VOAL

VOAL

Please Wait ...
0%

Zëri i Amerikës: Dita e tetë e protestës studentore në dy sheshe

By | December 12, 2018

Komentet

Zëri i Amerikës: Shkodër, tubime rivale, palët shmangin përplasjet e drejtpërdrejta

Në Shkodër, u mbajtën të enjten mbrëma dy tubime rivale: Nga njëra anë ishte opozita që protestonte dhe kërkonte largimin e kryeministrit Edi Rama dhe nga ana tjetër, disa dhjetra metra më larg, një tubim i socialistëve që këmbëngulin për mbajtjen e zgjedhjeve vendore në 30 qershor.

Bashkia e Shkodrës kishte njoftuar degën vendore të Partisë Socialiste dhe policinë vendore se, në zbatim të dekretit të Presidentit Ilir Meta për anulimin e zgjedhjeve të 30 qershorit, nuk jepte leje për zhvillimin e tubimit elektoral të socialistëve në një nga sheshet e qytetit. Por Kryeministri Edi Rama e sfidoi bashkinë.

Tubimet u mbajtën në një situatë të tensionuar, ku policia përdori gazin lotsjellës kundër protestuesve, të cilët u përpoqën të marshonin drejt vendit ku do të fliste kryeministri.

Në një fjalim përpara mbështetësve socialistë, zoti Rama premtoi atë që ai e quajti transformim të qytetit në 4 vitet e ardhshme dhe tha se kjo do të ishte sfida e tij personale.

Ai akuzoi kryetaren e bashkisë Voltana Ademi, duke e quajtur “më të paaftën” në histori dhe këmbënguli se ai nuk largohet e se zgjedhjet do të mbahen më 30 qershor.

Ndërkaq, mbështetësit e opozitës kërkonin largimin e qeverisë dhe të Kryeministrit Rama, duke thënë se nuk do t’u nënshtrohen kriminelëve. Zonja Ademi i bëri thirrje policisë për mbështetje dhe u kërkoi protestuesve të mos godasin policinë.

Protesta e opozitës zhvillohet sidomos pas publikimit të përgjimeve telefonike nga gazeta gjermane BILD lidhur me zgjedhjet vendore në Dibër tre vjet më parë, ku dëgjohen politikanë socialistë dhe ish-ministra të qeverisë Rama që diskutojnë për rezultate maksimale të votimeve.

Megjithë tensionet, palët arritën të shmangnin përplasjet e drejtpërdrejta mes tyre.

Për njohjen e Kosovës nga Izraeli – Nga AKRI ÇIPA

Shtatorin e kaluar, deklarata e Hashim Thaçit, Presidentit të Kosovës se do e hapte ambasadën në Jerusalem nëse Izraeli do e njihte Kosovën si një shtet sovran u shpërnda gjerësisht nga mediat izraelite. Deklarata e Presidentit Thaçi ishte vetëm një nga disa përpjekje të zyrtarëve kosovarë për të bindur Izraelin të tejkalojë hezitimin e deritanishëm dhe të njohë shtetin më të ri në Ballkan. Pavarësisht se ishte një pohim disi populist, sugjerimi themelor se Izraeli do të fitonte një mik duke njohur Kosovën fton për reflektim.


Këtë vit, Kosova festoi 11-vjetorin e pavarësisë nga Serbia – pas shpalljes së njëanshme të vitit 2008. Kosova – popullsia e së cilës është mbi 90% etnikisht shqiptare, është njohur nga më shumë se 110 vende, duke përfshirë Shtetet e Bashkuara, Mbretërinë e Bashkuar, Francën, Gjermaninë dhe shumicën e vendeve perëndimore. Megjithatë, Serbia, e mbështetur nga Rusia, refuzon të njohë Kosovën dhe është përpjekur në mënyrë aktive për ta bllokuar atë nga integrimi në organizatat ndërkombëtare si Kombet e Bashkuara.

Izraeli është në grupin e vendeve që ende nuk e njohin Kosovën si një vend të pavarur. Dy vendet nuk kanë marrëdhënie zyrtare me njëra-tjetrën. Ngurrimi i Izraelit për të njohur Kosovën është pjesërisht i motivuar nga frika se shpallja e njëanshme e pavarësisë së Kosovës mund të përdoret si precedent në lidhje me konfliktin izraelito-palestinez. Megjithatë, faktet tregojnë që nuk ka bazë për frikë të tillë.

Pavarësia e Kosovës është e bazuar në aspiratën për vetëvendosje të popullsisë së saj pas fushatës së spastrimit etnik që Serbia zhvilloi kundër këtij rajoni të mëparshëm autonom dhe që u ndalua nga ndërhyrja ndërkombëtare. Bisedimet e udhëhequra nga OKB-ja midis 1999 dhe 2008 duke nxitur një zgjidhje përfundimtare për konfliktin midis Kosovës dhe Serbisë dështuan për shkak të refuzimit serb. Nuk mund të ketë krahasim në këtë rast me konfliktin izraelito-palestinez, ku tejzgjatja e konfliktit vjen kryesisht për shkak të refuzimit në shumë raste të udhëheqjes palestineze për kompromis.

