VOAL

VOAL

Please Wait ...
0%

Xhaka i lumtur pas fitores me Irlandën e Veriut: Hap i madh drejt Kupës së Botës (Foto)

By | November 10, 2017

Komentet

Rusia 2018, VAR në ekranet e mëdha të stadiumeve

Përkundër shumë kundërshtimeve, teknologjia VAR do të përdoret në kampionatin botëror, ndërsa publiku nëpër tribuna do të ketë mundësi të shikojë incizimet, më saktësisht të njoftohet për çka është marrë një vendim i arbitrit

Incizimet e detajeve kontestuese të sistemit VAR gjatë kampionatit botëror në futboll i cili do të luhet në datat 14 qershor-15 korrik 2018 në Rusi, do të emetohen në ekranet e mëdha të vendosura në stadiumet ku do të luhen ndeshjet.

Përkundër shumë kundërshtimeve, teknologjia VAR do të përdoret në kampionatin botëror, ndërsa publiku nëpër tribuna do të ketë mundësi të shikojë incizimet, më saktësisht të njoftohet për çka është marrë një vendim i referit.

”Video incizimet në ekranet e mëdha të stadiumeve do të emetohen pasi arbitri të sjell vendimin, në mënyrë që publiku të mos ndikojë në vendimin përfundimtar të arbitrit”, thuhet në njoftimin e FIFA-s.

Teknologjia VAR ka filluar të përdoret në kampionatet e Gjermanisë dhe Italisë, ndërsa testin e kishte në kupat e Anglisë, ndërsa nga sezoni i ardhshëm do të jetë në përdorim në kampionatin e Spanjës. aa

Seferi kundërshtari i radhës i Tyson Furyt sipas të gjitha gjasave

Asgjë nuk është e konfirmuar, por Sefer Seferi i ka gjasat më të mëdha për të qenë kundërshtari i Furyt, ish-kampionit botëror i peshave të rënda.

Fury njoftoi rikthimin e tij në ring javën e kaluar.

Por, kush do të jetë kundërshtari i tij i parë pas rikthimit?

Sipas mediave angleze, favoriti kryesor për të luftuar me të është boksieri Sefer Seferi.

Tyson Fury opponent
METRO GRAB taken from: http://boxrec.com/media/index.php/Sefer_Seferi
Credit: Box Rec

39-vjeçari shqiptar gjatë karrierës së tij ka 24 meçe profesionale, prej tyre 23 fitore, 21 me nokaut dhe një humbje.

Përveç mediave, edhe kompanitë më të mëdha të basteve në Angli e favorizojnë Seferin, të cilin e shohin si kundërshtar të ardhshëm të ish-kampionit të botës.

Fury para tri viteve mposhti boksierin ukrainas, Wladimir Klitschko, por shumë shpjet humbi titujt, pasi u suspendua nga Federata Ndërkombëtare e Boksit për shkak të dopingut. /Gazeta Express/

Kundërshtarët e mundshëm të Fury, Seferi më i favorizuari:

FIFA procedurë disiplinore kundër Rusisë për racizëm

Ky është rasti i tretë i racizmit në këtë sezon në stadiumin në Shën Petersburg, i cili do të jetë nikoqir i ndeshjeve të Kampionatit Botëror

ZYRIH – Federata Botërore e Futbollit (FIFA) për shkak të racizmit ka hapur procedurë disiplinore kundër Federatës ruse të Futbollit, vetëm dy muaj para Kupës së Botës.

Masa kundër pritësit të Botërorit u hap për shkak të zërave “majmuni” dërguar lojtarit të kombëtares franceze Paul Pogba gjatë ndeshjes miqësore me Rusinë në Shën Petersburg muajin e kaluar. Pas mbledhjes së provave, FIFA njoftoi se ka hapur procedurë disiplinore kundër FF të Rusisë.

Federata Ruse u dënua më parë në dy raste për sjellje raciste të tifozëve të saj në kampionatet evropiane. Në të dyja rastet FF e Rusisë pagoi gjobën e dënimit.

Ky është rasti i tretë i racizmit në këtë sezon në stadiumin në Shën Petersburg, i cili do të jetë nikoqir i ndeshjeve të Kampionatit Botëror.

Më parë, Klubi i Futbollit Zenit në dy raste ishte përballur me sanksione të Federatës Europiane të Futbollit (UEFA) për racizëm gjatë ndeshjeve të Ligës së Europës.

