VOAL

VOAL

Please Wait ...
0%

Trumpi kërkon të dyfishohet kuota shpenzimeve në mbrojtje

By | July 11, 2018

Komentet

Kosova dhe Shqipëria do të nënshkruajnë unifikimin doganor më 26 nëntor

Nadie Ahmeti

Marrëveshja për unifikimin doganor në mes të Kosovës dhe Shqipërisë pritet të nënshkruhet më 26 nëntor, në mbledhjen e përbashkët të këtyre dy qeverive që do të mbahet në Pejë, kurse do të fillojë së zbatuari nga janari i vitit të ardhshëm, thonë zyrtarë të Qeverisë së Kosovës.

Lulzim Rafuna, këshilltar i ministrit të Financave në Qeverinë e Kosovës, njëherësh këshilltar i kryeministrit të Shqipërisë për dogana dhe tatime, tha për Radion Evropa e Lirë se për këtë çështje, të dy qeveritë janë në fazat e fundit të harmonizimit të dokumentacioneve të nevojshme për mallrat që qarkullojnë mes Kosovës dhe Shqipërisë.

Ai tregon se më këtë marrëveshje planifikohet që të mos kërkohen dokumente të panevojshme, por të njihen në mënyrë reciproke dokumentet e të dyja shteteve.

“Qëllimi është që të harmonizohen të gjitha këto procedura, të eliminohet kontrolli i dyfishtë që kemi pasur dhe e kemi ende deri në hyrjen në fuqi të këtij protokolli. Paralelisht, jemi duke punuar që Zyrën Doganore në Durrës, ta avancojmë dhe të harmonizohet komplet me këtë protokoll dhe të harmonizohet me procedurat e reja që do të aplikohen në vendkalimin doganor, Morinë- Vermicë”, tha Rafuna.

Për të lehtësuar transportin e mallrave në mes dy shteteve, në muajin korrik është përuruar pika e përbashkët kufitare Morinë – Vërmicë që lidh Kosovën me Shqipërinë. Me këtë projekt që është financuar nga Bashkimi Evropian me më shumë se një milion euro, është bërë modernizimi i pajisjeve.

Edhe njohës të kësaj çështjeje, konsiderojnë se bizneset e të dyja shteteve do të përfitojnë nga zbatimi i kësaj marrëveshjeje.

Ish-drejtori i doganave, Naim Huruglica, njëherësh ligjërues për çështjet doganore dhe transportin ndërkombëtar, tha për Radion Evropa e Lirë se çdo shkurtim i procedurave të pritjes në kufi, ulë koston e të bërit biznes.

“Në mes të Kosovës dhe Shqipërisë është unifikim i procedurave në kuptimin e orareve, formave, punës në një objekt të përbashkët, për të mos pasur nevojë të ushtrohen dy kontrolle, pasi mund të bëhet një kontrollë e vetme me ekipe të përbashkëta. Kjo është një fazë më e avancuar sesa të kesh kontroll plotësisht të veçantë doganor”, thekson Huriglica.

“Kjo lehtëson sepse shkurtimi i kohës dhe procedurave ulë koston e transportit, ulë koston e të bërit biznes dhe automatikisht kjo e bën fuqinë tonë konkurruese pasi jemi në gjendje të dalim më lirë në treg me ato produkte që i kemi”, thotë tutje ai.

Për përfaqësues të komunitetit të biznesit, një vendim i tillë do të lehtësonte qarkullimin e mallrave të dy shteteve dhe do rriste mundësinë e investimeve të përbashkëta.

Agim Shahini, kryetar i Aleancës Kosovare të Biznesit, thotë për Radion Evropa e Lirë se më këtë vendim do të konkretizohen në praktikë marrëveshjet në mes Kosovës dhe Shqipërisë.

“Do të pranohen doganat e dy vendeve, do të unfikohet kontrolli i përbashkët dhe shumë produkte që do vijnë në Portin e Durrësit apo të Vlorës do të kenë mundësi të doganohen atje dhe pastaj drejtë do të vijnë në Kosovë. Kjo është risi që deri tani nuk ka ekzistuar”, tha Shahini.

Ndryshe, marrëdhëniet dypalëshe që prej shpalljes së pavarësisë së Kosovës me shtetin e Shqipërisë janë rritur nga viti në vit. Kjo vërehet edhe me rritjen e vëllimit të shkëmbimeve tregtare në mes këtyre dy shteteve. Sipas të dhënave zyrtare, vlera e importit të produkteve nga Shqipëria në vitin 2008 ka qenë rreth 60 milionë euro përderisa në vitin e kaluar kjo shifër është rritur në 151 milionë euro.

Ndërkaq, vlera e produkteve të Kosovës që eksportohen në Shqipëri në vitin 2008 ka qenë në mbi 21 milionë euro dhe në vitin 2017 vlera e këtyre produkteve ka arritur më 60 milionë euro.

Madje, institucionet e ndryshme të Shqipërisë dhe të Kosovës kanë vendosur një bashkëpunim reciprok. Këto marrëdhënie janë konkretizuar me firmosjen e mbi 50 marrëveshjeve.

Megjithatë, vlerësohet se këto dy shtete gjatë shkëmbimeve tregtare, disa herë kanë hasur në vështirësi dhe konsiderohet se nuk kanë arritur të kenë marrëdhenie tregtare në nivel të kënaqshëm.

Lleshi kërkon shkarkimin si gjeneral (dokumente)

Ka publikuar në profilin e tij në Twitter kryeministri i Shqipërisë, Edi Rama kërkesën e zv/ministrit të Brendshëm, Sandër Lleshi për presidentin Ilir Meta.

“Ja edhe kërkesa e zv.ministrit të Brendshëm, Sandër Lleshi, për Presidentin e Republikës. Tani Presidenti është i lirë të zgjedhë interpretimin që do edhe në njërën rrugë a tjetrën, ta mbyllë procesin me dekretimin e ministrit të Brendshëm, siç ia kërkon Kushtetuta e Shqipërisë”, – shkroi Rama.

Sandër Lleshi zëvedësministri i Brendshëm, kërkon nga Presidenti i Republikës, Ilir Meta, t’i heqë atij gradën e gjeneralit, si zgjidhje për t’i hapur rrugë dekretimit si ministër. Kërkesa i është adresuar Kreut të Shtetit, në përgjigjen që kryeministri Rama i drejtoi Presidentit.