Për më tepër, shpallja e pavarësisë së Kosovës është mbështetur nga Gjykata Ndërkombëtare e Drejtësisë (GJND). Në Opinionin e saj Këshillimor në vitin 2010, pas kërkesës nga Asambleja e Përgjithshme e OKB-së, GJND-ja vuri në dukje se shpallja e pavarësisë së Kosovës nuk shkel asnjë ligj ndërkombëtar. Rasti sui generis i Kosovës është argumentuar herë pas herë. Megjithatë, argumenti më i pakundërshtueshëm ndaj analogjive të mundshme midis kontekstit Kosovë-Serbi dhe konfliktit izraelito-palestinez është refuzimi i Autoritetit Palestinez për pavarësinë e Kosovës dhe mbështetjen e qartë për Serbinë. Ky qëndrim varros në vetvete të gjitha pretendimet e mundshme që Kosova mund të përdoret si precedent për rastin palestinez.

Faktori tjetër i rëndësishëm që ka ndikuar në qasjen e zyrtarëve izraelitë për Kosovën ka qenë plasaritja hipotetike që kjo njohje do të shkaktonte në marrëdhëniet midis shtetit të Izraelit dhe Serbisë. Por marrëdhëniet serbo-izraelite kanë pasur problemet e tyre. Në shumë raste, Serbia ka mbështetur palestinezët dhe aleatët e tyre në OKB. Vitin e kaluar, Serbia kritikoi ashpër Izraelin për pjesëmarrjen në një ceremoni në Kroaci. Por, marrëdhënia midis dy vendeve ka treguar se është e qëndrueshme dhe i ka kapërcyer këto përplasje. Njohja izraelite e Kosovës, sipas të gjitha gjasave, do jetë po aq e kapërcyeshme për marrëdhëniet izraelito-serbe. Në fund të fundit, shumica e vendeve demokratike perëndimore e njohin dhe mbështesin në mënyrë aktive pavarësinë e Kosovës dhe Serbia vazhdon të ketë marrëdhënie miqësore me ta.

Së fundmi, njohja e Kosovës do të përbënte një mik të shtuar për Izraelin. Përveç deklaratave zyrtare, shqiptarët në përgjithësi kanë një simpati të thellë për bashkësinë hebraike dhe shtetin hebre, i cili manifestohet edhe në marrëdhëniet e shkëlqyera midis Shqipërisë dhe shtetit të Izraelit. Kjo marrëdhënie mes shqiptarëve dhe hebrenjve u forcua në tragjedinë e Holokaustit, kur shqiptarët në Shqipëri dhe në Kosovë refuzuan t’i dorëzonin anëtarët e komuniteteve lokale hebreje tek Italia fashiste dhe Gjermaninë naziste; ndërkohë që ndihmuan shumë refugjatë hebrenj që iknin nga Evropa Qendrore dhe Jugore, duke u ofruar atyre ushqim dhe strehim. Dhe kjo lidhje u përforcua në vitin 1999, kur gjatë spastrimit etnik të kryer në Kosovë nga Serbia, Izraeli mirëpriti refugjatët shqiptarë.

Këtë javë, më 12 qershor, Kosova festoi kapitullimin e Serbisë dhe tërheqjen e saj nga Kosova. Ky kapitullim bëri të mundur që një milion refugjatë që ikën nga Kosova gjatë luftës, duke përfshirë ata që përkohësisht gjetën strehë në Izrael, të kthehen në shtëpi. Por, në të njëjtën kohë ishte momenti përcaktues që i vuri në lëvizje rrotat e historisë dhe çoi në realitetin e ri të pavarësisë së pakthyeshme të Kosovës. Nëse ka diçka që edhe kritikët e tij gjithmonë e pranojnë, kryeministri Benjamin Netanjahu e ka udhëhequr Izraelin përmes një qasjeje realiste dhe pragmatike drejt zgjerimit të listës së miqve të Izraelit në arenën botërore. Duke njohur Kosovën tani, Izraeli jo vetëm që do të bënte drejtësi ndaj realitetit, por do të shtonte edhe një emër në atë listë.

Shkrimi është botuar fillimisht në “Jerusalem Post

Përgjimet e BILD – Gazetari gjerman publikon sulmet ndaj tij me profile falso

Pas publikimit të përgjimeve të fundit nga Bild mbi dosjen 184 për zgjedhjet e vitit 2016 në Dibër, gazetari gjerman, Peter Tiede ka reaguar në faqen e tij të Facebook, duke denoncuar ato që ai i quan sulmet me adresa false në profilin e tij të rrjetit social.

Peter Tiede shkruan se është bërë objekt i sulmeve nga profile të rreme në të gjitha faqet zyrtare të rrjeteve sociale që mbajnë emrin e tij dhe shton se ka raportuar e fshirë disa prej tyre.

 

Publikimet e BIld kanë tronditur  jo pak politikën shqiptare dhe opinionin publik.

