VOAL

VOAL

Please Wait ...
0%

Trumpi bën të qarta planet për të shpallur Jeruzalemin, kryeqytet të Izraelit

By | December 5, 2017

Komentet

FOTO – Tërmet i fuqishëm shkund sërish vendin, epiqendra në Bulqizë, lëkundjet ndihen në disa qytete

Një tërmet i fuqishëm është ndjerë pak minuta më parë në Shqipëri, i cili ka zgjatur për disa sekonda, me epiqendër 3 km në veri të Bulqizës, me magnitudë 6 ballë.

Lëkundje të forta janë ndjerë në Tiranë, Durrës, e Laç.

Sipas vlerësimeve paraprake nga qendra Europiane e Sizmiologjisë, tërmeti me magnitugë 6 dhe thellësi 10 km u shënua në orën 17:38.

 

Sipas të njëjtave burime, epiqendra ka qenë 41 km në veri-lindje të Tiranës, 25 km në jug-perëndim në Peshkopisë dhe 12 km në veri-perëndim të Bulqizës.

Më pas, EMSC ndryshoi vlerat duke treguar se tërmeti ka qenë me magnitudë 5,1 dhe ka qenë me epiqendër 10 km në lindje të Burrelit, 38 km në verilindje të Tiranës, me thellësi 10 km.

Lëkundjet e forta të tërmetit janë ndjerë edhe në Malin e Zi, Kosovë, Maqedoni, si dhe në Bosnjë-Hercegovinë e Serbi.

PANORAMA

Sa vrasës si Hajredin Fuga në krye të drejtësisë këta 27 vjet nga Presidentët Sali Berisha, Rexhep Mejdani, Alfred Moisiu, Bamir Topi e Bujar Nishani ?! Nga Dritan Dema

Dritan Dema në rrjetin social shkruan si me pooshtë:

“Gjykata Kushtetuese e vlereson ish Prokurorin vrasës, të Dom Shtjefen Kurtit si: ” Një nga personalitetet më të shquar të drejtesise Shqiptare”!

Edhe sa vrasës të tjerë, sherbëtorë dhe ekzekutues politikë të rregjimit të diktatures, janë emëruar, në sistemin e drejtesise, gjate ketyre 26 viteve nga Presidentët: Sali Berisha, Rexhep Mejdani, Alfred Moisiu, Bamir Topi dhe Bujar Nishani ?!

Të nderuar Miq,

Nje ish – gjyqtar i Gjykates Kushtetuese, i emeruar në 1998 nga Presidenti Rexhep Meidani, rezulton të ketë qënë Prokurori i rregjimit të dikatatorit Enver Hoxha, që ka firmosur urdherin e ekzekutimit, per të ndjerin (lumturuar nga Kisha Katolike në Nëntor 2016) Dom Shtjefen Kurti.

Nderkohë, në nje njoftim në faqen faqen zyrtare të Gjykates Kushtetuese citohet:

“Në vitet 1998-2001 Z.Hajredin Fuga ka ushtruar funksionin e anëtarit të Gjykatës Kushtetuese të Republikës së Shqipërisë, detyrë të cilën e ka kryer me përkushtim dhe profesionalizëm.

Me ndarjen nga jeta të Z.Hajredin Fuga, drejtësia shqiptare humbi një nga personalitetet e saj më të shquar”.

Sa pushkatime / ekzekutime të tjera politike mund të kete firmosur “personaliteti me i shquar i drejtesise shqiptare”, deri në vitin 1991?

Sa të tjerë/a si ky, janë akoma në detyrë ?”

Krim kundër njerëzimit i Byrosë Politike – Ekzekutimi i 22 intelektualëve për “bombën” në Ambasaden Sovjetike

Mundësi historike në 2018-ën për një marrëveshje me Kosovën

Viti që sapo filloi mund të shënojë arritjen e një marrëveshjeje për t’i dhënë një zgjidhje çështjes së Kosovës, sipas kryeministres serbe, Ana Brnabiç.

“Ajo për të cilën po përpiqemi aktualisht është kërkimi i një zgjidhjeje afatgjatë, në mënyrë që të mos lëmë të ngrirë një konflikt të tillë për ata që do të vijnë pas nesh. Kemi një mundësi historike për të gjetur një zgjidhje dhe nëse nuk e shfrytëzojmë këtë shans në vitin 2018 nuk do të kemi të tjera në dekadat e ardhshme”, tha Brnabiç për të përditshmen britanike “The Economist”.

