Luli Progni – Kështu nisi e me këtë model lideri, historia e pluralizmit politik në Shqipëri. Diku nëpër podiumet e mitingjeve të ethshme kundër diktaturës në ato fillime të postkomunizmit, ishte shfaqur edhe një personazh tjetër. Ishte Edi Rama, intelektual i kohës që mbante fjalime kundër komunistëve e propozonte nxjerrjen jashtë ligji të partisë së tyre, që kishte qenë partia-shtet e diktaturës.
Ndërkohë Ilir Meta ishte një student dhjetori, që sapo kishte vendosur t’i bashkohej historisë së re të PPSH-së, që muajt e parë të pluralizmit kishte marrë emrin Partia Socialiste e Shqipërisë.
Në atë kohë askush se njihte Lulzim Bashën. Ishte veçse një 16-vjeçar, aktivist nëpër komisionet e Partisë Demokratike… Ishte koha kur po formohej elita.
Jeta e re politike në kushtet e pluralizmit, do të niste me krizë, për t’u pasuar me dhjetëra të tjera, mandat pas mandati e vit pas viti.
Pas shpalljes së pluralizmit politik në Shqipërinë e vitit 1990, vendi shkoi në zgjedhje tre muaj më pas dhe më 31 mars të vitit 1991, të parat zgjedhje pluraliste, PPSH fitoi shumicën.
Në krye të qeverisë u vendos Fatos Nano, i zgjedhur në atë post si i besuar i liderit të fundit komunist Ramiz Alia. Opozita e sapoformuar e kontestoi procesin dhe nisi protestat për rrëzimin e qeverisë “Nano”.
Në protestën e Shkodrës më 2 prill 1991, u vranë katër aktivistë të PD-së. Ngjarja e 2 prillit u pasua me bojkot të demokratëve nga Parlamenti dhe situata e acaruar diktoi marrëveshje politike mes PPSH-së dhe PD-së, e cila rrëzoi qeverinë “Nano” për të vijuar me vendosjen e krijimit të qeverisë së stabilitetit kombëtar, e cila funksionoi për 6 muaj deri në zgjedhjet e 22 marsit të vitit 1992.
Kriza e zgjedhjeve të 26 majit
Partia Demokratike mori mazhorancën absolute dhe President i vendit u zgjodh Sali Berisha. Ai diktoi një qeverisje me element të dukshëm të autoritarizmit dhe pas katër vitesh qeverisje, PD shkoi në zgjedhjet e 26 majit pa e përfillur opozitën socialiste.
Partia Socialiste bojkotoi zgjedhjeve në mes të ditës, duke akuzuar mazhorancën për manipulim. Procesi u vlerësua i manipuluar. Ndërkohë kishin nisur të lulëzonin firmat piramidale dhe shpejt do të vinte falimenti i tyre. Shqipëria u gjend në një situatë dramatike në mars të vitit 1997. Protesta të dhunshme përfshinë gjithë Shqipërinë.
Kriza e 1997-ës, marrëveshja e 9 marsit
Në këtë situatë kaotike e surreale, më 9 mars 1997 Sali Berisha President thirri tryezën e partive politike, ku u nënshkrua Marrëveshja e Paktit Kombëtar. Takim në të cilin u shpall krijimi i Qeverisë së Pajtimit Kombëtar, me përfaqësimin e të gjitha forcave politike në dialog dhe u shpallën zgjedhjet e parakohshme parlamentare në qershor 1997. PS dhe koalicioni i majtë i fituan zgjedhjet dhe nisën qeverisjen.
14 shtator 1998, vrasja e Hajdarit
Më 12 shtator 1998, para selisë së PD-së u vra deputeti demokrat Azem Hajdari. Dy ditë më pas më 14 shtator gjatë ceremonisë mortore, plasi revolta e demokratëve para selisë së Kryeministrisë, që u pasua me dorëheqjen e kryeministrit Fatos Nano.
Kriza politike u zhvendos brenda mazhorancës socialiste. Opozita vazhdonte presionet dhe në këtë situatë kaotike u formua qeveria e re socialiste nën drejtimin e kryeministrit të ri Pandeli Majko.
Pas zhvillimesh të vrullshme brenda PS-së, në zgjedhjet e vitit 2001, qeveria socialiste drejtohej nga Ilir Meta. Zgjedhjet i fitoi sërish PS, por procesi pati mangësi të theksuara të standardeve dhe u vlerësuan të krahasueshme për nga manipulimi, me ato të vitit 1996.
Vendi ishte në prag krize, ndërkohë po afrohej edhe koha për zgjedhjen e Presidentit të ri të Republikës.
Në këtë situatë, më ndërmjetësimin e ndërkombëtarëve dy liderët e partive kryesore Fatos Nano e Sali Berisha, që deri atëherë më shumë se sa kundërshtarë politik ishin shpallur armiq të njëri-tjetrit, u ulën në bisedime.
Marrëveshja Nano-Berisha
Në takimin Nano-Berisha të fillim prillit 2002, u arrit marrëveshja e cila vendosi zgjedhjen e Presidentit konsensual Alfred Mosiu. Opozita u kthye në Parlament. Tri vitet në vazhdim do të dominoheshin nga ndryshimet në qeveri, të diktuara nga lufta e grupeve kundërshtare në PS.
Dorëheqja e Ilir Metës dhe largimi bashkë me mbështetësit e tij në PS, krijuan krizë në qeverisjen e së majtës. Mbahet mend qeverisja e Nanos me katër zv/ministra, pasi Meta dhe opozita bashkuan votat dhe rrëzuan kandidatët e Nanos për katër ministri.
Kriza vazhdoi deri në Kongresin e dhjetorit, kur Fatos Nano spastroi partinë nga kundërshtarët dhe krijoi qeverinë e re, e cila do të vazhdonte deri në zgjedhjet e vitit 2005.