Në përgjimet  e fundit u zbuluan bisedat zhvilloheshin mes ish-ministrit të Energjisë dhe të Infrastrukturës, Damian Gjiknuri, ish-ministrit të Brendshëm, Saimir Tahiri, deputetët e Partisë Socialiste Ulsi Manja dhe Xhemal Qefalia, zyrtarëve të lartë socialiste, drejtuesit të Policisë Bashkiake në Dibër, Robert Aga dhe personave të identifikuar si të lidhur me krimin.

Nga peneli i Avni Delvinës: “Me keqardhje”

Grafisti i shquar Avni Delvina na sjell Grafike nga cikli “Me keqardhje”
Rikthimi i Legjendes se Rozafes ishte i trishte ne keto momente.

Nipi ia dha dajës nga Skenderaj 3 mijë euro – u bë brenda natës veteran i UÇK-së (dokumente)

B.D. nga Klina deklaron se ia ka dhënë 3 mijë euro dajës së tij SH.H nga Skenderaj, për ta siguruar statusin e veteranit të UÇK-së. Me dokumente të falsifikuara B.D ka marrë për disa muaj rresht pagën e veteranit prej 170 euro në muaj si dhe beneficione tjera që shteti ua mundëson kësaj kategorie të shoqërisë. Që të dy tani akuzohen për vepra penale. Gazeta Express ka siguruar aktakuzën dhe sjellë hollësi për rastin.B.D. u bë brenda natës veteran i UÇK-së. Dokumentet që “dëshmonin” se kishte luftuar në luftë, i mori ditën e nesërme, për të cilat paraprakisht pagoi 3 mijë euro e bashkë me to e dorëzoi edhe një kopje të letërnjoftimit. Këtë pazar e bëri te Stacioni i Autobusëve në Skenderaj, në prani të dajës së tij SH.H dhe dy personave tjerë Z.Sh dhe V.H  që i falsifikuan këto dokumente.

B.D deklaron se daja i tij Sh.H fillimisht ia kishte kërkuar 3.700 euro për ta bërë veteran. Nipi kishte negociuar gjatë me dajën për ta ulur pazarin. B.D shprehet “mezi e ka zbritë në 3.000 euro duke më thënë se qeveria po i lyp kaq dhe unë e kam njeriun tim”… Kjo deklaratë është e shkruar në aktakuzën që Prokuroria Themelore e Pejës e ka ngritur ndaj tij dhe dhjetëra veteranëve tjerë të rrejshëm.

B.D. e pranon se me dokumente false ka marrë nga shteti gjithsej 1.360 euro, deri në momentin kur iu ndal pensioni. Ai i kishte kërkuar dajës t’ia kthente 3 mijë euro për shkak të ndaljes së pagës, megjithatë i kishte marrë vetëm 1 mijë euro nga ai sepse Sh.H i kishte thënë se pjesa tjetër i zbritet prej shumës që i ka marrë nga shteti.

Në një moment, B.D thekson se e ndjen vetën fajtor për marrjen e statusit të veteranit në mënyrë ilegale.

“Unë e ndjej vetën fajtor që kam aplikuar dhe i kam siguruar dokumentet me të holla, edhe pse më kanë paralajmëruar njerëzit se mund të jenë fals, andaj më vijë keq për këto veprime”, deklaron ai.

Më tej, në akakuzë shkruan se SH.H i ka ndihmuar B.D që të bëhet veteran për shkak të lidhjes familjare që e kanë.

“Unë e di se i njejti ka kërkuar që t’i ndihmoj si nip, ku edhe e ka nxjerrë një zarf me 3 mijë euro dhe mi ka dhënë. Aty ishte edhe Z.SH së bashku me V.H që të dy nga Skenderaj…Unë e kam marrë zarfin dhe ja kam lënë atyre në tavolinë”, deklaron SH.H.

“Qe ku i ke 3.000 euro, letërnjoftimin fotokopje dhe ky person po don me hy veteran….Jam kthy te B.D i kam thënë, u kry kjo punë”, e pranon SH.H.

Në aktakuzën që Gazeta Express ka siguruar B.D ngarkohet për veprën penale “Legalizim i përmbajtjes së rreme”, ndërsa SH.H për veprën penale “Ndihma” dhe “Legalizim i përmbajtjes së rreme”. Të dyve Gazeta qëllimshëm nuk ua publikon emrin dhe mbiemrin e plotë.

Për veprën penale “Legalizim i përmbajtjes së rreme”, të Kodit Penal të Republikës së Kosovës, B.D mund të dënohet prej 3 muaj deri në 5 vite burgim.

Ndërsa, SH.H është i ngarkuar edhe me veprën tjetër penale “Ndihma”. Për këtë vepër parashihet dënim më i butë.

Në shtator të vitit të kaluar Prokuroria Speciale ka nxjerr 20 mijë emra nga listat e veteranëve, për të cilët theksohet se janë veteranë mashtrues apo të rrejshëm. Megjithatë në këto lista pati edhe emra të vetëranëve të vërtetë për të cilët dihet publikisht se kanë luftuar.