Kupa e Botës në futboll do të mbahet nga 14 qershori deri më 15 korrik të këtij viti në Rusi. aa

Ibra dëshiron të luajë në Botëror, trajneri i Suedisë ngre mur kundër tij

VOAL – “Mundësitë që unë të luaj në Kupën e Botës janë shumë të larta.” Kështu shkroi në Twitter dje Zlatan Ibrahimoviçi, për të cilin shumë njerëz janë kujtuar vetëm sot, çka shkaktoi një seri reaksionesh, sepse tani duket gjithnjë e më e qartë vullneti i kampionit suedez, tani në LA Galaxy, për të marrë pjesë në Rusia 2018 me kombëtaren e tij. Një mesazh i drejtpërdrejtë që ka tronditur trajnerin Jan Andersson, i cili në mars, duke komentuar fjalët e Ibrës të arritura nga Kalifornia, kishte folur kështu – duke ngritur një lloj muri: “Zlatan ka lënë ekipin kombëtar në vitin 2016, ai tani ka rimenduar dhe duhet të më telefonojë mua, unë sigurisht nuk i telefonoj atij.” Një muaj më parë, rreth mundësisë që Ibra të shkojë në Kupën e Botës, Andersson tha: “Unë mendoj të përqëndrohem në punën time, dua t’i bëj gjërat mirë edhe në Rusi si kundër Italisë – dhe një gjë nuk ka dyshim: këtu komandoj unë, nuk ka dyshim se kush i zgjedh lojtarët: unë.” ANSA

PSG vulos titullin në kampionatin e Francës

Duke mposhtur Monacon 7-1 në fushë të vet, Paris Saint-Germain siguroi titullin e ligës për herë të shtatë

Paris Saint-Germain (PSG) fitoi titullin francez të këtij sezoni të dielën pesë ndeshje para përfundimit të kampionatit.

PSG mposhti Monacon, kundërshtarin më të afërt në renditjen e ligës, me rezultatin 7-1, duke qenë nikoqir në stadiumin e tyre Parc des Princes në Paris.

Golashënuesit për klubin parisien ishin mesfushori argjentinas Giovani Lo Celso, i cili shënoi dy herë, sulmuesi uruguaian Edinson Cavani, argjentinasi Angel Di Maria, duke e vendosur topin në rrjetin e Monacos dy herë, si dhe mesfushori gjerman Julian Draxler.

Sulmuesi kolumbian i Monakos, Radamel Falcao, shënoi autogol në fund të lojës.

Goli i vetëm i vizitorëve kundër PSG-së u shënua nga anësori portugez Rony Lopes.

Fitorja rriti pikët e PSG-së në 87 dhe vulosi titullin e Ligue 1 për parisienët me pesë ndeshje deri në përfundimin e kampionatit.

Ky është titulli i shtatë i PSG-së në Francë, duke përfshirë katër fitoret e njëpasnjëshme në vitet 2013-2016.

Monaco, në vendin e dytë, ka 70 pikë në ligë. aa

Daniel Ricciardo fitues i garës për Çmimin e Madh të Kinës

Australiani realizoi fitoren e gjashtë në karrierë, ndonëse startoi nga pozita e gjashtë. Kjo është fitorja e parë e “Red Bull” në Kinë që nga viti 2010

SHANGHAI – Piloti i ekipit “Red Bull”, Daniel Ricciardo ka fituar sot në garën e Formula 1 për Çmimin e Madh të Kinës në Shanghai.

Australiani realizoi fitoren e gjashtë në karrierë, ndonëse startoi nga pozita e gjashtë. Kjo është fitorja e parë e “Red Bull” në Kinë që nga viti 2010.

Vendin e dytë e mori Valteri Bottas nga “Mercedes”, ndërsa vendin e tretë Kimi Raikkonen nga “Ferrari”. Kampioni aktual botëror Lewis Hamilton zuri vendin e katërt.

Piloti i “Ferrari”-t Sebastian Vettel, i cili fitoi në dy gara të këtij sezoni, startoi nga pozita e parë, por përfundoi i teti.

Gara e radhës në program është më 29 prill për Çmimin e Madh të Azerbajxhanit. aa

Real-Juventus: kërcënime ndaj gruas së gjyqtarit

VOAL – ROMË, 15 PRILL – Kërcënimet me vdekje ndaj burrit të saj dhe fyerjet seksiste kanë përmbytur llogaritë sociale të Lucy Oliver, gruas së gjyqtarit, i cili drejtoi të mërkurën e kaluar çerekfinalen Real Madrid-Juventus. BBC raporton se publikon disa fraza ofenduese drejtuar zonjës, edhe ajo gjithashtu gjyqtare e kampionatit të futbollit të femrave, të përkthyera nga italishtja në anglisht. “Duhet copëtuar ti dhe ai burrmuti yt”, shkruan një tifoz në Twitter. “Stop burrit tënd bastard”, sulmon një tjetër. Policia britanike hapi një hetim dhe mbylli të gjitha llogaritë, por bashkëshortja e Michael Oliverit mori mesazhe kërcënuese edhe në telefon, numri i të cilit ishte botuar në mënyrë të pashpjegueshme në mediat sociale. ANSA

10 golashënuesit më të mirë në Europë, ja gara për “Këpucën e Artë”

“Këpuca e Artë” ka hyrë në fazën më interesante. Lionel Messi me tre golat e shënuara në ndeshjen e fundit kundër Leganes, ka arritur në numrin e 58 pikëve, me 29 gola. Messi dhe Salah ndajnë dy vendet e para me numër të njëjtë të pikëve.