Ndërkohë, Ilir Meta dhe grupi i mbështetësve të tij në PS themeluan partinë e tyre, Lëvizja Socialiste për Integrim. Vendi shkoi në zgjedhjet e 3 korrikut 2005, të cilat i fitoi Partia Demokratike me një diferencë të ngushtë votash. Sali Berisha ia doli të krijojë qeverinë. Fatos Nano në krye të PS-së si humbëse e zgjedhjeve dha dorëheqje nga posti i kryetarit të partisë dhe në vend të tij u zgjodh brenda pak muajsh Edi Rama, i cili në atë kohë ishte kryetar i bashkisë së Tiranës, në mandatin e tij të dytë.
Kriza e certifikatave
Në prag të zgjedhjeve lokale, Edi Rrama kërkoi shtyrjen e tyre, pasi pretendonte se certifikatat me të cilat votonin shqiptarët nuk jepnin garanci për zgjedhje të lira. Kriza politike po arrinte kulmin, ndërsa presidenti Alfred Moisiu kishte firmosur dekretin që zgjedhjet lokale të mbaheshin më 20 janar të 2007. Rama e refuzoi edhe këtë datë zgjedhjesh dhe kështu nisi ndërmjetësimi nga ndërkombëtarët.
Pas ndërhyrjes së ndërkombëtarëve më 11 janar 2007, presidenti Moisiu thirri në takim krerët e partive politike të mazhorancës dhe opozitës dhe kërkoi prej tyre zgjidhje finale. Takimi i krerëve të politikës zgjati gati 24 orë, derisa më 12 janar u arrit kompromisi. Data e zgjedhjeve u vendos 18 shkurti. Kështu u zgjidh edhe kjo krizë për të mbërritur deri në fund të këtij mandati në pranverën e vitit 2009, në zgjedhjet parlamentare të radhës të 28 qershorit.
Në përballjen elektorale të vitit 2009, Berisha rikonfirmoi fitoren, por fitorja nuk i garantonte vazhdimësi në qeverisje. Pak ditë pas 28 qershorit, Berisha ftoi Metën në marrëveshje për bashkëqeverisje. Rama dhe socialistët i vlerësuan të manipuluara zgjedhjet dhe bojkotuan Parlamentin. Me sloganin “hap kutitë ose largohu” nisën protestat deri në ngujimin tek çadrat para Kryeministrit, ku deputetë e anëtarë forumesh bashkë me socialistë të thjeshtë hynë në grevë urie.
Kriza e kutive dhe “Darka e Krokodilit”
Më 20 maj 2010 kryeministri i kohës Sali Berisha dhe kreu socialist Edi Rama u ftuan në Strasburg për një darkë negociatash politike në restorant “Krokodil”. Darka u organizua me ftesë të Joseph Daul, Kryetar i Grupit të Partisë Popullore Evropiane në Parlamentin Evropian dhe me ftesë të Martin Schulz, Kryetar i Grupit të Partisë së Socialistëve Europianë në Parlamentin Evropian. Në atë darkë ishte i pranishëm edhe komisionieri i atëhershëm për Zgjerimin e BE-së, Shtefan Fyle dhe të tjerë diplomatë evropian. Ajo darkë nuk plotësoi kushtet e Ramës, por së paku pati një zgjidhje krize, pasi greva e urisë ishte ndërprerë. Gjatë katër viteve, Rama luftoi me të gjitha mënyrat për ta rrëzuar qeverinë Berisha-Meta, por nuk ia doli. Kulmi arrin në protestën e 21 janarit të vitit 2011, kur opozita e drejtuar nga Rama u bashkua në sheshin para Kryeministrisë, në një reagim të dhunshëm ndaj selisë së qeverisë, atje ku u vranë katër protestues. Protestat vazhduan. Por Meta e Berisha qeverisën për katër vite deri në 1 prill të vitit 2013, pak muaj para zgjedhjeve parlamentare të 23 qershorit.
Marrëveshja Rama-Meta e prillit 2013
Ilir Meta e Edi Rama lanë pas krahëve akuza të ashpra mes tyre në gjashtë vite dhe vendosen të bashkohen në koalicion parazgjedhor në prill të vitit 2013. Meta u largua nga qeverisja me Berishën dhe u rreshtua me Ramën në koalicionin “Aleanca për Shqipërinë Evropiane”. Rama e Meta fituan thellë zgjedhjet e 23 qershorit 2013, ndërsa PD kaloi në opozitë. Berisha dha dorëheqje si kryetar i PD-së dhe në krye të kësaj partie u zgjodh Lulzim Basha. Rama e Meta bashkëqeverisën përmes tronditjeve të herëpashershme nga akuzat për skandale korruptive.
Reforma në drejtësi, konflikti dhe zgjidhja
Viti 2016 do mbahet mend për konfliktin e madh mesa mazhorancës Rama-Meta dhe opozitës së Lulzim Bashës. Ishte koha kur duhej të votoheshin ndryshimet kushtetuese në funksion të reformës në drejtësi. Qeveria akuzonte opozitën për pengesë të reformës nga rezultatet e së cilës frikësohej.
Ndërkohë që demokratët deklaronin se qëllimi i vetëm i Edi Ramës ishte kapja e sistemit të drejtësisë. Me ndërhyrjen e fortë, ultimatumeve dhe tone deri diku kërcënuese të Uashingtonit e Brukselit, u arrit që në orët e para të 22 Korrikut 2016, me votën unanime të 140 deputetëve të miratohej në Kuvend paketa e ndryshimeve në Kushtetutë.
