VOAL

VOAL

Please Wait ...
0%

Turqia fiton ndeshjen ndaj Shqipërisë

By | March 23, 2019
blank

Komentet

blank

Hedhja e shisheve në “Air Albania”, FIFA dënon edhe Poloninë

Incidentet në Shqipëri-Poloni, ku tifozë të të dy skuadrave hodhën shishe plastike në drejtim të fushës, kanë kaluar në lupën e FIFA-s që ndëshkoi kuqezinjtë me një ndeshje pa tifozë dhe gjobë prej 150 mijë frangash.

Megjithatë nuk ia ka hedhur as përfaqësuesja polake, pasi federata e futbollit atje duhet të paguajë 50 mijë franga gjobë dhe tifozët nuk do të lejohen të udhëtojnë drejt Andorrës për ndeshjen e 12 nëntorit.

Pasi analizoi pamjet ku edhe tifozët polakë hodhën shishe në drejtim të fushës e në drejtim të tifozëve shqiptarë, FIFA vendosi të mos mbyllë sytë, por t’u japë dënimin e merituar edhe kundërshtarëve të kuqezinjve.

blank

Kosova paralajmëron ndalimin e aktiviteteve sportive paralele serbe

RFE/RL

Ministri i Kulturës, Rinisë dhe Sportit i Kosovës, Hajrullah Çeku, tha se, gjatë kësaj jave, Kosova do të vendosë për ndalimin e zhvillimit të “aktiviteteve sportive paralele” serbe.

Paralajmërimi vjen pasi Serbia i pengoi boksierët kosovarë të marrin pjesë në Kampionatin Botëror të Boksit, që po zhvillohet në Beograd, për shkak të simboleve shtetërore.

Çeku tha se rekomandimet, mbi bazën e të cilave autoritetet do të marrin masa, do të vendosen nga Këshilli Kombëtar për Parandalimin dhe Sanksionimin e Dhunës dhe Dukurive Negative në Sport.

Ai tha se në Kosovë funksionojnë shumë struktura paralele të federatave serbe, në kundërshtim me ligjet e Kosovës.

Gjatë një konference për media me ekipin e boksit të Kosovës, Çeku, në emër të Qeverisë së Kosovës, e dënoi ashpër vendimin e autoriteteve serbe për t’iu pamundësuar atletëve kosovarë pjesëmarrjen në garat në Beograd.

Sipas tij, një vendim i tillë është shkelje e të gjitha rregullave ndërkombëtare sportive.

“Besojmë se ky vendim i organizatorëve të garës botërore në Beograd është marrë sipas direktivave të Qeverisë së Serbisë”, tha Çeku.

Të dielën, shtoi ai, është kërkuar nga ambasadat e huaja në Kosovë që të reagojnë dhe të mundësojnë shkuarjen e sportistëve kosovarë, por, sipas tij, përkundër kërkesave të shumta, si në nivel institucional, ashtu edhe në nivel të organizatave sportive, sportistët e Kosovës janë penguar të shkojnë në Beograd.

“Qasja e Serbisë e ka tejkaluar botën e sportit, duke e kthyer atë në një çështje politike”, tha Çeku.

“Kemi kërkuar reagim edhe nga BE-ja, e cila në raste të tjera ka qenë shumë e kujdesshme gjatë reagimeve, por, për çudi, deri më tani nuk ka pasur asnjë reagim nga BE-ja për shkelje të pastër të të drejtave themelore të sportistëve”, tha Çeku.

Ai i bëri thirrje Federatës Ndërkombëtare të Boksit dhe Komitetit Olimpik Ndërkombëtar që të marrin masa adekuate kundër organizatorit.

Në të kundërtën, shtoi Çeku, “ne do të detyrohemi t’iu nënshtrohemi të gjitha mjeteve ligjore kundër ndëshkimit të sportistëve tanë dhe shtetit të Kosovës”.

Kampionati Botëror i Boksit, i cili sivjet mbahet në Beograd, filloi më 24 tetor dhe do të zgjasë deri më 6 nëntor. Por, Kosova nuk do të marrë pjesë në gara, pasi autoritetet e Serbisë nuk i kanë lejuar sportistët kosovarë të hyjnë në territorin e Serbisë.

