VOAL

VOAL

Please Wait ...
0%

Vdes në aksident ish-kampioni botëror Nicholas Bett

By | August 8, 2018

Komentet

Kualifikimet EURO 2020, ndeshja Turqi-Shqipëri do të luhet në Stamboll

Stamboll

Ndeshja kualifikuese për Kampionatin Evropian në futboll i cili do të mbahet në vitin 2020, mes Turqisë dhe Shqipërisë do të zhvillohet më 11 tetor në Stamboll.

Sipas Federatës Turke të Futbollit ndeshja Turqi-Shqipëri do të luhet në Stadiumin Ülker, më 11 tetor të premten, stadium ku edhe klubi i superligës turke Fenerbahçe i luan ndeshjet.

Përveç kësaj Turqia edhe ndeshjet me Andorrën dhe Islandën do t’i luaj në stadiumet në Stamboll.

Ndeshja Turqi-Andorrë do të luhet në Vodafone Park më 7 shtator të shtunën, stadium ku edhe Beşiktaşi zhvillon ndeshjet, ndërsa ndeshja me Islandën do të luhet në Stadiumin Türk Telekom më 14 nëntor të enjten, stadium ku Galatasaray i zhvillon ndeshjet.

Në grupin H, Franca, Turqia dhe Islanda e ndajnë vendin e parë, të dytë dhe të tretë me nga 9 pikë, ndërsa Shqipëria është e katërta me 6 pikë të grumbulluara.

Shqipëria ndeshjen e radhës e ka me Francën më 7 shtator, ndërsa tre ditë më vonë do të presë Islandën. aa

Vëllezërit James dhe Toni Kraft (Avdimetaj), po arrijnë rezultate kulminante në boksin profesionist – Nga Skënder MULLIQI