Në vendin e tretë është Ciro Immobile i Lazios, me 54 pikë (27 gola), ndërsa në vendin e katërt pozicionohet Robert Lewandowski i Bayernit me 52 pikë (26 gola).

Harry Kane renditet në vendin e pestë me 50 pikë (25), ndërsa një vend më poshtë është Jonas i Benficas. Ronaldo zë vetëm vendin e nëntë me 23 gola, apo 46 pikë.

Bale në “Elbasan Arena” më 20 nëntor

Kombëtarja e Shqipërisë do të luajë miqësore me Uellsin në datë 20 nëntor, në “Elbasan Arena”. Me përfaqesuesen e Uellsit luan lojtari i famshëm Gareth Bale.

Të dyja federatat përkatëse kanë gjetur akordin dhe kanë zyrtarizuar zhvillimin e këtij takimi në këtë datë.

Kujtojmë që në periudhën shtator-dhjetor të këtij viti, skuadra përfaqësuese e Shqipërisë do të zhvillojë takimet zyrtare eliminatore për grupin e saj në kompeticionin e Ligës së Kombeve (UEFA Nations League), por duke qenë se grupi është me tri skuadra ajo do të zhvillojë në datat përkatëse edhe dy ndeshje miqësore, një prej të cilave është kjo me Uellsin.

Maradona në krah të Juventusit: Arbitri gaboi me penalltinë

Polemikat e lindura për ndeshjen e Champions League, Real Madrid dhe Juventus vijojnë ende.

Këtë radhë është legjenda e futbollit argjentinas, Diego Armando Maradona. Sipas tij arbitri gaboi rëndë, duke thënë se 11-metërshi i akorduar nga gjyqtari nuk duhej dhënë.

“Nuk ishte penallti, Lucas Vazquez u hodh. Ishte pranë Buffon dhe pas tij ishte Benatia që donte t’i merrte topin. Vazquez e la veten të rrëzohej në tokë. Edhe unë ndoshta atë do të bëja. Po ta kishte goditur topin me 99% të mundësive do të ishte gol”. ka deklaruar ish-sulmuesi i kombëtares së Argjentinës, gjatë një deklarate në “Instagram”.

CAS i rikthen Skënderbeut titullin kampion

“CAS ka pranuar kërkesën e KF Skënderbeu për të kthyer titullin e sezonit 2015-16 të hequr nga komisioni i etikës”, thuhet në njoftim

TIRANË – Gjykata e Arbitrazhit Sportiv (CAS) ka marrë vendimin për t’i rikthyer titullin kampion Klubit të Futbollit Skënderbeu, të sezonit 2015-2016 të Kategorisë Superiore, që i ishte hequr nga Komisioni i Etikës i Federatës Shqiptare të Futbollit.

Ky vendim është konfirmuar nga klubi korçar nëpërmjet një njoftimi në faqen zyrtare të klubit në rrjetet sociale.

“CAS ka pranuar kërkesën e KF Skënderbeu për të kthyer titullin e sezonit 2015-16 të hequr nga komisioni i etikës”, thuhet në njoftim.

Komisioni i Etikës i Federatës Shqiptare të Futbollit, në qershor të vitit të kaluar vendosi heqjen e titullit “kampion” për Klubin Sportiv Skënderbeu për sezonin 2015-2016, për “komplotim në influencimin e rezultateve të ndeshjeve në kundërshtim me etikën sportive.”

Kujtojmë se në mars të këtij viti Komisioni i Kontrollit, Etikës dhe Disiplinës i Federatës Evropiane të Futbollit (UEFA) shpalli vendimin për përjashtimin e Klubit të Futbollit Skënderbeu nga kompeticionet europiane për një periudhë 10 vjeçare dhe caktimin e një mase disiplinore financiare në vlerën 1 milion euro nën akuzat për trukim. aa

Roma e zbuloi kundërshtarin në “Champions” 2 orë më përpara, tronditet rëndë besimi në UEFA

Besimi i UEFA-s është tronditur edhe një herë me shortin e sotëm. Pasi u mësuan dy gjysmëfinalet, u vërtetua ajo që u publikua më parë, Roma do të ndeshet me Liverpool.

Ishte një postim aksidental i italianëve të cilët publikuan një foto ku shihej se ato po përgatiteshin për të shituar biletat për dy sfidat e ardhshme. Njëra ishte kundër Genoa-s në kampionat dhe tjetra kundër Liverpool në “Champions League”.

Gjithmonë në opinion futbollistik pa patur dyshime se UEFA i përcakton vetë përballjet në kompeticionet e saj. Mjafton të rikthejmë në vëmendje deklaratat e njerëzve të rëndësishëm të këtij sporti se disa prej goglave para një shorti ishin futur në frigorifer, në mënyrë që përzgjedhësi të mos gabonte e të përcaktonte ato sfida që UEFA dëshironte.