VOAL

VOAL

Please Wait ...
0%

Vritet ambasadori italian në Republikën Demokratike të Kongos

By | February 22, 2021
blank

Komentet

blank

Imazhe satelitore të grumbullimit të ushtrisë në Rusi dhe Ukrainë

Imazhe satelitore të pajisjeve ushtarake që Rusia ka vendosur në afërsi të kufirit me Ukrainën. Foto:Maxar Technologies (Courtesy Image)

Fotografitë e publikuara më 20 prill tregojnë se si grumbullimin e pajisjeve ushtarake ruse në Gadishullin ukrainas të Krimesë dhe përgjatë kufirit mes Rusisë dhe Ukrainës.

Avionët ushtarakë rusë të tipit Sukhoi Su-34 shihen në pistën e bazës ajrore ruse, Morozovsk.

Fotografitë që janë përdorur në këtë tekst janë realizuar midis 27 marsit dhe 16 prillit nga Maxar Technologies, një kompani për imazhe satelitore që siguron “90 për qind të inteligjencës kryesore gjeohapësinore që përdoret nga Qeveria e Shteteve të Bashkuara”.

Tanke, kamionë dhe pajisje të tjera ushtarake shihen në zonën e stërvitjes Pogorovo në afërsi të Voronezh, në Rusi.

Kreu i Maxar Technologies, Dan Jablonsky, tha për The Wall Street Journal se kompania e tij i bëri publike këto fotografi sepse është e “përkushtuar për transparencë”.

Tenda të ngritura dhe pajisje të tjera janë vendosur në zonën e stërvitjes në Angarsy që gjendet në Krime, gjatë zbarkimit të fundit të ushtrisë ruse në këtë zonë.

Tensionet në mes të Shteteve të Bashkuara dhe Rusisë janë rritur javëve të fundit dhe presidenti amerikan, Joe Biden javën e kaluar njoftoi për sanksione të reja ndaj Moskës, për shkak të ndërhyrjes në zgjedhje dhe për sulmin masiv kibernetik SolarWinds.

Njësitë ajrore janë parë duke manovruar teksa ushtria ruse është vendosur në qendrën stërvitore Angarsy në Krime.

Zyrtarët amerikanë thonë se numri i trupave ruse në Krime dhe në afërsi të kufirit me Ukrainë është dyfishuar gjatë muajit të fundit.

Baza ajrore Kirovskoye në Gadishullin e Krimesë.

Avionët luftarakë rusë të vendosur në bazën ajrore Saki në Krime.

Tanke dhe pajisje të tjera ushtarake shihen në qendrën e stërvitjeve në afërsi të Voronezhit, në Rusi.

Rusia ka vendosur pajisje ushtarake edhe në qendrën stërvitore Opuk, në bregdetin e Detit të Zi në Krime.

Pamje satelitore nga qendra stërvitore në afërsi të Voronezhit të Rusisë.

Më 20 prill, ushtria ukrainase publikoi fotografitë të saja të ushtrimeve me tanke në një lokacion në “lindje të Ukrainës”, por nuk tregoi saktë se ku po zhvillohen këto ushtrime.

Ukraina ka kryer ushtrime me tanke në një lokacion të panjohur në lindje të vendit.

Ushtarët ukrainas vozisin makinat për sulme kundër-ajrore të tipit Tunguska.

Ushtarët ukrainas me tanke, marrin pjesë në një stërvitje ushtarake.

Më 19 prill, ministri i Jashtëm ukrainas, Dmytro Kubela i bëri thirrje Bashkimit Evropian që të “dekurajojë Moskën nga përshkallëzimi i mëtejmë i situatës”, duke kërkuar që ndaj Rusisë të vendosen sanksione të reja.

blank

Putini paralajmëron vendet rivale që shkelin “vijën e kuqe” të Rusisë

VOA

Presidenti rus Vladimir Putin po paralajmëron rivalët e huaj kundër provokimit apo vënies në provë të forcës së vendit të tij, duke këmbëngulur se përgjigjja e Rusisë do të ishte “asimetrike, e shpejtë dhe e ashpër”.