Republika e re 18 maji 2017
“Lidhjet e krimit me politikën dhe blerja e votave nga mazhoranca përmes dorës së krimit”, ishin akuzat e opozitës ndaj qeverisë së majtë pranverën e vitit 2017. Kështu nisën protestat e opozitës derisa Basha u ngujua në çadër para kryeministrisë, poshtë dritares së Edi Ramës, atje ku dikur ky i fundit ishte ngujuar në grevë urie. Çadra u identifikua me shpalljen e “Republikës së re”
Marrëveshja e 18 majit
Beteja në shesh e Lulzim Bashës do të përfundonte më 18 maj në zyrat e Kuvendit të Shqipërisë, atje ku firmosi marrëveshjen me Edi Ramën për qeveri të përbashkët mazhorancë-opozitë deri në zgjedhjet e 25 qershorit. Ato zgjedhje përfunduan me fitoren e thellë të Ramës me 74 deputetë, gjë që i garantoi një qeverisje pa telashet e asnjë aleati. Rama e mori timonin e gjithë tepsinë dhe nisi të qeverisë për të kaluar përmes skandalesh edhe më të forta se të mandatit pararendës.
Kriza e mandateve të djegura
Ndër dhjetëra skandale korrupsioni të identifikuara nga opozita e mediat, spikat ai i përgjimit që shtynte të besohej se lidhej direkt me shit-blerje të votave. Në dosjet 184 dhe 339 identifikohen ministra e kryebashkiakë të Ramës, nëpër telefonata me element të dyshuar për lidhje me botën e krimit, duke përllogaritur vota të blera. Këtu nis e intensifikohet aksioni i opozitës së drejtuar nga Basha. Më 18 shkurt të këtij viti ai shpalli djegien e mandatave një akt i panjohur më parë në zhvillimet politike. Pak muaj më pas, krizës së mandatave të djegura iu shtua edhe ajo e bojkotit të zgjedhjeve vendore të 30 qershorit. Partia Socialiste shkoi e vetme në këto zgjedhje duke marrë drejtimin e 61 bashkive. Komisioni Qendror i Zgjedhjeve i certifikoi si të rregullt 30 qershorin dhe tani jemi në një situatë kur të gjitha pushtet i ka në dorë një njeri, është Edi Rama.
Pavarësisht si luajtën politikisht, kush është përfituesi e kush viktima, vendi ka hyrë në një krizë të thellë politike e institucionale ku niveli i demokracisë është në kuotat më të ulëta. Shqipëria hyn këtë vit në vitin e 30 të tranzicionit.
Elita e fillimit me rrënjët tek e shkuara, është ende vendimmarrëse me pak ndryshim. Ramiz Alia është larguar nga jeta por ka lënë pas elitën që vetë bekoi. Në krye të parlamentit është Gramoz Ruçi, ish-ministri i Brendshëm i qeverisë së Ramiz Alisë.
Fatos Nano është distancuar nga jeta politike por shfaqet herë pas here në momente krizash. Sali Berisha është ende i rëndësishëm në vendimmarrjen politike. Edi Rama është kryeministër dhe kryetar PS-së, asaj partisë që kërkonte ta nxirrte jashtë ligjit.
Ilir Meta është President i Republikës. Ndërkohë në krye të Partisë Demokratike është komisioneri i ri i atyre fillimeve, Lulzim Basha, i cili ndryshe nga të tjerë ka distancë nga e shkuara.
Duket sikur jemi ende në përpjekjet e para për të ndërtuar demokracinë, por me një ndryshim, sepse asokohe kishte shumë shpresë.
Nëse një 20-vjeçar në vitin 1990 do të parashikonte vendin pas 30 viteve, as në ëndrrën më të keqe nuk do ta kishte parë Shqipërinë e kohëve që po jetojmë. Një vend ku sundon varfëria e papunësia, ku sundon filozofia e të fortit si sfidë ndaj barazisë para ligjit, ku ka një elitë politike të kompromentuar, një Shqipëri prej nga qytetarët e saj duan të ikin.
Presidentja e Republikës së Kosovës, Vjosa Osmani, tha se Prishtina nuk po kundërshton zbatimin e detyrimeve të saj që dalin nga marrëveshja për normalizimin e marrëdhënieve ndërmjet Kosovës dhe Serbisë, por kërkon që ajo të jetë detyruese për të dyja palët. Presidentja Osmani i bëri komentet në një intervistë për Zërin e Amerikës pas mbledhjes së Këshillit të Sigurimit të Kombeve të Bashkuara për Kosovën në Nju Jork. Intervista e plotë do të transmetohet në emisionin Ditari, të martën më 23 prill.
Ka nisur mbledhja e Këshillit të Sigurimit të Kombeve të Bashkuara, e cila do të ballafaqojë presidenten Vjosa Osmani me presidentin serb, Aleksandar Vuçiq.
Në fjalën e saj presidentja Vjosa Osmani ka thënë se Kosova është histori suksesi pasi që shoqëria jonë jo vetëm që ka tejkaluar luftën por ka nivel të avancuar të sundimit të shtetit të së drejtës dhe mbrojtjes së komuniteteve.
Osmani thotë se këto të arritur i dëshmojnë raportet e Transparency international dhe Freedom House.
‘Për më tepër Kosova është ndër vendet më pro BE-së dhe SHBA-së në botë dhe është ndër të parat që është rreshtuar në krahë të Ukrainës’.
Ajo i është përgjigjur Vuçiqit në raport me trajtimin e Serbëve në Kosovë.
‘Pretendimet e Serbisë për pastrim etnik të serbëve janë të rrejshme dhe të pabaza. Këto narrativa janë diskredituar nga Komiteti i Helsinkit deri te Parlamenti i Evropës. Shteti i Kosovës jo vetëm që mbron por edhe promovon të drejtat e serbëve dhe të gjitha komuniteteve tjera’.
