VOAL

VOAL

Please Wait ...
0%

Udhëzuesi për të moshuarit – Kujdesi që duhet të tregojnë

By | March 25, 2020

Komentet

Njerëzit e prekur nga Covid-19 rrëfejnë sfidën e madhe

COVID-19 po merr jetë njerëzish dita ditës me një ritëm që i ka lënë shkencëtarët gojëhapur.

Mbi 537,873 njerëz janë infektuar prej tij tashmë dhe gjasat janë që ky numër të jetë më i lartë të nesërmen e këtij artikulli.

Nga ana tjetër, mbi 124,564 njerëz janë infektuar prej tij por janë rikuperuar.

Ata tashmë e dinë progresin e simptomave dhe rëndësinë e vetë-izolimit.

Ata e njohin panikun por edhe sikletin e temperaturës së lartë, kollës dhe frikës së humbjes së jetës.

Një artikull i Huffington Post, i përshtatur në shqip nga AgroWeb.org ofron pikëpamjet dhe këshillat që japin njerëzit që e kanë kaluar COVID-19.

Ai Përhapet Shpejt.

Trevor Mankin nga Siatëlli u infektua me COVID-19 kur me 1 Mars vizitoi një mik në spital.

Ai supozonte se ishte i mbrojtur dhe besonte me të vërtetë që i kishte marrë të gjitha masat.

Ai vuri maskë, mbajti doreza dhe i lau duart para dhe pas vizitës.

Mjaftuan 10 ditë dhe si Mankin ashtu edhe e shoqja rezultuan të infektuar me COVID-19.

Përpara shfaqjes së simptomave, Mankin vendosi të shkojë në zyrë për të marrë ca dokumenta. Të nesërmen, sekretarja e tij shkoi gjithashtu në zyrë.

Edhe përse të dy nuk kishin asnjë kontakt me njëri tjetrin, sekretarja u sëmur.

Mankin kishte prekur dorezën dhe ishte kollitur në zyrë.

Kjo është arsyeja përse sipas Mankin, distancimi fizik është tepër i rëndësishëm.

Nuk Është Njësoj Me Gripin

Chiara Di Giallorenzo, 25 vjeç nga Miami u sëmur me COVID-19 në 6 Mars.

Simptomat e para ishin temperaturë e lartë dhe plogështi.

Në fillim ajo mendoi se ishte me grip, por më pas përjetoi një shtrëngim të fortë në kraharor dhe nuk mbushej dot me frymë.

Një grua tjetër nga Siatëlli tha se simptomat e saj përveç temperaturës së lartë përfshinin bllokim të rrugëve të frymëmarrjes, dhimbje koke dhe mjegullim të trurit.

Kujdes Me Lajmet

Mankin, të cilin e përmendëm më lart, këshilloi se ekspozimi i tepruar ndaj lajmeve e dëshpëroi atë.

Kësisoj, gjatë izolimit, ai vendosi të informohet për situatën vetëm një orë në ditë.

Ka shumë negativitet- tha ai- dhe lajmet më mërzisnin dhe shqetësonin.

Ushqimet

Njerëzit që e kanë kaluar COVID-19 thonë se njerëzit duhet të frenohen nga dëshira dhe paniku për të bërë sa më shumë blerje ushqimesh.

“Përse duhet të marrësh 600 topa letre higjenike. Ato nuk janë vaksina. Njerëzit duhet ta mbledhin mendjen dhe të ruajnë toruan,” tha Christi, një tjetër histori suksesi në betejën kundër virusit.

Situata Duhet Marrë Seriozisht

Sipas ekspertëve, 80 përqind e njerëzve që preken nga COVID-19 përjetojnë simptoma të një intensiteti mesatar dhe arrijnë t’ia hedhin situatës duke qëndruar në shtëpi.

Por kjo nuk do të thotë që njerëzit që janë më pak të rrezikuar, nuk duhet ta marrin seriozisht situatën, përkundrazi!

Të rinjtë dhe adoleshentët që mendojnë se jeta duhet të vazhdojë dhe se nuk do t’i gjejë gjë nga virusi, gabohen rëndë dhe rrezikojnë jo vetëm jetën e tyre por edhe familjarët dhe miqtë.

6 arsye përse duhet të qeshni edhe në kohë pandemie

Këtë e thonë ekspertët, të cilët kanë identifikuar mënyrat se si e qeshura na ndihmon të jemi më mirë fizikisht dhe shpirtërisht.

Pandemia e Koronavirusit ka tronditur rëndë themelet bazë të jetës së njeriut.

Por pavarësisht vetë-izolimit dhe situatës së frikshme, njeriu jo vetëm që duhet të lajë duart e të kujdeset për veten dhe familjen por nuk duhet të harrojë të buzëqeshë.

Tani në këto kohë, e qeshura është arma më e fortë ndaj mërzisë, trishtimit dhe ankthit.

Këtë e thonë ekspertët, të cilët kanë identifikuar mënyrat se si e qeshura na ndihmon të jemi më mirë fizikisht dhe shpirtërisht.

E Qeshura Largon Stresin

Stresi lë shumë gjurmë jo vetëm në fytyrë por edhe në organizëm. Buzëqeshja nga ana tjetër bën të mundur që ne të mos ngjajmë të lodhur e të drobitur.

Besojeni ose jo, buzëqeshja dhe e qeshura në përgjithësi largojnë stresin.

E Qeshura Të Dobëson

Një studim i fundit të cilit i referohet AgroWeb.org ka zbuluar se njeriu mund të dobësohet edhe duke qeshur.

Sipas tyre, nëse njeriu qesh gjatë një komedie që zgjat minimalisht 15 minuta, djeg 10-40 kalori.