Në këtë intervistë, të publikuar edhe nga media në Beograd, kryeministrja preku edhe argumente të tjera përfshirë edhe atë të lirisë së medias në Serbi.

“Nuk e kuptoj se si është bërë një temë diskutimi. Mund të them me bindje të plotë se mbi median nuk ka pasur asnjë presion”, theksoi ajo, raporton ata.

Më pas Brnabiç ka ripërsëritur kritikat ndaj Gjykatës Penale Ndërkombëtare në Hage, që ndërpreu aktivitetin e saj në fund të vitit të kaluar, duke u shprehur se “një organizëm i tillë nuk ka bërë drejtësi dhe as nuk ka kontribuar në bashkimin mes vendeve të ish-Jugosllavisë”.

“Në Srebrenicë, nuk pati gjenocid, por u krye një krim i shëmtuar dhe është i papranueshmë imazhi që është krijuar për serbët dhe Serbinë duke u bazuar mbi këtë”, sipas Brnabiç.

“Të përpiqemi të shohim drejt të ardhmes, duke lënë të kaluarën pas. Ka gjenerata të reja që kanë shumë të përbashkëta. Gjyshi im ishte një kroat, jo një serb i Kroacisë, por një kroat i ishullit Krk. Aty kam kaluar fëmijërinë time dhe aty kam shumë miq, kemi shumë gjëra të përbashkëta”, vazhdon ajo. Ndërsa ndaj pyetjes nëse dëshironte një rikthim të ish-Jugosllavisë, kryeministrja sebre u përgjigj me një “jo” të thatë.

Departamenti amerikan i Shtetit “s’është i gatshëm ta takojë Haradinajn”

Janë bërë më shumë se dy javë qëkur kryeministri Ramush Haradinaj ka aplikuar për vizë amerikane, por akoma nuk i është dhënë ajo.

Siç merr vesh KTV-ja, arsyeja e vonesës së përgjigjes së Ambasadës amerikane është se Departamenti Amerikan i Shtetit, nuk është shprehur i gatshëm ta takojë Haradinajn.

Refuzimi i zyrtarëve amerikanë për ta takuar kryeministrin kosovar, vjen për shkak të vonesës në ratifikimin e marrëveshjes së kufirit me Malin e Zi.

Televizioni ka mësuar se ky qëndrim i SHBA-së ka të bëjë gjithashtu me nismën për shfuqizimin e Ligjit për Dhomat e Specializuara për Kosovën.

Haradinaj kishte planifikuar që më 7 janar të bënte një vizitë në shtetin e Iwoa-s.

Por, Avni Arifi, këshilltar politik i kryeministrit, ka thënë se ende nuk kanë marrë përgjigje për vizën e Haradinajt.

“Qeveria e Kosovës nuk është në dijeni nëse i është refuzuar viza kryeministrit Ramush Haradinaj. Është në procedurë dhe nuk kemi akoma përgjigje. Asnjë zyrtari të qeverisë nuk i është refuzuar viza amerikane, e aq më pak kryeministrit”, ka thënë Arifi.

Kabineti i kryeministrit ka thënë për televizionin se Haradinaj ka aplikuar për vizë në fund të dhjetorit.

KTV-ja ka pyetur edhe Ambasadën Amerikane nëse i është refuzuar apo jo viza kryeministrit, por nuk ka marrë përgjigje.

Por në webfaqen e Ambasadës Amerikane në Prishtinë qartësohet se nëse aplikuesi kualifikohet për vizë diplomatike, ambasada e procedon vizën brenda një dite.

Në një postim në Facebook, kryeministri Ramush Haradinaj ka mohuar se i është refuzuar viza amerikane.

“Më 24 mars ’98, kemi pasur momente jete apo vdekjeje. Kështu ka vazhduar deri më 24 mars ‘99, kur Amerika dhe NATO-ja na dolën në ndihmë. Kurrë nuk do ta harroj. Momente të vështira pritjeje deri më 24 mars ‘99. Pres edhe për vizë deri kur të ma japin. I besoj Kosovës! I besoj Amerikës! Jam ende në procedurë për vizë”, ka shkruar Haradinaj.

Nëse refuzimi i vizës është i vërtetë, për deputeten e Vetëvendosjes Donika Kadaj-Bujupi, është arsye e mjaftueshme që Haradinaj të japë dorëheqje.