Federata e Boksit e Kosovës është bërë anëtare fuqiplotë e Federatës Botërore të Boksit në vitin 2014.

Më 23 tetor, Federata Botërore e Boksit (AIBA) ka thënë për Radion Evropa e Lirë se Kosova është anëtare fuqiplotë e saj dhe se pret pjesëmarrjen e saj në Kampionatin Botëror të Boksit për meshkuj.

“AIBA pret që delegacioni i Federatës së Boksit të Kosovës të mos trajtohet ndryshe nga delegacionet tjera të AIBA-s”, tha ajo.

Në Kampionatin Botëror në Beograd marrin pjesë 500 sportistë nga mbi 88 shtete, të cilët do të garojnë në 13 kategori.

Kosova është dashur të përfaqësohet nga tre boksierë: Bashkim Bajoku, Shpëtim Bajoku dhe Patriot Behrami.

blank

Presion edhe ndaj Shqipërisë në Beograd, ekipi i boksit ruhet nga policia

Dje është hapur edhe zyrtarisht Kampionati Botëror i Boksit në Beograd, aty ku Kosova nuk po merr pjesë për shkak se nuk u lejua nga autoritetet serbe përkundër se u tentua tri herë pas konsultimeve me Komitetin Olimpik Ndërkombëtar dhe AIBA-n.

Ndalesa e ekipit të Kosovës sipas Sekretarit të Përgjithshëm të Federatës së Boksit Latif Demolli u bë për arsye të simboleve shtetërore të Kosovës. Një reagim rreth kësaj çështje dje erdhi edhe nga Komiteti Olimpik Kombëtar Shqiptar (KOKSH) duke e quajtur se veprim skandaloz të Serbisë.

Në media madje u raportua se KOKSH po e shqyrton mundësinë e mospjesëmarrjes në këtë kampionat për shkak të qasjes ndaj Kosovës por që kjo nuk ndodhi dhe sot Shqipëria është duke marr pjesë në këtë kampionat.

Duke folur për Radion Evropa e lirë, kapiteni i ekipit të Federatës së Boksit të Shqipërisë, Nelson Hysa ka thënë se ata janë paralajmëruar se në rast se e braktisin aktivitetin, mund të dënohen me 10 vite mospjesëmarrje ne çdo aktivitet që do të organizohet nga AIBA.

“Na është thënë se në rast të mospjesëmarrjes do të sanksionohemi me dhjetë vjet mospjesëmarrje në çdo aktivitet tjetër ndërkombëtar të AIBA-s”, tha Hysa.

Ai shtoi se gjatë hapjes zyrtare të Kampionatit, momenti i parakalimit të sportistëve nga Shqipëria me flamurin shtetëror, është përcjellë me fishkëllima dhe gjuajtje me gjësende të ndryshme.

“Normalisht, këtu(Beograd) jemi pa dëshirën tonë, kemi presion të vazhdueshëm. Kur dola me flamur të Shqipërisë, kishte brohoritje, fishkëllime, gjuajtje. Mbrëmë në hotel ka qëndruar Policia e Serbisë për shkak të sigurisë sonë”, shtoi Hysa.

blank

Shqipëria pritet me fishkëllima në garën e boksit në Beograd

Pamje nga ceremonia zyrtare e hapjes së Kampionatit Botëror të Boksit në Beograd. 24 tetor 2021.

Nadie Ahmeti

Kampionati Botëror i Boksit u hap zyrtarisht të dielën, më 24 tetor, në Beograd.

Kosova përfundimisht nuk merr pjesë në këtë organizim, për shkak moslejimit të autoriteteve serbe që sportistët të hyjnë në teritorin e Serbisë me simbole shtetërore.

Megjithatë, edhe pse Federata e Boksit e Shqipërisë, ka paralajmëruar se do të tërhiqet nga gara për shkak të Kosovës, kjo gjë nuk ka ndodhur, si pasojë e presioneve që ka bërë Qeveria e Shqipërise dhe Federata Ndërkombëtare e Boksit (AIBA).