E gjitha i atribuohet hormonit të serotoninës, që njihet ndryshe edhe si hormoni i lumturisë.

Ky hormon besohet të ulë oreksin dhe rrjedhimisht nuk do të duhet të duhet ta shuani stresin me ushqim.

Qeshni Për Një Humor të Mirë

E qeshura përmirëson humorin për faktin e rëndësishëm se falë saj aktivizohen një sërë sinjale neuronesh në tru por edhe sekretohen hormone si dopamine dhe serotonina.

Buzëqeshjen mund ta përshkruajmë si një anti-depresant natyral.

E Qeshura Forcon Imunitetin

Buzëqeshja ndihmon sistemin imunitar të funksionojë më mirë.

Buzëqeshja e qetëson njeriun dhe imuniteti është më i fortë në përballjen me të ftohurën apo gripin.

E Qeshura Ul Tensionin e Gjakut

Kur njeriu qesh, tensioni i gjakut në organizëm ulet. Mund ta provoni edhe vetë në shtëpi. Mateni tensionin duke ndenjur ulur në shtëpi. Më pas qeshni për rreth një minutë dhe mateni sërish dhe do të vëreni ndryshime.

E Qeshura i Bën Mirë Zemrës

Studimet kanë treguar se e qeshura e vërtetë dhe me zemër, ka ndikim të fortë në këtë organ.

Njerëzit që buzëqeshin e qeshin kanë rrahje më të ulëta të zemrës.

COVID-19 në Shqipëri: Testimet konifrmojnë zgjerimin e hartës së të prekurve

Në një deklaratë për të gjitha mediat, Drejtoresha e Institutit të Shëndetit Publik, Albana Fico, informoi mbi situatën e COVID-19 në Shqipëri.

Ajo pohoi se epidemiologët janë duke punuar në terren për të identifikuar në kohë kontaktet, pas verifikimit të rasteve të dyshuara.

Sipas të dhënave që AgroWeb.org ka siguruar, në 24 orët e fundit janë testuar 102 persona të dyshuar, prej të cilëve 12 kanë rezultuar pozitivë.

“Deri në këto momente janë testuar 1246 raste të dyshuara dhe prej tyre janë të konfirmuar pozitivë me COVID-19, 186 raste,” deklaroi Fico.

Ndërkohë që ajo vijoji me gjendjen e pacientëve, duke informuar se gjatë mbrëmjes së djeshme dhe sot në mëngjes kanë ndërruar jetë dy pacient.

Një 85 vjeçare nga Tirana dhe një 66-vjeçar nga Fieri të konfirmuar me COVID-19 në spitalin infektiv.

Numri i viktimave prej COVID-19 në Shqipëri ka shkuar në 8 pas konfirmimit të fundit nga ISHP.

Në shërbimin infektiv aktualisht janë 77 të shtruar dhe prej tyre 5 janë në terapi intensive.

Pjesa tjetër e të shtruarve në pavion janë në gjendje të stabilizuar deri në këto momente.

Përsa i përket përhapjes së COVID-19, Puka është një tjetër qytet që i shtohet hartës.

Ndërsa harta zgjerohet në Tiranë, Korçë, Fier, Shkodër dhe Durrës.

Shpërndarja gjeografike e rasteve pozitive, është si vijon:

– Tiranë 107 raste

– Durrës 11 raste

– Lushnje 4 raste

– Elbasan 5 raste

– Rrogozhinë 2 raste

– Fier 20 raste

– Kavajë 4 raste

– Korçë 12 raste

– Vlorë 5 raste

– Shkodër 4 raste

– Lezhë 4 rast

– Berat 1 rast

– Has 2 raste

– Krujë 1 rast

-Tropojë 2 raste

– Pukë 2 raste

Fico konfirmoi se deri tani një mjek dhe një infermier janë shëruar dhe në total janë 31 të shëruar, pas testeve të kontrollit të kryera kanë rezultuar negativë.

Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital!

Duke i rikujtuar se ka vënë në dijeni një linjë të gjelbër FALAS 0800 40 40 për çdo qytetar që kërkon informacion apo këshilla në lidhje me COVID-19.

Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për çdo shqetësim tjetër që ata kanë.

Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!/AgroWeb.org

Ilaçi eksperimental Remdesivir mund të bëhet më i disponueshëm

Një kompani bioteknike amerikane ka ndaluar miratimin e veçantë që kishte marrë për përdorimin e një ilaçi që po testohet si një trajtim i mundshëm për COVID-19, por thotë se po punon me Shtetet e Bashkuara dhe vendet e tjera për ta bërë ilaçin eksperimental më të disponueshëm në më shumë vende.

Remdesivir, një ilaç i prodhuar fillimisht për trajtimin e Ebolës, po kalon një numër provash klinike në SHBA dhe gjetkë për të përcaktuar sigurinë dhe efikasitetin e tij kundër sëmundjes së lindur nga koronavirusi, me rezultatet e para që priten në muajt e ardhshëm.

Shpresat janë rritur për ilaçin pasi u administrua te një pacient në Shtetet e Bashkuara në janar. Pacienti, i pari në Sh.B.A, pa kontakte të njohura me një burim infeksioni jashtë vendit, tregoi shenja përmirësimi brenda 24 orëve nga marrja e ilaçit.

Qysh atëherë, kompania Gilead Science e Kalifornisë e ka administruar ilaçin në rreth 250 individë në Shtetet e Bashkuara, Japoni dhe Evropë sipas procedurave të posaçme që lejojnë përdorimin e një ilaçi akoma të pa miratuar, kur nuk është në dispozicion asnjë alternativë tjetër e zbatueshme.