Prokurori special i dorëhequr, Elez Blakaj, ka thënë se arsyet e dorëheqjes së tij janë pikërisht për shkak të hetimit ndaj veteranëve të rrejshëm. Ai ka thënë se është kërcënuar.

Përveç Prokurorisë Speciale disa raste të fryrjes së listave të veteranëve janë shpërndarë edhe në Prokurori Themelore të Kosovës.

Në maj të këtij viti Prokuroria e Pejës ka ngritur gjithsej 20 aktakuza, kundër 21 personave që janë hetuar lidhur me dosjet e veteranëve të rrejshëm. Këta persona janë duke u akuzuar për legalizim të përmbajtjes së rreme. Burime brenda Gjykatës së Pejës thanë se numri i aktakuzave që kanë pranuar nga Prokuroria e Pejës tashmë është dyfishuar. /Gazeta Express

“Demokracia shqiptare në krizë të thellë”, Deutsche Welle në anglisht: Reformë në drejtësi apo krizë në drejtësi?

“Demokracia shqiptare në krizë të thellë”- është ky titulli i artikullit të Deutsche Welle në anglisht, në lidhej me situatën në Shqipëri.

Në shkrim flitet gjatë edhe për Reformën në drejtësi, ku ngrihet pyetja nëse është reformë apo krizë në drejtësi?

 

Artikulli i jep vëmendje dosjeve ende të patrajtuara në Gjykatën e Lartë, ku theksohet mes të tjerash se  “zvarritja e trajtimit të çështjeve gjyqësore është ndërkohë një problem i të gjithë sistemit të drejtësisë shqiptare”

Nga Deutsche Welle:

Reformë në drejtësi apo krizë në drejtësi ?

Zvarritja e trajtimit të çështjeve gjyqësore është ndërkohë një problem i të gjithë sistemit të drejtësisë shqiptare. Atë nuk e vuan vetëm prokuroria. Edhe Gjykata Kushtetuese, që do të duhej të ishte instanca ku do të zgjidhej konflikti aktual mes parlamentit dhe opozitës, nuk funksionon. Shkak për këtë është procesi i Vettingut, i cili synon të kontrollojë përshtatshmërinë e gjykatësve dhe prokurorëve mbi bazën e kualifikimeve të tyre profesionale, pasurisë dhe integritetit etiko-profesional dhe që i ka bërë shumë gjyqtarë dhe prokurorë që të të lëshojnë karriget ende pa filluar procesi i testimit. Të tjerë nuk e kaluan dot provimin e fortë të Komisionit të mbikëqyrur nga BE-ja dhe u shkualifikuan.

Në këto institucione dosjet po bëhen pirg. Për Jordan Dacin, drejtues i Qendrës Shqiptare „Rule of Law“, problemi kryesor i reformës së drejtësisë është mungesa e një mekanizmi efikas për të zëvendësuar ata gjykatës dhe prokurorë që dalin nga sistemi për shkak të Vetingut. Paralizimi i gjyqësorit bën që çdo vit të shtohen nga 30 përqind dosje të reja që mbeten të patrajtuara për shkak të mungesës së stafit adekuat, vëren Daci në një intervistë me DW. Vetëm në Gjykatën e Lartë numri i dosjeve të patrajtuara është mbi 31 000, thotë ai.

Për bllokimin e drejtësisë në vend qeveria dhe opozita fajësojnë njëra-tjetrën. Ndërsa opozita e akuzon qeverinë se po e përdor bllokadën e gjyqësorit për të asgjësuar përfundimisht partitë e opozitës  për të instaluar një regjim autokratik,  partia qeverisëse e akuzon opozitën se po  e përdor bojkotimin e zgjedhjeve si alibi për të penguar ngritjen e gjyqësorit të pavarur, prej të cilës të parët që do të dënoheshin do të ishin vetë krerët e opozitës. Prokuroria shqiptare është duke bërë hetime aktualisht kundër kreut të opozitës me akuzën për larjen e parave dhe fallsifikimin e dokumenteve.  Për Bashën kjo nuk është tjetër vetëm një inskenim politik i sajuar nga kryeministri Rama për ta  shantazhuar politikisht.

“Një shtet i mbytur në moçalin mafioz”- Lexoni artikullin e plotë të BILD mbi blerjen e votave në Dibër

Një shef policie që shpik një plan për manipulimin e zgjedhjeve me një ministër. Një ministër që thërret një bos mafioz të njohur mbarëkombëtar për të folur për blerjen e votave. Një shef mafioz që mbledh kartat e identitetit. Bild publikon regjistrimet e fshehta telefonike të hetuesve shqiptarë kundër mafies.

Regjistrimet tregojnë një shembull të bashkëpunimit për manipulimin e zgjedhjeve në vitin 2017 midis politikanëve më të lartë të socialistëve në pushtet, bosëve të mafies, policisë dhe shërbyesve të lartë civilë në Shqipëri. Këto përgjime tregojnë se biznesi zgjedhor paguan për të gjithë të përfshirë:

Socialistët mbetën në pushtet.