Osmani thotë se serbët e Kosovës që përbëjnë deri në 4% kanë përfaqësim në jetën e Kosovës në të gjitha sferat shoqërore.
‘Gjuha serbe përdoren në të gjitha institucionet publike anë e mbanë Kosovës. Kishat ortodokse ka mbrojtje të veçantë nga shteti i Kosovës. Pos disa incidenteve të izoluara, asnjë motiv etnik nuk ka ndaj kishave ortodokse’.
Presidentja thotë se multietnicitetin vendi do ta mbrojë me fanatizëm.
‘Ne besojmë se vetëm një demokraci e hapur është gjithëpërfshirëse’, ka deklaruar ndër të tjera Osmani.sn
Qindra qytetarë u mblodhën sërish përpara Bashkisë së Tiranës për të kërkuar dorëheqjen e kryebashkiakut Erion Veliaj.
Protesta qytetare vjen pas skandalit të 5D.
Ndërkohë këto pamje të reporterit të Syrit, Feliks Bilani, tregojnë se si qytetarët kanë rrethuar bashkinë.
Ata dëgjohen teksa thërrasin: O hajdut, o hajdut!
Protesta para zyrës së Veliaj/ Malkaj: Institucion kriminal, vjedh ç’i del para
Aktori i mirënjohur, Mehdi Malkaj, ka qenë një ndër të parët që ka hapur sot protestën para Bashkisë së Tiranës, protestë kundër korrupsionit galopant në këtë bashki dhe në të cilën tashmë pesë drejtorë janë arrestuar për grabitjen e fondeve publike nëpërmjet skemave mafioze.
“Ndodhemi tek një institucion, i cili nuk nuk është se ka vjedhur, por është kriminal i gjithë. Është kriminal se vjedh çdo gjë që i del përpara. Vjedh edhe popullin, edhe frymën e popullit dhe të gjitha.
Drejtuesi i institucionit i jep fytyrën e vet institucionit. Hajdut, kryetari i bashkisë, më poshtë drejtorët të gjithë hajdutë, kriminelë; administrata po ashtu deri tek pastruesja.
Këtu i ndershmi mund të jetë vetëm pastruesja. Nuk ka njeri të ndershëm aty. Edhe fryma në sallonet e bashkisë është frymë kriminale, e gjitha.”
Çata: Veliaj ka vjedhur paratë publike! Ai nuk mund të jetë më kryebashkiak
Nga fjala në protestën para bashkisë së Tiranës të z. Edmond Çata, Doktor i Shkencave Politike, drejtor ekzekutiv i Institutit të Studimeve për Arsimin e Lartë në Shqipëri,
“Para nja jave ju thashë që Erion Veliaj nuk ka ndërmend të japë dorëheqjen! Dhe këtë Veliaj po e provon ditë për ditë. Por Erion Veliaj nuk mund të jetë më në karrigen e kryetarit të bashkisë së Tiranës sepse ka abuzuar me pushtetin sepse e kemi parë me vendimet që ka marrë duke anashkaluar Këshillin Bashkiak.
Veliaj ka vjedhur paratë publike! I kemi parë edhe aferat e inceneratorëve, të kompanisë së famshme 5D!Veliaj nuk mund të jetë kryetari i bashkisë së Tiranës se është demagogu dhe gënjeshtari më i madh.”
Patronazhistët filmojnë qytetarët që protestojnë kundër vjedhjes së Veliajt
Shoqëria Civile po zhvillon një protestë përpara bashkisë së Tiranë pas arrestimeve që SPAK bëri disa ditë më parë.
Nga hetimet e kryera rezultoi se drejtorët e bashkisë kishin krijuar një grup kriminal ku vidhinin taksat e qytetarëve.
Por vesi i vjetër i spiunimit nuk del lehtë pasi menjëherë Veliaj ka vënë në lëvizje patronazhistët e tij për të filmuar qytetarët, të cilët janë pjesë e protestës.
Në foto e siguruara nga SYRI.NET shihet qartë që në taracën e bashkisë janë ngjitur spiunët e partisë.
Dorjan Teliti, anëtar i Këshillit Bashkiak të Tiranës, përfaqësues i opozitës, ka folur në protestën para bashkisë së kryeqytetit.
Teliti: Të dashur protestues, shikojeni frikën që ka kapluar Erion Velinë. Të rrethuar për të tretën herë nga policë duke i vendosur zinxhirin derës, kanë mbyllur sot bashkinë, bashkinë që është e qytetarëve, nuk është e tij.
Bashkia që duhet të jëtë e hapur në orar zyrtar pune. Sot është e mbyllur për t’u dhënë shërbime qytetarëve. Është e mbyllur për t’u dhënë përgjigje halleve të qytetarëve. Por është e hapur për afera korruptive. Janë të mbyllur për ju, por janë të hapur ndaj vjedhjes.
Janë të mbyllur për biznesin, por të hapur për të mbledhur taksat dhe për të vendosur gjoba. Janë të mbyllur për njerëzit e thjeshtë, por të hapur për të bërë afera me inceneratorët dhe 5D.
Jemi të vjedhur nuk jemi të verfër. E verteta është se 30 milionë euro që ka vjedhur Erion Veliaj me bandën e tij mund t’i shërbenin shumë Tiranës, mund të ndihmonin 1200 familje të pastreha që të strehoheshin.
Do të bëhej e mundur që me 30 milionë euro të paguheshin 8 vjet ushqime për çerdhet dhe kopshtet.
Protestuesit spërkasin me bojë Bashkinë e Tiranës
Protesta e shoqërisë civile ka nisur me spërkatjen e bashkisë së Tiranës me bojë të zezë.