Edhe deputeti i Alternatives, Ilir Deda, ka thënë se refuzimi i vizave është vetëm një hap drejt izolimit të udhëheqësve të Kosovës.

Trumpi bën të qarta planet për të shpallur Jeruzalemin, kryeqytet të Izraelit

Presidenti Donald Trump po telefonon disa udhëheqës të Lindjes së Mesme përpara një njoftimi të pritshëm sot se Shtetet e Bashkuara do të njohin Jerusalemin si kryeqytetin e Izraelit.

Në një deklaratë të Shtëpisë së Bardhë thuhet se presidenti Trump foli me kryeministrin izraelit Benjamin Netanjahu, me kreun palestinez Mahmud Abbas dhe me mbretin Abdullah të Jordanisë në mëngjes dhe do të telefononte udhëheqës të tjerë rajonalë më vonë gjatë ditës.

Nuk kishte asnjë koment të menjëhershëm nga Shtëpia e Bardhë për thelbin e bisedave, por shtypi palestinez njoftoi se presidenti Trump i kishte konfirmuar zotit Abbas se njohja e Jeruzalemit do të ishte e afërt.

Shtetet arabe dhe muslimane kanë paralajmëruar se një deklaratë e tillë mund të shkatërrojë përpjekjet e Shteteve të Bashkuara për të arritur një marrëveshje paqësore arabo-izraelite. Udhëheqësi i lartë palestinez Nabil Shaath tha se presidenti Trump nuk do të shihej më si një ndërmjetës i besueshëm.

“Autoriteti palestinez nuk e pranon dhunën, por mund të mos jetë në gjendje të kontrollojë rrugët dhe të parandalojë një kryengritje të tretë palestineze,” – tha zoti Shaath, duke folur në arabisht.

Jeruzalemi qëndron në zemër të konfliktit izraelito-palestinez dhe bashkësia ndërkombëtare thotë se statusi i tij përfundimtar duhet të përcaktohet në negociata. Megjithatë, Presidenti Trump thotë se është i përkushtuar ndaj një premtimi të bërë gjatë fushatës zgjedhore vitin e kaluar, për ta lëvizur ambasadën amerikane nga Tel Avivi, një masë që mbështetet nga shumë hebrej amerikanë dhe evangjelistë të krishterë.

Jerusalemi është vendi ku ndodhet xhamia Al Aksa, vendi i tretë më i shenjtë për fenë islame. Për hebrenjtë është mali i Tempullit, vendi më i shenjtë.

Presidenti turk Rexhep Tajip Erdogan ka kërcënuar të shkëpusë lidhjet me Izraelin, nëse presidenti Trump e njeh Jeruzalemin si kryeqytetin e Izraelit.

“Zoti Trump, Jeruzalemi është një vijë e kuqe për muslimanët”, tha Erdogan, duke shtuar se Turqia “mund të shkojë deri në shkëputjen e lidhjeve diplomatike me Izraelin për këtë çështje”.

Një ligj i vitit 1995 kërkon zhvendosjen në Jeruzalem të ambasadës amerikane në Izrael, por i njeh Presidentit të drejtën të shtyjë çdo gjashtë muaj vendimin për çështje të sigurisë kombëtare. Çdo president amerikan, që nga koha e presidentit Clinton, e ka përdorur këtë të drejtë, përfshirë presidentin Trump, i cili e bëri këtë qershorin e kaluar.

Në prag të njoftimit të pritur të presidentit Trump, agjencia Reuters citoi zyrtarë të paidentifikuar të Departamentit të Shtetit të kenë shprehur shqetësim për mundësinë e një reagimi të dhunshëm kundër Izraelit, si dhe ndoshta kundër interesave amerikane në rajon.

Ambasadat amerikane në mbarë botën janë urdhëruar të rrisin masat e sigurisë në pritje të protestave të mundshme.

Gerald Feierstein, drejtor për çështjet e Gjirit dhe Marrëdhëniet Qeveritare në Institutin e Lindjes së Mesme në Uashington, thotë se niveli i zemërimit që mund të nxisë njoftimi, varet shumë nga ajo që do të thotë presidenti Trump.

“Nëse presidenti thotë vetëm “ne e njohim Jerusalemin si kryeqytetin e Izraelit”, pa u përpjekur ta përcaktojë më tej dhe pa filluar vërtet procesin e lëvizjes së ambasadës, atëherë është shumë zhurmë për asgjë”, tha ai për Zërin e Amerikës.