“Na është thënë se në rast të mospjesëmarrjes do të sanksionohemi me dhjetë vjet mospjesëmarrje në çdo aktivitet tjetër ndërkombëtar të AIBA-s”, tha për Radion Evropa e Lirë, kapiteni i ekipit të Federatës së Boksit të Shqipërisë, Nelson Hysa.

Ai shtoi se gjatë hapjes zyrtare të Kampionatit, momenti i parakalimit të sportistëve nga Shqipëria me flamurin shtetëror, është përcjellë me fishkëllima dhe gjuajtje me gjësende të ndryshme.

“Normalisht, këtu(Beograd) jemi pa dëshirën tonë, kemi presion të vazhdueshëm. Kur dola me flamur të Shqipërisë, kishte brohoritje, fishkëllime, gjuajtje. Mbrëmë në hotel ka qëndruar Policia e Serbisë për shkak të sigurisë sonë”, tha Hysa.

Ndryshe, autoritetet kufitare serbe, gjatë vikendit, për tri herë me radhë i kanë ndaluar hyrjen në Serbi, delegacionit të përfaqësueses së Kosovës në boks, për shkak se Serbia nuk e njeh shtetin e Kosovës, respektivisht simbolet e saj.

Besim Brahimi, selektor i Federatës së Boksit të Kosovës, tha për Radion Evropa e Lirë të hënën se më nuk do tentojnë të marrin pjesë në këtë Kampionat. Sipas agjendës, boksierët e Kosovës të hënën, më 25 tetor është dashur të fillojnë garën.

“Ka marrë fund gjithçka, më nuk tentojmë. Në pikën kufitare na është thënë se është urdhër i Qeverisë së Serbisë që nuk lejojnë të marrim pjesë me simbole shtetërore në fanella. Pa simbole nuk pranojmë”, tha Brahimi për Radion Evropa e Lirë.

Federata Ndërkombëtare e Boksit (AIBA), të shtunën, më 23 tetor, tha se Kosova nuk duhet të trajtohet ndryshe nga shtetet e tjera.

Në një përgjigje për Radion Evropa e Lirë, AIBA tha se pret që delegacioni Federatës së Boksit të Kosovës të trajtohej “jo ndryshe nga delegacionet e çdo anëtari tjetër të AIBA-s”, dhe shtoi se pret që Kosova të marrë pjesë në këtë Kampionat.

Kosova është pjesë e AIBA-s që prej vitit 2014.

“Ne besojmë që të gjithë atletët duhet të kenë shanse të njëjta për të garuar dhe për të treguar aftësitë e tyre më të mira në ring. Sporti ka për qëllim të bashkojë njerëzit dhe duhet të jetë i lirë nga politikat kombëtare”, tha AIBA.

Kampionati Botëror i Boksit zhvillohet në Beograd nga data 24 tetor deri më 6 nëntor 2021.

Ministri serb i Mbrojtjes, Aleksandar Vulin, shihet me boksierët serbë para nisjes së Kampionatit Botëror të Boksit. 22 tetor, Beograd.

Ministri serb i Mbrojtjes, Aleksandar Vulin, shihet me boksierët serbë para nisjes së Kampionatit Botëror të Boksit. 22 tetor, Beograd.

Në këtë kampionat do të marrin pjesë më shumë se 500 atletë nga 88 shtete.

Ata do të garojnë në 13 kategori të ndryshme.

Kosovën në këtë Kampionat ishte paraparë që ta përfaqësonin tre boksierë: Bashkim Bajoku, Shpëtim Bajoku dhe Patriot Behrami.

blank

Klopp e quan të çmendur dhe të papritur fitoren e Liverpoolit 5:0 kundër Manchester Unitedit

Trajneri i Liverpoolit, Jurgen Klopp, e ka përshkruar si të papritur dhe të çmendur triumfin 5:0 të skuadrës së tij kundër Manchester Unitedit të dielën në Old Trafford.