Taksa 10 % për Serbinë dhe Bosnjën, Haradinaj: Mund të rritet

Kryeministri i Kosovës Ramush Haradinaj jo vetëm që nuk tërhiqet nga vendimi për taksën prej 10 përqind të vendosur për mallrat që vijnë nga Serbia dhe Bosnja, por paralajmëron se ajo edhe mund të rritet.
Pas mbledhjes së Komisionit për Legjislacion, Haradinaj iu është përgjigjur pretendimeve të Listës Serbe për votat për rrëzimin e Qeverisë.

“Para se të shkojmë në zgjedhje të reja njëherë duam ta bëjmë liberalizimin, para se të votojmë në Kuvend nuk kemi pse të spekulojmë kurdo që voton parlamenti është e qartë. Shpresoj që në seancën e ardhshme të i kemi të kryera këto detyra shtesë, këto nuk janë kusht për liberalizimin e vizave, kushtet janë përmbush, por që me dëshmuar se po shkojmë më tutje. Për Listën Serbe është vullnet i tyre politik dhe ne nuk e diktojmë atë, agjenda e Kosovës vazhdon”, tha Haradinaj.

Kujtojmë se javën e kaluar, Qeveria e Kosovës javën e kaluar mori vendimin për vendosjen e taksës prej 10 për qind për të gjitha mallrat që importohen nga Serbia dhe Bosnja e Hercegovina.

Dokumenti – Meta tregon për herë të parë pse nuk e dekretoi Sandër Lleshin, shkresa me 14 pyetjet për Ministrinë e Mbrojtjes

Presidenti i Republikës, Ilir Meta, ne pergjigje te kerkeses se dyte nga Rama per dekretimin e Sander Lleshit, minister te Brendshem, ka publikuar sot listen me 14 pyetje drejtuar Ministrise se Mbrojtjes per te zgjedhurin e kryeministrit.

Shkrese ne te cilen ben publike edhe faktin se pse “emërimi i tij në detyrën e ministrit të Brendshëm, paraqet një problematikë themelore kushtetuese”.

 

“Me qëllim informimin e opinionit publik dhe në interes të transparencës, Presidenti i Republikës, Sh. T. Z. Ilir Meta autorizon bërjen publike të pyetjeve josekrete drejtuar Ministrisë së Mbrojtjes lidhur me propozimin për emërimin e zotit Lleshaj ministër të Brendshëm të Republikës së Shqipërisë”- thekson Presidenca.

Sipas deklarates, Meta, i qëndron bindjes se nuk mund të ketë asnjë institucion funksional jashtë një Kushtetute funksionale.

Pjese nga shkresa e Metes

Duke qenë se kandidatura e Sandër Lleshaj, vjen nga një karrierë e gjatë ushtarake në zbatim të Kushtetutës së Republikës së Shqipërisë, ku ministri si funksion kushtetues është autoritet civil, në zbatim të neneve 69,103,167/1 të Kushtetutës, emërimi i tij në detyrën e ministrit të Brendshëm, paraqet një problematikë themelore kushtetuese.

Kjo sepse ushtarakët e shërbimit aktiv nuk mund të zgjidhjen ose emërohen në detyra të tjera shtetërore dhe as të marrin pjesë në parti ose në veprimtari politike, ndërkohë që një ushtarak i shërbimit aktiv nuk mund të kandidojë e as të zgjidhet ministër apo deputet pa hequr dorë më parë nga detyra.

Megjithëse kryeministri është vënë në dijeni mbi këtë ndalim kushtetues, sërish edhe në këtë propozim të ri, nuk është dhënë asnjë shpjegim, informacion si dhe nuk është mbajtur asnjë qëndrim mbi këtë cështje dhe për pasojë të tjera që mund të lidhen me të.

Për më tepër, që në njoftimin fillestar të kryeministrit në rrjetet sociale të datës 27 tetor 2018, por edhe në dalje të tij publike, z.Sandër Lleshaj propozohet për emërim si ministër i Brendshëm, duke e trajtuar atë me gradën “Gjeneral”.

Kërkesë drejtuar Ministrisë së Mbrojtjes për informacion shterues për pozitën e ushtarakut Sandër Lleshi (Lleshaj)

Lënda:    Kërkesë për informacion shterues për pozitën e ushtarakut Sandër Lleshi (LLeshaj).

Drejtuar:              Znj. OLTA XHAÇKA     MINISTËR I MBROJTJES

 Për Dijeni:           Z. Gramoz RUÇI  KRYETAR I KUVENDIT

 Për Dijeni:           Z. Edi RAMA  KRYEMINISTËR

 E nderuar Znj.Ministre,

Presidentit të Republikës, sot më datë 9.11.2018, i është paraqitur sërish propozimi i Kryeministrit për emërimin e z. Sandër Lleshaj në detyrën e ministrit të Brendshëm.

Ky propozim është përcjellë me shkresën e Kryeministrit nr. 5211 prot, datë 09.11.2018 dhe shoqërohet me një relacion shpjegues (dy fletë e panënshkruar) dhe CV-në, e kandidatit, akte këto me të cilin Kryeministri mbështet propozimin e Tij.

Duke qenë se, kandidatura e z.Sandër Lleshaj, vjen nga një karrierë e gjatë ushtarake, në zbatim të Kushtetutës së Republikës së Shqipërisë, ku ministri si funksion kushtetues, është autoritet civil, në zbatim të neneve 69, 103, 167/1, të Kushtetutës, emërimi i tij në detyrën e ministrit të Brendshëm, paraqet një problematikë themelore kushtetuese.

Kjo sepse ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti ose në veprimtari politike, ndërkohë që një ushtarak i shërbimit aktiv nuk mund të kandidojë e as të zgjidhet ministër apo deputet pa hequr dorë më parë nga detyra.

Megjithëse Kryeministri është vënë në dijeni mbi këtë ndalim kushtetues, sërish edhe në këtë propozim të ri, nuk është dhënë asnjë shpjegim, informacion si dhe nuk është mbajtur asnjë qëndrim mbi këtë çështje dhe për pasoja të tjera që mund të lidhen me të.

Për më tepër, që në njoftimin fillestar të Kryeministrit në rrjetet sociale të datës 27 tetor 2018, por dhe në dalje të tij publike, z. Sandër Lleshaj propozohet për emërin si ministër i Brendshëm, duke e trajtuar atë me gradën “Gjeneral”.