Por kompania thotë se ka qenë e mbingarkuar me kërkesa të tilla dhe se ka ndaluar përkohësisht procesin. Ndërkohë ajo thotë se po kërkon të kalojë në “programe të zgjeruara të qasjes”, ku mund ta bëjë ilaçin të disponueshëm tek një numër më i gjerë pacientësh, si në Shtetet e Bashkuara ashtu edhe jashtë saj.

Menjëherë pasi pacienti amerikan u trajtua me Remdesivir në janar, Gilead punoi me autoritetet amerikane për të dërguar sasi të mjaftueshme të ilaçit në Kinë për të lejuar deri në 500 pacientë të merrnin pjesë në provat klinike të kryera në spitalet në Wuhan.

Këto prova filluan në fillim të shkurtit, por rezultatet nuk priten deri në fund të prillit, ose në fillim të majit për shkak të “maskimit”, që do të thotë se studiuesit nuk do ta dinë deri atëherë se cilët pacientë morën ilaçin dhe cilët kanë marrë thjesht një qetësues.

Kompania Gilead nisi provat e veta klinike në fillim të këtij muaji, duke përfshirë 1.000 pacientë të konfirmuar me COVID-19 në gjithsej 17 vende, duke përfshirë Korenë e Jugut, Singaporin, Hong Kongun, Tajvanin dhe disa shtete amerikane. Këto prova nuk shoqërohen nga maskimet, kështu që rezultatet do të jenë më të shpejta.

Prova klinike të veçanta nga Instituti Kombëtar i Alergjisë dhe Sëmundjeve Infektive të Shteteve të Bashkuara (NIAID) kanë për qëllim studimin afatgjatë të efektiviteteve të ilaçit Remdesivir në luftën kundër COVID-19. Ky studim është duke u zhvilluar në 33 vende në Shtetet e Bashkuara, përfshirë vendet e goditjura më rëndë si Nju Jorku, Kalifornia dhe shteti i Uashingtonit. Studimi përfshin gjithashtu pacientë në Japoni, Korenë e Jugut, Singapor dhe Hong Kong dhe përfundon në vitin 2023.

Gilead, e cila fillimisht zhvilloi ilaçin Remdesivir për të trajtuar Ebolçn, thotë se e ka dhuruar ilaçin për provat klinike në të gjithë botën, dhe qeverisë së Shteteve të Bashkuara për të mbuluar trajtimin e personelit ushtarak amerikan dhe familjeve të tyre.

Kompania është kritikuar për kërkimin dhe marrjen e një statusi të veçantë për për ilaçin nga Administrata e Ushqimit dhe e Barnave në Sh.B.A. Ky status siguron zbritje të taksave dhe stimuj për patenta për kompani që zhvillojnë trajtime të cilat normalisht nuk do të ishin fitimprurëse për sëmundje të rralla.

Pas reagimeve në internet, që vunë në dukje se COVID-19 është vështirë të shihet si një sëmundje e rrallë në këtë pikë, Gilead i kërkoi FDA të tërhiqte statusin e veçantë.

Michael Felberbaum, një zyrtar i FDA-së, i tha Zërit të Amerikës se kompanisë iu dha statusi i veçantë për Remdesivir sepse i plotësonte kriteret në kohën e paraqitjes së kërkesës. Statusi është i disponueshëm për sëmundjet që prekin më pak se 200,000 njerëz në Shtetet e Bashkuara.

Si ka ndryshuar sjellja e qytetarëve në vendin tonë nga COVID-19?

Pas 17 ditëve, të gjithë po jetojmë në një tjetër realitet, i cili këtë radhë është imponuar për sigurinë e gjithsecilit prej nesh.

Që nga data 10 Mars Shqipëria nisi me kufizimin e lëvizjes së qytetarëve.

Institucionet arsimore ishin të parët që ndaluan mësimdhënien për të siguruar mbrojtjen e fëmijëve.

Qeveria vendosi fasha orare të cilat rregullojnë daljet e qytetarëve vetëm për të blerë ushqime apo për ndonjë emergjencë.

Përsa i përket automjeteve, lejohen vetëm ato të autorizuarat nga instancat përkatëse.

Pas 17 ditëve, të gjithë po jetojmë në një tjetër realitet, i cili këtë radhë është imponuar për sigurinë e gjithsecilit prej nesh.

Në një anketim të kryer së fundmi, ka qenë pikërisht ky ndryshim fokusi i studimit.

Kompania IDRAPOLL përmes pyetjeve ka arritur të mbledh të dhëna lidhur me ndryshimet e mundshme që ka pësuar sjellja e qytetarëve si rrjedhojë e situatës së krijuar nga COVID-19.

Qytetarëve u drejtohej një pyetje lidhur me aktivitetet e tyre personale ditore, për të parë gjendjen e krijuar.

Gjetjet e Anketimit

Nga e gjithë popullsia, vetëm 1/3 e të punësuarve ka mundësi që të punojë nga shtëpia kundrejt një pagese.

Duke qenë se shumica e profesioneve nuk mund të kryhet dot nga shtëpia, tek qytetarët është ngritur një shqetësim.

Gjithçka lidhet me kohëzgjatjen e rregullave kufizuese të cilat bëjnë të mundur ndalimin e përhapjes së virusit COVID-19.

Përsa i përket lëvizjes, nga anketa rezultoi se 3 në 4 qytetarë “qëndrojnë në shtëpi dhe vetëm me raste të rralla dalin jashtë”.

Ndërkohë nga ana tjetër 8 në 10 nga ata që duhet të dalin pohojnë se mundohen që të shmangin grupet e njerëzve.