Komentet u bënë të mërkurën gjatë fjalimit të tij vjetor mbi gjendjen e vendit, mbajtur para zyrtarëve të lartë dhe të dyja dhomave të parlamentit rus. Putini tha gjithashtu se Rusia po përpiqet për marrëdhënie të mira me vendet e tjera. Ai u ofroi një ftesë vendeve për të “diskutuar çështje që lidhen me armët strategjike dhe sigurimin e stabilitetit global”.

Putini vazhdoi më tej duke sugjeruar se në disa vende, është bërë zakon të “fajësohet Rusia për gjithçka. Sikur të ishte një lloj sporti”. Ai tha se Rusia është përmbajtur dhe nuk i është përgjigjur kësaj armiqësie apo vrazhdësie të qartë.

Presidenti rus tha më tej se nëse dikush i gjykonte qëllimet e mira të Rusisë si moskokëçarje ose dobësi, “dhe është i gatshëm të djegë apo edhe të hedhë në erë ura lidhëse, duhet të dijë se përgjigja e Rusisë do të jetë asimetrike, e shpejtë dhe e ashpër”.

“Unë shpresoj që askush nuk do të mendojë të kalojë vijën e kuqe me Rusinë. Dhe ku do të jetë kjo vijë e kuqe, në secilin rast të veçantë, do ta përcaktojmë ne vetë atë”, tha presidenti rus.

Retorika e ashpër vjen një javë pasi Shtetet e Bashkuara vendosën sanksione të reja ekonomike dhe diplomatike kundër Rusisë për përpjekjet e saj për të ndërhyrë në zgjedhjet amerikane dhe për sulmet e saj kibernetike ndaj kompanive dhe institucioneve amerikane.

Pjesa më e madhe e fjalimit të Putinit u përqëndrua në çështje të brendshme, veçanërisht në trajtimin e pandemisë COVID-19 dhe përpjekjet për të ndihmuar ekonominë e saj të dobët të rimëkëmbet nga vështirësitë që ka sjellë virusi.

blank

Mbretëria e Bashkuar synon të krijojë anti-viralë kundër COVID-19

Mbretëria e Bashkuar do të nisë kërkimet për anti-viralë, që do të trajtonin sëmundjen e shkaktuar nga koronavirusi, COVID-19.

Lajmi u bë i ditur nga kryeministri britanik, Boris Johnson, i cili tha se deri në fund të vitit, vendi synon të ketë “së paku dy trajtime efektive në shtëpi”.

Johnson tha se vaksinat kundër sëmundjes dhe testimi i rregullt janë gjëra kyçe për të rikthyer normalitetin deri në verë, por shtoi se Qeveria e tij do t’i mbështesë edhe kërkimet për terapi, që do të ndihmojnë luftën kundër pandemisë.

“Task-forca jonë e re për anti-viralë do të përpiqet të zhvillojë trajtime inovative, që mund t’i bëni në shtëpi, për të ndaluar sëmundjen COVID-19”, tha Johnson në një konferencë për media në Londër.

“Këto mund të sigurojnë një mbrojtje tjetër jetike kundër rritjes së infeksioneve në të ardhmen dhe të shpëtojnë më shumë jetë”, shtoi ai.

Këshilltari kryesor shkencor i Qeverisë britanike, Patrick Vallance, tha se anti-viralët në formë tablete mund të ndihmojnë mbrojtjen e njerëzve që nuk mund të vaksinohen.

Sipas tij, ato do të jenë një “shtresë e mbrojtjes” edhe kundër varianteve të reja të koronavirusit.

Mbretëria e Bashkuar, dhjetorin e kaluar, është bërë vendi i parë në botë që ka nisur vaksinimin kundër koronavirusit.

Deri më 20 prill, 2021, mbi 33 milionë njerëz në Mbretërinë e Bashkuar kanë marrë dozën e parë të një vaksine.

Ky vend ka numrin më të madh të viktimave nga koronavirusi në Evropë: mbi 127,000. rel

blank

Rusia ndalon fluturimet mbi pjesë të Krimesë dhe Detit të Zi

Moskë

Sipas Njoftimit për Avionet (NOTAM), Rusia përkohësisht ka kufizuar fluturimet e aviacionit mbi pjesë të Krimesë dhe Detit të Zi, transmeton Anadolu Agency (AA).

“Zona është shpallur përkohësisht e rrezikshme për fluturimet e avionëve”, tha dokumenti i NOTAM-it.