Mohamed Salah shkëlqeu duke shënuar het-trik, ndërsa Naby Keita dhe Diogo Jota shënuan nga një herë tjetër në fitoren më bindëse të skuadrës së Kloppit ndaj Unitedit, raporton Gazeta Express.

Kjo ishte fitorja më e madhe e Liverpoolit në Old Trafford.

Klopp e përshkroi si ditë të madhe të dielën dhe si një kapitull të ri në historinë e klubit.

“Është vërtet një ditë e mirë, një ditë e madhe. Ky është një kapitull i ri në historinë e këtij klubi”, tha Klopp pas ndeshjes.

Ai shtoi: “Njerëzit do të flasin për këtë në të ardhmen, sepse kjo nuk do të ndodhë përsëri për një kohë shumë të gjatë, ndoshta kurrë”.

“Rezultati është i çmendur. Fitore e veçantë po ne nuk festojmë si të çmendur, sepse ne e nderojmë kundërshtarin tonë”, nënvizoi ai.

Liverpooli mbetet ekipi i vetëm i pamposhtur këtë sezon në Premierligë dhe tani mbledh 21 pikë në vendin e dytë, vetëm një më pak se lideri Chelsea.

blank

Mbi një mijë dele dhe dhi në “shëtitjen” tradicionale në Madrid

Trans-humanca është një shëtitje tradicionale e bagëtive nga kullotat e përhershme verore në ato dimërore që daton nga mesjeta, ndërsa që nga viti 1994 në Madrid ka rinisur si një festë që inkurajon mbarështimin e deleve

Madrid

Më shumë se 1.000 dele dhe dhi kanë kaluar nëpër rrugët e Madridit gjatë “Trans-humancës”, raporton Anadolu Agency (AA).

Trans-humanca është një shëtitje tradicionale e bagëtive nga kullotat e përhershme verore në ato dimërore që daton nga mesjeta, ndërsa që nga viti 1994 në Madrid ka rinisur si një festë që inkurajon mbarështimin e deleve.

Veprimtaria organizohet tradicionalisht një të diel në tetor.

Në të kaluarën, kjo shëtitje organizohej dy herë në vit, ku merrnin pjesë dhjetëra mijëra kafshë, por sot është një akt simbolik në të cilin marrin pjesë më pak se 2.000 kafshë.

blank

Federata Botërore e Boksit: Delegacioni Federatës së Boksit të Kosovës të trajtohet si çdo delegacion tjetër

Prishtinë

Delegacioni i Federatës së Boksit të Kosovës është ndalur në pikën kufitare në Merdare duke mos u lejuar nga autoritetet serbe për herë të tretë që të kalojë për në Serbi për të marrë pjesë në Kampionatin Botëror të Boksit në Beograd, transmeton Anadolu Agency (AA).

Komiteti Olimpik i Kosovës (KOK) ka njoftuar se gjatë të shtunës, ky delegacion prej tre boksierëve, selektorin dhe sekretarin e Federatës së Boksit, provoi dy herë që të hynte në Serbi për pjesëmarrje në këtë garë, por autoritetet kufitare serbe nuk i lejuan për shkak të simboleve shtetërore në uniformat e sportistëve. Ndërsa refuzimi u përsërit edhe sot.

“Ekipi tentoi të kalojë kufirin në Merdarë, por pas dy orë pritje në kufi dhe kontrollimi të detajshëm të makinës dhe veshjeve, policia serbe mori urdhrin nga Qeveria e Serbisë për të mos lejuar hyrjen në Serbi”, thuhet në një reagim të KOK-ut ku dënohen këto veprime nga pala serbe dhe kërkohet të merren masa ndaj tyre.

Ministria e Kulturës, Rinisë dhe Sportit, në një reagim me shkrim të shtunën dënoi ashpër vendimin e autoriteteve serbe për pengimin e hyrjes së sportistëve kosovarë në territorin serb.