Liderët e policisë u rritën në detyrë.

Bosi i mafies mori premtimet e mosndëshkimit.

Ka të bëjë me:

-Blerja e votave,

-Bashkëpunimi me bandat kriminale,

-Kërcënimi dhe shantazhi i votuesve dhe nëpunësve civilë që duan të votojnë për opozitën

-përdorimi i policisë dhe bandave për blerjen e votave dhe shantazhin.

Të përfshirë në këtë rast:

Ministri i Energjisë Damian Gjiknuri dhe shefi i policisë së rajonit të Dibrës, atëherë Robert Aga.

kreu i komisionit të sigurisë së Parlamentit, Xhemal Qefalia

dhe Imer Lala, famëkeq në Shqipëri- mik i Kryeministrit. Sipas hetuesve në Tiranë, një kriminel i dënuar, vajza e të cilit bën karrierë me socialistët.

Për më shumë se 25 vjet, zgjedhjet në Shqipëri janë “blerë” në vijimësi. Por kurrë nuk pati akuza reale. Edhe pas zgjedhjeve në vitin 2017 nuk ndodhi asgjë – edhe pse shkalla ishte më e madhe se kurrë më parë, siç raportojnë hetuesit me eksperiencë. Në vitin 2017, mafia e drogës luajti një rol vendimtar në mbarë vendin – ajo ka qenë e aftë të kultivojë marijuanë të pa shqetësuar dhe ka bërë pazarin me shtetin.

“Në 2016 dhe 2017 Shqipëria u bë laboratori i drogës në Evropë. Nëse oligarkët dhe shefat e klaneve vendas kishin vendosur më parë se kush do të zgjidhej, atëherë mafia e drogës kishte marrë kontrollin mbarëkombëtar”, sipas një hetuesi të Evropës Perëndimore që punon në Shqipëri.

Fillimisht, Rama me të vërtetë nisi një rrugë reformash, por në vitin 2015 e ktheu vendin në një republikë droge – Kolumbia e Evropës.

Rezultati: BE shtyu bisedimet e anëtarësimit të planifikuara për në verë deri në tetor.

Presidenti shtyu zgjedhjet komunale të planifikuara për në fund të qershorit – në një kohë të pacaktuar. Qeveria arrestoi udhëheqësit e opozitës në mbarë vendin- shembulli i ndjekur: Rusia e Putinit dhe Turqia e Erdoganit.

Pas zbulimeve të fundit të BILD, kundërshtarët e qeverisë sulmuan zyrat e zgjedhjeve dhe dogjën dokumente zgjedhore në disa rajone – pati disa të plagosur. Frika: këto zgjedhje mund të ishin blerë.

Hetuesit e anti-mafies kishin pasur të dhëna nga jashtë që nga viti 2016.

Ata iniciuan ndër të tjera edhe dosjen hetimore 184, për të provuar lidhjet midis drejtuesve të drogës dhe politikës. Ata kapën shumë biseda dhe bashkëpunime midis mafies, nëpunësve civilë dhe politikanëve më të lartë.

Por, për më shumë se dy vjet, këto regjistrime janë të papërpunuara në zyrën e prokurorit të shtetit. Asnjë nga politikanët apo mafiozët që flasin qartë në kaseta për blerjen e votave dhe bashkëpunimin e paligjshëm nuk është akuzuar – ose madje dëgjuar vetëm si dëshmitar. Pjesa më e madhe e incizimeve nuk mund të fshihen.

Ka diçka emocionuese për të dëgjuar. Përafërsisht:

-Siç tha Ministri i Energjisë, pas bisedimeve, me kryeministrin Rama, i premton shefit të policisë së Dibrës, se ai mund të llogarisë një transferim në një post më të mirë për të- si një shpërblim për manipulimin e zgjedhjeve në rajonin e tij të origjinës.

-Ndërsa ndërhyn kreu i Komisionit të Sigurisë Kombëtare të Kuvendit.

– Se si një kriminel de facto kryeson fushatën zgjedhore në një rajon të tërë.

-Si kriminelët mbledhin ID nga votuesit e opozitës në mënyrë që ata të mos mund të votojnë.

-Si krimineli krenohet se ka takuar një “njeri të madh”, dmth. kreu i qeverisë Rama.

Pas publikimeve të fundit të BILD, që tregoi në mënyrë ekzemplare, si zyrtarët e lartë shtetërore vendosen nën presion sistematik për të votuar partinë qeverisëse, kryeministri Edi Rama e akuzoi BILD se gënjen, i bëri thirrje zyrës së prokurorit të hetojë burime e publikimit të përgjimeve dhe lajmëroi një padi.

Por regjistrimet, të publikuara tani nga BILD, lejojnë vetëm një interpretim: Në zgjedhjet e vitit 2017 ka pasur një komplot masiv nga politikanët e lartë dhe kriminelët për të manipuluar zgjedhjet.