Zona e kufizimit të fluturimit përfshin disa zona mbi pjesën jugore të Krimesë, përkatësisht nga Sevastopol-i deri në Feodosia, ujërat territoriale ngjitur me bregdetin jugor të Krimesë, si dhe një pjesë të ujërave ndërkombëtare të Detit të Zi.

Më 14 prill, Rusia njoftoi pezullimin e mundësisë së kalimit të anijeve të huaja luftarake nëpër ujërat e saj territoriale në Detin e Zi nga 24 prilli deri më 31 tetor.

Masa erdhi një ditë pasi ministri rus i Mbrojtjes, Sergey Shoygu, tha se vendi i tij “po merr masa në përgjigje të kërcënimeve nga NATO”.

Në një deklaratë tjetër, zv/ministri rus i Punëve të Jashtme, Sergey Ryabkov, shpjegoi se kufizimet vlejnë për anijet luftarake dhe jo për anijet tregtare dhe civile.

Duke iu përgjigjur protestës nga Kievi, e cila kërkoi anulimin e kufizimeve, zv/ministri Ryabkov tha se nuk u vendosën kufizime për përdorimin e porteve të Ukrainës në Detin Azov dhe për tregtinë e saj dhe transportin civil në rajon.

Por Departmenti i Shtetit i SHBA-së masën e Rusisë e cilësoi si “një përshkallëzim”.

Konflikti në juglindje të Ukrainës është përshkallëzuar javët e fundit. Kievi dhe separistët e mbështetur nga Rusia akuzojnë njëri-tjetrin për shkelje të armëpushimit.

Në javët e fundit, Rusia ka mbledhur forca të gatshme për luftim pranë kufirit ukrainas, që konsiderohet si masa më e madhe e trupave ruse që nga aneksimi i paligjshëm i Krimesë në vitin 2014.

blank

SHBA paralajmëron qytetarët e saj të mos udhëtojnë në 80 për qind të vendeve në botë

Washington DC

Departamenti i Shtetit të SHBA-së njoftoi se për shkak të koronavirusit të ri (COVID-19) do të publikojnë paralajmërimin e nivelit 4 për udhëtimin i cili nënkupton që qytetarët “mos të udhëtojnë” në 80 për qind të vendeve në botë, transmeton Anadolu Agency (AA).

Në një deklaratë me shkrim nga Departamenti thuhet se pandemia e COVID-19 përbën “rreziqe të pashembullta” për personat që udhëtojnë. “Në drejtim të këtyre rreziqeve, Departamenti Amerikan i Shtetit u rekomandon fuqimisht shtetasve të SHBA-së që të rishikojnë udhëtimet e tyre jashtë vendit”, thuhet në deklaratë.

Departamenti duke filluar nga kjo javë do të përditësojë paralajmërimet për udhëtimet drejt vendeve. “Si rezultat i këtyre përditësimeve, do të jepet paralajmërimi i nivelit 4: Mos udhëtoni në shumë vende i cili përkon me 80 për qind të vendeve në botë”, thuhet më tej në deklaratë.

Aktualisht në mesin e vendeve për të cilat SHBA-ja ka dhënë paralajmërimin e nivelit 4 për udhëtim janë vende të tilla si Çadi, Kosova, Kenia, Brazili, Argjentina dhe Haiti.

Gjithashtu SHBA-ja ka ndaluar hyrjen në vend për personat që nuk janë shtetas amerikanë dhe që vijnë nga vendet e zonës Shengen, Britania e Madhe, Kina, Brazili, Irani dhe Afrika e Jugut.

blank

HRW akuzon Kinën për krime kundër njerëzimit në Ksinjiang

Dy gra të komunitetit ujgur.

Organizata ndërkombëtare për të drejta të njeriut Human Rights Watch, ka thënë se Qeveria komuniste e Kinës është duke kryer krime kundër njerëzimit sa i përket trajtimit të ujgurëve dhe grupeve tjera myslimane në rajonin e Ksinjiangut.

Udhëheqja kineze është përgjegjëse për politikat sistematike të burgosjeve masive, torturimit dhe persekutimit kulturor, është thënë në raportin e ri të kësaj organizate, të publikuar më 19 prill.

Në raport, Human Rights Watch bën thirrje për veprim të koordinuar ndërkombëtar, për të sanksionuar ata që janë përgjegjës, dhe për të rritur shkallën e përgjegjësisë, si dhe t’i bëjë presion Qeverisë kineze për të ndryshuar qasjen.