Kjo është protesta e radhës që po mbahet nga qytetarët e Tiranës pas skandalit të fundit ku u zbuluan drejtorët të bashkisë duke grabitur miliona euro.
Protestuesit kanë kërkuar që SPAK të vërë para përgjegjësisë personat e akuzuar dhe kryebashkiaku i Bashkisë, Erion Veliaj të japë dorëheqjen.
Tedi Blushi: Mafia e betonit ka marrë peng Bashkinë e Tiranës!
Nga fjala e z. Tedi Blushi, Sekretar i Përgjithshëm i PL, në protestën para Bashkisë së Tiranës
“Koha e fjalëve ka kohë që ka mbaruar! Është koha e aksionit. Ju vetë e shikoni sesi një kriminel mbrohet me policë. Një hajdutë në asnjë vend të botës nuk mbrohet nga drejtësia. Ne jemi këtu për të protestuar kundër vjedhjes së taksave dhe Policia është në krahun e hajdutit.
Jemi për të denoncuar vjedhjen e miliona eurove me inceneratorin fantazëm, policia është këtu për të arrestuar popullin që proteston.
Jemi këtu për të protestuar kundër betonizimit të Tiranës, nga mafia e betonit që ka marrë peng Bashkinë e Tiranës.
Jemi për të protestuar kundër shembjes dhe rrëmbimit të pronave të banorëve të kryeqytetit, të atyre që janë në qiell të hapur sepse Erion Veliaj ka të shenjtë oligarkinë dhe klientët e tij dhe të Edi Ramës.
Kam sot dhe një mesazh për kolegët e mi të opozitës, që duhet t’i prijnë popullit dhe të mos rrinë pas popullit duke u fshehur mes kaçubeve këtu para bashkisë së Tiranës.
Sot ëhstë detyra jonë t’i primë popullit, për të luftuar ne të parët në emër të tyre. Ne jemi sot këtu jo për t’u fshehur po sepse kemi mbështetjen tuaj.”
Këlliçi i bën thirrje SPAK-ut: Më 25 prill e ke Veliajn në Holandë te kompania mëmë e inceneratorit fantazmë!
Nga fjala e Belind Këlliçit, koordinator politik i PD në Tiranë, në protestën para bashkisë së kryeqytetit:
:Dua ta nis me një falënderim për Aleancën për Mbrojtjen e Teatrit që ka thirrur këtë protestë të tretë kundër kryehajdutit të Tiranës dhe gjithë Shqipërisë, që ka një emër dhe quhet Erion Veliaj!
Njeriu, që nga ky shehs sot, i jap një njoftim SPAK-ut: më datë 25 prill, ky individ po planifikon të shkojë në Holandë, aty ku në fakt, është e regjistruar kompania mëmë e inceneratorit fantazmë të Tiranës, sepse ky individ, si pronar faktit i inceneratorit të Tiranës, ka lënë punë pa kryer që do t’i mbyllë më datë 25 prill.
Bashkia e Tiranës në flakë, protestuesit rrethojnë godinën
Protestuesit kanë hedhur flakadanë dhe molotov drejtë bashkisë së Tiranës.
Reagimi i tyre vjen në shenjë proteste për skandalin e padëgjuar kurrë më parë në vjedhjen e milionave eurove nga firmat e krijuar nga drejtorët e bashkisë.
Flamur Noka kap dy policë të infiltruar në turmë
Protesta e qytetarëve para Bashkisë së Tiranës u provokua sërish nga forcat e rendit.
Në mesin e protestuesve ishin edhe të paktën dy policë të infiltruar.
Ata u identifikuan nga Sekretari i Përgjithshëm i PD, Flamur Noka.
Policët u dëbuan nga protesta mes thirrjeve të protestuesve.
Kalaja: Altin Dumani i SPAK që i mbyll dosjet Erion Veliajt, është më i rrezikshëm se Veliaj!
Nga fjala e av. Adriana Kalaja në protestën para bashkisë së Tiranës:
“Ju kujtoj se Aleanca për Mbrojtjen e Teatrit deri në momentin që flasim ka kallëzuar pesë prokurorë të SPAK-ut dhe çfarë është bërë?! Asgjë! Mbrojnë njeri tjetrin, ashtu siç mbrojnë këta banditët që na vjedhin!
Unë mendoj se akuzat ndaj SPAK-ut madje janë shumë të lehta, ashtu siç mendoj që është më i rrezikshëm Altin Dumani që mbron Erion Veliajn, sesa Veliaj. Sepse ne e dimë kush është Erion Veliaj, por Altin Dumani që i mbyll dosjet Erion Veliajt është më i rrezikshëm dhe dëmin ia bën më të madh qytetarëve të Tiranës dhe të Shqipërisë.”
Protestuesit janë përplasur me policinë pasi ata nuk kanë lejuar që anëtarët e Këshillit Bashkiak të futen në Bashkinë e Tiranës.
Protestuesit kanë hequr me forcë rrethimin metalik dhe kanë tentuar që të hapin rrugën këshilltarëve që të futen në ambientet e bashkisë të realizojnë detyrën e tyre kushtetuese.
Kujtojmë se sot shoqëria civile ka njoftuar protestën që është mbështetur dhe nga opozita dhe mijëra qytetarët të Tiranës.
Teliti, thirrje Policisë: Na lejoni të futemi në bashki, jemi këshilltarë të zgjedhur nga qytetarët!
Thirrja e z. Dorjan Teliti, këshilltar i opozitës në Këshillin Bashkiak të Tiranës, në protestën para bashkisë së kryeqytetit:
“Ne këshilltarët e zgjedhur të opozitës, prej javësh kemi prezantuar kërkesa nga më të ndryshme për mbledhjen urgjente të Këshillit Bashkiak. Prej sot jemi përballur me heshtje nga Erion Veliaj dhe me refuzimin e tij, ndaj i bëj thirrje Policisë së Shtetit të na lejojë ne, këshilltarët e zgjedhur të Këshillit Bashkiak, që është e drejta jonë kushtetuese, të futemi në godinën e bashkisë, në ditë pune dhe në orar pune, të na hapin rrugën për t’u futur.