Për të arritur zenitin e suksesit në çdo veprimtari sportive pos talentit të falur nga Zoti , nevoitet vullnet I qelikt dhe punë e madhe .Kjo vlenë edhe për sportin e shkathtësisë bujare –boksin.
Për tu bërë kampinon nuk janë bërë vetëm në palestrat sportive , kampionet janë bërë nga diqka që ata e kanë thëllë në mbrendin e shpirtit të tyre .Kanë një deshirë , një enderrë, një vullnet që duhet të jetë më I fortë së aftësia.
Plejadës së boksierëve të njohur më prejadhje shqiptare në boksin botëror profesionist , nga Strellci I Deqanit, janë duke iu bashkëngjitur edhe vellezërit James Kraft dhe Toni Kraft , të cilët për një ditë u bënë kampion bote për junior.Kjo ishte diqka spektakolare, mahnitëse që I bëri shumë të lumtur këta dy boksier të talentuar, e të cilët jetojnë dhe veprojnë në Gjermani.Kan lindur në Altotting . Jemes në bisedë më të është I qetë, por shihet së është shumë energjik dhe I shkathët në boks. Ai më rrefeu këtyre ditëve kur është në Kosovë, së si e kan filluar rrugëtimin më villain, Tonin në boksin amatore e profesionist.Vëllezërit Kraft-Avdimetaj mbemrin nga origjina, karrirën e tyre e kan filluar qysh në moshë shumë të re, duke arritur deri më tani suksese të mëdha , por nuk janë shumë të njohur deri më tash në Kosovë.James thotë së si amator I ka zhvilluar 87 meqe , prej tyre I ka 78 fitore .Në moshën 17 vjeqare vazhdon rrefimin Jamës, kam kaluar në boksin profesionist në kategorinë gjysëm të rëndë.Deri më tash thotë ai në vazhdim të bisedës nga 17 meqe te zhvilluara , kam 16 fitore dhe një barazim.10 ndeshje I kam fituar më KO për junior.Jamës dy herë ka arritur që të bëhët kampion bote për junior në verzionin WBC dhe IBEO.Titullin në verzionin ËBC e ka mbrojtur dy herë .Ishte shumë interesant për neve thotë Jamës, kur të njejtën ditë më 16-1.2016 në Mynhen u kurorizuam më vëllaun, Tonin më titujtë e kampionit të botës .Unë thotë Jamës mposhta boksierin shumë të fortë hungarez ,Pita Orleg duke e nokatuar në raundin e tretë. Nder emrat të njohur ndaj të cilt kam shënuar fitore është edhe gjermani , Aron Shvarc. Akutalisht Jamës mbanë dy tituj për junior deri në moshën 24 vjeqare. Sigurisht së në sukseset e deritashme tona meritor është menagjeri ,Flavio , kurse ne Kosovë menaxheri , Edonis Shabanaj.Synimi I këtij boksieri 22 vjeqar është të kurorizohet më titullin e kampionit të botës , por tash për senior , për tia rrembyer titullin suedezit, Sven Forni , I cili mban titullin në verzionin IBE-o .Duke më rrefyer për sukseset edhe të vëllait Tonit, Jamës thotë së vëllai I tij bokson deri në kategorinë 76 kg, Toni është kampion bottenë verzionin WBC -junior, kurse aktualisht eshte kampion ne verzioni IBF dhe IBO-Kontinental per senior ne Evrope .Mbanë gjithashtu titullin e të parit në Gjermani.
.
Në mbrëmjën kur jemi bërë bashkë kampion në Mynih në vitin 2016, Toni e ka mposhtur hungarezin e forte, Ferenc Albert duke u bërë kampion bote në verzionin WBC. Toni Kraft gjatë karrierës si amator ka shënuar 115 meqe , ku 109 prej tyre I ka fituar më nokaut, dy barazime e dy humbje.Ne karreiren si profesionit ka deri më tash 17 ndeshje, 16 fitore e një barazim.Toni si synim të radhës ka edhe tri takime paraprake për të ardhur deri takimi më anglezin ,Krys Jubenle , I cili mban titullin e botërorit në në verzionin IBO, të boksit profesionist. Ne. I uruam atë ditë pas bisedës tanë këta boksierë të talentuar në sukseset e deritshme pa dyshim të mëdha ,në boksin profesionist ,për të cilët nuk është shkruar dhe dëgjuar aq shumë në Kosovë, siq shprehet edhe Jamës, së Toni nuk ishte atë ditë prezent.Pa dyshim sportistët tanë në botë janë bërë krenaria e shqiptarëve.Janë bërë ambasadorët më të mirë të kombit, të cilët po na mbajnë në pedestal. Sigurisht së për Tonin dhe Jamës do ndëgjohet dhe shkruhet edhe më shumë ,siq I përfundojmë si zakonisht shkrimet e tilla…

“Shko në shtëpi, k**vë e vogël”/ Ibrahimoviç sherr me trajnerin kundërshtar(Video)

Zlatan Ibrahimoviç është grindur përsëri në fushën e blertë. Në video shfaqen momentet e nervozismit të ish-kapitenit të Suedisë.  Në ndeshjen e djeshme kundër LAFC, suedezi shënoi 3 gola për LA Galaxy por nuk shpëtoi pa e ofenduar trajnerin kundërshtar, Bob Bradley. “Shko në shtëpi, k**vë e vogël,”-ka thënë fubollisti. Është dashur ndërhyrja e të tjerëve për të mbyllur këtë sherr, që duhet thënë nuk është i pari për Ibrahimoviç.

Legjenda Fatmir Frashëri, Meta kujton ndeshjen me Ajax

TIRANË

Presidenti i Republikës Ilir Meta nuk ka mundur të mos shkruajë sërish për legjendën e futbollit shqiptar Fatmir Frashëri, i cili u ndaj nga jeta dje në moshën 78-vjeçare.

Në një postim në “Facebok”, Meta kujton fjalët e holandezit Johan Cruijff se nuk është rëndësishme vetëm të fitosh por edhe si fiton si dhe 14 rregullat bazë që siç thotë Presidenti i shkojnë shumë edhe legjendës kuqezi dhe bardhë e blu që u ndesh i barabartë me Ajax-in e madhërishëm të asaj kohe.