Shtetet e Bashkuara kanë përdorur termin gjenocid për të përshkruar trajtimin që po u bëhet ujgurëve.

Kina, në anën tjetër, e mohon akuzën, duke e përshkruar situatën në Ksinjiang si çështje të brendshme.
Pekini pretendon se kampet në këtë rajon kanë qëllim trajnimet dhe synojnë të luftojnë ekstremizmin islamik.

Raporti i ri dokumenton një mori shkeljesh të të drejtave të njeriut si: ndalime arbitrare, zhdukje, vëzhgime masive, ndarje të familjeve, kthime të detyrueshme në Kinë, punë të detyrueshme, dhunë seksuale dhe shkelje të të drejtave për riprodhim.

Autorët e raportit i bëjnë thirrje Këshillit të Kombeve të Bashkuara për të Drejta të Njeriut, që të krijojë një trup me autoritet për të hetuar pretendimet për krime kundër njerëzimit, të identifikojë zyrtarët përgjegjës për abuzime dhe të gjejë mënyra për t’i mbajtur ata përgjegjës.
Në raport rekomandohet edhe vendosja e ndalimit të marrjes së vizave për personat përgjegjës si dhe kufizime tregtare, në mënyrë që t’i jepet fund praktikës së punës së detyrueshme në Kinë. rel

blank

Britania i bën thirrje Rusisë të lirojë menjëherë opozitarin Navalny

Londër

Britania e Madhe është thellë e shqetësuar nga përkeqësimi i situatës shëndetësore të opozitarit rus Alexei Navalny i cili ndodhet në burg, transmeton Anadolu Agency (AA).

Ministria e Jashtme britanike në një deklaratë i bëri thirrje Rusisë që të lirojë menjëherë Navalny-n i cili është i arrestuar për “arsye politike”.

“Ka shqetësim të thellë nga lajmet lidhur me përkeqësimin e situatës shëndetësore të Navalny-t”, thuhet në deklaratën ku kërkohet që të lejohen punonjës të pavarur të shëndetësisë që të vëzhgojnë situatën shëndetësore të Navalny-t.

Opozitari rus Navalny njoftoi fillimin e grevës së urisë duke treguar si arsye refuzimin e kërkesës së tij për ndihmë mjekësore në burgun ku ai ndodhet.

Navalny u arrestua dhe u vendos në burg pasi gjykata e Moskës më 2 shkurt, dënimin e pezulluar me 3.5 vite burg me të cilin Navalny ishte dënuar si rezultat i një çështjeje për korrupsion në të kaluarën e ktheu në dënim me burg prej 2.5 vitesh duke llogaritur edhe kohën që ai ka kaluar në arrest shtëpiak.

blank

Izraeli dhe Greqia nënshkruajnë marrëveshje rekord për mbrojtjen

Izraeli dhe Greqia kanë nënshkruar marrëveshjen e tyre më të madhe të prokurimit të mbrojtjes, që sipas Izraelit do të forconte lidhjet politike dhe ekonomike midis vendeve ndërsa forcat ajrore të dy vendeve filluan një stërvitje të përbashkët.

Marrëveshja përfshin një kontratë $ 1.65 miliardë dollarë për krijimin dhe funksionimin e një qendre trajnimi për Forcën Ajrore Greke nga kontraktuesi izraelit i mbrojtjes Elbit Systems për një periudhë 22-vjeçare, tha të dielën ministria e mbrojtjes së Izraelit.

Qendra e trajnimit do të modelohet nga vetë akademia e fluturimeve të Izraelit dhe do të pajiset me 10 avionë trajnues M-346 të prodhuar nga Leonardo i Italisë, tha kjo ministri. Elbit do të furnizojë me pajisje për të azhurnuar dhe operuar aeroplanët T-6 të Greqisë dhe gjithashtu të sigurojë trajnim, simulues dhe mbështetje logjistike.