Problemi në Shqipëri: Nuk ka pothuajse asnjë forcë politike që konsiderohet ‘e pastër’. Qeveria e akuzon opozitën se ka pranuar fonde nga Rusia. Gjykata Kushtetuese dhe Gjykata e Lartë nuk funksionojnë prej një viti për shkak të kuorumit, pasi rrallë ndonjë gjyqtar ka deklaruar përfundimisht të ardhurat, sipas një kërkese të shumicës në Kuvend. Por pikërisht këto gjykata duhet të gjykojnë manipulimet zgjedhore, nëse ndonjëherë vijnë në ndjekje penale.

Gjykata Kushtetuese duhej të vendoste për rastin më të fundit: Partia në pushtet dëshiron të rrëzojë presidentin e vendit, Ilir Meta. Arsyeja: Sepse ai rrëzoi një plan për mbajtjen e zgjedhjeve lokale në fund të qershorit, pasi e sheh në rrezik lirinë e zgjedhjeve, për shkak të akuzave masive kundër partisë në pushtet, protestave masive dhe për faktin se opozita në shenjë proteste për manipulimet zgjedhore të fundit nuk ka paraqitur kandidatë…

“E ndoqa, po e morën me një Benz të zi”, të shqetësuar pasi u denoncua blerja e votave në TV, Imer Lala flet me nipin

Në përgjimin numër 5, të publikuar nga “Bild”, është Imer Lala duke folur me nipin e  tij, Elio Lala, i cili i thotë se është i shqetësuar nga investigimi I emisionit Fiks Fare, në lidhej me blerjen e votave, pasi ishte përmendur në një bisedë të Nehat Ramës, vëllai i kandidatit të PS për Dibrën në vitin 2016.

Emisioni “Fiks Fare”, më 12 shtator 2016, 4 ditë para zgjedhjeve, publikoi pamjet ku një votues shkon tek farmacia e Nehatit, I interesuar për të shitur votën e tij.

Përgjimi nr 5:

Elio Lale: O xhaxha.

Imer Lala: Hë mo nip.

Elio Lala: A po pushoje?

Imer Lala: Po.

Elio Lala: Të mora në telefon se thashë të pyes a ta takojë atë Admirin, Admir Truke se dje te Fiksi kanë nxjerrë Nehatin kështu, kurse sot mund të dali video tjetër që është me lekë nëpër duar.

Imer Lala: Uh.

Elio Lala: Edhe thashë të pyes a vepron policia, cfarë bën në qoftë se del.

Imer Lala: Kur do e takoje?

Elio Lala: E takova, fola, ia mora Ejsit numrin.

Imer Lala: Jo mo, s’quhet provë ajo!

Elio Lala: Po, kështu tha dhe ai “mos e rruaj k****”.

Imer Lala: Mirë hajt.

Elio Lala: Dukesh i lodhur.

Imer Lala: Jam dërrmuar. Po më dhemb këtu Elio, në krah të djathtë në fund të shpinës, tek kockat.

Elio Lala: A more ndonjë nga ato që ke ti, advilat.

Imer Lala: Advilat?

Elio Lala: Po, pi nja dy.

Imer Lala: Janë prap sonte videot ë?

Elio Lala: Mund të jetë video tjetër… (Nuk kuptohet)

Imer Lala: Cfarë ishte ky, gabel?

Elio Lala: Nga Sohodolli. Ai ishte i infiltruar, i përgatitur. E ndoqa sot, kanë ardhur e kanë marrë ato të Fiksit. E ndoqa deri në qosh po nuk mund ta kapja.

Imer Lala: Të fiksit ë?

Elio Lala: Po, e morën ata me një Benz të zi.

Përgjimi/ “Kryetari i FRD me gjithë njerëzit e tij votuan për Sheferedin Shehun”- Imer Lala: Do ia q… robt e shpisë.

Në përgjimin numër 6 të Bild, zbardhet biseda midis Imer Lalës dhe një personi tjetër në zonë ku thuhet se kryetari i Partisë Fryma e Re Demokratike ka votuar për kandidatin e Partisë Demokratike, Sherefedin Shehu. Lala dëgjohet në bisedë duke e sharë.

 

Përgjimi 7 on Vidnews.

Përgjimi numër 6. 

I panjohuri: Hë bos, si të kam? 

Imer Lala: Naqeta!

I panjohuri: A je mirë? 

Imer Lala: Mirë si je ti? 

I panjohuri: Kryetari i FRD-së me gjithë njerëzit e vet për Sheferedin Shehun.

Imer Lala: Jo nuk është e vërtetë. 

I panjohuri: Po kontrollova para 20 minutash.

Imer Lala: 
Mos u tall? 

I panjohuri: Për kokë të fëmijëve, kam ato që kuptohen. 

Imer Lala: Do ia q… robt e shpisë. 

I panjohuri: Po ia kontrollova unë, se pata lënë një njeri aty. 5 veta kanë qenë tu votu, pyeti të gjithë dhe të 5 kanë votuar për Sherefedinin. 