Feierstein, i cili ka shërbyer si ambasador i SHBA në Jemen dhe më vonë si Zëvendës Ndihmës Sekretar i Shtetit për çështjet e Lindjes së Afërt, nën Presidentin Barak Obama, thotë se nëse presidenti Trump shkon më tej, kjo mund të shkaktojë një reagim të ashpër dhe të jetë një goditje dërrmuese në përpjekjet për paqe.

“Nëse ajo që do të thotë është në të vërtetë një njohje e të gjithë Jeruzalemit si kryeqytet i Izraelit dhe nuk i përmbahet më qëndrimit ndërkombëtar që Jeruzalemi duhet të ndahet dhe që Jeruzalemi Lindor të bëhet kryeqyteti i shtetit palestinez pasi të ketë një marrëveshje, atëherë kjo do të ketë një efekt shumë negativ në procesin e paqes”, tha zoti Feierstein.

“Pra, djalli është në hollësitë e deklaratës, për të përcaktuar se sa e rëndësishme do të jetë ajo.”

Haradinaj udhëzon Forcën e Sigurisë së Kosovës që t’i shkojë në ndihmë Shqipërisë

Kryeministri i Kosovës Ramush Haradinaj ka njoftuar se e ka udhëzuar ministrin e Forcës së Sigurisë së Kosovës, Rrustem Berisha, që të ndërmarrë të gjitha veprimet e nevojshme për t’i dalë në ndihmë shtetit shqiptar dhe banorëve të zonave të përmbytura.

“I ofrova Republikës së Shqipërisë ndihmen e gjithanshme të institucioneve të Kosovës pas përmbytjeve nga shirat e rrëmbyeshëm që kanë përfshirë Shqipërinë. E udhëzova Ministrin e Forcës së Sigurisë së Kosovës, Rrustem Berisha, që të ndërmarrë të gjitha veprimet e nevojshme për t’i dalë në ndihmë shtetit shqiptar dhe banorëve të zonave të përmbytura”, ka shkruar Haradinaj në Facebook./RTK

Le Petit Parisien (1920) – Letra e delegacionit shqiptar drejtuar kryeministrit francez: “Shqipëria nuk mund të pranojë cënimin e pavarësisë dhe integritetit të saj.”

 

Burimi : gallica.bnf.fr / Bibliothèque nationale de France

Nga Aurenc Bebja*, Francë – 26 Nëntor 2017

Gazeta franceze, “Le Petit Parisien”, ka botuar, të hënën e 19 janarit 1920, në faqen n°3, letrën e delegacionit shqiptar drejtuar asokohe kryetarit të qeverisë franceze, Georges Clemenceau, ku bie në sy pakënaqësia ndaj propozimit të copëtimit të territoreve shqiptare nga Fuqitë e Mëdha.

Cilat kanë qenë argumentat e parashtruara nga delegatët shqiptarë lidhur me këtë çështje ? Në vijim, do të gjeni letrën e plotë, të sjellë në shqip nga Aurenc Bebja – Blogu “Dars (Klos), Mat – Albania” :

Delegacioni shqiptar, duke kërkuar të dëgjohet nga Këshilli i Lartë, i dërgoi Z. Clemenceau letrën e mëposhtme :

Sipas disa komunikimeve, Fuqitë Aleate, për të arritur një kompromis mbi mosmarrëveshjen midis italianëve dhe jugosllavëve, do t’u lejojnë atyre zgjerimin e autoritetit mbi Shqipërinë Veriore deri në Drin.

Delegacioni shqiptar beson se e ka për detyrë të shprehë pikëllimin e thellë për vendimet që përputhen me parimin e kombësive ose të drejtën e popujve për vetëvendosje. Një popull i tërë, pas masave të tilla, ndahet dhe përdoret si monedhë shkëmbimi.

Shqipëria, e krijuar si shtet i pavarur në vitin 1913, neutral dhe i garantuar, e ka fituar tashmë këtë të drejtë dhe nuk mund të pranojë cënimin e pavarësisë dhe integritetit të saj pa protestuar. Italia nuk ka asnjë të drejtë tjetër legjitime në Vlorë dhe në brendësinë e saj, ashtu si forca e saj joproporcionale kundrejt Shqipërisë së vogël dhe të dobët ; Greqia, ashtu si dhe Jugosllavia nuk kanë asnjë të drejtë mbi pjesët e tjera të territorit shqiptar.