Kreu i Shtetit iu shpreh mirënjohjn familjes Frashëri, kolegëve dhe sportdashësve duke sjellë edhe fotot e tij në ndeshjen me Ajax-in.

MESAZHI I METËS
Njeriu i cili ndryshoi futbollin botëror, legjenda e Ajax, Johan Cruijff deklaronte se nuk është e rëndësishme vetëm të fitosh, por edhe si fiton.

Për të mbështetur këtë filozofi të re, ai publikoi 14 rregullat bazë që i shkojnë aq shumë edhe legjendës kuqezi🇦🇱 dhe bardhë e blu⚪🔵, i cili u ndesh si i barabartë me Ajax-in e madhërishëm të asaj kohe. Sidomos rregulli i 14: “Bring beauty to the sport” i shkonte aq shumë Fatmir Frashërit.

Ndaj sot në këto momente dhimbje e nostalgjie, familjes Frashëri, kolegëve dhe të gjithë sportdashësve dua t’u shpreh edhe njëherë mirënjohjen më të thellë për veprën e tij, dhe ne do ta kujtojmë përherë me dashuri me këto foto nga ndeshjet me Ajax-in, ku u mësoi të gjithëve se si duhet të ndeshemi me dinjitet dhe të barabartë edhe me më të mëdhenjtë.🇦🇱

Kosova me 18 sportistë në Festivalin Olimpik “Baku 2019”

Prishtinë

Komiteti Olimpik i Kosovës (KOK) ka prezantuar emrat e 18 sportistëve të rinj të cilët do ta përfaqësojnë Kosovën në “European Youth Summer Olympic Festival – EYOF” (Lojërat Olimpike verore për të rinj).

Tetëmbëdhjetë sportistët e prezantuar, nga ta 10 vajza dhe 8 djem, janë nga pesë sporte të ndryshme pjesëmarrëse në këtë garë. Nga xhudo, atletika, mundja, noti dhe tenisi.

Kryetari i KOK-ut, Besim Hasani, tha se është e rëndësishme që në këtë festival olimpik që po mbahet në Azejberxhan, shtet që nuk e ka njohur shtetësinë e Kosovës, kjo e fundit prezantohet e barabartë sikurse vendet tjera pjesëmarrëse.

Hasani u shpreh optimist në suksesin e të rinjve kosovarë në këtë garë, ndërsa i pyetur nga AA se cila është pika e fortë e Kosovës në këtë garë, ai ka thënë se rezultatet flasin për xhudon.

“Nëse e shikojmë historikisht edhe në të kaluarën, nga xhudoja kemi rezultatet më të mira edhe te seniorët por edhe te kategoritë e reja. Por, befasi e këndshme e këtyre ditëve nga Kampionati Ballkanik është Muhamet Ramadani i cili u stolis me medaljen e artë në hedhjen e gjyles. Distanca që ky e hedhi gjylen është vendi i tretë në Evropë, kështu që, pritshmëritë i kemi reale edhe që të kemi rezultate të mira edhe nga atletika”, tha Hasani.

Vetë sportisti Muhamet Ramadani që do të përfaqësojë Kosovën në disiplinën e hedhjes së diskut dhe gjyles, u shpreh i lumtur optimist se nga festivali do të kthehet me medalje.

Trajneri i ekipit të mundjes në kuadër të Federatës së Mundjes së Kosovës, Ziber Xhoni, konsideroi se janë bërë të gjitha përgatitjet për këtë garë, ndërsa sipas tij, do të mundësojnë rezultate mbresëlënëse.

“Kosova e ka rrugën e hapur. Gjithçka është e mundur, tash varet nga puna e gjithë sportistëve dhe trajnerëve se sa do të tregojnë punën e tyre të cilën e kanë bërë nëpër klube”, tha Xhoni.

