VOAL

VOAL

Please Wait ...
0%

Tiranë: Studimi, të prekurit nga de-kriminalizimi po promovohen në karrierë

By | January 22, 2018

Komentet

Festimi i Kurban Bajramit në Shqipëri, Kosovë, Maqedoni

SHKUP/TIRANË/PRISHTINË – Mijëra besimtarë myslimanë në Maqedoni, Shqipëri dhe Kosovë kanë falur sot namazin e Kurban Bajramit. Ata janë mbledhur së bashku në xhamitë në Shkup, Tiranë dhe Prishtinë, por edhe në qytete tjera të këtyre vendeve për të falur namazin e Kurban Bajramit.

Manifestimi qendror në Maqedoni u mbajt në xhaminë e Mustafa Pashës në Shkup, ku përveç numrit të madh të besimtarëve dhe figurave fetare, kishte të pranishëm edhe ministra qeveritarë si dhe deputetë në Kuvendin Republikan.

Fillimisht, besimtarët falën namazin e sabahut, pas çka për rreth një orë vijoi një program i pasur nën organizimin e Bashkësisë Fetare Islame të Maqedonisë (BFI), ku organizatori kishte përgaditur recitime nga Kur’ani dhe këndim të ilahijeve.

Hutben e Bajramit në emër të kryetarit të Bashkësisë Fetare Islame të Maqedonisë, i cili mungoi në eventin solemn, e lexoi nxënësi i Medresesë “Isa Beu” në Shkup, Orhan Zendeli, i cili përçoi mesazhin për paqe dhe bujari.

 

“Përkushtimi ndaj një jetimi, ndaj një plaku, ndaj një nënë skamnore, ndaj një nxënësi apo studenti në nevojë, të gjitha këto mund ta kenë peshën e një kurbani, prandaj vepra të mira pa ndalë, bëjini për Allahun sepse ashtu gjithmonë do të jeni nën mëshirën e tij dhe të shpërblyer në këtë botë dhe në botën tjetër”, ishte mesashi i kryetarit të BFI.

Edhe në xhamitë e tjera të Maqedonisë në prani të madhe të besimtarëve muslimanë u fal Kurban Bajrami, ndërsa gjatë ditës ata të cilët kanë blerë kurban, do të bëjnë therjen e tij.

Besimtarët myslimanë në Shqipëri kanë falur namazin e Kurban Bajramit gjatë manifestimit qendror të mbajtur në Tiranë.

Mijëra besimtarë u mblodhën në Sheshin “Skënderbej” në kryeqytetin e Shqipërisë për faljen e namazit, duke u bashkuar në lutjet e tyre.

Namazi i Kurban Bajramit është falur edhe në qytetet e tjera të vendit, ku besimtarët janë bërë pjesë e ritualeve fetare në xhamitë e vendit.

Para faljes së namazit të Kurban Bajramit në Tiranë u mbajt një ceremoni me lexim Kur’ani, ligjërata dhe përshëndetje.

Kurban Bajrami fillon me faljen e namazit herët në xhami, pastaj vazhdon me prerjen e kurbanit, simbolit të festës, si dhe me vizitat tek të afërmit dhe miqtë.

Nën organizimin e Bashkësisë Islame të Kosovës, manifestimi qendror për faljen e namazit të Kurban Bajramit është mbajtur në xhaminë Sulltan Mehmet Fatih në Prishtinë.

Pas faljes së namazit të Kurban Bajramit hutben e ka mbajtur Myftiu i Kosovës, Naim ef. Tërnava i cili theksoi se Islami angazhohet për të drejtat universale të njeriut ndërsa Kurban Bajrami është shkollë në vete. Myftiu tha se Kurban Bajrami është festë pas kryerjes së haxhit, vizitës në Qabe dhe vendet tjera si dhe therjes së kurbanit.

“Kjo është një festë që vërteton të drejtën hyjnore për jetë. Nuk i takon askujt që të derdh gjakun e tjetrit”, porositi myftiu.

Ai tha se për çdo person është i shenjtë gjaku i tij, pasuria dhe dinjiteti i tij dhe se është e ndaluar dhënia e parave me fajde dhe marrja e kamatës. Tërnava mes tjerash potencoi të drejtat e gruas.

“Me keqardhje, duhet të them se e drejta e gruas vazhdon të shkelet në vendin tonë në mënyra të ndryshme, duke privuar lirinë që Allahu i ka dhënë asaj. Gratë janë ende të privuara nga trashëgimia e tyre e pasurisë së babait, të cilën Kur’ani e ka garantuar për 1400 vjet. Kurban Bajrami duhet të na shërbejë si një motiv shtesë për të ringjallur këto të drejta të gruas”, tha Myftiu Tërnava.