Në këto kushte Presidenti i Republikës në zbatim të nenit 92/h, vlerëson të domosdoshme paraqitjen e një informacioni shterues mbi pyetjet e parashtruara, si dhe të dhëna me shkrim për çështjet si më poshtë:

  1. Çfarë veprimesh proceduriale dhe materiale janë kryer nga Ministria e Mbrojtjes apo Shtabi i Përgjithshëm për ekzekutimin e Vendimit të formës së prerë nr. 5137, datë 07.12.2017 të Gjykatës së Apelit Administrativ, vendim ky që ka trajtuar pretendimet e z. Sandër Lleshi.
  1. A ka ushtruar Ministria e Mbrojtjes të drejtën e kundërshtimit, duke ushtruar rekurs në Gjykatën e Lartë kundër Vendimit nr. 5137, datë 07.12.2017 të Gjykatës së Apelit Adimistrativ dhe nëse po, cilat janë arsyet që Ministria e Mbrojtjes ka kundërshtuar këtë vendim gjyqësor të formës së prerë?

Nëse po, lutemi paraqitjen e kopjes të rekursit të paraqitur nga Ministria e Mbrojtjes në Gjykatën e Lartë.

  1. A jeni në dijeni nëse z. Sandër Lleshaj, ka ushtruar të drejtën e kundërshtimit duke paraqitur Kundër Rekurs, për të kundërshtuar Rekursin e paraqitur nga Ministria e Mbrojtjes në Gjykatën e Lartë dhe nëse po, cilat janë arsyet dhe pretendimet të parashtruara në këtë kundër-rekurs të z. Sandër Lleshi që ka kundërshtuar rekursin e Ministrisë së Mbrojtjes?

Nëse po, kërkojmë paraqitjen e një kopje të këtij akti.

  1. A ka kryer Ministria e Mbrojtjes, apo Shtabi i Përgjithshëm i FA, veprime për ekzekutimin e këtij vendimi të Gjykatës së Apelit Administrativ, përsa i takon trajtimit financiar sipas dispozitivit të vendimit, ku gjykata urdhëron: “Detyrimin e palës së paditur Ministria e Mbrojtjes t’i paguajë paditësit Sandër Lleshi pagën nga data 29.05.2013, deri në datën e sistemimit të paditësit në detyrën e Zv/Shefit të Shtabit të Përgjithsëm të FA, apo në një detyrë tjetër në përputhje me gradën që mban. Cili është niveli ekzekutimit të këtij vendimi gjyqësor deri në ditët e sotme ?
  1. A ka qenë në dijeni ministria e Mbrojtjes gjatë shqyrtimit gjyqësor se z.Sandër Lleshaj, ndërkohë që zhvilloheshin proceset gjyqësore, ishte i emëruar si Këshilltar i Kryeministrit ?
  1. A është ekzekutuar nga Ministria e Mbrojtjes vendimi i Gjykatës përsa i takon shlyerjes së shpenzimeve gjyqësore?
  1. A ka parashtruar z.Sandër Lleshaj, ndonjë kërkesë personale apo nëpërmjet shërbimit Përmbarimor për vënien në ekzekutim të vendimit të Gjykatës, dhe nëse po, lutemi përcjelljen e një kopje të kësaj kërkese së bashku me dokumentacionin e plotë.
  1. A ka parashtruar z. Sandër Lleshaj, ndonjë kërkesë në lidhje me trajtimin e tij financiar në zbatim të vendimit të Gjykatës dhe taksimin e kësaj të ardhure, nisur nga fakti që ai trajtohej financiarisht me pagë dhe si Këshilltar i Kryeministrit ?

Nëse po, cili është qëndrimi që është mbajtur në lidhje me këto kërkesa, dhe cila është zgjidhja që ka dhënë Ministria e Mbrojtjes apo Shtabi i Përgjithshëm i FA, në lidhje me këtë çështje ?

  1. Si ka vlerësuar dhe si parashikon Ministria e Mbrojtjes ekzekutimin e vendimit gjyqësor me të cilin Gjykata e Apelit Administrativ, urdhëron: “Kthimin e paditësit Sandër Lleshi në detyrën e Zv/Shefit të Shtabit të Përgjithsëm të FA, apo në një detyrë tjetër në përputhje me gradën që mban.
  1. A ka patur ndonjë komunikim apo praktikë administrative shkresore midis Ministrisë së Mbrojtjes, Shtabit të Përgjithshëm me institucionin e Kryeministrit në funksion të ekzekutimit të vendimit të Gjykatës së Apelit Administrativ nr.5137, datë 07.12.2017, përsa i takon rikthimit në një detyrë tjetër në përputhje me gradën që mban, për të njëhsuar funksionin që z. Sandër Lleshaj mbante si Këshilltar i Kryeministrit për Sigurinë Kombëtare që prej vitit 2013 e në vijim në zbatim të vendimit të gjykatës?

Nëse po, cili është qëndrimi që është mbajtur nga institucionet respektive dhe vënien në dispozicion të akteve respektive.

  1. A ka patur ndonjë komunikim, apo praktikë të propozuar nga Ministria e Mbrojtjes me institucionin e Presidentit të Republikës, në lidhje me vendimin e Gjykatës së Apelit Administrativ nr.5137, datë 07.12.2017?
  1. Me çfarë akti z. Sandër Lleshaj, ka kaluar në lirim, apo në rezervë në Forcat e Armatosura, pas daljes së vendimit nr. 5137, datë 07.12.2017 të Gjykatës së Apelit Administrativ dhe përpara paraqitjes së propozimit të Kryeministrit, për emërimin e tij në detyrën e ministrit të Brendshëm ?

Nëse e dispononi, lutemi vënien në dispozicion të këtij akti.

  1. Cili është vlerësimi i ministrisë së Mbrojtjes, për zbatimin në tërësi të vendimit të Gjykatës së Apelit Administrativ nr. 5137, datë 07.12.2017 tashmë pas emërimit të z. Lleshi si Zëvendësministër i Brendshëm, apo në rast të emërimit të tij si ministër i Brendshëm?
  1. Në kërkesën e Kryeministrit propozohet që z. Sandër Lleshaj të emërohet ministër i Brendshëm. Ndërkohë konstatohet se në vendimet gjyqësore mbi këtë ushtarak, të dhënat personale të tij paraqiten me mbiemër Lleshi.

Lutemi sqarimin e këtij fakti, kur janë bërë këto ndryshime në të dhënat personale dhe si është reflektuar kjo në dosjen personale të këtij ushtaraku?