Kosova në sportin e xhudos do të përfaqësohet nga Erza Muminoviq, Fationa Kasapi dhe Festim Beqiri, të tre këta me trajner Fatos Tabakun. Në atletikë vendin do ta përfaqësojnë Muhamed Ramadani, Leon Thaçi, Albina Bojaxhiu dhe Diellza Selaci me trajner Xhavit Tahirin.

Në mundje do të garojnë Urim Qaili e Njomëza Krasniqi me trajner Ziber Xhonin. Në not do të garojnë Vigan Bytyqi, Olt Kondinolli, Hana Fejzullahu, Jona Macula dhe Elona Zhugolli me trajner Ardian Hamitin.

Ndërsa në tenis Kosova do të përfaqësohet në këto gara nga Melos Nallbani, Fresk Sylhasi, Vesa Gjinaj dhe Forta Morina me trajnerin e tyre Festim Ibrahimi.

Kjo është hera e tretë që Kosova po merr pjesë në Festival Olimpik për të rinj. Në vitin 2015 ajo ka marrë pjesë në garat që janë zhvilluar në Tbilisi të Gjeorgjisë, e po ashtu ka qenë pjesëmarrëse edhe në Gyor të Hungarisë në vitin 2017. aa

Matthijs de Ligt, mbrojtësi më i paguar në historinë e futbollit

Romë

Matthijs de Ligt (19) ka kaluar kontrollet mjekësore në Torino dhe do të nënshkruajë kontratë pesë vjeçare me Juventusin, me çka do të bëhet mbrojtësi më i paguar në historinë e futbollit.

Në kampin e klubit Juventus ai kreu kontrollet mjekësore, ndërsa sipas kushteve të dakorduara lojtari i deritanishëm i Ajax-it me “Bianconerët” do të firmosë kontratë ku do të fitojë 12 milionë euro në vit, gjegjësisht për pesë vite do të fitojë 60 milionë euro.

Në sezonin e ardhshëm në Itali, më shumë se ai do të fitojë vetëm Cristiano Ronaldo.

Ajax-i për De Ligt do të fitojë dëmshpërblim nga Juventusi në vlerë prej 75 milionë euro.

Klaozola e dëmshpërblimit për transferin eventual të ardhshëm të futbollistit holandez është 150 milionë euro. aa

Basketbollisti turk i NBA-it Kanter, kërkohet në Turqi

Basketbollisti turk i NBA, Enes Kanter është njeri i kërkuar në Turqi. Pasaporta e tij është revokuar dhe ai është shpallur terrorist nga vendi ku lindi. Kjo për shkak të lidhjeve të tij me një udhëheqës shpirtëror që ndodhet në azil, i akuzuar për nxitjen e puçit të vitit 2016 kundër presidentit turk Rexhep Taip Erdogan. Kritikuesi i hershëm i presidentit Erdogan, ylli i basketbollit Kanter, bën një jetë në panik. Pres disa vitesh ai nuk ka takuar familjen. Pavarësisht gjithë këtyre problemeve, basketbollisti është i fokusuar te karriera e tij në basketboll.

Gjatë muajit të Ramazanit, dita e Enes Kanter fillon me një racion të hershëm ushqimi për të nisur agjerimin.

Por gjatë këtij viti, muaji i shenjtë i myslimanëve përkoi me disa ndeshje të rëndësishme që ai i kishte në NBA.

“Më kujtohet që e ndërpreva agjerimin. Hëngra gjashtë sanduiçe me gjalpë kikiriku dhe reçel, fruta dhe pije. Bashklojtarët më thanë, si do ti hash të gjitha këto? U thashë se jam shumë i uritur”, tregon Enes Kanter, basketbollist profesionist i NBA.

Kanter po jeton ëndrrën e tij, duke luajtuar në Shoqatën Kombëtare të Basketbollit, e njohur si NBA. Kontrata e tij me klubin e Oregonit, Portland Trail Blazers, i siguron atij 18 milionë dollarë në vit.

Po, pamundësia për të vizituar familjen në Turqi po ia vështirëson gjithçka. Ai nuk e ka takuar ata tash e pesë vite. Në ditën e nënës, ai publikoi një video mesazh në Twitter, me shpresë se nëna e tij do ta shihte.