Ai në fund në emër të Bashkësisë Islame të Kosovës, të gjitha institucioneve të saj dhe në emrin e tij personal u uroi të gjithë besimtarëve Kurban Bajramin me apelin që të lihen mënjanë inatet dhe të kultivohet uniteti.

Mijëra Besimtarë muslimanë në Prizren falën namazin e Kurban Bajramit. Ceremonia qendrore në këtë qytet u mbajt në xhaminë “Sinan Pasha” me çka filloi njëra nga kremtat më të mëdha myslimane. aa

Kosovë – Festohet Kurban Bajrami

Shkëlqim Hysenaj

Besimtarët myslimanë në Kosovë po festojnë festën e Kurban Bajramit.

Ceremonia kryesore e faljes së Bajramit, u mbajt në Xhaminë e Madhe në Prishtinë, ku morën pjesë mijëra qytetarë.

Myftiu i Kosovës, Naim Tërnava, tha se islami përçon mesazhe paqeje ndërkohë që foli për rëndësinë e festës së Kurban Bajramit.

“Kurban Bajrami nuk është thjeshtë festë, nëse shikohet nga perspektiva e vlerave, mësimeve dhe udhëzimeve, Kurban Bajrami është shkollë në vete. Vlerat dhe virtytet qe kultivon kjo festë, kalitin dhe farkëtojnë një karakter të fortë për besimtarin të pa ndihmuar nga kode, doke e zakone e veprime primitive. Kurban Bajrami është sinonim i shkëputjes dhe ndarjes fizike e shpirtërore të besimtarit me të keqen dhe të mirën”, deklaroi Tërnava.

Pas përfundimit të ceremonisë së faljes qytetarët uruan njëri-tjetrin. Ata thonë se Kurban Bajrami ka një rëndësi të veçantë në kalendarin e festave islame.

Për besimtarët, Kurban Bajrami i bënë njerëzit bashkë dhe përçon mesazhe paqeje e mirëkuptimi.

Ahmet Aliaj kishte ardhur për të falur Bajramin, në Xhaminë e Madhe në Prishtinë. Ai thotë se kjo festë ka një rëndësi të veçantë për te dhe besimtarët myslimanë.

“Rëndësia e Bajramit është për besimtarët myslimanë se na bashkon të gjithëve, me i ndihmuar njëri-tjetrit. Me pritë çdo të mirë, me pas një drekë të mirë, me i ndihmu njëri-tjetrit. Me menduar për mirë jo për keq. Kjo është porosia e Bajramit”, tha Ahemt Aliaj.

Xhamia e Madhe, Prishtinë

Pas përfundimit të ceremonisë në xhami, Ibrahim Kuçi thotë se është shumë i lumtur për këtë festë. Ai madje është ndarë i kënaqur me ligjëratat që dëgjoi në xhami.

Kjo festë e gëzuar e Kurban Bajramit është e mirëseardhur, kështu që i gjithë populli duhet të festojë atë festën që e ka. Kështu që ka qenë shumë më rëndësi falja e Kurban Bajramit në xhaminë kryesore të Kosovës. Na kanë mbajt në ligjëratë, imamët e përgatitur dhe jemi mirënjohës për organizimin që e kanë bërë Bashkësia Islame e Kosovës”, tha Ibrahim Kuçi.

Këtë ditë është e rëndësishme që të prehet kurbani i cili sipas fesë islame duhet të ndahet në tri pjesë, një pjesë për vete, një pjesë për të afërmit dhe pjesa tjetër duhet të shpërndahet për të varfrit.

Këtë gjë thotë se po shkon ta bëjë menjëherë pas faljes së Bajramit, Besim Vllasa.

“Për bajram, së pari e falim Kurban Bajramin. E therim kurbanin, tash drejt po shkoj atje kësmet dhe pastaj do të rrimë me familje. Bashkim familjar”, tha Vllasa për Radion Evropa e Lirë.

Festën e Kurban Bajramit e festojnë myslimanët në mbarë botën.

GËZUAR KURBAN BAJRAMIN! TË LUTIM ZOTIN TË NA SJELLË MË SHUMË PAQE, DASHURI, MIRËKUPTIM, MARRËVESHJE VËLLAZËRORE!

VOAL iu uron nga zemra të gjithë besimtarëve: Gëzuar Kurban Bajramin! Me fat Kurban Bajrami!

Në këtë ditë feste, le të lutim së bashku Zotin që të sjellë më shumë paqe, më shumë dashuri, më shumë mirëkuptim shpirtëror tek çdo besimtar mysliman, tek çdo besimtar i Zotit, tek çdo njeri në këtë botë! Le të lutim Zotin së bashku në këtë ditë gëzimi të sjellë më shumë marrëveshje vëllazërore për të gjithë shqiptarët kudo që janë dhe për mbarë njerëzimin anembanë globit!