Duke vlerësuar shumë të rëndësishme këtë çështje Presidenti i Republikës, në cilësinë dhe të Komandantit të Përgjithshëm të Forcave të Armatosura, Kryetar i Këshillit të Sigurisë Kombëtare kërkon bashkëpunimin e plotë nga ana juaj për paraqitjen sa më parë të këtyre shpjegimeve dhe dokumentacionit të kërkuar, të cilat duhet të jenë shteruese, në mënyrë që vlerësimi i këtij propozimi të ri të Kyeministrit, të kryhet në përputhje me Kushtetutën e Republikës së Shqipërisë dhe legjislacionit në fuqi.

Me respekt

Ilir Meta

Sulmoi shqiptarët në Bularad, Shqipëria shpall “non grata” eurodeputeten ekstremiste Eleni Theocarus

Shqipëria ka shpallur “non grata” eurodeputeten qipriote Eleni Theocarus.

Vendimi është njoftuar nga keshilltari i ministrit Ditmir Bushati, Glevin Dervishi.

“Shfaqja e orkestruar si nje provokim agresiv ne Bularat, e cila e ktheu nje ceremoni mortore ne nje manifestim sfidues ndaj rendit kushtetues, sigurise e qetesise publike te Republikes se Shqiperise, me thirrje ekstremiste, nxitje të urrejtjes dhe thirrje per percarje mes qytetareve shqiptare me kombesi shqiptare e greke, ishte e papranueshme per shtetin e per shoqerine shqiptare.

E cila eshte nje shoqeri e bashkejeteses demokratike, ku minoritetet jane te mbrojtura me nje ligj te standardeve me te larta europiane dhe ku minoriteti grek eshte nje pasuri e nje ure e pazevendesueshme fqinjesie te mire me Greqine mike.

Në mbrojte rendit kushtetues, sigurise kombetare, qetesise publike dhe pacenueshmerise ne asnje lloj forme te teresise territoriale te Republikes se Shqiperise, autoritetet shqiptare jane mbeshtetur ne mekanizma teresisht ligjor per adresimin e problematikes se kesaj situate.

Ne bashkeveprim nderinstitucional dhe pas vleresimit te kryer nga institucionet e specializuara, Ministria per Evropen dhe Punet e Jashtme i propozoi Ministrise se Bredshme shpalljen non grata (person u padeshirueshem ne Shqiperi) te eurodeputetes qipriote Eleni Theocharous.

Ministria e Brendshme referuar statusit politiko-diplomatik dhe angazhimit te saj ne Parlamentin Evropian, pas vleresimit dhe ne mbeshtetje te propozimit te MEPJ, gjykuar ne materialet referuese te administruara nga Ministria e Brendshme vendosi te miratoje kerkesen e MEPJ.

Ky vendim vjen si reagim i detyruar kushtetues e ligjor i institucioneve te Republikes se Shqiperise, ndaj shfaqjeve te perseritura ekstremiste te eurodeputetes Eleni Theocharous. Prononcimet e saj qe nxisin urrejtjen, cenimin e rendit kushtetues te vendit tone, ngritjen e pretendimeve territoriale ndaj Republikes se Shqiperise, nuk mund dhe nuk do te mund te behen me ne token shqiptare.

Mbeshtetur ne procedurat diplomatike dhe konsullore, Ministria per Evropen dhe Punet e Jashtme e Republikes se Shqiperise do te percjelle nepermjet kanaleve diplomatike vendimin per te ndaluar hyrjen e metejshme ne Shqiperi te Eleni Theocharous.

Qeveria e Republikes se Shqiperise eshte e vendosur per te kontribuar vijimesisht per stabilitetin rajonal, per te bashkepunuar ngushtesisht me fqinjet e partneret nderkombetar, por eshte po ashtu e vendosur te mos tolerohe, per asnje arsye shfaqje sfiduese ndaj rendit kushtetues, thirrje cenuese per teresine teritoriale dhe akte demtuese te harmonise mes qytetareve te Republikes se Shqiperise.

Greqia mike e populli i saj jane nje aset shume i vyer ne kapitalin e miqesive tradicionale te Shqiperise e te popullit shqiptar. Elemente apo grupe ekstremiste qe ne greqisht apo edhe ne shqip, flasin nje gjuhe te perbashket urrjetjeje e percarjeje, e cila nuk ka lidhje me gjuhen europiane qe bashkon popujt e shtetet tona, s’do te kene asnje shans te minojne rrugen tone te perbashket te paqes e te bashkepunimit strategjik ne funksion te se ardhmes qe meritojne femijet e sotem te Shqiperise e te Greqise” , shprehet keshilltari per rajonin i ministrit Bushati, Glevin Dervishi.

Ajo ka qenë paraditen e së enjtes në shtëpinë e Kostandinos Kacifas, në fshatin Bularat të Gjirokastrës ku ka dhënë disa deklarata fyese për shqiptarët.

Theocarus ka lëshuar deklarata raciste disa ditë më parë duke ngritur edhe pretendime territoriale.

Derëziu Edi Rama dhe Dulja mavria i nxirë në fytyrë – Nga SPARTAK NGJELA

Janë mërzitur të korruptuarit e mëdhenj. Ata prisnin më shumë nga çmenduria greke.
Duan destabilizim, sigurusht.

Dje në Bularat dështuan edhe anadollakët e Greqisë, edhe të korruptuarit e mëdhenj të Shqipërisë. Por kur e panë që 400 injorantë nuk i përkrahu njeri në Shqipëri, të mërzitur morën anën e kundërt.
Pse shpresoni kot, o të mjerë, nuk e mbroni dot as veten dhe as gjënë e vjedhur!

Një nga këta ishte edhe Saliu. Ky, iu bëri thirrje ekstremistëve grekë të vinin te “heroi” i tyre, por kur pa që ajo e cila priste ky, doli një parodi qesharake, na mori anën e kundërt. Qesharak.

Po Edi Rama?
Edhe ky derëzi e i lehtë nga mendja, priti masivizim në këtë lloj ekstremizmi. Domethënë destabilizim.
Turp për ta. Por janë në hall. Prandaj.

E patë Dule mavrinë si ishte nxirë në fytyrë? Se nuk i erdhën në varrin as minoritarët e tij. Po, ky anadollas do pushtojë Shqipërinë, me ca lapaculë pa identitet që paguhen dhe janë të tembur?!
Po shteti shqiptar?
Shteti shqiptar ishte i ndarë më dysh. Ishin ata që paguhen nga Athina, dhe ata që nuk kuptojnë dot thelbin e situatës. Megjithatë shumë mirë që këta të dytët vunë dorë dhe arrestuan dhunuesit e vlerave kombëtare shqiptare. Por nuk do t”i lënë brenda ata të parët. Të shohim se çfarë do të ndodhë.

