VOAL

VOAL

Please Wait ...
0%

Vuçiq – Darka e Tiranës me e mirë se ajo në Beograd (Video)

By | May 28, 2015
blank

Komentet

blank

(Video) Aktori Edmond Budina kujton 24 korrikun e 2019 kur populli e çliroi Teatrin Kombëtar

Aktori i mirënjohur Edmond Budina, në emër të Aleancës për Mbrojtjen e Teatrit, kujton 24 korrikun e dy viteve më parë kur artistët dhe qytetarët e Tiranës, hynë në Teatrin Kombëtar. “Pasi policia kishte prerë dritat dhe ujin”, më në fund “Artistët bashkë me qytetarët hynë në Teatrin Kombëtar”, thotë Edmon Budina, “e çliruan Teatrin Kombëtar”.

Më poshtë po sjellim videon e regjistruar pak më parë kur Edmon Budina iu drejtua publikut për të kujtuar 24 korrikun e 2019.

blank

KOSOVA zyrtarisht kundër Mini-Shengenit: “Proces i rrezikshëm, rikthen kohët e vjetra”

Ministrja e Punëve të Jashtme dhe Diasporës e Republikës së Kosovës, Donika Gërvalla është shprehur hapur kundër Mini-Shengenit, duke e cilësuar atë si një proces që pengon stabilitetin dhe paqen në Ballkan.

E ftuar në një takim jozyrtar mes ministrave të Jashtëm dhe për Çështjen Evropiane të BE-së dhe vendeve të Ballkanit të mbajtur në Slloveni nga sekretari i shtetit slloven, Gashper Dovzhan, Gërvalla i ka bërë thirrje BE-së ta ndalë sa më shpejt këtë proces.

E quajnë ‘Mini-Shengen’ dhe na thonë vazhdimisht që ky nuk është në kundërshtim me rrugëtimin drejt BE-së. Por kjo nuk është e vërtetë. Na thonë që i shërben bashkëpunimit rajonal. As kjo, nuk është e vërtetë. Ky proces mund të jetë shumë i rrezikshëm për stabilitetin dhe paqen në Ballkan”, ka thënë Gërvalla.

Lidhur me bashkëpunimin rajonal, Gërvalla foli për idenë e një tregu të përbashkët rajonal si plan e strategji për bashkëpunim dhe zgjidhe të konflikteve.

Sipas saj, ka disa aktorë në Ballkan të cilët po mundohen ta minojnë këtë koncept duke bërë çdo përpjekje për ta rikthyer në kohët e vjetra, ku përplasjet politike dhe ekonomike ishin të ndërthurura.

blank

Joe DioGuardi dhe Shirley Cloyes DioGuardi videokonferencë me nxënës në Prishtinë

Te nderuar miq dhe perkrahes,

Me 29 qershor 2021, ish-kongresisti Joe DioGuardi, President i Liges Qytetare Shqiptaro-Amerikane dhe Shirley Cloyes DioGuardi, Keshilltare per Ceshtje te Ballkanit, mbajten nje vdieo konference me nxenesit e shkolles Faik Konica ne Prishtine. Ata folen per rolin e Liges Qytetare ne sensibilizimin e kerkeses se drejte te shqiptareve etnik te Kosoves tek politikbersit amerikane per liri e pavaresi.

Shikojeni videon per te degjuar pjesen me interesante te konferences me pyetje e pergjigje

Pertej lobimit aktiv te Kongresit te SHBA-ve per interesat e gjithe shqiptareve ne Ballkan, Liga Qytetare punon qe ne vazhdimesi te arsimoje te rinjte shqiptare mbi te kaluaren, te tashmen, dhe te ardhmen e punes se Liges Qytetare Shqiptaro-Amerikane ne Washington dhe ate te Fondacionit Shqiptaro-Amerikan anekend botes!

Gjithe te mirat,

blank                        blank
Joe DioGuardi                   Shirley Cloyes DioGuardi
Presidenti                          Këshilltare për Çështjet e Ballkanit

blank

Distria Krasniqi fiton Medaljen e Artë

Distria Krasniqi fiton Medaljen e Artë

Distria Krasniqi e ka siguruar medalje e artë në “Tokio 2020”.

Distria Krasniqi i ka siguruar medalje olimpike Kosovës në Lojërat Olimpike “Tokio 2020”, duke e rrëmbyer të Artën, raporton Gazeta Express.

Në finalen e madhe, Distria e mposhti japonezen, Funa Tonaki.