Sepse, vetëm duke qenë në dialog, në paqe, në dashuri, në mirëkuptim me vetveten, me qenien e tij, me shpirtin e tij njeriu mund të jetë në dialog, në paqe, në dashuri, në mirëkuptim dhe në marrëveshje me individët e tjerë. Dialogu shpirtëror i individit është domosdoshmëri themelore për dialogun vëllazëror në mbarë shoqërinë tonë kombëtare dhe në mbarë planetin tonë. Dialogu vëllazëror çon në marrëveshjen tonë të përbashkët dhe të përhershme për ta lartësuar veten tonë dhe, së bashku, për ta lartësuar, për ta përparuar kombin tonë, çështjen tonë kombëtare dhe për të dhënë ndihmesën tonë në lartësimin e në përparimin e shoqërisë globale.

Prandaj, me gjithë forcën e shpirtit tonë, të dashur lexues, të dashur besimtarë myslimanë, të dashur besimtarë të Zotit, sot, në këtë ditë feste të madhërueshme, le të lutim së bashku Zotin që çdo festë që vjen të na gjejë në harmoni më të madhe me veten tonë, në harmoni më të madhe me njëri tjetrin, për të mirën e kombit tonë shqiptar, për miqësinë dhe vëllazërinë njerëzore kudo në botë!

VIDEO – Raporti i CIA-s, reagon PD: Vetëm vëllai i Agron Xhafës mund t’i thotë CIA-s se është e pasaktë, pse nuk bën analizat e drogës së kapur?

Nënkryetari i Partisë Demokratike Edi Paloka, ka lidhur me deklaratën e Ministrisë së Brendshme, që e cilësoi të pasaktë e jo aktual raportin e CIA-s mbi situatën e sigurisë në Shqipëri, publikuara nga mediat.

“Vetem vellai i Agron Xhafes, aktualisht ne burg per trafik droge, mund t’i thote CIA-s se eshte e pasakte. Raporti i perditesuar i CIA-s nxjerr zbuluar mashtrimin e Edi Rames se eshte fituar lufta kunder mbjelljes se kanabisit”, shprehet Paloka në një shënim në Facebook.

“Le te dale vellai i Agron Xhafes dhe te mohoje se vetem ne 7 muaj jane kapur rreth 30 tone droge kryesisht ne Itali, Greqi dhe me pak ne Shqiperi.

Le te thote vellai i Agron Xhafes pse nuk ben analizat e droges se kapur, njesoj sic i ben Italia dhe Greqia dhe qe u del se kanabisi eshte i fresket.

Mashrtimeve te qeverise se narkotrafikut u ka dale boja! Shqiptaret nuk meritojne nje kryeminister te lidhur me krimin e organizuar”, përfundon ai.

Raporti i CIA-s për Shqipërinë, reagon Ministria e Brendshme: I pasaktë, ja e vërteta

Ministria e Brendshme sqaron se lajmi i dalë në media në lidhje me publikimin e një raporti të ri të CIA-s mbi situatën e sigurisë në Shqipëri, është i pasaktë dhe keq-orientues për publikun.

Sipas ministrisë: raporti është pothuajse i njëjtë me atë të publikuar gjatë periudhës 2007-2016 dhe jo aktual.

 

“Sqarojmë se nuk ka ndonjë raport specifik të kësaj organizate të publikuar në ditët e fundit në lidhje me situatën në Shqipëri.

‘The World Factbook’, është i publikuar në faqen zyrtare të CIA-s. Ky është një produkt i kësaj organizate që përditësohet në mënyrë të përjavshme dhe përmbajtja është lehtësisht e aksesueshme online. Pra, megjithëse përditësimi i fundit është i datës 14 gusht 2018, theksojmë se ky është një përditësim i ‘Factbook’ si i tërë dhe jo i të dhënave specifike për Shqipërinë.

Aktualisht për Shqipërinë, ‘Factbook’ ka të njëjtën përmbajtje me atë të vitit 2017 dhe ky tekst, me ndryshime të vogla, është pothuajse i njëjtë me atë të publikuar gjatë periudhës 2007-2016. Bashkëlidhur me këtë njoftim përcjellim edhe fotot ‘print-screen’ të faqeve përkatëse të ‘Factbook’ sipas viteve.

WhatsApp Image 2018-08-20 at 6.42.11 PM

Spekulimet politike për të prodhuar me çdo kusht lajme negative njollosin dhe cënojnë drejtpërdrejt punën dhe sakrificat e punonjësve të Policisë së Shtetit.