Shqiptarët dhe media e pa blerë nga grekët duhet të tallet disa ditë rresht me parodinë e çmendurisë greke në Bularat. Nën një prizëm historik, ajo që u shfaq është turp. Por në një prizëm aktual është komedi banale që duhet të përdoret disa ditë nga shqiptarët kudo: në internet, në portale dhe në shtypin e shkruar e nëpër televizione.
Për shqiptarët ngjarja ishte një test që për interesin kombëtar, këta nuk shiten si lidershipi i tyre politik. Askush nuk u shkoi anadollakëve të Greqisë në atë varrim makabër, madje as minoritarët. Ky është një fakt që provon se shqiptarët e dinë mirë historinë e tyre dhe e dinë gjithashtu se në këtë periudhë historike, grekët janë në rënie dhe shqiptarët janë në një ngritje historike.

lll.
Rivlerësimi i historisë arbërore tani ësht një fakt historik në progres. Ka dalë një shtet i dytë shqiptar, Kosova, dhe po del edhe një i tretë: Maqedonia, që e shpejtë do të jetë koha kur do të quhet Ilirida.
Por ndërkohë janë hedhur si çakej të tërbuar kundër kësaj kohe arbërore edhe grekët, edhe serbët, por edhe turqit neoosmanë. Në fakt historikisht kanë qenë bashkë kundër shqiptarëve. Por kot e kanë. Nuk kanë vlerë intrigat e tyre antishqiptare.

Grekët paguajnë agjentët e vjetër të ish Sigurimit të Shtetit, serbët kanë agjentuërën e tyre të vjetër këtu dhe sidomos paguajnë imamët injorantë me të cilët tallen sot shqiptarët edhe në Shqipëri, por edhe në Kosovë, kur këta thonë se “jemi turq” dhe “s’ka shqiptarë po muslimanë”. Dhe flasin si idiotë për të provuar se Skënderbeu nuk ka qenë shqiptar, dhe ka vrarë muslimanë.

Shqiptarët sot tallen me këta injorantë komedinë, të cilëve iu shtua dje edhe parodia qesharake e “luftëtarëve” grekë, të cilët bërtisnin në Bularat si të uritur që po kërkonin bukë.

Duhet të vijojë tallja shqiptare me këta komedinë qesharakë, se, po të merren seriozisht, dëmtojnë me dhimbje koke shqiptarët.
Kurse koha po ecën drejt rivlerësimit të Arbërisë. Shqiptarët janë në historinë e tyre. Perëndimorët e kuptuan më në fund se investimi i tyre në Greqi dhe në Serbi, ka qenë një investim në falsitet. Sidomos në lidhje me historinë e Greqisë.

Presidenti Trump shkon në Francë për të shënuar 100 vjetorin e Luftës së Parë Botërore

Presidenti Donald Trump do të shkojë në Francë këtë fundjavë së bashku me dhjetra udhëheqës të tjerë botërorë për të marrë pjesë në ceremonitë me rastin e 100 vjetorit të armëpushimit, që i dha fund Luftës së Parë Botërore. Siç njofton korrespondenti i Zërit të Amerikës Henry Ridgwell, marrëdhëniet mes Amerikës dhe aleatëve të saj janë të tensionuara – dhe Franca madje ka paralajmëruar se klima e tanishme gjeopolitike të kujton periudhën para luftërave botërore.

Duke vizituar vendet e betejave të dikurshme këtë javë, presidenti francez Emmanuel Macron paralajmëroi për kërcënimet aktuale ndaj kontinentit – duke i thënë radios franceze se Evropa duhet të krijojë ushtrinë e vet.

“Ne duhet të mbrojmë veten nga Kina, nga Rusia dhe madje edhe nga Shtetet e Bashkuara”.

Zyrtarët francezë thanë se marrëdhëniet me Shtetet e Bashkuara nuk do të ndikohen nga humbja e kontrollit të Dhomës së Përfaqësuesve nga partia republikane në zgjedhjet e mes-mandatit.

Presidenti amerikan do të zhvillojë bisedime me presidentin Macron të shtunën. Nuk është e qartë nëse do të realizohet një takim i përfolur mes Trumpit dhe homologut të tij rus Vladimir Putin.

Presidenti Trump më vonë do të vizitojë Belleau Wood, skenën e një prej betejave më të ashpra të zhvilluara nga trupat amerikane.

1,811 ushtarë amerikanë u vranë ndërsa sulmuan pozicionet gjermane. Pjesa më e madhe e luftimeve u bë trup me trup. Pas më shumë se tre javë luftimesh, trupat amerikane morën Belleau Wood-in më 26 qershor të vitit 1918.

“Ata ndeshën me zjarrin e furishëm të armikut. Në vend që të sprapseshin, në vend që të tërhiqeshin, gjë që në kohën e luftës do të kishte qenë normale për trupat dhe të prisnin artilerinë t’i përforconte, ata u hodhën në sulm”, thotë historiani francez Jean-Michel Steg.

Deri në fund të luftës, mbi 116 mijë trupa amerikane gjetën vdekjen duke mbrojtur Evropën. Njëqind vjet më vonë, lidhjet transatlantike janë të tensionuara – por aleanca vazhdon.

“Marrëdhëniet mes këtyre fuqive, nuk janë gjithmonë të lehta. Dhe ka arsye për këtë. Por kur vjen këtu, mes njerëzve në këto fshatra, ata kujtojnë me një respekt të madh ushtarët amerikanë”, thotë Bruce J. Malone Jr, në varrezat ushtarake amerikane në Meuse-Argonne..

Muzeu “Romagne 14-18” aty pranë përshkruan jetën e ushtarëve në vijën e frontit, përmes ekspozimit të mijëra sendeve të gjetura nga fushat e betejës.

“Ajo që përpiqem t’u tregojë vizitorëve në këtë muze është se poshtë këtyre helmetave, janë të gjithë njësoj, të gjithë njerëz”, thotë Jean-Paul De Vries, pronar i këtij muzeu.

40 milionë njerëz, nga të gjitha palët në konflikt, humbën jetën. Ata do të kujtohen të dielën në ceremoninë e Ditës së Armëpushimit në Arkun e Triumfit të Parisit, ku do të marrin pjesë dhjetra udhëheqës botërorë.