“Me këtë veprim, Serbia si organizatore e Kampionatit Botëror të Boksit, ka shkelur të drejtën e sportistëve dhe të drejtën e Federatës së Boksit të Kosovës, për pjesëmarrje në kampionat, siç është e përcaktuar me rregullat e organizatave ndërkombëtare të sportit”, thuhet në reagimin e MKRS-së

MKRS ka kërkuar nga organet kompetente të shtetit të Serbisë të ndërmarrin masat e nevojshme dhe të reagojnë me shpejtësi në mënyrë që garuesit tanë të arrijnë në kohë për pjesëmarrje në Kampionatin Botëror që zhvillohet nga 24 tetori deri më 6 nëntor.

Kërkesën MKRS e ka drejtuar me shkrim tek ministri i Rinisë dhe Sportit në Serbi, Vanja Udovičić.

Federata e Boksit të Kosovës është anëtare me të drejta të plota në Federatën Botërore të Boksit (AIBA) që nga viti 2014.

Për moslejimin e ekipit kosovar për të marrë pjesë në Kampionatin Botëror të Boksit ka reaguar pikërisht edhe AIBA e cila tha se pret që delegacioni Federatës së Boksit të Kosovës të trajtohet “jo ndryshe nga delegacionet e çdo anëtari tjetër të AIBA-s”, dhe shtoi se pret që Kosova të marrë pjesë në këtë kampionat.

blank

Serbia sërish ua ndalon hyrjen boksierëve nga Kosova

RFE/RL

Për të tretën herë me radhë, delegacionit të përfaqësueses së Kosovës në boks, i është ndaluar hyrja në territorin e Serbisë.

Ata ishin nisur drejt Beogradit për të marrë pjesë në Kampionatin Botëror të Boksit, në kategorinë e meshkujve, që zhvillohet në kryeqytetin serb nga 24 tetori deri më 6 nëntor.

Besim Brahimi, selektor i Federatës së Boksit të Kosovës, tha për Radion Evropa e Lirë, se të dielën, më 24 tetor, autoritetet kufitare serbe, në pikëkalimin kufitar në Merdare, ua ndaluan përfaqësuesve të Kosovës.

Ai tha se autoritetet serbe u thanë se kjo po bëhet me urdhër të Qeverisë së Serbisë, pasi siç u shpreh ai, u është thënë se Serbia nuk e njeh shtetin e Kosovës, respektivisht simbolet e saj.

“AIBA ka kërkuar nga Federata serbe e Boksit që të lejojnë pjesëmarrjen. Ata po u thonë se do të na lejojnë, e në anën tjetër po na kthejnë në kufi. Ne besojmë se Komiteti Olimpik Botëror nuk do lejojë më të organizojë kampionate të tilla në Serbi, për shkak të maltretimeve që po i bënë sportistëve”, thekson ai.

Delegacioni i Kosovës, i përbërë nga pesë anëtarësh, tre boksierë, selektori dhe sekretari i Federatës së Boksit, tentuan dy herë gjatë të shtunës të shkonin në Serbi, por u ndaluan për shkak se ata kishin fanella me simbole shtetërore si dhe dokumente të Kosovës.

Federata Ndërkombëtare e Boksit (AIBA) deklaroi të shtunën se Kosova duhet të trajtohet njësojë si të gjitha shtetet tjera, duke thënë se po punon që të mundësohet pjesëmarrja e sportistëve nga Kosova.

“Ne besojmë që të gjithë atletët duhet të kenë shanse të njëjta për të garuar dhe për të treguar aftësitë e tyre më të mira në ring. Sporti ka për qëllim të bashkojë njerëzit dhe duhet të jetë i lirë nga politikat kombëtare”, tha AIBA.

Federata e Boksit e Kosovës që nga viti 2014 është anëtare me të drejta të plota në Federatën Botërore të Boksit.

Kampionati Botëror i Boksit zhvillohet në Beograd nga data 24 tetor deri më 6 nëntor 2021.