Dhënia e mandatit mbi Shqipërinë, Italisë, apo ndonjë fuqie tjetër, është në kundërshtim me dispozitën e nenit 22 të Traktatit të Versajës. Ndërhyrja e fqinjëve të interesuar në punët shqiptare, do të ndikojë në pavarësinë e saj dhe është e sigurtë se ajo do të shkaktojë trazira në Ballkan.

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/le-petit-parisien-1920-letra-e-delegacionit-shqiptar-drejtuar-kryeministrit-francez-shqiperia-nuk-mund-te-pranoje-cenimin-e-pavaresise-dhe-integritetit-te-saj/. Në rast të kundërt mos e publiko këtë shkrim.

“Droga nga Shqipëria në Siçili, flet polici në egzil “Në vendim tim edhe policia trafikon marihuana!”

Gazetari italian Dario De Luca pasi botoi tek MeridioNews telefonatat e kushërinjve të ish-ministrit Saimir Tahiri, sjell nga Zvicra një intervistë me oficerin e policisë Dritan Zagani që ishte i pari që ka bërë këtë denoncim:

«Nuk jam i lumtur për këtë që është duke ndodhur. Mafia është shumë e fortë»

INTERVISTA

Tani në Shqipëri të gjithë janë duke folur për përfshirjen e mundur të ish-ministrit në trafikun e drogës. Ju si ndjeheni?
“Hetuesit italianë më kanë bërë dhuratën më të bukur në botë, por jam ende gabim, por unë në fakt jam keq, nuk jam i lumtur për atë që është duke ndodhur në vendin tim. Unë jam larguar tashmë prej disa vitesh nën akuzë, ndërkohë që nuk është kryer kurrë asnjë seancë gjyqsore ndaj meje. Unë jetoj me gruan dhe tre vajzat tona. Unë po përpiqem të bëj një jetë të dytë në Zvicër dhe nëse kam marrë vendimin për t’u larguar nga Shqipëria, e bëra kryesisht për familjen time “.

Dritan Zagani ka qenë kreu i antidrogëss në rrethin e Fierit, ndërkohë edhe një i burgosur nag vendi i tij, si është e mundur?
“Në vitin 2014 po hetoja një grup trafikantësh të lidhur me kushërinjtë Habilaj. Një grup shumë i fuqishëm që trafikonte kokainë dhe armë. Gjithashtu kisha përgatitur një informacion, por pastaj më burgosën. Gjatë hetimit unë pashë edhe Audin e famshëm që më pas mësova të ishte veturë e Ministrit Saimir Tahiri. Vura re se ishte përdorur për të bërë udhëtime të dyshimta, por ankesat e mia nuk u dëgjuan “.

Ti përfundove në burg. Për sa kohë ? Çfarë ka të bëjë puna që bëje me policinë italiane?
“Më kanë mbajtur në burg për gjashtë muaj dhe tetë ditë pa ardhur asnë prokuror për të më dëgjuar. Askush nuk më ka pyetur, thjesht më harruan. Në atë kohë unë gjithashtu bashkëpunova me hetuesit italianë, nëpër kanalet informale siç ndodh në të gjithë botën. Dhe kjo gjë më çoi në akuzën se shita informacione “.

Gjatë këtyre kohëve bisedove me financierin Alessandro Giuliani i cili për një periudhë u interceptua. Kështu që përfundove edhe në telashe, siç është treguar në programin e Le Iene, për bisedat tuaja për drogën. Mund t’ju shpëtonte kreu i Interpolit në Tiranë, Anna Poggi, por gjërat shkuan ndryshe.
“ishin vetëm fjalë, pa asnë provë. Unë mund t’ju them me siguri se do të luftoj deri në fund dhe do t’i sjell këta njerëz para Gjykatës së të Drejtave të Njeriut në Strasburg “.