Nuk po bëj fjalë për qytetarët. Vetëm ne këshilltarët bashkiakë. I lutem drejtuesit të Policisë të zbatojë ligjin dhe të hapë kordonin e Policisë për të zgjedhurit vendorë. Të hapin rrugën! I bëj thirrje sërish Drejtorit të Policisë që të hapë kordonin për të zgjedhur vendorë. Jemi të zgjedhurit e qytetarëve, përfaqësojmë interesat e qytetarëve.”
Raportuesja për Kosovën në Këshillin e Evropës, Dora Bakojanis, ka thënë se Kosova është demokraci funksionale parlamentare me garanci të forta për pavarësinë e gjyqësorit dhe të drejta themelore të njeriut.
Në seancën e Asamblesë Parlamentare të KiE-së ku po diskutohet lidhur me raportin për anëtarësimin ose jo të Kosovës në këtë organizatë, Bakojanis ka theksuar se zgjerimi i juridiksionit të Gjykatës Evropiane do të kontribuonte në të drejtat e njeriut.
Ajo ka përmendur tri çështje që i ka konsideruar më problematike për t’u zgjidhur, atë për Manastirin e Deçanit, shpronësimin dhe Asociacionin e komunave me shumicë serbe.
‘Kam identifikuar tri çështje të mbetura, ku ka qenë i nevojshëm veprimi i menjëhershëm. Implementimi i aktgjykimit për Manastirin e Deçanit, shpronësimi i ligjshëm i pronave të pakicës serbe dhe themelimi i Asociacionit. Gjatë angazhimit tim në këtë dosje të gjitha palët shtetërore më kanë paralajmëruar se nuk mund të pritet ndonjë progres në asnjë prej këtyre çështjeve të përmendura. Por, me një punë persistente progresi real është vërejtur. Asambleja Parlamentare kas arritur ta zgjidhë atë që është identifikuar një prej rasteve më të rëndësishme të shkeljeve të së drejtës, implementimi i vendimit të Kushtetueses që do t’i kthente pronën Manastirit’, ka thënë ajo.
Bakojanis është shprehur optimiste se Asambleja do ta rekomandoj që Kosova të ftohet të bëhet anëtare.
‘Në bazë të faktorëve të përmendur, mendim i imi është që Asambleja Parlamentare do të rekomandoj Komitetit të Ministrave që të ftoj Kosovën të bëhet anëtare e Këshillit të Evropës. Shpresoj që sot Asambleja do ta nënvizoj nevojën për ta sjellë në ombrellën demokratike të Këshillit të Evropës, dy milionë evropianë të tjerë për t’i mbrojtur ata nga shkeljet’.
Ajo ka ftuar shtetet që e kundërshtojnë anëtarësimin e Kosovës, të qëndrojnë anash dhe të mos e shohin këtë çështje si çështje të shtetësisë.
‘Që nga publikimi i raportit, kam marrë kritika të ashpra madje edhe sulme personale në kuptimin e asaj siç e kam trajtuar këtë. Këto kritika janë bërë nga përfaqësuesit e shteteve anëtare që nuk e njohin Kosovën, por do dëshiroja kurajon që të jenë të sinqertë sepse kjo çështje nuk ka qenë asnjëherë se çfarë kushte t’i vendosen Kosovës.
Kundërshtimet e tyre nuk kanë të bëjnë me kriteret e anëtarësimit, ata kundërshtojnë vetë idenë e shtetësisë së Kosovës. Do ishte më guximtare po të kishin vendosur të qëndronin anash. Raporti nuk paraqet raporte sa i përket shtetësisë’.
Bakojanis tha se përkundër se ishte paralajmëruar se ‘nuk mund të pritet progres në asnjë nga këto çështje’, shtoi se ‘progresi real është vërejtur’.
‘Këtu qëndroj para jush me krenari për t’ju informuar që Asambleja Parlamentare ka arritur ta zgjidhë atë që është identifikuar si një prej rasteve më të rëndësishme të shkeljeve të sundimit të së drejtës, implementimit të vendimit nga gjykata më e lartë e Kosovës në pritje që nga viti 2016 që do t’ia rikthente pronën manastirit më të rëndësishëm serb në rajon dhe kjo përfaqëson fitore të madhe për sundimin e së drejtës, të drejtat pronësore të serbëve dhe të drejtat e pakicës’, tha ajo.
Bakojanis tha se ‘çdo rast i shpronësimit të paligjshëm të tokës do t’i nënshtrohet kontrollit të Gjykatës Europiane për të Drejtat e Njeriut’.
Më pas, u ndal të flasë për Asociacionin, si ‘një prej çështjeve më të rëndësishme të hapura për të drejtat e pakicave në Kosovë’.
‘E shoh themelimin e Asociacionit si çështje e njëanshme, vendore e Kosovës që ndikon vetëm te qytetarët e Kosovës. Duke e pasur këtë parasysh kam bërë çdo përpjekje drejt materializimit të saj. Fatkeqësisht, kjo çështje nuk ka arritur të negociohet’, tha ajo.
Bakojanis theksoi se marrëveshja e fundit e Ohrit ndërmjet Kosovës dhe Serbisë thotë se ‘çdo lloj negociate për themelimin e tij duhet të bëhet në kuadër të dialogut të lehtësuar nga BE-ja’.
‘Si rezultat, Asociacioni, fatkeqësisht, është përtej mbulimit tonë, edhe nëse Komiteti i Ministrave inkurajohet fuqimisht që ta marrë parasysh këtë çështje’, tha ajo.