Presidenti Trump më vonë do të marrë pjesë në një ceremoni të veçantë për Ditën e Veteranëve në një varrezë amerikane.

Rama: Nëse 1 mijë shqiptarë shkonin kuq e zinj e këndonin për Çamërinë, qeveria greke dhe Greqia….

Kryeministri Edi Rama, i ftuar mbrëmjen e sotme në “Real Story”, ka folur edhe një herë për ngjarjen e Bularatit, si dhe për përplasjet e ndodhur ditën e sotme në varrimin e Kacifas, dhe thirrjet antishqiptare prej shtetasve  grekë që kishin ardhur për të marrë pjesë në përcjelljen për në banesën e fundit të Konstandinos.

kacifa2

“Pashë që kishte reagime që më krijuan një pështjellim negativ, se unë mendoj se ajo që shihet si dobësi është forca dhe vlera e këtij vendi. Në nuk jemi vend ku luftohet me arkmorte dhe purgatorët e varrimeve. Ajo që ndodhi në atë fshat është një gjë që nuk ndodh në asnjë vend tjetër. Ne kemi marrë masa në kufi, janë marrë masa për disa shtetas që kanë hyrë në mënyrë të paligjshme në kufirin e gjelbër, por nga ana tjetër i bëj ftesë të gjithëve që të refuzojmë shprehjen “na erdhi greku””, u shpreh kryeminsitri.

Pyetjes se nëse mund të ishte evituar kjo vrasje, Rama i është përgjigjur kështu:

Ndihem mirë që në këto raste i përkas këtij vendi, se do ishte e paimagjinueshme që kjo të ndodhte invers, 1000 vetë të veshur kuq e zi, të shkonin në Greqi dhe të këndonin për Çamërinë… besoj se do ishte ndezur flakë qeveria greke dhe të gjithë. Ndërsa këtu nuk ndodhi asgjë e tillë për këtë ngjarje sa të dhimbshme aq dhe qesharake. Kjo është vlerë për ne dhe shkon me traditën tonë, që shkon për shtat lotëve të familjarëve në këtë arkmort.

Unë besoj se ne kemi pasur një qasje shumë serioze edhe me palën greke, janë vrarë shqiptarë në Greqi dhe pala greke ka kërkuar një hetim të përbashkët, dhe ne kemi refuzuar sepse kemi bërë atë që është bërë në rastet e mëparshme.

Prokuroria ka reaguar për një proces ekspertize, dhe pas tyre do diskutohet, nëse do të diskutohet më për këtë çështje

Por unë di që as në Greqi as në Shqipëri dhe as Honolulu, një njeri që kërcënon me armë disa persona të paarmatosur, nuk tolerohet.

 

Pjesë nga Intervista:

Nuk është ky populli grek, nuk është ky fshati i Bularatit, ky është një segment folklorik dhe i mjerë i politikës greke, dhe populli grek s’ka qenë dhe s’do jetë kurrë armiku jonë, në Greqi kanë gjetur strehë shqiptarët si dhe grekët në Shqipëri, por edhe aty si në çdo vend ka derra.

Ata erdhën dhe turpëruan flamurin e tyre dhe ikën e lanë pas një shije groteske dhe folklorike dhe përdhosën edhe viktimën.

Kjo ngjarje po shfrytëzohen në mënyrë të egër politikisht në Greqi, dhe Kacifas mund të jetë heroi i pjesës më barbare të politikës greke, por nuk është hero ai që merr armën dhe qëllon njerëz.

Këta që erdhën sot i përkasin një bote të huaj dhe nuk i përkasin botës shqiptare. Ne bëmë detyrën për aq sa duhej të bënim, minoriteti grek është i nderuar dhe i respektuar, qytetarë të pazëvendësueshëm të këtij kombi, dhe nuk janë “greku”.

Sa i takon ndikimit të kësaj ngjarjeje për marrëveshjen për detin, marrëveshja e detit është një proces që nuk ka përfunduar, dhe nuk është i lehtë… kemi hyrë për një marrëveshje më të mirë se ajo e 2009, dhe nuk do falim asnjë milimetër dhe duam të rikuperojmë atë që ne mendojmë se na është marrë padrejtësisht në 2009.

PANORAMA

Turpi grek i Bularatit, varroset me ceremonial një terrorist – Nga SPARTAK NGJELA

Varroset me ceremonial një terrorist. Njëlloj si të vrarët e Mafies apo terrorizmit ndërkombëtar.

Një ceremoni varrimi që u fillua si heroike dhe përfundoi qesharake. Ca të çmendur që bërtasin; dhe pleq të Anadollit që as vetë nuk e dinë përse kanë ardhur në Shqipëri.

Janë për të qarë hallin. Shteti grek në krizë që vjen dhe provokon shqiptarët në Shqipëri.

Por kanë fushë veprimi nga një kryeministër pa asnjë vlerë kombëtare, që me naivitet, njëlloj si Saliu, të dy bashkë menduan se mund të destabilizonin Shqipërinë me ca lapaculë anadollakë të ardhur nga Greqia.

Asgjë nuk mund t’i bëjnë dot Shqipërisë këta njerëz pa asnjë vlerë, që vinë këtu për të fyer shqiptarët. I patë? Të çmendurit që kërkojnë antihistorinë.

Asgjë nuk iu bëjnë dot shqiptarëve, sepse gjithçka po shkon drejt bashkimit gjithëshqiptar në Ballkanin Perëndimor.

Ky turp i sotëm, do të jetë sigurisht fakt dobibrurës në ecurinë drejt rikthimit të personalitetit shqiptar në Ballkanin Perëndimor.
Janë të humbur historikë këta grekë që bërtasin sot në jerm në Shqipëri… por këtu nuk ua kanë fajin shqiptarët, por ata që në 150 vjet i kanë gënjyer për historinë e tyre të falsifikuar.
Shqipëria po shkon e sigurt drejt bashkimit gjithëshqiptar, duan apo nuk duan neoandartët qesharakë grekë.

