e regjistron gjithçka. Edhe ne dalim mangut. Shekujt janë mangut nga dëshmitë e shqiptarëve”.

Autor i librit me kujtime nga internimi “Gabrani rrëze kodrave”, Lekë Tasi apelon që njerëzit të jenë me mendje të hapur duke mos harruar të shkuarën.

“Edhe krimet duhen thënë troç. Është i rrezikshëm edhe projektimi i atyre krimeve në jetën e sotme me anën e pasardhësve që e kanë si një filtër në sy, ose si një vel që të mbrojnë kategorinë e ish komunistëve. Duhet që të gjithë të kenë mendje të hapur.”

Për shkrimtarin Stefan Çapaliku, i cili është edhe regjisor i performancës teatrore “NOE 2”, figura e Lekë Tasit, vuajtjet dhe qendresa e tij, dëshmojnë se vetëm njerëzit që besojnë mundet t’ja dalin.

Kujtesë – Video – Më 27 Janar 2014 – në kujtim të Ditës të Holokaustit në OKB – Joe Dioguardi kërkon njohjen nga Izraeli të pavarësisë të Kosovës

Kujtesë –
Joe DioGuardi: Përse Izraeli nuk e njeh Kosovën zyrtarisht?

Më 27 Janar 2014 – në kujtim të Ditës të Holokaustit në OKB – Joe Dioguardi kërkon njohjen nga Izraeli të pavarësisë të Kosovës. Joe DioGuardi jep argumenta se përse shqiptarët
Vlerësohet lart akti trimëror dhe i pashembullt i shqiptarëve në mbrojtjen e hebrenjve gjatë dhe pas Luftës së Dytë Botërore.

OKB – Nju Jork – Misioni i Përhershëm i Republikës së Shqipërisë në Kombet e Bashkuara në bashkëpunim me B’nai B’rith International – mbajti në përkujtimin vjetor Ditën Ndërkombëtare të Holokaustit, 27 Janarin – me një panel përkujtimor për të vënë në pah edhe një herë shembullin trimëror dhe të pashembullt të shqiptarëve në mbrojtjen që u bënë hebrenjve – gjatë Luftës së Dytë Botërore.

Të mirëpritur nga Allan J. Jacobs , Presidenti, B’nai B’rith International në panelin përkujtimor folën H.E. Ambasadori Ferit Hoxha , Përfaqësues i Përhershëm i Republikës së Shqipërisë në OKB, duke përfshirë në diskutim edhe folësit të ftuar Shirley Cloyes DioGuardi, Johanna Neumann, Majlinda Myrto dhe Melina Lito. Kjo ngjarje u moderuar nga Daniel S. Mariaschin, Vice President Ekzekutiv, B’nai B’rith International dhe u mbajt në sallën e Konferencave numër 3 në ndërtesën e Kombeve të Bashkuara.
Ky panel në të cilën morë pjesë dhjetëra vetë, madje edhe figura të njohura të komunitetit hebraik në SHBA, veprimtar shqiptarë, anëtarë të bordit të drejtorëve të lobit të vetëm dhe të parë shqiptarë në Amerikë, LQSHA, të udhëhequr nga Presidenti vullnetar – ish kongresisti i Nju Jorkut, Joe DioGuardi u mbajt me moton ” Një komb shpëtimtar : Shpëtimi i hebrenjve në Shqipëri ”

Në Ditën Ndërkombëtare të Përkujtimit të Holokaustit – 27 janar 2014, nga Kombet e Bashkuara, Këshilltarja e Çështjeve Ballkanike, Shirley Colyes DioGuardi, mbajti një fjalim me titull :”Shpëtim Shqiptarë të Hebrenjve Europianë “