‘Shpresoj që sot Asambleja Parlamentare do ta nënvizojë nevojën për t’i sjellë nën ombrellën demokratike të KiE 2 milionë europianë të tjerë, për t’i mbrojtur ata nga shkeljet dhe për të mos lejuar rrezikimin e jetës së tyre’, tha në fund raportuesja.
Në Hot të Malësisë së Madhe në Shqipëri, u përkujtua të shtunën Kryengritja Antiosmane e vitit 1911, e cila i parapriu Shpalljes se Pavarësisë.
Në përkujtimin e kësaj ngjarjeje ishte i pranishëm edhe Presidenti i Shqipërisë, Bajram Begaj, i cili vlerësoi traditat atdhetare dhe kulturore te trevës së Malësisë së Madhe.
“Kjo trevë është djepi i artdhedashurisë dhe patriotizmit. Është trevë që zemra ju këndon me lahutën e malësisë, ku ju vallëzoni me xhubletën tuaj që është pronë shqiptare dhe botërore tashmë. Dhe nga kjo trevë nisi Pavarësia e Shqipërisë”, tha Presidenti Begaj.
Ai u shpreh edhe për rendësinë që ka kjo ngjarje në ditët e sotme.
“6 prilli i vitit 1911 është një ngjarje e madhe për shqiptarët pasi u ngrit dhe u valëvit për herë të parë flamuri i Skënderbeut. Tregoi që shqiptarët ishin të ndërgjegjshëm për Pavarësinë e tyre, për të punuar bashkërisht për të pasur një komb shqiptar në të ardhmen. Është shembull i qartë se si duhet të punojmë ne si politikanë dhe si qytetarë në të ardhmen”.
Nën udhëheqjen e prijësit popullor Pavarësia e Shqipërisë Dedë Gjo Lulit, malësorët e Hotit, Grudës, Kelmendit, Kastratit, Trieshit, Kojës, Shkrelit dhe viseve tjera, pas 23 betejave të përgjakshme kundër ushtrisë osmane, arritën të ngrinin për herë të parë flamurin kombëtar pas afër 500 vitesh robëri, sinjal, që sipas kryetarit të Bashkisë Malësi e Madhe, Tonin Marinaj, ishte dëshmi e vendosmërisë së malësorëve per t’u shkëputur nga perandoria osmane.
“Nuk ishte një luftë thjesht lokale. Një luftë që kryetrimi Dedë Gjo Luli ishte në krye të 3 mijë luftëtarëve dhe këto luftëtarë ishin prej të gjitha trevave. Shumë prej tyre dhanë edhe jetën për të valëvitë flamurin në Deçiç në 1911”.
Në ceremonitë e sotme, në përkujtim të Kryengritjes së Malësisë së Madhe të vitit 1911, morën pjesë edhe përfaqësues të viseve shqiptare përtej kufirit, në Mal të Zi. Kryetari i Kuvendit të Komunës së Gucisë, në Mal të Zi, Bujar Hasangjekaj, tha se për vlerat e saj Kryengritja e Malësisë së Madhe shënohet kudo në trevat shqiptare.
“Ata bënë gjithçka, sakrifikuan gjithçka, madje edhe jetën e tyre për të çliruar trojet shqiptare. Pra, ne të përbashkët kemi gjithçka; kemi historinë, kemi kulturën, gjuhën, flamurin dhe, mbi të gjitha, të përbashkët kemi edhe të ardhmen tonë”.
Kryengritja e Malësisë së Madhe e vitit 1911 është deshmi e qëndresës dhe vendosmërisë së malësorëve për pavarësi, mbrotjen e trojeve dhe idenditetit
kombëtar. Për kontriburin në historinë kombëtare Malësia e Madhe është nderuar me urdhërin “Nderi i Kombit”.
Më 28 mars, lidhja e Serbisë me Rusinë u përforcua kur Rusia u përpoq – dhe dështoi – të siguronte një seancë në Këshillin e Sigurimit në OKB, duke u përqëndruar në bombardimin e NATO-s ndaj Serbisë që i dha fund luftës në Kosovë në mars të vitit 1999.
Deputetja Alicia Kearns, kryetare e Komisionit për Punë të Jashtme në Dhomën e Përfaqësuesve, mbajti një seancë të plotë më 24 mars lidhur me Ballkanin Perëndimor me rastin e 20 vjetorit të pavarësisë së Kosovës. Duke dëshmuar në seancë, Lordi Robertson, ish-Sekretari i Përgjithshëm i NATO-s, tha se gjatë luftës së Kosovës, “u treguam serbëve se ishim seriozë”. Sot duhet të supozojmë se do të ketë ndikim rus në Serbi. Por kjo është një nga arsyet pse “ne duhet të jemi të ashpër ndaj Serbisë”.
Kryetarja Kearns kërkoi nga Lordi Robertson që të vlerësojë tensionet aktuale ndërmjet Kosovës dhe Serbisë.
Të gjitha të mirat,
Joe DioGuardi
President
Shirley Cloyes DioGuardi
Këshilltare për Çështjet e Ballkanit
“Rreth 400 ekstremistë serbë po trajnohen në zonat përreth kufirit me Kosovën dhe me një urdhër të Vuçiç mund të aktivizohen në sulme agresive”! Është kjo deklarata e fortë që ministri i Brendshëm i Kosovës, Xhelal Sveçla bëri në një intervistë ekskluzive për gazetaren Nisida Tufa në News24, ku tha se po përgatiten për të parandaluar çdo lloj skenari serb, por edhe për t’u ballafaquar.