“Sigurisht që ndikon tek unë, sepse është në pyetje nëna ime dhe babai im dhe motra e cila sapo është martuar. Nuk arrita të merrja pjesë, prandaj është e trishtueshme.”, thotë Kanter.

Pasaporta e kritikut të kahershëm të presidentit turk Rexhep Taip Erdogan, është revokuar. Turqia e ka shpallur atë terrorist, duke kërkuar arrestimin dhe ekstradimin e tij.

Prandaj ai nuk guxon të largohet nga SHBA-të.

“Kur qeveria turke më shpalli terrorist, të gjithë bashklojtarët e mi, fansat dhe trajnerët qeshën. Kjo tregon natyrën e qeverisë turke”, vazhdon rrëfimi i basketbollistit Kanter.

Prokurorët në Turqi kanë kërkuar dënim prej katër vitesh për basketbollistin. Sipas tyre, ylli i NBA kreu krim duke e quajtur presidentin Erdogan dikaktor në rrjetet sociale.

“Krejt çfarë dua të bëj është të mbroj të drejtat e njeriut dhe demokracinë”.

Basketbollisti Kanter ndihmoi klubin e tij drejt finales së konferencës perëndimore të NBA. Ai thotë se ky do të duhej të ishte moment krenarie për vendin e tij.

Por Turqia nuk i ka transmetuar ato ndeshje.

Basketbollisti nuk përjashton mundësinë e angazhimit në politikë. E sigurt, thotë ai, është lufta e tij për respektim të të drejtave të njeriut, qoftë brenda apo jashtë sallës së basketbollit.

Simona Halep fiton për herë të parë në Wimbledon, mund Serena Williamsin

VOAL – Pasi fitoi Roland Garros të vitit të kaluar, Simona Halep (WTA 7) fitoi Grand Slamin e dytë të karrierës në Wimbledon. Rumunia mundi Serena Williamsin (10) në një finale pa asnjë gjë për t’u shënuar, duke mbizotëruar me një 6-2 të dyfishtë në më pak se një orë lojë. 37-vjeçarja amerikan, e cila ishte imponuar në 7 raste në barin e Londrës, nuk ishte në gjendje të shfrytëzonte as përpjekjen e tretë për të barazuar rekordin e 24 Grand Slams të fituar nga Gjykata Australiane e Margaret Smith pas humbjeve në aktin e vet të fundit në Wimbledon dhe në US Open në 2018.

27-vjeçarja nga Costanza ishte në gjendje që menjëherë ta vendoste sfidën në duart e saj, duke ia marrë kundërshtares dy herë shërbimin dhe duke e mbyllur lehtë setin e parë. Në setin e dytë, 37-vjeçarja amerikane u përpoq të qëndronte në lojë, por break-et e marra nga Halep në lojën e 5-të dhe të 7-ta kanë shuar shpresat e kundërshtares.

CAS merr vendimin: Skënderbeu 10 vjet jashtë Europës

Gjykata e Arbitrazhit Sportiv në Zvicër ka rrëzuar Apelin duke lënë në fuqi dënimin me 10 vjet përjashtim nga Europa dhe një gjobë 1 milionë euro për Skënderbeun.



KAS le në fuqi dënimin e dhënë nga UEFA më 29 mars të vitit 2018 nga Komisioni i Etikës dhe Disiplinës në UEFA .

Ky komision e kishte shpallur Skënderbeun fajtor për trukim ndeshjesh dhe e kishte përjashtuar klubin për të marrë pjesë për 10 vjet në kompeticionet europiane.

“Në bazë të dëshmive që u parashtruan, paneli i CAS gjeti që KS Skënderbeu ishte përgjegjës për trukimin e ndeshjeve dhe sanksionet e UEFA-s ishin në përpjesëtim të drejtë dhe të justifikuara. Në këtë mënyrë, hedhim poshtë apelimin e klubit dhe mbajmë në fuqi vendimin e dhënë”, e arsyeton vendimin KAS.