Në këtë kampionat do të marrin pjesë rreth 650 garues nga 105 shtete. Kosovën në këtë kampionat ishte paraparë që ta përfaqësonin tre boksierë: Bashkim Bajoku, Shpëtim Bajoku dhe Patriot Behrami.

blank

Dy evropianë në mesin e 75 basketbollistëve më të mirë në historinë e NBA-s

Kryesia e ligës elitare amerikane të basketbollit NBA ka publikuar listën e 75 lojtarëve më të mirë në histori dhe në mesin e tyre janë vetëm dy lojtarë nga Evropa, raporton Anadolu Agency (AA).

Lista e më të mirëve është publikuar me rastin e 75-vjetorit të Ligës së NBA-së, ashtu siç janë publikuar edhe listat e më të mirëve për 25, 35 dhe 50-vjetorin e ligës.

Bill Russell, Bob Cousy, George Mikan dhe Bob Pettit ishin në të gjitha këto lista të basketbollistëve më të mirë të NBA-së, dhe ndër 75 më të mirët si basketbollistë aktivë janë: Giannis Antetokounmpo, Carmelo Anthony, Stephen Curry, Anthony Davis, Kevin Durant, James Harden, LeBron James, Kaëhi Leonard, Damian Lillard, Chris Paul dhe Russell ëestbrook.

Antetokounmpo dhe Dirk Nowitzki janë në listën e basketbollistëve më të mirë të NBA-së nga Evropa.

Lista e basketbollistëve më të mirë është publikuar në faqen e internetit të ligës NBA,ndërsa në të janë: Kareem Abdul-Jabbar, Ray Allen, Giannis Antetokounmpo, Carmelo Anthony, Nate Archibald, Paul Arizin, Charles Barkley, Rick Barry, Elgin Baylor, Dave Bing, Larry Bird, Kobe Bryant, Wilt Chamberlain, Bob Cousy, Dave Cowens, Billy Cunningham, Stephen Curry, Anthony Davis, Dave DeBusschere, Clyde Drexler, Tim Duncan, Kevin Durant, Julius Erving, Patrick Ewing, Walt Frazier, Kevin Garnett, George Gervin, Hal Greer, James Harden, John Havlicek, Elvin Hayes, LeBron James, Magic Johnson, Sam Jones, Michael Jordan, Jason Kidd, Allen Iverson, Kawhi Leonard, Damian Lillard, Jerry Lucas, Karl Malone, Moses Malone, Pete Maravich, Bob McAdoo, Kevin McHale, George Mikan, Reggie Miller, Earl Monroe, Steve Nash, Dirk Nowitzki, Shaquille O’Neal, Hakeem Olajuwon, Robert Parish, Chris Paul, Gary Payton, Bob Pettit, Paul Pierce, Scottie Pippen, Willis Reed, Oscar Robertson, David Robinson, Dennis Rodman, Bill Russell, Dolph Schayes, Bill Sharman, John Stockton, Isiah Thomas, Nate Thurmond, Wes Unseld, Dwyane Wade, Bill Walton, Jerry West, Russell Westbrook, Lenny Wilkens, Dominique Wilkins dhe James Worthy.

blank

Chris Paul bëhet lojtari i parë i NBA-së me 20.000 pikë dhe 10.000 asistime

Ankara

Chris Paul është bërë lojtari i parë në historinë e NBA-së që arrin 20.000 pikë në karrierë dhe 10.000 asistime, transmeton Anadolu Agency (AA).

Ylli i Phoenix Suns arriti momentin historik pasi shënoi 23 pikë, 14 asistime dhe pesë kërcime në fitoren 115:105 të Suns ndaj Los Angeles Lakers të premten mbrëma.

Paul, i cili është zgjedhur 11-herë All-Star, është lojtari i 47-të që kalon 20.000 pikë dhe renditet i pesti për asistime në të gjitha kohërat.

Paul, 36, i cili u bashkua me Suns në vitin 2020, gjatë karrierës së tij në NBA ka luajtur gjithashtu për New Orleans Hornets, Los Angeles Clippers, Houston Rockets dhe Oklahoma City Thunder.

blank

Shqipëria paralajmëron tërheqjen nga Kampionati i Boksit, shkak Kosova

Boksierët e përfaqësueses së Kosovës, në orët e hershme të së shtunës, nuk janë lejuar që të hyjnë në territorin e Serbisë, përmes pikëkalimit kufitar në Dheun e Bardhë. Për shkak të kësaj ndalese, Shqipëria ka paralajmëruar se nuk do të marrë pjesë në Kampionatin e Boksit, që mbahet në Beograd.