Kjo është medalja e dytë Olimpike për Kosovën, pas Majlinda Kelmendit që fitoi të Artën në Rio 2016.

blank

VIdeo – Gëzim Alpion: Tokësorja dhe hyjnorja Nënë Tereza në këndvështrimin sociologjik

Pëllumb Sulo

I ftuar nga Universiteti i Shkodrës profesori i Universitetit të Birminghamit, në Mbretërinë e Bashkuar, Gëzim Alpion, foli mbi tokësoren dhe hyjnoren Nënë Tereza në kënveshtrimin sociologjik. Profesor Alpion është autor i dy librave për Nënë Terezën dhe i më shumë se 50 kumtesave të mbajtur në 15 vende të botës mbi jetën dhe veprën e bamirëses së njohur me origjinë shqiptare.

Nënë Tereza thotë ai, është ndër ato përsonalitete të shekullit të 20-të për të cilën janë shkruar shumë libra, ndoshta edhe më shumë se për çdo përsonalitet tjetër. Por, ai shton se në librin e tij “Nënë Tereza, shenjtorja dhe kombi i saj” është përqendruar në rëndësinë e studimit të rrënjëve të Nënë Terezes dhe ndikimit të tyre në jetën e saj prej bamirëseje.

“Nënë Tereza është studiuar prej vitesh dhe, mund të them se, letërsia për Nënë Terezën filloi në mënyrë serioze në vitin 1969, megjithëse për Nënë Terezën janë shkruajtur që në vitin 1949. Ajo që unë, në mënyrë modeste, jam përpjekur me Nënë Terezën është të nxjerr në pah rendësinë e studimit të rrënjëve të saj, e cila mungon thuajse krejtësisht në literaturën për Nënë Terezën”.

Si shqiptar, thotë profesor Alpion, më është dukur e çuditshme që vëmendja përqedrohet vetëm tek Nënë Tereza si murgeshë. Ai thotë se, në studimin e tij është përqendruar edhe në ndikimin që patën 18 vitet e para të jetës së saj në misionin e ardhëshëm si bamirëse.

“Nënë Tereza nuk ka nevojë për askënd që të shpallë se është apo s’është shqiptare, sepse e kishte më të qartë këtë edhe kur morri çmimin “Nobël” për Paqen ku u shpreh se unë me gjak jam shqiptare. Nënë Tereza është një nga ato përsonalitete kaq të komplikuara, e cila ishte tërësisht e përkushtuar nga ana shpirtërore, gjë që nuk do të thotë se Nënë Tereza nuk besonte në kombin dhe etnicitet. Por ajo kishte diçka më sublime, shikonte përtej kontureve të kombit, përtej kontureve te etnicitetit”.

Sipas tij, Nënë Tereza në veprimtarinë e saj si bamirëse, gjatë periudhës së luftës së ftohtë, u pranua edhe nga vendet e ish kampit socialist, me përjashtim të Shqipërisë komuniste. Nënë Tereza, thotë profesor Gëzim Alpion, nuk bënte dallim mes varfërisë materiale dhe asaj shpirtërore dhe kjo ishte arsyeja që asaj j’u hapën dyer si në përëndim, ashtu edhe në lindje.

“Nënë Tereza nuk pati një mision apo një mesazh politik fetar. Nënë Tereza gjithëmonë fliste për bamirësi. Kjo është arsyeja që, gjatë vizitave që unë kam bërë në Indi, kam parë se është e mirëpritur si nga njerëz që janë shumë të pasur, si nga autoritetet indiane, si nga të varfërit”.

Libri i fundit i profesor Gëzim Alpion “Nënë Tereza, shenjtorja dhe kombi i saj” u botua vitin e kaluar në Mbretërinë e Bashkuar dhe është shpërndarë në disa vende të botës, përfshirë Shtetet e Bashkuara të Amerikës.

blank

“Nuk kemi humbur arbitrazhe as edhe një”, PD publikon videon: 447 milionë euro gjoba e Edi Ramës për familjet shqiptare

“447 milionë euro, kjo është fatura e Edi Ramës për familjet shqiptare”. Kështu deklaron Partia Demokratike e cila ka publikuar një video me deklaratat e kryeministrit Edi Rama për gjyqet në Arbitrazhin Ndërkombëtar.

Sipas PD, 447 milionë euro nuk do të shkojnë për spitale, shkolla, kopshte, investime në infrastrukturë, ndihmë ekonomike për njerëzit në nevojë, por për të paguar dëmet e shkaktuara nga një pakicë që ka shkatërruar ekonominë dhe po varfëron shqiptarët.

“Imagjinoni sa probleme të vogla dhe të mëdha për shqiptarët do të zgjidhte kjo shumë marramendëse, që fatkeqësisht do të kthehet në një peshë për buxhetin e çdo familje, që do të detyrohet të paguajë papërgjegjshmërinë e Edi Ramës. 447 milionë euro nuk do të shkojnë për spitale, shkolla, kopshte, investime në infrastrukturë, ndihmë ekonomike për njerëzit në nevojë, por për të paguar dëmet e shkaktuara nga një pakicë që ka shkatërruar ekonominë dhe po varfëron shqiptarët. Në 8 prill 2021 Partia Demokratike ka depozituar në SPAK kallëzimin për çështjen ‘Becchetti’. Ne presim që ajo të hetohet me përparësi, sepse çdo orë vonesë tashmë përkthehet në një dëm ekonomik të pakthyeshëm për qytetarët”, deklaron PD.