 

Serena Williams do të luajë finalen e saj të 11 në Wimbledon

VOAL – Serena Williams (WTA 10) do të provojë rekordin e vendosur nga Margaret Smith Court. 37-vjeçarja amerikane, së cilës i mungon vetëm një sukses për të arritur titullin e 24-t të Grand Slam të fituar nga australiania, në fakt është kualifikuar për finalen e Wimbledonit me 6-1 6-2 të qartë në më pak se një orë lojë kundër çekes Barbora Stryçova (54), e paparë deri tani në një turne të madh.

Për lojtaren legjendare amerikane të tenisit, e cila nuk ka gjetur asnjë vështirësi në këtë gjysmëfinale kundër një kundërshtareje të kontraktuar nga emocionet, kjo është finalja e njëmbëdhjetë në barin e Londrës, ku ajo mori titullin shtatë herë. Në total ky është numri 32 i finaleve të saj sa i përket Slams-it.

Paradë në Nju Jork për nder të kombëtares amerikane të futbollit për femra

Ekipi triumfues i kombëtares së futbollit për femra, që u kthye në Shtetet e Bashkuara pasi fituan në Kampionatin Botëror për të katërtën herë, u nderua të mërkurën me një paradë në rrugët e Manhatanit.

Punëtorë ndërtimi, motoçiklistë dhe vajza të vogla me flamurë amerikanë në duar, përshëndetën lojtaret e skuadrës, që shoqëroheshin në një nga automjetet e paradës nga kryebashkiaku i Nju Jorkut, Bill de Blasio dhe guvernatori i shtetit të Nju Jorkut, Andrew Cuomo, ndërsa kalonin në rrugët e qytetit.

Fitorja 2-0 e kombëtares amerikane për femra ndaj Hollandës në ndeshjen e fundit të dielën, ishte pika kulmore e një kampionati që tërhoqi audienca të jashtëzakonshme televizive dhe i dha një status ikone, bashkë-kapitenen Megan Rapinoe, që pati numrin më të madh të golave në kampionat dhe që ka ngritur gjithmonë zërin për tema delikate.

Fitorja tërhoqi vëmendjen edhe për përpjekjet e ekipit për barazi në pagesë me lojtarët e kombëtares së meshkujve dhe rrjedhimisht edhe për barazinë në pagë për gratë në përgjithësi.

Presidenti Donald Trump e uroi ekipin për fitoren në Twitter, por nuk ka bërë ende ndonjë ftesë në Shtëpinë e Bardhë. Nëse ftohen, Megan Rapinoe ka thënë se ajo dhe anëtare të tjera të ekipit me të cilat ajo ka folur, nuk do të merrnin pjesë, në shenjë proteste ndaj presidencës së tij. za

Pique duhet të paguajë 2.1 milionë euro taksa dhe gjobë

Madrid

Gjykata Kombëtare e Spanjës vendosi që futbollisti Gerard Pique t’i paguaj Administratës tatimore të Spanjës kthimin e tatimit dhe gjobë në vlerën 2.1 milionë euro (2.3 milionë dollarë).

Gjykata sot njoftoi se ka vërtetuar vendimin e mëparshëm se Pique duhet të përmbushë detyrimet tatimore të mbetura nga vitet 2009, 2009 dhe 2010 lidhur me të ardhurat e fituara nga të drejtat e imazhit.

Pique, një ish-mbrojtës i kombëtares spanjolle dhe qendërmbrojtësi i Barcelonës, apeloi vendimin e parë të sjellë në vitin 2016.

Gruaja e Pique, këngëtarja e njohur e muzikës pop, kolumbianja Shakira gjithashtu është nën hetime për shmangien e evazionit fiskal në Spanjë. Ajo mohon fajësinë.

Spanja vitet e fundit ka detyruar shumë lojtarë të futbollit të paguajnë pjesën e tyre të taksave, në mesin e të cilëve janë Lionel Messi dhe Cristiano Ronaldo.