Delegacioni i Kosovës, i përbërë nga pesë anëtarësh, tre boksierë, selektori dhe sekretari i Federatës së Boksit, ishin nisur drejt Serbisë për të marrë pjesë në Kampionatin Botëror të Boksit, që këtë vit mbahet në Beograd.

Besim Brahimi, selektor i Federatës së Boksit të Kosovës, tha për Radion Evropa e Lirë se autoritetet serbe kërkuan nga sportistët e Kosovës, që si kusht për të hyrë në Serbi, të largonin uniformat me simbolet shtetërore të Republikës së Kosovës.

Kjo kërkesë nuk u pranua nga delegacioni i Kosovës.

“Ne në Beograd po shkojmë të përfaqësojmë shtetin e Kosovës dhe duhet të paraqitem në mënyrë të barabartë sikurse të gjitha federatat tjera”, tha Brahimi.

Ndërkaq, Federata e Boksit të Shqipërisë ka paralajmëruar se nuk do të marrë pjesë në kampionatin që do të mbahet në Beograd, nëse nuk lejohet pjesëmarrja e Kosovës.

Nelson Hysa, kapiten i ekipit, tha për Radion Evropa e Lirë se kryetrajneri i ekipit, Zef Gjoni u ka thënë përfaqësueseve të Federatës Botërore të Boksit se do të tërhiqen nga gara nëse nuk merr pjesë Kosova.

“Ne aktualisht jemi në Beograd, por nëse nuk vjen Kosova, do kthehemi në Shqipëri”, tha Hysa.

Federata e Boksit e Kosovës që nga viti 2014 është anëtare me të drejta të plota në Federatën Botërore të Boksit.

Kampionati Botëror i Boksit zhvillohet në Beograd nga data 24 tetor deri më 6 nëntor 2021.

Në këtë kampionat do të marrin pjesë rreth 650 garues nga 105 shtete. Kosovën në këtë kampionat ishte paraparë që ta përfaqësonin tre boksierë: Bashkim Bajoku, Shpëtim Bajoku dhe Patriot Behrami.

blank

Fitore historike për Kombëtaren e femrave, vendosin rekord në kualifikueset e Botërorit

Erjon Skëndaj

Kombëtarja shqiptare e futbollit për femra ka fituar sot me shifrat 5-0 ndaj Armenisë në kualifikueset e Botërorit dhe ka arritur të vendosë një rekord të ri në historinë e saj.

Kjo është fitorja më e thellë në ndeshje zyrtare në historinë e përfaqësueses shqiptare që kur ka filluar të marrë pjesë në garat kualifikuese në FIFA dhe UEFA, duke konfirmuar se ka bërë hapa para në shumë drejtime, edhe pse mbetet ende jashtë standardeve të kërkuara për kualifikimin në fazën finale të një turneu madhor.

Shqipëria dominoi plotësisht sfidën e sotme, duke shënuar me lehtësi që në pjesën e parë tri herë. Ishte Doçi që hapi serinë e golave e më pas Hamidi dyfishoi shifrat po me sugjerim të sulmueses së Vllaznisë. Në fund të këtij fraksioni loje, një tjetër aksion i Doçit solli edhe golin e tretë të finalizuar nga kapitenia e skuadrës kuqezi, e cila ishte në një formë të shkëlqyer.

blankAjo dha asistin edhe për golin e dytë personal të Hamidit në pjesën e dytë, ndërsa në fund, ishte protagoniste edhe në akslonin që solli golin e Lufos, i cili vulosi shifrat në 5-0, duke sjellë fitoren e parë në këto eliminatore për Shqipërinë dhe më të thellën në historinë e saj./Balkanweb

blank

 

blankblank

(BalkanWeb)


blank
blank
blank
blank
blank
blank
blank
blank
blank
blank
blank
blank
Send this to a friend