Në intervistën ekskluzive për News24, ministri Sveçla e cilësoi të drejtë dhe normal vendimin për dinarin, teksa tha se Kosova është shtet i pavarur dhe sovran. I pyetur nga gazetarja Nisida Tufa për marrëdhëniet mes kryeministrit Albin Kurti dhe homologut shqiptar, Edi Rama, ministri Xhelal Sveçla nuk përjashtoi dallimet mes tyre, por tha se mes të dyve ka vullnet për bashkëpunim.
Gjatë intervistës për NeWs24, ministri i Brendshëm i Kosovës foli dhe për raportet e Albin Kurtit me ndërkombëtarët, ku tha se nuk ka asnjë krisje mes tyre, madje ata kanë takime të përjavshme për zhvillimin e mëtejshëm të vendit. Ministri e mbylli intervistën me një mesazh pozitiv për shqiptarët, teksa tha se kosovarët mund të shkojnë kudo në botë, por nuk gjejnë mikpritje si në Shqipëri.BW
RTK – Mos e humbni këtë intervistë me tëtë madhin Enver Petrovci: Vjosa sa dhjetë burra, Albini vetvetja, Sali Berisha më artisti – Intervistoi Adelina Ismajli
Nga Vatikani, Kardinali shqiptar, Eminenca e tij e Naltë Ernest Troshan Simoni ka uruar sot besimtarët e krishterë për festën Pashkëve.
Përmes një mesazhi për besimtarët, Kardinali 96-vjeçar uroi për sa më shumë begati, ndërsa theksoi se sot njerëzimi është mbushur me të papritura.
“Jetojmë në një kohë kur njerëzimi është mbushur me të papritura. Sot është festa për Krishtin. Kjo është festë e madhe. Urojmë që në çdo festë të kenë në mendje Krishtin. Të bashkoheni! Paqe dhe begati”, tha Kardinali.
Kryeministri i Kosovës, Albin Kurti ka thënë se gjatë ditës njësi të specializuara të ushtrisë së Serbisë janë vënë re vetëm disa metra larg kufirit me Kosovën, në afërsi të fshatit Banje të Zubin Potokut.
Ndonëse njofton se po i vëzhgojnë me kujdes lëvizjet, kryeministri Kurti thotë se ky afrim i automjeteve të tyre ushtarake serbe, nuk është normal, transmeton klankosova.tv.
“Ditë më parë, Presidenti i Serbisë, Aleksandar Vuçiç, kërcënoi publikisht Kosovën, duke thënë se “Serbia do të presë momentin më të mirë të mundshëm dhe do ta shfrytëzoj mundësinë për të vepruar. Sot gjatë ditës, njësi të specializuara të ushtrisë së Serbisë janë vërejtur vetëm disa metra larg kufirit me Kosovën, në afërsi të fshatit Banje të Zubin Potokut. Lëvizje të ngjashme janë regjistruar edhe në fshatin Oslare të Bujanovcit, në afërsi të kufirit me Kosovën.
Jemi të vetëdijshëm se Forcat e Armatosura të Serbisë janë duke realizuar stërvitjet e rregullta dhe ato janë duke i përdorur si pretekst për të shkaktuar provokime të qëllimshme në afërsi të kufirit me Kosovën. Jemi duke vëzhguar me kujdes se a do të përpiqen ta kalojnë kufirin, gjersa edhe ky afrim i automjeteve të tyre ushtarake nuk është normal”, shkruan Kurti.
Kryeministri Edi Rama ka replikuar sot me gazetaren e politikës, Ambrozia Meta. Teksa kreu i qeverisë shqiptare jepte një deklaratë për mediat, gazetarja e pyeti për investimin në ishullin e Sazanit, nga dhëndri ish-presidentit Donald Trump. Në fund të deklaratës, Rama ka tentuar të prekë te faqja gazetaren, ndërsa kjo e fundit e ka paralajmëruar që mos ta bënte këtë gjë, ndërsa ka lëvizur me shpejtësi kokën.
REPLIKAT
Gazetarja: A do të jetë e njëjta kontratë si me atë të Portit të Durrësit, ku falen tokat, dhe taksat…
Rama: Latinët kanë një shprehje; Padia nuk është argument.
Gazetarja: Ju lutem një shifër sa fitojnë shqiptarët….
Rama: Shqiptarët nga gjithçka ne po bëjmë, po fitojnë këtë proces. Do të fitojnë në këtë proces. Nxitja e këtyre zhvillimeve, realizimi i këtyre zhvillimeve, pasuron shqiptarët, Shqipërinë, rrit ekonominë e saj. Injoranca nuk ka argument.
Gazetarja: A ka bërë shteti shqiptar një studim se sa do të fitojnë shqiptarët?
Rama: Sot ne flasim për një Shqipëri që bëhet konkurruese. Të tjerat janë muhabete kot. Flasim për një aplikim që do ta shqyrtojmë sipas ligjit.
Gazetarja: A po mendoni që t’i falni taksat?
Rama nuk i përgjigjet
Gazetarja: Në portin e Durrësit nuk ka investim, po shiten pallatet në gropë….
Rama: Shko shifi (Tenton ta prekë në fytyrë) Gazetarja: Jo ju lutem, mos më prekni më!
Kryeministri Edi Rama shënoi një tjetër skandal sot, pasi shtyu gazetaren e SYRI TV, Ambrozia Meta, e cila po i bënte pyetje.
Rama nuk e duroi pyetjen dhe përdori kontakt fizik ndaj gazetares, e cila po kërkonte llogari se përse paratë e taksapaguesve shqiptarë shkojnë për portin e ri, ndërsa në portin aktual të Durrësit po shiten në ajër apartamentet e një investitori privat.
“Ju lutem mos më prekni më,” iu drejtua gazetarja, ndërsa Rama u largua pas incidentit fizik.
Komentet