WhatsApp Image 2018-08-20 at 6.42.10 PM

Ministria e Brendshme ka qenë dhe mbetet e hapur dhe transparente me median duke informuar me korrektesë për ngjarje që kanë të bëjnë me luftën kundër paligjshmërisë e kriminalitetit”, thuhet në reagimin e Ministrisë së Brendshme.

Tiranë: Dosjet e Sigurimit trazojnë ndjenjat e të dënuarve politikë

Autoriteti për Informimin mbi Dokumentet e ish-Sigurimit të Shtetit hapi sot në Tiranë ekspozitën dokumentare “Persekutimi komunist në zonën e Tepelenës”.

Në të u shfaqën për herë të parë dhjetëra dosje e dokumenta që provojnë përndjekjen e ish-Sigurimit famëkeq të Shtetit ndaj asaj krahine, ashtu si edhe në gjithë vendin.

Uran Kostreci, një nga të dënuarit politikë më të vjetër, shprehu protestën e tij se si edhe sot komunistët shqiptarë propagandojnë shpifjet e tyre dhe mohojnë e fshehin krimet e diktaturës.

“Atje janë vrarë fëmijë, e nëse quhet Aushvic apo Buchenvald, apo kamp komunist, që ishte më i tmerrshëm se i gjermanëve, kjo nuk ka rëndësi. Por puna është këtu: po bëhet një propagandë nga komunistët për të amortizuar dhe për fashitur atë dëm, atë krim që ata kanë bërë atëherë. Ky institucion për hapjen e dosjeve po bën aq sa mundet dhe me ato dosje që kanë ngelur” – tha zoti Kostreci.

Ekspozita përmban dokumentet mbi përndjekjen e drejtuesve fetarë të krahinës, shkrimarë dhe figura të tjera të njohura të krahinës si Trifon Xhagjika, Selahudin Toto, Zenel Shehu, Naim Pasha e dhjetëra të tjerë, që morën pjesë në kryengritjen e Zhapokikës, apo që vuajtën nga Sigurimi i shtetit në kampin e internimit të Bënçës.

“Këto veprimtari janë shumë të rëndësishme për të zbardhur të shkuarën, por janë shumë më të rëndësishme për të ardhmen. Kjo është një mënyrë që brezat e rinj, e që nuk dinë ngjarjet, të shohin të keqen, të distancohen nga ajo dhe të mos e lejojnë të përsëritet” – tha Nebil Çika, përfaqësues i Shoqatës Antikomuniste të të Përndjekurve Politikë.

Nga ana tjetër, zoti Kostreci theksoi me dëshpërim se mos-hapja e dosjeve të Sigurimit të Shtetit në afro 3 dekada e vonoi drejtësinë dhe e vështirësoi më shumë ndricimin e krimeve të panumërta të komunistëve gjatë diktaturës.

“Dosjet u duheshin hapur një herë atyre që i vranë njerëzit, atyre që masakruan fëmijët në Tepelenë, atyre që dënuan me gjyqe apo gjyqe. Ne kemi qenë të burgosur e nuk kemi dhënë asnjë shenjë në 27 vjet se jemi hakmarrës. Ky është ndryshimi mes nacionalistëve me komunistët. Por nevojitej një demaskim publik i këtyre autorëve, që të merrte vesh populli krimet e tyre, e të mos na bëjnë më llam llam llam nëpër gazeta” – tha zoti Kostreci.

Përfaqësuesi i shoqatave të përndjekurve politikë, Nebil Çika tha se propaganda e sotme e komunistëve po mundohet të fajësojë edhe tepelenasit si bashkautorë të krimeve të diktaturës, por kjo u provua me dokumenta, që nuk është aspak e vërtetë.

“Tepelena ka aq përgjegjësi për kampin aq sa matjanët për Burrelin, mirditorët për Spaçin. Dokumentat e dala sot tregojnë se tepelenasit janë poa q të ndëshkuar gjatë diktaturës sa edhe gjithë krahinat e tjera. Njerëzit e Tepelenës ishin internuar larg vendlindjes si bëhej edhe në krahinat e tjera” – tha zoti Çika.

Në tubimin kushtuar përkujtimit të viktimave dhe personave të mbijetuar nga regjimi totalitar komunist morën pjesë familjarë, studiues, përfaqësues të shoqatave të ish-të përndjekurve, të cilët po këmbëngulin te rehabilitimi me dinjitet i viktimave të diktaturës komuniste./Zëri i Amerikës

CIA publikon raportin e ri për Ballkanin: Shqipëria burim kryesor për kanabisin

Agjencia e Inteligjencës Amerikane ka publikuar një raport për Ballkanin, ku në analizë bën pjesë dhe Shqipëria.