“Ka disa kohë që është ngulur në opinion ideja që ne kemi humbur arbitrazhe, por nuk kemi humbur arbitrazhe as edhe një”, thotë Rama në video.

blank

Përurohet shtatorja e Fadil Vokrrit

Para pak çastesh në stadiumin e Prishtinës është bërë inaugurimi i shtatores së ish-presidentit të Federatës së Futbollit të Kosovës, Fadil Vokrrit.

Vokrri, njeriu më meritor për pranimin e Kosovës në shtëpitë e futbollit botëror dhe evropian (FIFA dhe UEFA), vdiq tragjikisht në qershor të vitit 2018, vetëm dy vjet pasi e jetësoi ëndrrën e kosovarëve, raporton Gazeta Express.

Shtatorja e tij u punua vitin e kaluar dhe ishte paraparë të përurohej në fund të tetorit të kaluar, në mandatin e ish-ministres Vlora Dumoshi.

Menjëherë pas ceromonisë së zbulimit te shtatores, në stadiumin “Fadil Vokrri” do të zhvillohen edhe dy ndeshje miqësore.

Aty do do të përballën veteranët e Kosovës dhe te Shqipërisë edhe po ashtu edhe skuadra Prishtina 1991 dhe Llapi.

blank

Krijoi çetat e para në Shqipëri, përurohet në Kolonjë shtatorja e Sali Butkës, nipi: Mbrojti qeverinë e Ismail Qemalit, luftoi për një vend të lirë dhe demokratik

Shtatorja e patriotit Sali Butka, një prej personaliteteve më të mëdha të Kolonjës do të qëndrojë në qendër të qytetit. Sali Butka vlerësohet si një nga luftëtarët dhe udhëheqësit kryesorë të lëvizjes për çlirim, pavarësi, mbrojtjen e integritetit kombëtar e territorial, themelimin e shtetit të pavarur shqiptar dhe vendosjen e rendit demokratik në Shqipëri. Për nipin e tij Uran Butka figura e tij përfaqëson sakrifikimin për Shqipërinë.

“Luftoi jo vetëm për lirinë dhe pavarësinë e kësaj treve, por edhe të gjithë Shqipërisë. Krijoi çetat e para në histori dhe bashkë me Petro Ninin Luarasin punoi për përhapjen e diturisë. U caktua për të mbrojtur qeverinë e Ismail Qemalit dhe të Vlorë nga një sulm që i bëhej nga forcat turke që ishin në Fier. Ai u përball me ushtritë greke që vinin të pushtonin në Korçë. Kulmi i veprimtarisë historike të Sali Butkës është shpallja e republikës shqiptare të Korçës në dhjetor të vitit 1916. Ai deri në momentet e fundit të jetës luftoi për Shqipërinë e lirë, të pavarur e demokratike”, tha Uran Butka.

Jo pa qëllim shtatorja u vendos përballë shkollës “Petro Nini Luarasi” pasi Sali Butka ka qenë mbrojtës dhe bashkëpunëtor i ngushtë i tij për hapjen e shkollës se pare shqipe në Kolonjë dhe lobimin për arsimimin e brezave dhe patriotëve në Kolonjë. Shtatorja e Sali Butkës u punua nga duart e mjeshtrit skulptorit Agim Rada.

blank

Presidentja Osmani: Shaban Manaj, bashkudhëtar e bashkëmendimtar i Rugovës, u rrëmbye dhe u vra mizorisht

21 vjet më parë, pasi u rrëmbye, u vra mizorisht njëri ndër veprimtarët më të shquar të Kosovës për liri e pavarësi, avokati i njohur, Shaban Manaj. Ai qe intelektual, i cili tërë jetën ia kushtoi çështjes kombëtare dhe mbrojtjes së lirive dhe të drejtave të njeriut.
Bashkudhetar e bashkëmendimtar i presidentit historik të Kosovës, dr. Ibrahim Rugovës, Manaj luftoi për kauzën e lirisë, e cila u shndërrua në udhërrëfyese të jetës së tij. Ai nuk u dorëzua asnjëherë para vështirësive dhe nuk hoqi dorë nga ideali i tij për ta parë vendin të lirë. Për kontributin e dhënë për Kosovën është dekoruar me urdhrin “Hero i Kosovës”.
Populli i Kosovës do ta përkujtojë përherë shembëlltyrën e Shabanit dhe sakrificën e tij për atdheun, ndërkaq përpjekjet tona për drejtësi nuk do të ndalen kurrë.
blank