“Unë jam i sigurt që ky program do të përmirësojë aftësitë dhe do të forcojë ekonomitë e Izraelit dhe Greqisë dhe kështu partneriteti midis dy vendeve tona do të thellohet në mbrojtje, nivele ekonomike dhe politike”, tha Ministri izraelit i Mbrojtjes Benny Gantz. bw

blank

Rusia dëbon 20 diplomatë çekë. SHBA: Qëndrojmë krah Çekisë

Marrë nga Reuters

Në Rusi, Agjencia Shtetërore e Lajmeve RIA njoftoi se autoritetet po dëbojnë nga vendi 20 diplomatë çekë, të cilët i kanë urdhëruar të largohen deri të hënën.

Masa vjen si hakmarrje ndaj vendimit të Pragës për të dëbuar disa diplomatë rusë duke akuzuar Moskën se qëndronte pas një shpërthimi në një depo municionesh të këtij vendi. Agjensia ruse e Lajmeve RIA citonte ministrinë e Jashtme ruse.

Të dielën Shtetet e Bashkuara thanë se qëndrojnë krah Republikës Çeke lidhur me vendimin për të dëbuar diplomatët rusë.

SHBA qëndron me Republikën Çeke në përgjigjen e saj të vendosur kundër veprimeve keqdashëse të Rusisë në tokën e çeke“, shkruante zëdhënësi i Departamentit të Shtetit Ned Price në Twitter.

Ne duhet të veprojmë në mënyrë të vendosur në përgjigje të veprimeve ruse që vënë në rrezik integritetin territorial, sigurinë energjitike ose infrastrukturën kritike të aleatëve dhe partnerëve tanë“, tha ai,

Republika Çeke tha të dielën se ka informuar aleatët e NATO-s dhe Bashkimit Evropian në lidhje me përfshirjen e dyshuar ruse në një shpërthim depoje municionesh në vitin 2014 dhe çështja do të trajtohet të hënën në një takim të ministrave të jashtëm të BE-së.

Vendi i Evropës Qendrore dëboi 18 punonjës të ambasadës ruse të shtunën për këtë çështje dhe tha se hetimet i lidhnin shërbimet ruse të zbulimit me shpërthimin, i cili la pas vetes dy të vrarë.

Kryeministri çek, Andrej Babish, tha se të 18 diplomatët, të cilët janë identifikuar se kanë punuar për shërbimet ruse të inteligjencës, kanë 48 orë afat për t’u larguar nga vendi.

Duke reaguar ndaj dëbimeve, zëdhënësja e ministrisë së Jashtme të Rusisë, Maria Zakharova, tha për mediat ruse se “Praga është e vetëdijshme se çfarë pason lojërat e tilla”.

Agjencia e lajmeve ruse Interfax, citoi Vladimir Dzhabarovin, nënkryetar i parë i komitetit të çështjeve ndërkombëtare të dhomës së lartë të parlamentit rus të jetë thënë se pohimet e Pragës janë absurde dhe përgjigja e Rusisë duhet të jetë proporcionale.

Dëbimet dhe akuzat çeke kanë shkaktuar mosmarrëveshjen më të madhe me Rusinë që nga fundi i sundimit komunist në vitin 1989, kur Praga ishte nën dominimin e Moskës.

Incidenti ndodhi mes shqetësimit perëndimor për një grumbullim të madh ushtarak rus në kufijtë perëndimorë të Rusisë dhe në Krime, të cilën Moska e aneksoi nga Ukraina në vitin 2014, pas një shtimi luftimesh midis separatistëve të mbështetur nga Rusia dhe forcave qeveritare në Ukrainën lindore.

Të dielën, Komisioni Evropian konfirmoi njoftimin e ministrit të Jashtëm çek, Jan Hamacek, se mosmarrëveshja me Rusinë do të trajtohet gjatë një video konference të ministrave të jashtëm, të planifikuar që më parë për të hënën.

Ndërkohë, policia çeke tha se është vënë në kërkim të dy burrave në lidhje me një veprimtari serioze kriminale të cilët mbanin pasaporta ruse me emrat Alexander Petrov dhe Ruslan Boshirov, dhe se burrat kishin qëndruar në Çeki në ditët para shpërthimit të vitit 2014.

Këto ishin pseudonimet e përdorura nga dy oficerë të zbulimit ushtarak rus (GRU) të cilët prokurorët britanikë i akuzuan për përpjekjen për helmimin e ish-spiunit rus Sergei Skripal dhe vajzës së tij Yulia me agjentin nervor Novichok në qytetin anglez të Salisbury në vitin 2018. Moska mohoi përfshirjen në atë incident.