Imer Lala: Edhe djali i vetë, kështu? 

I panjohuri: Po. 

Imer Lala: Do ta marr në telefon atë halen. Unë ia q…. Kur erdha atje sipër, e thirra. I thashë të shkoj te shtabi edhe të takoj Rremin. Për këto e kupton shqipen apo jo? Se më tha dhe Hasan Begu njëherë shife atë m.tin se çfarë do bëjë. 

I panjohuri: Po jo mor e konfirmova tani. Para 20 minutash ka votu. 

Imer Lala: Ohhh… ia q…. motrën

I panjohuri: Hajt mos e vrit mendjen. Mos u shqetësoni.

Përgjimet e BILD/ ’Mos e rruj k*rin për ato‘, Saimir Tahiri flet me Shefin e Policisë: Nuk na ha trapi ne për ata. Aga: Jam ushtari yt

Në përgjimin numër tre, nga 10 përgjimet e  publikuara nga “Bild”, ditën e sotme, shfaqet duke folur shefi i  Komisariatit të Peshkopisë, Robert Aga me Saimir Tahirin, ministër i Brendshëm në atë kohë, deputetin Xhemal Qefalia dhe me kryetarin e Komisionit të ligjeve, Ulsi Manja.

Në fillim të bisedës është deputeti Qefalia, i cili flet, por më pas ia kalon telefonatën Saimir Tahirit. Ish-ministri falënderon Robert Agën punën e bërë në zgjedhjet e Dibrës. Ish-ministri i kalon Robert Agës në telefon, Ulsi Manjën, i cili i thotë se po shohin për të një pozicion pune më të lartë pune për të.

 

Pergjimi numer tre:

Bert Aga: O shoku im si je?

Xhemal Qefalia: Ej jam në një tavolinë kështu, ku ke qejf me shku ti në Bulqizë?

Bert Aga: Po

Qefalia: A?

Bert Aga: Po

Xhemal Qefalia: Ok, hajt ciao.

Bert Aga: Kush thotë?

Xhemal Qefalia: Jemi këtu me Kryeministrin dhe ministrat

Bert Aga: Jo jo, unë ju garantoj t’ju jap çfarë t’ju dojë qejfi

Xhemal Qefalia: Se mos bimë atë Keshin aty. Si thua ti?

Bert Aga: Po mirë më

Xhemal Qefalia: Për kokën tate po, a do foto nga tavolina?

Bert Aga: Haj o burrë, jepja ndonjë dashnorje fotot.

Xhemal Qefalia: Pse e mbylle telefonin, ja ta qis pak ministrin ti flasësh se na çave trapin. (ktehet) ej o Saimir foli pak këtij shokut tim nga policia.

Sajmir Tahiri: Alo o Berto

Bert Aga: Mirmbrëma si je?

Saimir Tahiri: Nuk shkon kjo punë që më jep Xhemali telefonin mua të të falënderoj unë ty, nuk është në rregull…

Bert Aga: Jo, të lutem

Saimir Tahiri: Nga pikëpamja institucionale nuk shkon..

Bert Aga: Sinqerisht më ka gënjyer

Saimir Tahiri: Megjithatë faleminderit shumë për angazhimin je i madh

Bert Aga: E kam detyrim

Saimir Tahiri: Dhe mos e rruj k*rin për ato që thonë ata se nuk na ha t*api ne për aat

Bert Aga: Unë jam ushtari jot

Saimir Tahiri: Ke të fala edhe nga Ulsiu, foli një çikë Ulsiut

Ulsi Manja: Ku je mo vëlla

Bert Aga: Si të shkon ty?

Ulsi Manja: Hiç më, me kryeministrin

Bert Aga: Ej, unë më duhet me shku pak atje

Ulsi Manja: Ku mo?

Bert Aga: Te Bulqiza

Ulsi Manja: Ne themi të shkosh për më lart o burrë

Bert Aga: Mir mir ju e dini, po e kam qejf atë

Ulsi Manja: tani do më dëgjiosh mua, do flasësh me Xhemalin sepse e kam shefin e Komisionit të Sigurisë, ne e bëjmë fjalën për më lartë e ët na duhesh për ndonjë gëj më të madhe se mua më duken gjëra të vogla ato o miku im

Bert Aga: Mirë mo, mirë

Ulsi Manja: Po mbaje Xhemalin koherent se atë kemi autorizu si kryetarë komisioni

Bert Aga: Xhemalin e kam pas vartës unë

Bert Aga: Xhemalin e kam pas vartës.

Ulsi Manja: Është anëtar i komisionit të sigurisë, i shef këto si kryetar i komisionit të sigurisë.

Bert Aga: Xhemalin e kam pas vartës.

Ulsi Manja: Ore është kryetar i Komisionit të Sigurisë. I shef këto. Dakord.

Bert Aga: Jam ushtar i Bertit thotë se Berit ka qenë komandat.

Ulsi Manja: Në rregull, hajde!