Bularat: “Gjaku na thërret, të djegim shqiptarin” (fotot)

Nën masa të forta sigurie është zhvilluar ceremonia mortore e homogjenit, Kostandinos Kacifa, Pavarësisht masave të marra nga policia greke dhe ajo shqiptare, kjo ceremoni është kthyer thuajse në një veprimtari ekstremiste anti-shqiptare.
Ashtu siç parashikohej varrimi i 35-vjeçarit ka mbledhur veç miqve dhe familjarëve edhe ekstremistë të Agimit të Artë pavarësisht përpjekjeve të policisë për t’i ndalur në kufi. Qindra flamur grek, asnjë shqiptar dhe thirrje nacionaliste gjatë gjithë kohës janë vënë re nga turma e të pranishmëve. Kori më i rëndë ishte ai “Gjaku na thërret, të djegim shqiptarin”.

Ndërkohë ne flamurin e madh grek shkruhej “Bularati është Greqi”. Në krye të kortezhit ishte ekstremisti i njohur Karathanos. 35-vjeçari Kaçifas u vra nga forcat speciale të RENEA më 28 Tetor në fshatin Bularat, pasi qëlloi me automatik në drejtim të efektivëve të policisë dhe refuzoi thirrjet për dorëzim.

Ministria e Jashtme greke dhe ajo e Mbrojtjes, para ceremonisë së varrimit, i bënë thirrje qytetarëve grekë që kishin shkuar në Gjirokastër për vetëpërmbajtje.

Kroacia përsërit qëndrimin kundër shkëmbimit të territoreve të Kosovës

Ambasadorja e Kroacisë në Prishtinë, Marija Kapitanoviç është shprehur kundër shkëmbimit të territoreve.

Diplomatja nuk beson se një korrigjim i tillë do ta bënte rajonin më të qëndrueshëm. Kështu ka deklaruar gjatë një interviste për gazetën “Zëri” ambasadorja kroate në Kosovë Marija Kapitanoviç, duke shtuar se përkundrazi një iniciativë e tillë mund të shkaktojë çështje shtesë në vend të zgjidhjeve.

“Sa i përket korrigjimit të kufijve nga pikëpamja e dikujt që vjen nga një vend i cili përjetoi një të kaluar të vështirë, ne nuk mendojmë që kjo është zgjidhja më e mirë e mundshme”, ka potencuar ambasadorja Kapitanoviç. Gjatë kësaj interviste ambasadorja e shtetit më të ri të Bashkimit Evropian (BE) ka folur edhe për lëvizjen e lirë të kosovarëve në zonën Schengen.

Diplomatja kroate në Kosovë thotë se procesi ka kaluar te konsultimet mes shteteve anëtare, duke mos qenë në gjendje të thotë nëse kosovarët në një të ardhme të afërt do të lëvizin pa viza në BE.

Hetimet e vonuara të Gjykatës Speciale për krime të luftës

Amra Zejneli-Loxha

Tash e më shumë se një vit, Dhomat e Specializuara dhe Zyra e Prokurorit të Specializuar, të njohura si Gjykata Speciale për krime të luftës në Kosovë, kanë qenë të gatshme për ngritjen e padive të para. Por pavarësisht se ende nuk është ngritur ndonjë padi, zyrtarët e Gjykatës Speciale thonë se puna, në përputhje me mandatin e këtyre institucioneve gjyqësore të Kosovës, është duke vazhduar.

Kryeprokurori i sapozgjedhur, Jack Smith, ka thënë për Radion Evropa e Lirë se vizita e tij e parë në Kosovë, javën e kaluar, ka qenë “mjaft e dobishme”.

“Prokuroria e Specializuar është e fokusuar në vazhdimin e hetimit dhe zbatimin e mandatit të vet”, ka thënë Smith.

Gjatë vizitës së tij në Prishtinë, ai është takuar me ministrin e Drejtësisë të Qeverisë së Kosovës, Abelard Tahiri, si dhe me përfaqësuesit e misioneve ndërkombëtare.

Dhomat e Specializuara dhe Zyra e Prokurorit të Specializuar po punojnë për hetimin e krimeve kundër njerëzimit, krimeve të luftës dhe veprave tjera penale, në lidhje me akuzat nga Raporti i Këshillit të Evropës i vitit 2011. Në atë raport thuhet që gjoja se krimet i kanë kryer pjesëtarët e Ushtrisë Çlirimtare të Kosovës, gjatë periudhës 1998 deri në vitin 2000.

Menjëherë pas raportit të Këshillit të Evropës, në vitin 2011, Bashkimi Evropian e kishte themeluar Ekipin hetues special, me në krye prokurorin amerikan, Clint Wiliamson, për zbatimin e hetimit të pavarur për ato pretendime.

Në hetimin e krimeve të pretenduara aktualisht është duke punuar prokurori i tretë me radhë.

Prokurori i parë, Wiliamson, i cili ishte në krye të Ekipit hetues special, në vitin 2014 pati deklaruar se ka arritur të sigurojë dëshmi që janë të mjaftueshme për ngritjen e padisë. Më pas, bazuar në ndryshimet ligjore në Kosovë, në Hagë ishin formuar dhomat në secilin nivel të sistemit gjyqësor të Kosovës dhe po ashtu edhe prokuroria. Që nga viti 2014, hetimin e pretendimeve për krimet i kishte vazhduar prokurori i ri, David Schwendiman. Këtë mandat ai nuk e vazhdoi deri në vitin 2020, siç ishte paraparë. Në mars të vitit 2018, ai kishte braktisur këtë post, pas skadimit të mandatit në shërbimin diplomatik amerikan. Në vend të tij, vjen prokurori tjetër amerikan, Jack Smith.

Institucioni i Gjykatës Speciale është plotësisht funksional që nga viti i kaluar, por lidhur me krimet e pretenduara, ende askush nuk ka dalë para gjyqit.

Njohësit e çështjeve juridike kushtetuese në Kosovë, kanë thënë për Radion Evropa e Lirë se është shqetësuese, e paarsyeshme dhe e papërgjegjshme që procesi të vonohet, marrë parasysh presionin e madh, të cilin bashkësia ndërkombëtare e kishte bërë mbi Kosovën për formimin e Gjykatës Speciale.

Mazllum Baraliu, profesori i të Drejtës Kushtetuese, duke folur për Radion Evropa e Lirë, ka thënë që është e pakuptueshëm që në momentin që janë krijuar kushtet që Gjykata Speciale të veprojë, kjo nuk po ndodh.