Shqipëria mbetet kanali i preferuar për furnizimin me marihuanë në Sicili. Gjatë viteve kanë ndryshuar mënyrat e përdorura nga trafikantët?
“Deri në vitin 2014 kisha shumë informata për udhëtimet e kamionëve, por edhe nga deti me anijet e peshkimit. Unë gjithashtu kisha lajme edhe për rrugë që shkonin në Kalabri. Gjatë asaj kohe jam transferuar dhe burimet nga shërbimet sekrete më kanë informuar se droga është marrë edhe me aeroplanë të vegjël. Ishte e pamundur të bëhej transportimi me 200-300 kilogram marihuanë gjatë çdo udhëtimi. Kjo mund të ndodhte vetëm me mbulime të nivelit të lartë. “

Sa korrupsion ka në vendin tuaj? Habilaj në letrat e hetuara nga Rosa dei vendi shumë herë i referohet rolit të policisë në trafikun e drogës.
“Unë gjithmonë e kam denoncuar korrupsionin. Por problemi i vërtetë është kur pjestarë të agjencive të zbatimit të ligjit gjithashtu kanë një interes në trafikun e drogës. Politikanët kanë përdoruar gjithashtu para nga krimi, madje edhe me fonde për zgjedhje. E gjithë bota e di se ata i kanë mbyllur sytë duke i dhënë rrugë kultivimit dhe shitjes së marijuanës “.

A do të ndryshojë kjo situatë ndonjëherë?
“Në Shqipëri për të ndryshuar kjo situiatë kërkohet shumë kohë. Kërkohet puna e madhe e Europës ose ndryshe ose ndryshe Shqipëria rrezikon të bëhet një gropë e krimit. Ndryshe mbetet vetëm revolucioni si një zgjidhje. Mafia është shumë e fortë dhe themeli i saj është në drogë. “

 Parlamenti i Shqipërisë a do të marrë një qendrim të kjartë kundër Tahirit ?

“Parlamenti nuk do të votojë në favor, sepse Tahiri është vetëm një hallkë në zinxhirin e gjatë. Prandaj ai nuk mund të rrëzohet, sepse nëse rrëzohet ai, rrëzohet edhe qeveria shqiptare”.

/ Përktheu Elida Buçpapaj

Intervista e plotë e Dritan Zaganit edhe në italisht

http://catania.meridionews.it/articolo/59842/droga-dallalbania-alla-sicilia-parla-lagente-in-esilio-nel-mio-paese-anche-la-polizia-traffica-la-marijuana/

Tentativë për të helmuar At Nikolla Markun në Elbasan

Tentativë për të helmuar at Nikolla Markun në Elbasan. Lajmi i bujshëm konfirmohet nga vetë at Nikolla i cili u shpreh se “perëndia e shpëtoi për mrekulli dhe se tani ndodhet nën kujdesin e saj”.

Prifti i kishës Shën Maria në këtë qytet tregon se kjo është dorë e kishës greke që, sipas tij, ka kohë që kërkon ta eleminojë për shkak të kundërshtive, veçanërisht me Kryepeshkopin Janullatus.

At Nikolla shprehet se ka zbuluar edhe personin që ka kërkuar ta helmojë duke i hedhur helm në verë. Por ajo që e ka lënë të shokuar priftin është fakti se personi në fjalë është pagëzuar në këtë kishë dhe ka qëndruar pranë at Nikollës për vite me radhë.

Bujar Nishani kërkon dënim si diktatura për Visar Zhitin

Presidenti Bujar Nishani kur nuk i kanë mbetur as dy muaj nga përfundimi i mandatit, ka paditur poetin e mirënjohur, diplomatin dhe ish-të burgosurin politik Visar Zhitin në gjykatë për shkaktim dëmi ndaj figurës së tij.

Presidenti Bujar Nishani që ka dekretuar si ambasadorë të Republikës të Shqipërisë njerëz me lidhje me diktaturën komuniste ka ndërmarrë një veprim abuziv duke mos e dekretuar zotin Zhiti si Ambasador në Vatikan.

Sipas gazetetës “Panorama”, padia e Nishanit mban numrin e aktit 9994. Ai kërkon nga Gjykata e Tiranës dënimin e të paditurit, në rastin konkret Viasr Zhiti, për akuzën e shkaktimit të dëmit.

Eduard Selami distancohet nga Topalli dhe Imami: Mbështes listën e Bashës, t’i kushtohemi fushatës!

Në një reagim të tij në rrjetet sociale, Selami kërkon mbështetjen për fushatë, dhe jo analiza për PD-në nga vetë deputetët që tashmë s’do jenë me në lista.

“Koha për fushate jo për analiza. Lista ka mbështetjen time. Suksese!”, shkruan Selami.

Ky reagim vjen menjëherë pas konferencës për shtyp të ish deputetëve Jozefina Topalli dhe Arbën imami, pir dhe mbledhjes që janë duke bërë së bashku të tjerë deputetë të përjashtuar nga listat siç është Majlinda Bregu, Astrit Patozi, Ridvan Bode dhe Keltis Kruja.