Shtetet e Bashkuara dhe Britania e Madhe u solidarizuan me Republikën Çeke në mosmarrëveshjen e saj me Rusinë.

Sekretari i Jashtëm britanik, Dominic Raab, shkroi se çekët “kanë ekspozuar se sa larg mund të shkojë GRU në përpjekjet për të kryer operacione të rrezikshme dhe malinje”, duke iu referuar agjencisë së inteligjencës ushtarake ruse.

Ambasada amerikane në Pragë tha në një deklaratë Uashingtoni vlerëson “veprimin e rëndësishëm të Republikës Çeke për t’i imponuar Rusisë çmimin për veprimet e saj të rrezikshme në tokën çeke”.

Shtetet e Bashkuara vendosën sanksione kundër Rusisë të enjten, për ndërhyrjen në zgjedhjet amerikane të vitit të kaluar, ndërhyrjet kibernetike, sulmet ndaj Ukrainës dhe veprime të tjera të dëmshme, duke e shtyrë Moskën të hakmerret.

Muajin e kaluar, presidenti amerikan, Joe Biden, tha se mendonte që presidenti rus Vladimir Putin ishte një “vrasës” dhe pas kësaj Moska tërhoqi ambasadorin e saj në Uashington për këshillime.

Incidenti ndodhi në një periudhë të ndjeshme për marrëdhëniet Çeki-Rusi.

Qeveria çeke po planifikon të hapë një tender prej miliarda eurosh për të ndërtuar një central të ri bërthamor dhe shërbimet e sigurisë kanë kërkuar që Rusia të përjashtohet nga ofertat si një rrezik sigurie.

Presidenti Milosh Zeman dhe zyrtarë të tjerë të lartë kanë argumentuar në favor të Rusisë Ministri i industrisë tha të shtunën se incidenti mund të ndikojë në proces.

Presidenti i Senatit çek, tha se shpërthimi i vitit 2014 mund të konsiderohet akt i “terrorizmit shtetëror”.

“Nëse konfirmohet, ne duhet t’i konsiderojmë veprimet e shërbimeve sekrete ruse si manifestim serioz të agresionit dhe armiqësisë, që mund të përshkruhet edhe si akt i terrorizmit”, u tha gazetarëve Milos Vystrcil, kundërshtar politik dhe kritik i kryeministrit Babish. VOA

blank

Paralajmërohen protesta masive në Rusi “për ruajtjen e jetës së Navalnyt”

Ekipi i kritikut të burgosur të Kremlinit, Aleksei Navalnyt, ka bërë thirrje të dielën për mbajtje të protestave masive në Rusi, javën e ardhshme, pasi mjekët kanë paralajmëruar se ai mund të vdesë brenda ditësh.

Navalny është kritiku më i madh i presidentit rus Vladimir Putin.

Protestat në mbështetje të Navalnyt pritet të mbahen disa orë pasi Putin të zhvillojë një konferencë para kombit, të mërkurën e javës së ardhshme.

“Është koha për të vepruar. Ne nuk jemi duke folur vetëm për lirinë e Navalnyt, por për jetën e tij”, ka thënë bashkëpunëtori i Navalnyt, Leonid Volkov.

Ai ka thënë se marshi i së mërkurës në orën 19:00 mund të jetë vendimtar në luftën kundër “djallit absolut”, apo edhe të jetë marshi i fundi i opozitës në vjetët në vijim.

“Thirrni të gjithë ata që njihni dhe dilni në sheshet kryesore”, ka thënë Volkov, teksa ka shtuar se protestat mund të jenë masive.

“Mos mendoni se asgjë nuk varet nga ne”.

Autoritetet kanë rritur presionin ndaj mbështetësve të Navalnyt në muajt e fundit, duke ndaluar më shumë se 10.000 protestues në protestat opozitare, që janë mbajtur në janar dhe shkurt të këtij viti.

Prokurorët rusë i kanë kërkuar të premten gjykatës që ta shpallë lëvizjen e Navalnyt, dhe rrjetin e tij të zyrave rajonale, si organizata “terroriste”.

Përmes këtij hapi, lëvizja e Navalnyt mund të bëhet e jashtëligjshme në Rusi dhe mund të rezultojë me burgosje të anëtarëve apo edhe mbështetësve të tij. rel

blank

54 % e popullsisë e vaksinuar, nga sot Izraeli pa maska në ambiente të hapura

Ashtu siç edhe u njoftua, nga dita e sotme qytetarët në Izrael do të lëvizin pa maska në ambiente të hapura.