Çfarë tregon anketa për higjienën?

Një nga këshillat e përsëritura më shpesh nga mjekët infeksionist dhe specialistët e epidemiologjisë, është higjiena.

Larja e duarve ka qenë një nga temat më të trajtuara këtë kohë, dhe me të drejtë.

Përmes këtij veprimi arrihet që të eliminohet prezenca e virusit në duar, duke shmangur kështu infektimin.

Sipas anketës rezulton se 74% e qytetarëve kanë filluar të lajnë duart më shpesh këtë periudhë.

Gjithashtu shifrat për përdorimin e dezinfektuesve të duarve është e lartë.

38% e të anketuarve përdorin maska kur dalin në ambientet e jashtme, si dhe 30% prej tyre përdorin dorashka.

Sipas studiuesve duket se ka një nivel të madh përshtatjeje të sjelljes së qytetarëve me këtë situatë.

Edhe pse ata pohojnë se situate të tilla kërkojnë ndërgjegjësim të të gjithë popullsisë.

Ata ngrenë alarmin për atë pjesë të popullsisë e cila vazhdon të sillet si para përhapjes së pandemisë.

Diçka që vë në rrezik sigurinë e qytetarëve Shqiptar./AgroWeb.org

Pse shqiptarët janë më të rrezikuarit nga COVID-19? – Faktorët Ndikues

Tani kur bota po përjeton emergjencën e krijuar nga virusi Covid që shkatërron pikërisht mushkëritë, të sëmurët me SPOK janë më të rrezikuar.

Sëmundjet që prekin mushkëritë gjatë dekadës së ardhshme do të jenë shkaktari i tretë i vdekjeve në botë për shkak të ndotjes ambientale dhe pirjes së duhanit parashikon një studim i fundit i Shoqatës Europiane të Sëmundjeve Respitarore (ERS).

Më së shumti përgjegjës për shkatërrimin e mushkërive janë sëmundjet Pulmonare Obstruktive Kronike (SPOK).

Në zonat me ndotje të lartë si Tirana dhe qytete të tjera të mëdha ka prevalencë më të lartë te sëmundshmërisë.

Tani kur bota po përjeton emergjencën e krijuar nga virusi Covid që shkatërron pikërisht mushkëritë të sëmurët me SPOK janë më të rrezikuar.

Pneomulogët pohojnë se ka një rritje të prevalencës se SPOK-ut në tre dekadat e fundit.

Luan Durmishi mjek pneumolog thotë se,SPOK favorizohet nga rritja e theksuar së ndotjes ambientale.

Ai tha se të sëmurët nga ky çrregullim janë rritur edhe në Tiranë, pasi faktorët e ndotjes janë më të lartë.

Ndotja e lartë dhe duhanpirja janë faktorëpërgjegjës për zbritjen e sëmundjes në moshat e reja.

Vitet e fundit sëmundja ka zbritur edhe moshës 40 vjeç, teksa zakonisht është karakteristikë e moshës së tretë, sqaroi ai.

Studimet rreth Covid po tregojnë se, qytetet me ndotje të lartë kanë një prevalenvcë më të lartë humbjesh.

Javën e kaluar një analizë është cituar gjerësisht nga Shoqata italiane e Mjekësisë së Mjedisit (SIMA) dhe Universitetet e Bolonjës dhe Bari, sipas së cilës ndotja e ajrit në zonat urbane mund t’i vërë qytetarët në rrezik më të madh nga koronavirusi, pasi cilësia e dobët e ajrit shkakton hipertension, diabet dhe sëmundje të frymëmarrjes, të gjitha kushtet që lidhen me vdekshmërinë nga pandemia.

Një studim i Institutit të Shëndetit Publik ka gjetur se në vitin 2016 në krahasim me vitin 2005 kishte prova të një rritje të shkallës së vdekshmërisë që i atribuohet:

  • sëmundjes ishemike të zemrës (rritje prej 19%),
  • sëmundjes cerebrovaskulare (rritje prej 9.5%)
  • kancerit të mushkërive (18.8% rritje).

Për më tepër, në vitin 2016, në krahasim me 2005, u gjet rritje prej 21% të sëmundjeve të tjera kardiovaskulare, dhe 10.9% rritje të sëmundjes pulmonare kronike obstruktive (SPOK).

SPOK-u zakonisht zhvillohet për shkak të dëmtimit afatgjatë të mushkërive nga  substanca të dëmshme nga tymi i cigares, apo ndotja e ajrit.

Profesionet të cilat njerëzit janë të ekspozuar ndaj pluhurit, tymrave dhe kimikateve, gjithashtu mund të kontribuojnë në zhvillimin e SPOK- ut.

Burimet tregojnë se në spitalinSpitalin e Mushkerive “Shefqet Ndroqi” ne Sauk, çdo vit regjistrohen rreth 600 raste te reja me kancer ne mushëkri.

Duke parë rritjen e duhanpirjes me ritme të shpejta tek adoleshentet dhe femrat dhe ndotjen e ajrit, mjeket paralajmërojnë se pas 20 vitesh këto sëmundje do të prekin akoma më shumë jetë njerëzish./Burimi:Monitor

Mjeku shqiptar në Itali – Fushatë për donacione në Shqipëri

Fushata për mbledhjen e fondeve për QSUT-në dhe për strukturat e tjera spitalore rajonale dhe bashkiake.

Heronjtë e ditëve të sotme padyshim janë mjekët, ata të cilët ndodhen në vijën e parë për të mposhtur këtë virus.