“Kanë kaluar vite, ligji është miratuar, por puna nuk ka filluar. Thënë shkurt, është e papranueshme dhe e paarsyetueshme kjo sjellje burokratike ndaj popullit të Kosovës, por edhe ndaj atyre që eventualisht janë cak i kësaj gjykate. Nuk besoj që do të aktivizohet së shpejti. Mendoj që Bashkimi Evropian dhe faktorët kryesorë të qendrave të fuqishme po presin që t’i përfundojnë edhe disa punë nga ana e disa eksponentëve të politikës së Kosovës, në mënyrë që më pas, me siguri ta aktivizojnë. Por, mendoj që është e paarsyeshme që së pari të imponohet dhe të kërkohet formimi dhe më pas të hiqet dorë dhe të pritet, thuajse se kjo është Lufta e Dytë Botërore dhe se ky është një proces i Nyrbergut, e në fakt nuk është”, tha Baraliu.

Ai ka shtuar që ndërrimi i prokurorëve nuk do të duhej të ndikonte në masë të madhe në fillimin e gjykimit, marrë parasysh që hetimi po zhvillohet tash e disa vite.

“Sa më herët aq më mirë për të gjithë, për ata që kanë vuajtur, për familjet e viktimave, për ata që janë caku, por edhe për opinionin publik, sepse duhet të pastrohet ajo se çfarë ka qenë dhe çfarë ndodhur dhe jo që njerëzit të mbahen në pasiguri”, theksoi Baraliu.

Bekim Blakaj nga Fondi për të Drejtën Humanitare në Kosovë, ka thënë për Radion Evropa e Lirë që presioni për formimin e Gjykatës Speciale ka qenë aq i madh sa që të gjithë kanë pritur që puna e tij të fillojë shumë shpejt.

“E rëndësishme është që ne qytetarët e Kosovës të dimë se çfarë ka ndodhur dhe se a janë pohimet në raportin e Dick Martyt të vërteta ose jo. Ne kemi të drejtë që ta dimë se çfarë në të vërtetë ka ndodhur. Në anën tjetër, që është edhe më e rëndësishme, viktimat kanë të drejtë për drejtësi dhe natyrisht që presin që Gjykata Speciale të caktojë atë drejtësi. Nuk besojmë që do të jetë numër i madh i lëndëve, por do të jetë numër i kufizuar. Shumica e viktimave do të mbesin edhe më tej pa drejtësi dhe të zhgënjyer edhe në një gjykatë. Por, shpresoj që të paktën një numër i lëndëve do të nisin, si shoqëri do të kemi më shumë informacione për ngjarjet gjatë dhe pas luftës dhe që një numër i caktuar i viktimave do të marrin drejtësinë”, u shpreh Blakaj.

Për të ngritur aktakuzë, Prokurori Special duhet të sigurohet, para se ta ngritë aktakuzën, që në bazë të Rregullores së Punës “ekziston dyshimi i bazuar mirë se i dyshuari ka kryer ose ka marrë pjesë në kryerjen e veprës penale që janë kompetencë e Dhomave të Specializuara”.

Ish-Prokurori i specializuar, David Schwendiman, gjatë mandatit të tij ka bërë udhëzimet për prokurorët, në bazë të së cilave, padia mund të ngrihet vetëm pasi që sigurohen se janë përmbushur 5 kushte: që dëshmitë që mbështesin akuzën janë të pranueshëm në Gjykatën e Specializuar; se dëshmitë do të jenë në dispozicion për t’i proceduar në gjykatë kur të vijë koha; se dëshmitë do të jenë të mjaftueshme që të argumentojnë përtej dyshimit të arsyeshëm çdo element të secilës vepër penale për çdo person të akuzuar; që lënda ka gjasa të mëdha t’i mbijetojë kontestimit të mbrojtjes së udhëzuar, inteligjente dhe të fortë, si dhe që lënda do të çojë deri te vendimi për dënim, të cilat mund të mbahen gjatë procesit ankimor”.

Në anën tjetër, Dhomat e Specializuara të Kosovës janë funksionalizuar plotësisht që nga 5 korriku i vitit 2017,kur ishte miratuar dokumenti për zhvillimin e procedurës penale, gjegjësisht, Rregullorja e Procedurave dhe Provave.

Në Dhomat e Specializuara dhe në Prokurori punojnë 150 persona me prejardhje nga e gjithë bota. Gjykatësit, të cilët janë 20, vijnë nga 14 vende.

Zyrtarët e këtyre Dhomave i kanë thënë Radios Evropa e Lirë që ndërkohë janë miratuar rregulloret e brendshme dhe instrumentet tjera ligjore në funksion të sigurimit të proceseve efektive dhe të drejta.

Angela Griep, zëdhënëse e Dhomave të Specializuara, ka thënë se deri më tash 119 avokatë nga Kosova, Serbia dhe vendet tjera janë regjistruar në listën e mbrojtësve dhe të përfaqësuesve të viktimave. Gjithashtu, është zgjedhur edhe Avokati i Popullit i Dhomave të Specializuara dhe Prokurorisë, italiani Pietro Spera, i cili duke vepruar i pavarur, do të mbikëqyrë dhe do të mbrojë të drejtat dhe liritë themelore të njeriut për personat që do të jenë në kontakt me Dhomat e Specializuara dhe Prokurorin e Specializuar.

Dhomat e Specializuara, gjithashtu, kanë zhvilluar sistemin ligjor të ndihmës juridike për ata që nuk kanë mundësi të paguajnë mbrojtjen dhe në raste të tilla, Dhomat e Specializuara, nëse do të jetë e nevojshme, do ta marrë mbi vete këtë obligim.

Në Kosovë, për shkak të pakënaqësive ndaj formimit të kësaj gjykate, janë mbajtur protesta të veteranëve të UÇK-së, ndërkaq që peticioni me më shumë se 15 mijë nënshkrime, i ka detyruar deputetët e caktuar që në Kuvendin e Kosovës të tentojnë ta anulojnë Gjykatën. Pas reagimit të ashpër të bashkësisë ndërkombëtare, tentimi i tillë nuk pati sukses. Veteranët dhe deputetë të caktuar konsiderojnë që kjo gjykatë duhet t’i gjykojë të gjithë ata që kanë bërë krime në Kosovë dhe jo vetëm, siç kanë thënë ata, një bashkësi etnike.

Sidoqoftë, kryetarja e Dhomave të Specializuara, Ekaterina Trendafilova, në një intervistë për Radion Evropa e Lirë, vitin e kaluar, pati theksuar që gjykata nuk do të gjykojë sipas përkatësisë etnike ose në lidhje me ndonjë organizatë apo grup, por bëhet fjalë për përgjegjësinë penale individuale të atyre që kanë kryer krime.

Përgatiti: Bekim Bislimi