Vendi ka nisur një shtrirje të suksesshme të aplikimit të vaksinave me 54 % të popullsisë.

Rreth 9,3 milion qytetarë kanë marrë të dy dozat e vaksinës Pfizer/BioNTech.

Ndërkohë sipas autoriteteve maska do të vijojë të mbahet në ambiente të mbyllura.

blank

Mjekët paralajmërojnë se Navalny mund të vdesë shpejt

 

Presidenti amerikan Joe Biden e ka konsideruar gjendjen e kritikut të Kremlinit Aleksei Navalny “të padrejtë”, pasi mjekët dhe zëdhënësja e Navalnyt kanë paralajmëruar se ai mund të vdesë shpejt, për shkak të grevës së urisë.

“Është absolutisht, absolutisht e padrejtë dhe aspak e duhur”, u ka thënë Biden gazetarëve në Uilmington, Delauer, duke iu përgjigjur pyetjes rreth raportimeve për përkeqësim të gjendjes shëndetësore të Navalnyt.

Biden po ashtu ka theksuar se gjendja e tij e përkeqësuar shëndetësore është edhe rezultat i helmimit të Navalnyt në verën e vitit të kaluar.

Shëndeti i Navalnyt është i dobët dhe ai mund të përballet me sulm në zemër “në çdo minutë”, sipas mjekes së tij personale dhe tre mjekëve të tjerë.

Letra është postuar më 17 prill, në llogarinë e mjekes personale të Navalnyt, Anastasia Vasilyeva, e cila ka thënë se ekipi i mjekëve ka shprehur gatishmëri për të organizuar negociata dhe konsultime.

Navalny, 44-vjeçar, ka bërë të ditur se do të nisë grevën e urisë në fund të muajin të kaluar, si shenjë proteste ndaj refuzimit të autoriteteve të burgut për t’i lejuar atij qasje në kujdes të duhur mjekësor për dhimbjen që ka në shpinë dhe këmbë.

E përditshmja amerikan The New York Times ka trajtuar situatën e Navalnyt në një shkrim editorial më 17 prill, duke thënë se vendimi nëse mjekët lejohen që ta trajtojnë Navalnyn “varet qartësisht nga presidenti Vladimir Putin”.

”Putin duhet ta kuptojë se lënia e Navalnyt që të vdesë në një kamp pune do ta konfirmonte në mënyrë solide se Putin është ‘vrasës’, përshkrim që i ka bërë së fundmi presidenti Biden, dhe despot që është i gatshëm të shkojë deri në fund kundër kritikëve të tij”, është thënë në shkrimin editorial.

Aty është përmendur edhe që më shumë se 70 shkrimtarë, artistë dhe akademikë të njohur ndërkombëtarë kanë nënshkruar një letër për Putinin, duke bërë thirrje që Navalny të trajtohet nga mjekët, e drejtë që i takon sipas ligjit rus.

Letra është publikuar në gazetat britanike, franceze, gjermane dhe italiane.

Në mesin e personave të mirënjohur që kanë nënshkruar letrën janë laureatët e çmimit Nobel në Letërsi si John Coetzee, Svetlana Aleksievich, Louise Glueck, Herta Mueller, dhe Orhan Pamuk; fituesi i Çmimit Pulitzer Art Spiegelman; aktorët Stephen Fry, Benedict Cumberbatch, dhe David Duchovny; dhe autorët Tom Stoppard, J.K. Roëling, dhe Michael Cunningham.

Navalny është arrestuar në muajin janar, pasi ka arritur nga Gjermania në Rusi.

Në Berlin ai është trajtuar nga helmimi që i është bërë në Siberi.

Nëpër laboratorët evropianë është vërtetuar se Navalny është helmuar me agjent nervor.

Ai ka akuzuar Putinin për helmimin, pretendim që Kremlini e mohon.

Një gjykatë në Moskë e ka dënuar Nanvalnyn më 2 vjet e gjysmë burgim, për akuza që ai i konsideron të motivuara politikisht. rel


blank
blank
blank
blank
blank
blank
blank
blank
blank
blank
blank
blank
Send this to a friend