Në fillim të fjalës së saj ajo tha se unë dua të falënderoj Misionin shqiptar në Kombet e Bashkuara, veçanërisht Ambasadorin Ferit Hoxha, dhe organizatën B’nai B’rith International. “Për të kuptuar shpëtimin shqiptar të hebrenjve evropianë , ceku në fjalën e saj Cloyes – DioGuardi, autore e disa shkrimeve mbi Holokasutin, unë besoj se është e nevojshme për të kuptuar historinë e gjatë të tolerancës fetare shqiptare dhe rezistencën e tyre kundër shtypjes që e bëri shpëtimin e mundur, dhe, gjithashtu se si erdhi reagimi shqiptar deri tek ajo e Holokaustit, do të shfaqet dhe vazhdon të ketë për të zbuluar . Ky është roli unikë që shqiptarët në Shqipëri, kan luajtur gjatë këtij akti ( dhe të cilën ne tani e dimë edhe për shqiptarët në Kosovë, gjithashtu kan bër të njëjtën gjë ) në shpëtimin e të gjithë hebrenjve, që ose jetonin në Shqipëri, ose kërkuan strehim atje është ende në proces për të zbuluar edhe më shumë “, ka nisur fjalën e saj Cloyes – DioGuardi.

Këtë, zbulim të asaj që ka ndodhur gjatë holokaustit në Shqipëri, dhe në të gjithë ish- Bllokun Lindor, tha ajo do të përfshijë një llogari të shumë pritur të epokës komuniste, në këto vende. Sepse, sapo që vendet e Europës Lindore, dolën nga tmerret e papërshkrueshme të Naziismit, ata ishin vënë nën zgjedhën e komunizmit, e cila jo vetëm i ka shtypur këta popuj – por ka ndaluar çdo diskutim të Holokaustit dhe çdo shpërndarje të informacionit në lidhje me të. Kjo, ceku Cloyes -DioGuardi, nuk do të ndryshonte deri në rënien e ish-Bashkimit Sovjetik në vitin 1990 , dhe rënies së diktaturës komuniste në Shqipëri në vitin 1991. Kjo është arsyeja pse roli i shqiptarëve, në shpëtimin e hebrenjve nuk u zbulua deri në vitin 1990.

Për këtë arsye Këshilltarja e Çështjeve Ballkanike, Shirley Colyes DioGuardi, gjatë fjalës së saj në këtë panel, ia kushtojë shumicën e diskutimit, punës për zbulimin nga i pari të kësaj çështje Joe DioGuardi, dhe i mbijetuari i Holokaustit ish kongresisti i ndjerë Tom Lantosh, duke e zgjeruar diskutimin e saj edhe për disa nga temat e rëndësishme që kanë dalë prej këtyre studimeve dhe zbulimeve të saj .
Zbulimin në fjalën e saj zonja DioGuardi, e pa në tre zhvillime të rëndësishme historike, pa të cilat mendon ajo se edhe ne nuk mund të ishim këtu sot në këtë përkujtimore. “E para, u shpreh ajo ka ndodhur në maj 1990, kur i ndjeri Kongresisti Tom Lantos – një hebre hungarez, i cili, i shpëtoi Holokaustit dhe themeluesi i Komisionit të të Drejtave të Njeriut i Kongresit, udhëheqës i këtij Komisioni – dhe ish- kongresisti republikan i Nju Jorkut, Joe DioGuardi, i biri i një babai arbëreshë (një shqiptar etnik nga Italia) dhe një anëtar kyç i Komisionit të Drejtave të Njeriut të Kongresit(1995 -1998), vendosi të bëjë një udhëtim në Shqipëri – Ata ishin zyrtarët e parë amerikanë, që të hyjnë në vend komunist i izoluar totalisht në 50 vjet”.

Zhvillimi i dytë historik, sipas saj ishte duke çuar dokumentet e Shqipërisë për shpëtimin e Hebrenjve dhe njohjen e saj nga muzeu Yad Vashem, në Izrael, ku janë mbledhur të gjitha dokumentet nga e gjithë bota, dhe natyrisht që kjo ishte në një udhë paralele, me zbulimin që ka ndodhur me Holokaustin pas Luftës së Dytë Botërore.