Sipas CIA-s Shqipëria vijon të jetë një burim kryesor për prodhimin e kanabisit si dhe një pikë aktive për tranzitin e drogave nga Azia Jugperëndimore.

Më tej në raport shihet se përshkrimi që i bëhet Shqipërisë në lidhje me drogat e paligjshme, duke e evidentuar sërish si një vend problematik. Por kështu thuhet se ka organizata aktive shqiptare të narkotrafikut të shpërndara në Europë.

 

Për CIA-n, vendi është i dobët karshi pastrimit të parave që lidhet këto aktivitete kriminale.

“- Pikë aktive për tranzitin e drogave nga Azia Jugperëndimore.
– Rrugë ballkanike për tranzitin e hashashit dhe kanabisit dhe pjesërisht kokainës nga Amerika e Jugut e destinuar për Europën Perëndimore.
– Burim kryesor për prodhimin e kanabisit
– Organizata aktive shqiptare të narkotrafikut të shpërndara në Europë.
– Vulnerabël për pastrimin e parave që lidhet me trafikimin rajonal të narkotikëve, armëve, kontrabandës dhe qenieve njerëzore”, thuhet në prezantimin e Shqipërisë në faqen e CIA-s.

Në vendet e rajonit përgatitje për Kurban Bajramin

SHKUP/TIRANË/PRISHTINË – Në prag të festës së Kurban Bajramit besimtarët myslimanë në Maqedoni, Shqipëri dhe Kosovë, por edhe në vendet e tjera të rajonit, vazhdojnë përgatitjet për pritjen e festës.

Besimtarët kujdesen për blerjen e produkteve ushqimore, por edhe për përgatitjen e kurbanit, simbolit të festës, ndërsa kujdesen edhe për xhamitë në vendet e tyre për faljen e namazit të Kurban Bajramit.

Festën e Kurban Bajramit në Maqedoni edhe këtë vit e shoqëron organizimi tradicional i Bashkësisë Fetare Islame (BFI) të këtij vendi, e cila bën grumbullimin dhe prerjen e kurbanit si dhe shpërndarjen e mishit të kurbanit.

BFI thotë se shuma të cilën një besimtar duhet ta ndajë për një kurban është 120 euro, mishi i të cilit mund të merret ose t’i dhurohet BFI-së, me të cilin ajo mirëmban institucionet edukativo arsimore të saj, pesë Medresetë dhe Fakultetin e Shkencave Islame në Shkup.

Siç thonë nga institucioni më i lartë fetar në Maqedoni, atyre për çdo vit u tepron nga mishi, prandaj në ditën e tretë të Kurban Bajramit, tepricën e shpërndajnë tek nevojtarët dhe jetimët përmes bashkëpunimit me organizatat e shoqërisë civile dhe këshillat e xhamive.

Paralelisht me këtë, tashmë për disa ditë në Shkup është i hapur tregu i improvizuar i bagëtive, në të cilin besimtarët myslimanë mund të vijnë për të blerë një kurban.

Tregtarët në këtë treg të improvizuar ankohen se këtë vit interesimi është jashtëzakonisht i ulët, ndoshta edhe nga çmimi i bagëtive që duket më i lartë nga çmimi të cilin e ofrojnë shitësit tjerë përmes organizatave të shumta islame.

Më saktësisht, çmimi në tregun e bagëtive në Shkup është 120-150 euro për një dele, 230-250 për një dash, ndërkohë që çmimi i bagëtive të mëdha varion mes 550-600 dhe 650 euro.

Po ashtu edhe në Shqipëri kanë filluar përgatitjet për Kurban Bajramin, ku përfshihet edhe blerja e produkteve, si dhe përgatitjet për kurbanin në të gjitha qytetet e vendit.

Tregu “Pazari i Ri” në kryeqytetin e vendit, në prag të festës së Kurban Bajramit është më i frekuentuar nga qytetarët, të cilët blejnë produktet nga më të ndryshmet, mirëpo edhe tregjet në qytete e tjera të vendit presin besimtarët që janë më të shumtë në numër se ditët e tjera.

Përgatitje besimtarët kanë bërë edhe për therjen e kurbaneve, ku prej ditësh bëhen përgatitjet për blerjen e kurbanit. Çmimi i përcaktuar i kurbanit për këtë vit është 140 euro për bagëtitë e imëta.

Edhe këtë vit, institucione dhe organizata të ndryshme brenda vendit, por edhe nga Turqia do të shpërndajnë mish kurbani për mijëra familje në nevojë. Fondacioni i Kryesisë së Çështjeve Fetare të Turqisë (TDV) dhe Gjysmëhëna e Kuqe Turke do të shpërndajnë kurbane për mijëra familje në nevojë, në qytete të ndryshme të Shqipërisë.