Të shumtë janë dhe të rinjtë shqiptarë të cilët punojnë në spitalet evropiane, por dhe jo vetëm. IntoAlbania ka kontaktuar spelializantin në Anestezi, Drilon Kamishin, i cili prej disa muajsh ndodhet në Genova, përveç se po mbyll specializimin e tij, aktualisht po trajton edhe rastet me Covid 19 në këtë qytet të Italisë.

Vështirësi dhe Forcë

Ndër të tjera për IntoAlbania ai ka theksuar se në rajonin e Ligurias janë rreth 1570 raste të konfirmuara dhe disa dhjetëra të cilët kanë humbur jetën. Duhet theksuar se Liguria është vendi më i prekur dhe numri i të infektuarve rritet çdo ditë .

Driloni thekson se “aktualisht situata është tepër e rëndë sepse rajoni Liguria është rajoni i pestë më i prekur në gjithë Italinë . Në repartin e terapisë intensive nuk ka më vende të mbetura, pasi reparti është i tejmbushur dhe pacientët të cilët kanë nevojë për terapi intensive mbahen në urgjencë apo pavione të tjera.

Rreth 70 % e stafit mjekësor është i kontaminuar ku një pjesë e tyre kanë pasur simptoma ndërkohë një pjesë tjetër jane asimptomatike. Në Genova tashmë është gati dhe një traget i cili është kthyer në spital vetëm për pacientët me Covid 19, pasi theksojmë që çdo spital tjetër është i tejmbushur duke e çuar sistemin shëndetësor në vend, drejt kolapsit .

Solidaritet për Mjekët Shqiptarë

Janë mbi 3000 veta staf mjekësor të prekur nga Covid 19, prej të cilëve 15 mjek kanë humbur jetën , një infermiere dhe 3 operatorë të 118 në gjithë Italinë . Mënyra e përhapjes së virusit është nga njeriu tek njeriu prandaj është e domosdoshme qëndrimi në shtëpi për të evituar përhapjen qoftë në popullatë, qoftë tek familjarët apo njerëzit e dashur.”

Pavarësisht se shërben në vendin fqinj, Driloni së bashku me katër studentë shqiptarë të Mjekësisë në Romë, Milano dhe Perugia, kanë krijuar një fushatë për mbledhjen e fondeve për QSUT-në dhe për strukturat e tjera spitalore rajonale dhe bashkiake, në mënyrë që të mbështesin dhe forcojnë menjëherë Njësinë e Kujdesit Intensiv dhe të sigurojnë: -më shumë pajisje mbrojtëse personale për të gjithë stafin, si edhe ventilatorë pulmonar. Për të gjithë që duan të vijnë në ndihmë sadopak mund të japin kontributin e tyre duke klikuar në këtë link.  /Nga:  IntoAlbania

Tirana shkon në 102 raste pozitive me COVID-19 – Mjekët bëjnë thirrje për kujdes

Në këtë spital sipas të dhënave të AgroWeb.org janë të shtruar 73 qytetarë, 3 prej të cilëve gjenden në terapi intensive dhe 2 të tjerë janë intubuar.

Ministria e Shëndetësisë sapo doli në një deklaratë për mediat për të përditësuar zhvillimet e reja të virusit COVID-19.

Sipas Eugena Tominit, gjatë 24 orëve janë kryer 103 testime, nga ku 28 rezultuan të ishin pozitivë.

Ndërkohë që Tomini lajmëroi se pacientja 71-vjeçare e cila ishte në terapi intensive ka ndërruar jetë gjatë mbrëmjes.

Pacientja vuante nga hipertensioni dhe ishte shtruar në spitalin infektiv të Tiranës para 7 ditëve.

Në këtë spital sipas të dhënave të AgroWeb.org janë të shtruar 73 qytetarë, 3 prej të cilëve gjenden në terapi intensive dhe 2 të tjerë janë intubuar.

Ndërsa harta e qyteteve të prekura ka përfshirë edhe Tropojën, ku shënohen edhe rastet e para.

Nga ana tjetër Tirana rezulton të jetë qyteti më i prekur, e pas saj Durrësi.

Mjekët infeksionist gjithashtu edhe Ministria e Shëndetësisë u bëjnë thirrje qytetarëve që të zbatojnë rregullat.

Të tregojnë kujdes me higjienën dhe të zbatojnë distancimin social.

Deklarata e plotë e Ministrisë së Shëndetësisë

Ministria e Shëndetësisë: 28 raste të reja në 24 orë, 174 të prekur nga COVID-19

Eugena Tomini

Instituti i Shëndetit Publik informon për situatën më të fundit të COVID-19 në Shqipëri.

Ju informojmë mbi situatën e fundit të përhapjes së COVID-19 në vendin tonë

Në 24 orët e fundit janë konfirmuar 28 raste të reja me COVID-19 dhe janë kryer 103 testime.

Deri në këto momente testuar 1144 janë raste të dyshuara dhe prej tyre janë të konfirmuar pozitivë me COVID-19, 174 qytetarë.

Gjatë orëve të mbrëmjes së djeshme ndërroi jetë një paciente 71-vjeçare nga Tirana, e konfirmuar me COVID-19, e shtruar në spitalin Infektiv, në terapi intensive, në frymëmarrje të drejtuar (respirator). Pavarësisht përpjekjeve të mjekëve, 71-vjeçarja me hipertension, e shtruar prej 7 ditësh në spitalin Infektiv, nuk arriti të mbijetojë. 71-vjeçarja është viktima e gjashtë e prekur nga COVID-19 në Shqipëri.

Në shërbimin infektiv aktualisht janë 73 të shtruar dhe prej tyre 3 raste jane ne terapi itensive 2 jane te intubuar

Ndërsa pjesa tjetër e të shtruarve në pavion janë në gjendje të stabilizuar deri në këto momente.