Sipas saj: “Arsyeja kryesore për shqiptarët për të shpëtuar hebrenjtë, ishte historia e tyre e besimit dhe tolerancës ndëretnike në bazë të Kanunit, një sërë ligjesh zakonore, që kanë rregulluar sjelljen shqiptare që nga paraardhësit e tyre ilirë, dhe arriti të mbijetoj në mijëra vjet në Gadishullin e Ballkanit. Me kodin e tij bazë moral të Besës , duke theksuar dhembshuri dhe tolerancë, Kanuni është transmetuar gojarisht dhe ka mundësuar shqiptarëve për të rezistuar dhe për të mbijetuar shekujt e persekutimit “.

Në këtë kontekst ajo tha se Besa lidh nderin personal për respektimin dhe barazi me të tjerët.

Në fund të fjalës së saj Këshilltarja e Çështjeve Ballkanike, Shirley Colyes DioGuardi, fjalimin me titull :”Shpëtim Shqiptarë të Hebrenjve Europianë”, konkludoi se:” Detyra e parandalimit të gjenocidit në kohën tonë do të ndihmohet duke e shqyrtuar pse shqiptarët iu përgjigjën ashtu siç bënë ndaj Holokaustit . Ne kemi bërë përparime të mëdha, tha ajo në avancimin teknologjik në shekullin e 21, por ne jemi mjerisht prapa në përparimin moral. Kuptimi i shembullit shqiptarë mund të forcojë vendosmërinë e popujve kudo për t’i dhënë fund krimet masive, që unë besoj se është çështja më e rëndësishme e njeriut e të drejtave të njeriut të kohës sonë”.

Më pas foli edhe  Joana Neumann, e cila është një nga të mbijetuarat e Holokaustit, e cila u ndihmua nga një familje shqiptare, Familja Pilku për ti shpëtuar terrorit nazist. Aktualisht Neumann është punonjëse në Muzeun e Holokaustit, duke u shndërruar në këtë mënyrë në një ambasadore të promovimit të imazhit të Shqipërisë dhe të virtyteve të çmuara të shqiptarëve, besës dhe mikpritjes, të cilat u shpëtuan jetën rreth 2000 hebrenjve që u strehuan dhe u mbrojtën nga shumë familje të thjeshta shqiptare, jo vetëm në Shqipëri, por edhe në trojet shqiptare në rajon.

Presidenti i Lobit të vetëm dhe të parë shqiptarë në Amerikë, LQSHA,- ish kongresisti republikan i Nju Jorkut, Joe DioGuardi, në një interferencë, mbasi falënderoi të gjitha ato vende që ndihmuan në lirinë e pavarësinë e Kosovës, duke përfshirë edhe Izraelin popullin Hebraik, tha se “Kosova deklaroi pavarësinë me 17 shkurt 2008. Dhe, deri tani 106 entitete sovrane, nga të cilët 104 nga 193 shtete anëtare të Kombeve të Bashkuara, e kanë njohur formalisht Republikën e Kosovës.

Joe DioGuardi, në fund shtroi pyetjen se “Përse Izraeli nuk e njeh Kosovën zyrtarisht ashtu si e kanë njohur edhe 104 shtete të tjera, kryq e tërthor botës!?”

Në fund të kësaj veprimtari ishte dhe një nga momentet mbresëlënëse të aktivitetit. Ai kur zoti Sejdi Husenaj veprimtar i dalluar i komunitetit i dorëzon, të mbijetuarës së Holokaustit , zonjës Johan Nuamn, fotografinë në kornizë, të saj me ish Kryeministrin Berisha. Një moment ky i fiksuar dy vjet më parë në Uashington – kur ish Kryeministri Berisha, i pat dorëzuar zonjës Neumann çmimin e mirënjohjes akorduar nga Kryetari i Bashkisë së Tiranës, Lulëzim Basha me motivacionin: “Zonjës Neumann, në shenjë mirënjohje për punën dhe kontributin e saj të çmuar në promovimin e virtyteve fisnike të Shqiptarëve si dhe të Besës Shqiptare për mbrojtjen dhe shpëtimin e jetëve të gjithë hebrenjve që jetuan në Shqipëri, ose kërkuan strehim në Shqipëri gjatë Holokaustit”.

Fjalën e ish Kongresmenit Joe DioGuardi-t po jua sjell në video.