– Bashkësia Islame e Kosovës pret mbi 7.000 porosi për therje të kurbanit

Besimtarët myslimanë të Kosovës këtë vit në emër të kurbanit mund të paguajnë paratë Bashkësisë Islame të Kosovës (BIK), e cila për Kurban Bajram mishin do t’ua ndajë kryesisht familjeve të varfra. Nga BIK-u për AA thonë se ky institucion fetar tashmë ka një traditë të mirë të organizimit dhe zbatimit të aksionit të therjes së kurbaneve për Kurban Bajram.

Sekretari i BIK-ut, Resul Rexhepi, ka theksuar se në Kosovë besimtarët pagesat për kurban mund t’i bëjnë në mbarë Kosovën në zyrat e Bashkësisë Islame, ndërsa kosovarët nga diaspora pagesën mund ta bëjnë vetëm në selinë qendrore të BIK-ut në Prishtinë.

“Ne angazhohemi që edhe këtë vit të ketë më shumë se 1.000 krerë gjedhe të mëdha, lopë, që janë mbi 7.000 porosi për therje të kurbanit”, thotë Rexhepi për AA.

Ai sqaron se blerjen dhe therjen e kurbaneve do ta kryejë një kompani nga Hungaria, e cila është përcaktuar me anë të një tenderi të publikuar nga BIK-u në muajin maj, kurse vlera e pagesës të një kurbani është 120 euro.

Sipas tij, therja e kurbanit për besimtarin, për anëtarët e familjes, i cili ka kushte optimale për jetë, është një detyrim dhe mishin e kurbanit duhet ta ndajë në tri pjesë.

Besimtarët në Kosovë mund të blejnë edhe vetë kurbanet, kryesisht dele, lopë apo dhi, në tregjet e kafshëve.

Simboli i festës së Kurban Bajramit është prerja e kurbanit, në përputhjeve me rregullat islame. Mishi i kurbanit u ndahet të varfërve, fqinjëve dhe familjes.

Rituali i kësaj feste fillon me faljen e namazit të Bajramit herët në xhami, pastaj vazhdon me prerjen e kurbanit për atë që ka mundësi, duke përfunduar me vizitat tek të afërmit, fqinjët, shokët dhe miqtë.

(Që Kosova të mos i ngjasë Çekisë!) Në 50-vjetorin e pushtimit rus, Çekia zgjedh Rusinë – Nga SHABAN MURATI

Ironitë e historisë janë të habitshme për sa i përket fatit të popujve. Herë luan historia me popujt dhe herë luajnë popujt me fatet e tyre. Me këtë rastin e dytë mund ta ilustrosh atë që ndodhi në turin e dytë të zgjedhjeve presidenciale të 27 janarit 2018 në Çeki.

Sivjet është 50 vjetori i pushtimit rus të Çekosllovakisë në 21 gusht 1968.

Dhe Çekia në këtë 50 vjetor të pushtimit rus zgjodhi si president të saj Milosh Zeman, duke detyruar gjithë mediat europiane ta karakterizonin si “fitore e njeriut të Putinit”. Në anën tjetër të barrikadës së interesave, mediat ruse e duartrokitën nxehtësisht rizgjedhjen e tij, sepse, siç shkruante portali rus “news.rambler.ru” në 26 janar, Milosh Zeman “është pothuajse politikani më prorus në BE”.

Kur Milosh Zeman u zgjodh për herë të parë president në vitin 2013 mund të thuhet se elektorati çek nuk e njihte mirë dhe ai nuk e kishte shfaqur akoma hapur profilin e tij politik prorus.

Por në pesë vitet, që ishte në kolltukun presidencial, ai e manifestoi në forma provokuese filorusizmin e tij, me kundërshtimin e sanksioneve të BE ndaj Rusisë për Ukrainën, me pranimin e pushtimit rus të Krimesë si “një fakt i kryer”, me lidhjet e ngushta me presidentin rus, me kritikat ndaj NATO-s se nuk po lufton seriozisht terrorizmin, me kritikat ndaj BE për pranimin e refugjatëve nga luftërat e Sirisë dhe të Irakut, me pjesëmarrjen në veprimtaritë e oligarkëve rusë, që janë në listën e sanksioneve të BE, etj.

Brenda linjës proruse duhet parë edhe qëndrimi i tij kundër bombardimeve të NATO-s mbi Serbinë e Millosheviçit, dhe kundërshtimi i tij në tetor të vitit të kaluar për pavarësinë e Kosovës dhe për njohjen e Kosovës nga Çekia, qëndrime aspak serioze për një president të një shteti të NATO-s, që e ka njohur Kosovën.