Presidentja Vjosa Osmani pritet nga Perandori Naruhito i Japonisë (fotot)

VOAL – Në një postim të para pak minutave në faqen e saj në facebook, Presidentja e Kosovës Vjosa Osmani, e cila ndodhet në Toikio për të marrë pjesë në ceremoninë e hapjes së Lojërave Olimpike, bën të ditur se është pritur nga Perandori Naruhito i Japonisë:

Ishte nder i veçantë të pritem në Pallatin e Perandorisë nga Perandori Naruhito i Japonisë. Së bashku me liderë të tjerë botërorë falenderuam Japoninë për mikpritjen e jashtëzakonshme dhe organizimin e lojërave olimpike përkundër rrethanave të rënduara të pandemisë. 🇽🇰 🇯🇵

blank

blank

blank

blank

Presidentja Osmani takon ministrin e Jashtëm të Japonisë në Tokio

Presidentja Vjosa Osmani, ka takuar ministrin e Jashtëm të Japonisë, Toshimitsu Motegi në kuadër të vizitës së saj në shtetin japonez, raporton Gazeta Express.

Osmani ka falenderuar ministrin e jashtëm për mbështetjen e Japonisë përgjatë viteve për Kosovën.

“Unë shpreha mirënjohjen tonë për partneritetin dhe mbështetjen e Japonisë ndër vite. Unë gjithashtu theksova rëndësinë e mbështetjes së Japonisë për Kosovën në skenën ndërkombëtare dhe theksova gatishmërinë tonë për një bashkëpunim më të madh”, ka shkruar Osmani.

Në vazhdën  e takimeve me krerët shtetërorë të Japonisë, Presidentja Osmani pritet ta takojë edhe kryeministrin japonez Yoshihide Suga

Presidentja ka udhëtuar dje drejt Tokios për të marrë pjesë në hapjen e Ceremonisë së Lojërave Olimpike që zhvillohen në kryqytetin japonez.

blank

Kosovë, inaugurohen për herë të parë mbushësit e veturave elektrike

Prishtinë

Janë inauguruar për herë të parë në Kosovë mbushësit elektrik për vetura, të cilat do të jenë pa pagesë për përdoruesit e veturave elektrike, raporton Anadolu Agency (AA).

Në këtë mënyrë, Komuna e Prishtinës, në vazhdën e përpjekjeve për të mbrojtur ambientin në kryeqytet, është bërë komuna e parë në Kosovë që instalon mbushësit elektrik për automjete.

Kryetari i Komunës së Prishtinës, Shpend Ahmeti tha se deri më tash kanë marrë disa veprime për mbrojtjen e ambientit në kryeqytet.

Ai tha se mbushëset e inauguruara sot prapa Pallatit të Rinisë në qendër të Prishtinës, janë të parat ndërsa do të vazhdohet edhe me instalimin e mbushësve të tjerë nëpër qytet.

“Këto janë të parat, tashmë Komuna do të fillojë me stacione tjera mbushëse dhe po ashtu do të kemi iniciativa që të gjitha ata që kanë vetura të plota elektrike parkingun do ta kenë falas. Dhe, po ashtu në fillim mbushja e tyre do të jetë pa para”, tha Ahmeti.

Ahmeti tha se Prishtina së shpejti do të bëhet pjesë e grupit të qyteteve të BERZHI-it që janë pjesëmarrëse në Planin Aksional të Qyteteve të Gjelbra ku do t’i ketë disa projekte të gjelbra.

Ndër to, Ahmeti përmendi edhe 30 autobusë të rinj të cilët do të vijnë deri në fund të vitit, gjashtë nga të cilët do të jenë elektrik. Po, kështu kreu i Prishtinës tha se kanë nënshkruar dhe janë para aprovimit të projektit për ngrohje qendrore me panele solare.

Sipas Claus Peter Zeitinger nga ProcCredit Bank, bankë me të cilën u mundësua ky investim, tha se një mbushës, pa shërbime shtesë, ka kushtuar rreth 600 euro ndërsa ai mund të instalohet kudo.

Këtë projekt e ka mirëpritur edhe kryeshefi ekzekutiv i “Prishtina Parking”, Liridon Restelica, i cili tha se kanë përkrahur këtë projekt që nga fillimi. Ai ftoi qytetarët të pajisjen me kartela dhe ta përdorin falas parkingun dhe mbushjen e veturave elektrike.

Prishtina është qyteti me cilësinë më të dobët të ajrit në Kosovë sipas shumë raporteve të publikuara vitet e fundit. Sipas autoriteteve komunale kjo ndotje vjen për shkak të frekuentimit të lartë të automjeteve dhe qytetarëve, e po kështu, gjatë dimrit edhe për shkak të ngrohjes me dru dhe thëngjill.


Send this to a friend