Ju sjellim një historik të shkurtër të Lobit më të fuqishëm Shqiptaro-Amerikan – LQSHA në SHBA të drejtuar nga Ish-Kongresmeni Joe DioGuardi & Shirley Cloyes DioGuardi

voal.ch – Prej 1989 në SHBA zhvillon aktivitetin e saj Lidhja Qytetare Shqiptaro-Amerikane e drejtuar nga Ish-Kongresmeni Joe DioGuardi dhe ekspertja e Ballkanit, bashkëshortja e tij zonja Shirley Cloyes DioGuardi. Janë lobi më i fuqishëm që vepron në SHBA këto mbi tre dekada që kanë faktorizuar çështjen shqiptare në rajonin e Ballkanit; që kanë dhënë kontribut të jashtëzakonshëm si asnjë politikan shqiptar këta 30 vjet histori. DioGuardi dhe LQSHA, prej 1986 deri 1992 shtruan rrugën për t’i dhënë fund represionit të Jugosllavisë. Ata u fokusuan pastaj për të zgjidhur çështjen e Kosovës, që nuk e njihte askush, aq më tepër kur Serbia kishte një shtet të fuqishëm dhe përdorte të gjitha mjetet për ta mbajtur Kosovën nën pushtim! LQSHA ndoqi po ashtu për t’i dhënë fund diskriminimit shqiptarofob në Maqedoni! Të pranishëm ishin edhe në Malin e Zit, edhe në Shqipëri, gjithmonë duke mbështetur çlirimtarët, lirinë, demokracinë!

voal.ch ju fton të ndiqni këtë dokumentar të shkurtër që sjell në vemendje një histori shumë të rëndësishme dhe jetike për shqiptarët në rajonin e Ballkanit, që janë konsideruar gjithmonë si qytetarë të dorës të fundit, edhe nga pushtuesit, edhe nga kastat politike shqiptare./voal.ch

 

 

Presidenti Trump nxirret befasisht nga konferenca e shtypit, pas të shtënave pranë Shtëpisë së Bardhë (video)

Presidenti amerikan, Donald Trump u nxorr befasisht nga salla e konferencës shtypit Shtëpisë Bardhë, pak pasi pati shtëna jashtë gardhit ndërtesës.

White House

Zoti Trump u kthye sallë pas disa minutash dhe tha se një person ishte goditur me armë zjarri nga forcat e rendit dhe është dërguar spital. Ai tha se mesa kishte kuptuar, i dyshuari kishte qenë i armatosur.


Pati shtëna jashtë Shtëpisë Bardhë. Duket se (situata) është krejtësisht nën kontroll…Por pati një goditje me armë dhe dikush është dërguar spital. Nuk e di se si është ai person”, tha ai.

Korrespondenti i Zërit të Amerikës në Shtëpinë e Bardhë, Steve Herman shkruante në Twiiter, se gazetarët ndenjën në sallën e konferencës për shtyp, ndërsa Shtëpia e Bardhë u vendos nën masa sigurie.

“Ju u befasuar dhe unë gjithashtu u befasova”, u tha presidenti gazetarëve, kur u rikthye.

Ai tha se ishte çuar Zyrën Ovale, pasi u nxorr nga salla e shtypit.

“Dua të falenderoj Shërbimin Sekret. Janë të mrekullueshëm”, tha zoti Trump në përgjigje të njoftimeve se i dyshuari mesa duket ishte i armatosur.

“Ndoshta ‘të shtënat’ nuk kishin të bënin aspak me mua”, shtoi ai.

Shërbimi sekret konfirmoi se kishte pasur të shtëna me armë zjarri pranë Shtëpisë së Bardhë.

Pak minuta pasi kishte filluar konferenca e shtypit, Presidenti Trump u nxorr nga salla, pa shpjegime për ndërprerjen. Edhe Sekretari i Thesarit, Steve Mnuchin dhe Drejtori i Zyrës Menaxhimit dhe Buxhetit, Russ Vought u nxorrën nga salla dhe dyert u kyçën.


Send this to a friend