Mund të llogaritësh shumë faktorë në fitoren presidenciale të Milosh Zemanit, në planin e elektoratit të brendshëm çek dhe mbështetjen, që ai gëzon në zonat rurale të vendit. Ai mundi kandidatin tjetër profesor Jiri Drahosh, i cili ka qenë kryetar i Akademisë së Shkencave të Çekisë, një shkencëtar me emër dhe një europianist dhe një atlantist, që kërkonte aktivizim më të madh të Çekisë në NATO. Beteja e tyre presidenciale, siç theksonte Radio Praga në 27 janar, u konsiderua “një duel midis Lindjes dhe Perëndimit”.

Duelin elektoral çek e fitoi Rusia ose Lindja dhe në kolltukun presidencial kemi politikanin, i cili, siç shkruante BBC në 27 janar “është një nga avokatët më të lartë dhe më të zëshëm të Moskës në Europë”. Është vërtet një enigmë politike, psikologjike dhe kombëtare se si elektorati çek i dha votëbesimin njeriut të Rusisë, të asaj Rusie, e cila 50 vjet më parë pushtoi me tanke Pragën dhe ishte pushtimi i parë në histori i një shteti komunist nga një shtet aleat komunist, ku të dy bënin pjesë në të njëjtën aleancë ushtarake, Traktati i Varshavës, i cili presupozohej se do ta mbronte Çekosllovakinë nga agresorët e jashtëm. Pas shembjes së komunizmit, kur të gjithë shtetet ish-komuniste të Europës Lindore vrapuan të shkëputen nga zgjedha dhe aleancat ruse, Çekia me president intelektualin e madh demokrat Vaclav Havel nxitoi të orientohej nga Perëndimi dhe të anëtarësohej në BE dhe në NATO. Dhe tani zgjedh një president, që kërkon ta çojë prapë atje te tutela e kryeqytetit, që e pushtoi 50 vjet më parë.

Zbërthimi i profileve personale dhe politike të dy rivalëve për president dhe i skenës politike dhe elektorale çeke të mundëson të përqendrohesh në një nga faktorët determinantë të kësaj fitoreje presidenciale të njeriut të Putinit, të Rusisë dhe të Lindjes. Në procesin elektoral çek ka pasur një ndërhyrje dhe një veprimtari intensive dhe të organizuar të përzierjes dhe lobimit të shërbimeve sekrete ruse në favor të presidentit Zeman dhe të forcave proruse në vend.

Profesori Jiri Drahosh, rivali properëndimor i Zemanit, deklaroi në televizion në prag të zgjedhjeve se “shërbimet sekrete ruse u implikuan në zgjedhjet parlamentare të tetorit të vitit të kaluar në vendin  tonë dhe Moska po përpiqet të ndikojë fushatën presidenciale, që Milosh Zeman të rizgjidhet”. Drahosh deklaroi se kundërzbulimi çek e ka parashtruar këtë mundësi.

Ndërhyrja e shërbimeve sekrete ruse dhe e institucioneve të tjera të Rusisë në procesin zgjedhor presidencial të Çekisë vjen si pjesë e një masterplani të madh rus dhe të një përvoje të madhe për ndërhyrje në proceset elektorale të shumë vendeve perëndimore, të NATO-s dhe të BE. Tashmë janë të njohura akuzat zyrtare, që i janë bërë Rusisë dy vitet e fundit për ndërhyrje në zgjedhjet dhe në proceset elektorale në SHBA, Britaninë e Madhe, Francë, Gjermani, Spanjë, Hollandë, etj.

Po ta analizosh ndërhyrjen e shërbimeve të specializuara ruse në proceset elektorale të vendeve të NATO-s dhe të BE do të dallosh dy mënyra. Mënyra e parë është ajo e përpjekjeve për të ndikuar në procesin politik dhe elektoral, duke ndihmuar forcat dhe partitë politike, që janë kundër integrimit atlantik dhe europian. Kjo mënyrë është aplikuar në drejtim të shteteve të forta dhe me institucione të konsoliduara demokratike, ku Rusia nuk mund të ndërhyjë dot në timonin qendror të shtetit.

Këtë e kemi parë në ndihmën ruse për forcimin elektoral të partive ekstremiste të djathta në Francë, Gjermani, Spanjë, Holandë, Austri, Hungari, etj. Mënyra e dytë është ajo e strategjisë elektorale ruse për të ndikuar që të zgjidhet në pozita kyçe të drejtimit të shteteve europiane politikanë, që janë filorusë dhe të lidhur me Rusinë. Kjo mënyrë zbatohet sidomos në të ashtuquajturat vende të “Europës së re”, siç quhen vendet ish-komuniste të Europës Lindore. Këtë praktikë Moska e ndoqi në vitin 2016 me zgjedhjet presidenciale në Bullgari dhe në Moldavi, ku arriti të vendosë në postet e presidentit kandidatë filorusë. Tani shohim të zbatohet kjo praktikë në Pragë, ku fiton një president ultrafilorus.