Harta e të prekurve nga COVID-19 është shtrirë tashmë edhe në Tropojë dhe zgjerohet në Tiranë, Korçë, Fier, Durrës, Lezhë, Elbasan, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.

Shpërndarja gjeografike e rasteve pozitive, është si vijon:

– Tirane 102 raste

– Durres 10 raste

– Lushnje 4 raste

– Elbasan 5 raste

– Rrogozhine 2 raste

– Fier 18 raste

– Kavaje 4 raste

– Korce 11 raste

– Vlore 5 raste

– Shkoder 3 raste

– Lezhe 4 rast

– Berat 1 rast

– Has 2 raste

– Kruje 1 rast

-Tropoje 2 raste

Nga të prekurit, rezultojnë 4 raste pozitive të moshës pediatrike, kontakte të rasteve pozitive, janë pa shenja klinike dhe në gjendje të mirë shëndetësore.

Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital!

Ministria ka vënë në dispozicion një linjë të gjelbër FALAS 0800 40 40 për çdo qytetar që kërkon informacon apo këshilla në lidhje me COVID-19. Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për cdo shqetësim tjetër që ata kanë.

Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!/AgroWeb.org

Ekspertët flasin për mënyrën e të ushqyerit gjatë karantinës

Përveç dietës së ekuilibruar, ushtrimet janë shumë të rëndësishme për shëndetin

Me përhapjen e koronavirusit të ri (Covid-19) në shumë pjesë të botës, njerëzit mbeten të karantinuar nëpër shtëpi, por ekspertët paralajmërojnë se zvogëlimi i aktivitetit fizik dhe mënyrat jo të mira të të ushqyerit përbëjnë rrezik për shëndetin, shkruan Anadolu Agency (AA).

“Ne duhet të kemi parasysh se një dietë e shëndetshme dhe e ekuilibruar forcon sistemin tonë imunitar dhe na mbron”, tha gastroenterologu Vedat Goral nga Spitali Universitar Medipol Mega në Stamboll.

Goral theksoi se është jashtëzakonisht i rëndësishëm vendi se ku hamë kur qëndrojmë në shtëpi.

“Hani në tryezë. Mos hani në shtrat, në dhomën e gjumit ose në kompjuter, pasi mund të hani pa vetëdije më shumë sesa keni nevojë. Kjo mënyrë e sjelljes mund të çojë në shtimin e peshës dhe madje edhe në sëmundje kronike”, tha Goral.

Ai konsideron se është shumë e rëndësishme edhe ajo çfarë blejmë. Ai rikujtoi për vendosjen e orës policore si dhe gjendjes së jashtëzakonshme, për çka njerëzit blejnë makarona sepse janë të lira.

Makaronat nuk janë një vakt ideal për shkak të numrit të lartë të kalorive dhe vlerës së ulët të saj ushqyese. Në vend të makaronave, Goral rekomandon ushqime të pasura me fibra dhe proteina si dhe fruta dhe perime.

Ai shtoi se nuk duhet lënë anash ushqimet e pasura me vitaminë D dhe kalcium si qumështi, vezët, kosi dhe djathi. Goral gjithashtu rekomandoi për konsumin e ushqimeve të pasura me vitaminë C.

“Ju mund të hani molla, portokall dhe të gjitha llojet e agrumeve”, tha Goral.

Për ata që nuk hanë mish, ai rekomandoi bizele, thjerrëza të kuqe, qiqra (leblebia) dhe fasule të kuqe. Sipas tij, dieta e shëndetshme dhe e ekuilibruar nuk është e mjaftueshme, prandaj duhet të ushtrohet.

“Konsumi i pijeve me sheqer që rrisin shpejt sheqerin në gjak, bukën e bardhë, ëmbëlsirat dhe mishin e përpunuar për mëngjes dhe ushqimet me kripë të lartë duhet të minimizohen”, tha Goral.

Ai paralajmëroi shmangien e pijeve alkoolike dhe cigaren, veçanërisht gjatë një periudhe stresuese.

Gizem Gencyurek, nutricioniste në spitalin e Universitetit Medipol Pendik në Stamboll, tregoi se stresi mund të bëjë që dikush të hajë më shumë gjatë aktivitetit të zvogëluar fizik.

Për ta parandaluar këtë, ekzistojnë disa gjëra për të cilat Gencyurek thotë se nuk janë të vështira dhe njëra prej tyre është ushqimi i shëndetshëm.

“E para nga këto është një dietë e ekuilibruar: Ne duhet të përfshijmë 4 grupet themelore të ushqimit që i kemi në dispozicion, e që janë mishi, qumështi, drithërat, pemët dhe perimet, veçanërisht gjatë ngrënies së mëngjesit, drekës dhe darkës”, tha Gencyrek.

Ajo tha se nuk duhet të harrojmë pierjen e ujit dhe forcimin e sistemit imunitar.

Gjithashtu është e dobishme të marrim multivitaminë dhe probiotikë.

“Ne duhet të zgjedhim një alternativë të shëndetshme në vend të produkteve të paketuara, të përpunuara dhe të sheqerosura. Për shembull, në vend të patateve të skuqura gjatë shikimit të një filmi, ju mund të hani kokoshka ose në vend të pijeve të gazuara mund të pini qumësht me shafran të Indisë”, theksoi Gencyurek.

Ajo shtoi se është thelbësore të jemi sa më aktiv në shtëpi dhe se në internet janë në dipozicion të cilat mund të bëhen në komoditetin e shtëpisë.