Bert Aga: Si e merr ministrin ashtu në telefon o…

Xhemal Qefalia: Je shoku im, mos tall k…me mua. A do të të qis Ramën të flasësh.

Bert Aga: Po le o vëlla tani.

Xhemal Qefalia: Mos na çaj bythën. Je shoku im apo jo?

Bert Aga: Unë ashtu kam qenë dhe do jem.

Përgjimi/ “A i keni çuar kafe? Po i kemi mbaruar ato punë”- Imer Lala flet për blerjen e votave në fshatrat e Dibrës

Në një tjetër përgjim të publikuar nga Bild, Imer Lala njeri me influencë në disa fshatra të Dibrës dhe i denoncuar nga Partia Demokratike, dëgjohet duke biseduar me të tjerë persona për blerjen e votës.

 

Përgjimi 7 on Vidnews.

Përgjimi 7

Imer Lala: Hë Ardi?

Person i panjohur: Hë gjigand, si je?

Imer Lala: Mirë. Si shkon?

Person i panjohur: O vlla, një Basri Veseli a e njohim, a dimë gjë?

Imer Lala: Si?

Person i panjohur: Basri Veseli.

Imer Lala: Basri Veseli, po.

Person i panjohur: E takova, po më thotë se nuk ka asgjë.

Imer Lala: Si nuk ka asgjë?

Person i panjohur: A i keni çuar ndonjë kafe (nënkupton para)?

Imer Lala: Po i kam mbaruar ato punë.

Personi i panjohur: Po i ke mbaruar, po nuk kanë shkuar në vend.

Imer Lala: Po lëri ore ato b…q…

Imer Lala: Rri rehat se në atë zonë ku është ai, është çdo gjë në rregull.

Personi i panjohur: Ok, mirë pra, hajt.

Imer Lala: Ku je ti?

Personi i panjohur: Këtu në fund të Dobrovës

Imer Lala: Çfarë ka ndonjë problem?

Personi i panjohur: Jo asgjë. Atë të mbrëmshmen e more vesh?

Imer Lala: Ëëë?

Personi i panjohur: Atë të mbrëmshmen në Maqellar, a e more vesh?

Imer Lala: Jo. Kush janë ato?

Personi i panjohur: Po i kishin rrahuar, nuk e di pse, disa me kapuça, të Flamur Nokës me kështu.

Imer Lala: Ja po e shoh në televizor.

Personi i panjohur: Ishin 4-5, nga Maqellara.

Imer Lala: Ok pra bos.

“Dua rezultatin mbi 1 mijë vota”- Shefi i policisë së Dibrës flet me Gjiknurin dhe jo vetëm… Si i përgjigjet ministri

Shefi i policisë së Dibrës, Robert Aga është kapur në përgjime duke biseduar me ministrin e Transporteve Damian Gjiknuri gjatë shtatorit 2016, kur edhe u zhvilluan zgjedhjet lokale në Dibër.

 

Shefi i policisë i thotë Gjiknurit pse nuk kishte besim tek ai, por ministri i përgjigjet se ishte shkaktuar tërmet, me sa duket pas rezultatit të zgjedhjeve.

Në një bisedë tjetër me një tjetër person nga zona, kryepolici thotë se e ka për detyrë të çojë rezultatin mbi 1 vota përpara kundërshtarit.

Përgjimi 1: Shefi i policisë së Dibrës flet me ministrin Damian Gjiknurin.

Shefi i policisë së Dibrës:

Bekim Krashi: Hë djalosh, çfarë keni bërë se e keni myt fare. Nuk jeni duke lënë gjë. Plus, duke qenë kudo. Vetëm në (nuk kuptohet) nuk jeni aq shumë, minus 10. Unë do të marr të gjitha të dhënat dhe do t’i jap në letër.

Shefi i Policisë: Duhet të kem mbi një mijë vota. Poshtë 1 mijshit nuk e pranojmë.

Bekim Krashi: Ke filluar pretendime të mëdhaja.

Shefi i Policisë: Ej..

Bekim Krashi: Hë!

Shefi i Policisë: O shpirti i vëllait. Kujtove se ishim budallë a si…

Bekim Krashi: Prandaj nuk desha të bëj rrëmujë sepse i di gjërat. Por, u kam dhënë oficerëve mos u lodh fare.

Shefi i Policisë: O shpirti i vëllait, ajo strategji ime funksionon.

Bekim Krashi: E di mo e di. Ti e ke deklaruar se je komisar policie.

Shefi i Policisë: E ke Damian Gjiknurin aty?

Bekim Krashi: Po! Do t’ia jap telefonin?

Shefi i Policisë: Jepja pak. O shef…

Damian Gjiknuri: Ç’po ndodh!

Shefi i policisë: Mirëmbrëma!

Damian Gjiknuri: Hë mo çfarë bën?

Shefi i Policisë: Si je?

Damian Gjiknuri: Tullë fare! Mirë fare!

Shefi i policisë: Nuk pate besim tek unë!

Damian Gjiknuri: Tërmet, tërmet! Ti ishte mjeshtër.