Sipas saj, higjena dhe mënyra e gjumit janë jashtëzakonisht të rëndësishme gjatë karantinës.

Ajo rikujtoi nevojën për ajrosjen e dhomave dhe larjen e shpeshtë të duarve me sapun.

Lloji i ri i koronavirusit, i cili për herë të parë shpërtheu dhjetorin e kaluar në qytetin kinez Wuhan është përhapur në më shumë se 170 vende dhe territore.

Organizata Botërore e Shëndetetësisë shpërthimin e koronavirusit e ka shpallur pandemi.

Më shumë se 472 mijë njerëz janë infektuar nga lloji i ri i koronavirusit në botë ndërsa 21.300 kanë vdekur si rezultat i infeksionit. Më shumë se 114.800 janë shëruar, njofton Universiteti amerikan “Johns Hopkins”.

Megjithë, numrin në rritje të njerëzve të infektuar, shumica e të prekurve nga virusi tregojnë simptoma të lehta dhe shërohen.

Disa produkte që konsumojmë çdo ditë janë armiqtë e zemrës

Përveç ushqyerjes së shëndetshme dhe aktivitetit fizik, ju mund të ulni faktorët e rrezikut.

Dëshironi ta mbani zemrën të shëndetshme për shumë vite me rradhë? Siç e dini, rruga drejt zemrës fillon nga stomaku, ndaj duhet të tregoni mjaft kujdes ndaj disa ushqimeve.

Bëhet fjalë për ushqime që duhet t’i konsumoni rrallë ose më e mira e të mirave t’i zëvëndësoni me alternativa më të shëndetshme për zemrën.

Mishrat e përpunuar

Mishrat e përpunuar si sallamrat ose salçicet kanë nivele të larta të yndyrnave të ngopura. Ndonëse mund të gjeni në treg alternativa me më pak yndyrë, ato me siguri janë të mbushura me kripë. Edhe copa më e hollë e një produkti të tillë përmban gjysmën e dozës së rekomanduar të kripës.

Ushqimet e skuqura

Shumë studime kanë zbuluar se ngrënia e ushqimeve të skuqura – siç janë patatet, pula apo çdo ushqim tjetër i shpejtë- rrit rrezikun e sëmundjeve të zemrës.

Metodat konvencionale të skuqjes varen tërësisht në përdorimin e yndyrnave trans që rrisin nivelin e kolesterolit të keq. Njerëzit duhet të kuptojnë që çdo ushqim tjetër që nuk skuqet në shtëpinë e tyre duhen shmangur tërësisht.

Karamelet

Për shumë vite me rradhë, yndyrnat janë përmendur si një nga shkaktarët më në zë në mesin e ushqimeve të sëmundjeve të zemrës. Megjithatë, studime të kohëve të fundit, treguan se industria e produkteve të ëmbla, kishte iniciuar një pretendim të tillë.

Ekspertët tani besojnë se niveli i lartë i sheqerit mund të jetë një kërcënim po aq i madh që kontribuon ndaj obezitetit, inflamacionit, kolesterolit dhe diabetit, të gjithë shkaktarë të sëmundjeve të zemrës.

Debatet mes kardiologëve janë përqendruar tek roli i yndyrnave të ngopura, kolesterolit dhe sheqernave. Nëse ka një një përbërës që pacientët që vuajnë nga sëmundjet e zemrës ose janë të rrezikuar prej tyre, është pikërisht sheqeri.

Pijet me ëmbëlsues shtesë

Shumë konsumatorë e gjejnë burimin më të madh të sheqerit të shtuar jo në ushqime por në pije. Studimet më të fundit kanë treguar se më shumë se 60% e fëmijëve, 54% e të rriturve, dhe 45 % e femrave kishin konsumuar të paktën një pije të gazuar ose të ëmbëlsuar në mes vitit 2011 dhe 2014.

Drithërat e ëmbëlsuar

Ushqimet që duket sikur janë pjesë e ushqimeve të shëndetshme siç janë drithërat për mëngjes, janë të mbushura me sheqer.

Ngrënia e karbohidrateve të rafinuara dhe sheqernave në mëngjes nxit inflamacionin dhe rrit nivelin e sheqerit në gjak ose e luhat atë duke i çelur rrugën tundimit për sheqer gjatë gjithë ditës. Ekspertët rekomandojnë ngrënien e frutave, vezës, avokados, ose bukës me drithë të plotë.

Ëmbëlsirat e pjekura

Ëmbëlsirat e pjekura, veçanërisht ato që shiten të paketuara nëpër dyqane janë plot me sheqer dhe me gjasa janë të gatuara me yndyrna të ngopura siç është vaji i palmës ose margarina.

Pica

Shoqata Amerikane e Zemrës e ka renditur picën në mesin e gjashtë ushqimeve më të kripura, pas mishrave të lartpërmendur. Përmbajtja e kripës dhe yndyrnave të ngopura tek pica, është gjithnjë në rritje me çdo produkt shtesë që shtoni në brumin e picës.

Kur hani jashtë, mundohuni të kufizoheni me një deri në dy copa picë, ose zgjidhni picë me perime.

Pijet e gazuara dietike

Ato mund të jenë pa yndyrë ose me zero kalori, por pijet dietike kanë një anë të errët. Njerëzit mendojnë që pije të tilla janë të shëndetshme, por jo.

Studimet shkencore po provojnë dita ditës që pijet e gazuara që janë në treg, kanë lidhje me zhvillimin e obezitetit dhe diabetit që rrisin rrezikun e shfaqjes së sëmundjeve të zemrës./AgroWeb.org

Ushqimet që mund t’i ruani më shumë gjatë izolimit

Në AgroWeb.org, do të mësoni për listën e ushqimeve që duhet të jenë në çdo shtëpi, jo vetëm në këto kohë por edhe në të ardhmen.

Pandemia e COVID-19 po sfidon gjithë globin dhe ka shkaktuar jo pak frikë e ankth mes njerëzve.

Përpos frikës ndaj këtij armiku të padukshëm, njerëzit shqetësohen për furnizimet ushqimore.

Kemi parë shumë filma e kemi lexuar libra me skenarë apokaliptikë, që na tregojnë rëndësinë e të pasurit ushqime që rezistojnë në kohë dhe që mund të përmbushin nevojat tona.

Në AgroWeb.org, do të mësoni për listën e ushqimeve që duhet të jenë në çdo shtëpi, jo vetëm në këto kohë por edhe në të ardhmen.

Fasulet

Fasulet janë një burim i shkëlqyer fibre, magnezi, vitaminash B, manganic, hekuri, fosfori dhe zinku.

Ato kanë një jetëgjatësi mbi 10 vjeçare në varësi të paketimit dhe cilësisë së ruajtjes.

Fasulet e konservave mund të qëndrojnë në temperaturë ambienti për 2-5 vjet.

Gjalpi i Arrorëve

Gjalpi i arrorëve është kremoz, i pasur me ushqyes dhe shumë i shijshëm.

Në temperaturë ambienti, gjalpi i kikirikut mund të qëndrojë për deri në 6 muaj.

Gjalpi i bajames mund të qëndrojë në temperaturë ambienti për deri në një vit.

Një gjalpë i tillë është i pasur me yndyrna të shëndetshme, proteina, vitamina, minerale dhe antioksidantë.

Frutat Dhe Perimet e Thata

Në shumicën e rasteve, frutat e thata janë të sigurta për konsum deri në një vit.

Perimet nga ana tjetër mund të qëndrojnë për gjashtë muaj.

Të dyja janë një variant shumë i mirë për mes vakteve, ndërkohë që perimet edhe mund të gatuhen në supa.

Konservat

Peshku i konservës mund të ruhet në temperaturë ambienti për deri 5 vjet.

Frutat e detit nga ana tjetër mund të qëndrojnë të sigurta për konsum deri në 18 muaj.

Drithërat

Tërshëra, orizi dhe elbi janë drithëra jetëgjatë.

Ato mund të ruhen në temperaturë ambienti dhe të përdoren për supa, sallata dhe gjellëra të ndryshme.

Përpos kësaj, këto drithëra janë të shëndetshme dhe ju mbrojnë nga diabeti i tipit 2, sëmundjet e zemrës e të tjera.

Përmbajtje toksike tek Ranitidina, AKBPK: Pacientët të tregojnë kujdes

Ekspozimi afatgjatë ndaj këtyre papastërive besohet të rrisë rrezikun e kancerit në organizëm.

Agjencia Kombëtare e Barnave dhe Pajisjeve Mjekësore këshillon pacientët shqiptarë dhe profesionistët e shëndetit të tregojnë kujdes me medikamentin Ranitidinë që përdoret kundër ulçerës në stomak dhe urthit, pas zbulimit të disa papastërtive kancerogjene në përmbajtjen e tij.

Njoftimi i publikuar në faqen e Agjensisë vjen pas alarmit  në faqen zyrtare të Administratës Amerikane për Barna dhe Ushqime (FDA-Food and Drug Administration) si dhe të Agjencisë Evropianë të Barnave (EMA- European Medicines Agency.)

Sipas të dhënave, në barnat me lëndë aktive Ranitidinë, ku përfshihet edhe ilaçi Zantak, janë gjetur papastërti kancerogjene të dëmshme për shëndetin.

Ekspozimi afatgjatë nga këtyre papastërive besohet të rrisë rrezikun e kancerit në organizëm.

Çfarë Është Ranitidina?

Ranitidina është një ilaç që përdoret rëndom nga pacientët shqiptarë të prekur nga ulçera dhe problemet me stomakun.

Ajo i përket grupit të medikamenteve që quhen antagoniste të receptoreve histaminike H2. Kjo barnë frenon sekretimin e acidit gastrik nga qelizat e membranës mukoze të stomakut.

Ky ilaç është ndër më të vjetrit e kësaj kategorie në treg. Ajo gjendet në formën e tabletave dhe injeksioneve dhe norma

Agjencia Kombëtare e Barnave dhe Pajisjeve Mjekësore thotë se për momentin disa prej firmave prodhuese dhe shpërndarëse të këtij ilaçi e kanë tërhequr atë vullnetarisht nga tregu.

Agjencia Kombëtare e Barnave dhe Pajisjeve Mjekësore  ka dhënë këshillat e mëposhtme për përdoruesit e këtij medikamenti.

Nëse pacientët marrin “Ranitidinë” si bar pa recetë, pra me vetëmjekim, mund të zgjedhin një bar tjetër që jepet pa recetë dhe që përdoret për shqetësimin shëndetësor që ata kanë.

Nëse ata e marrin “Ranitidinë” me recetë, dhe duan ta ndërpresin marrjen e saj, duhet të flasin me mjekun personal në mënyrë që ai t’iu përshkruajë një mjekim tjetër opsional.

Efektet Anësore Të Ratidinës

Disa prej efekteve më të zakonshme të Ratidinës janë: dhimbjet e kokës, konstipacioni dhe diarea.

Ekspertët këshillojnë që nëse keni: mjegullim të shikimit, gjakderdhje, plogështi, dhimbje stomaku, e rrahje problematike të zemrës të kontaktojnë menjëherë me mjekun./AgroWeb.org