Jemi përpara një zhvillimi dramatik dhe një forme të re të përplasjes gjeopolitike midis Perëndimit dhe Rusisë, ku shfaqet një fushë dhe një formë e re lufte, siç është ndërhyrja ruse në proceset elektorale të vendeve të NATO-s dhe të BE. Është një formë moderne dhe e sofistikuar, e cila nuk është hasur gjatë periudhës së luftës së ftohtë. Por zhvillimi i teknologjisë së informacionit, internetit, rrjeteve sociale dhe dixhitalizimi i proceseve politike e elektorale e ka lehtësuar strategjinë e shërbimeve sekrete ruse për depërtim dhe ndikim kibernetik.

Është një situate e re, e cila kërkon ndërgjegjësim nga gjithë vendet e NATO-s dhe të BE-së lidhur me frakturat e mëdha gjeopolitike, që mund të shkaktojë Moska në drejtim të kohezionit të aleancës atlantike dhe europiane nëpërmjet instrumentit elektoral. Është një situatë e re, e cila mund të sjellë të papritura dhe pasoja negative në shtetet e dobëta, siç janë ato të Europës Juglindore. Përmendëm shembullin e Bullgarisë dhe të Moldavisë, ku Rusia ndikoi që të zgjidhen presidentë filorusë. Por kjo nuk përjashton nga objektivi edhe shtetet e tjera të Ballkanit.

Mësimi i madh, që del nga këto forma të reja të luftës gjeopolitike, është se anëtarësimi në NATO dhe në BE nuk është imunitet automatik ndaj ndikimit dhe penetrimit rus në njërin apo tjetrin vend. Udhëheqësit filorusë, që po fitojnë postet në njërin apo tjetrin shtet ish-komunist, anëtarë të NATO-s dhe të BE, sinjalizojnë se nga udhëheqës filorusë mund të kalohet lehtë në politika shtetërore proruse. Kjo mund ta dëmtojë shumë homogjenitetin gjeopolitik dhe proteksionin atlantik brenda NATO-s dhe BE. Ndaj shtetet anëtare të NATO-s dhe të BE, përfshirë edhe Shqipërinë, duhet t’i kushtojnë vëmendje adeguate këtij fenomeni, sepse lufta gjeopolitike midis Perëndimit dhe Lindjes vazhdon në forma të sofistikuara. Jashtë kësaj lufte nuk është as Shqipëria, për të cilën kam paralajmëruar që në vitin 2015 se përfshihet në projektet e Rusisë për të ndikuar në proceset politike dhe zgjedhore në favor të politikanëve dhe forcave filoruse.

Më 19 gusht 1928 lindi atdhetari i shquar Metush Krasniqi, kryetar i Organizatës “Lëvizja Nacional-Çlirimtare e Kosovës dhe e Viseve tjera Shqiptare në Jugosllavi”

Metush Krasniqi lindi më 19 gusht 1928 në fshatin Dajkoc të Komunës së Kamenicës (Dardanës). Shkollën fillore respektivisht katër klasat e para i kreu në gjuhën serbe në fshatin Hodanoc, ndërsa katër klasët tjera gjatë viteve 1942-1946 i kreu në Gjilan në gjuhën shqipe.

 

  • Gjatë viteve 1947-1949 kreu një kurs pedagogjik në Pejë dhe Gjakovë, ndërsa në vitin 1950 diplomoi në Shkollën Normale të Gjakovës. Në vitin 1950-1951 filloi punën si mësues në shkollën fillore në Shipashnicë të Epërme. I frymëzuar nga veprimtarët e LNDSH, në Shipashnicë së bashku me kolegët e vet themeloi organizatën ilegale “Partia Revolucionare për Bashkimin e Tokave Shqiptare me Shtetin Amë”. Autoritetet e arsimit vetëm një vit më vonë Metush Krasniqin e transferojnë në shkollën fillore të Strezovcit fshat ky në komunë të Dardanës. Aty punoi një vit dhe u transferua në Hogosht, ku e gjeti arsimtarin e gjuhës shqipe Ndue Nekajn dhe Hogoshti e mirëpriti ngrohtësisht ardhjen e tij. Pas një viti Metush Krasniqin e transferuan në shkollën fillore të Muçivërcit dhe në vitin shkollor 1955/1956 me vendimin e organeve arsimore të Rrethit të Dardanes (ish-Kamenicë), shkolla 8 klasëshe e Muçivërcit me gjithë arsimtarët dhe mjetet mësimore bartet në Roganë dhe për çudi po me atë vendim Metush Krasniqin e emëruan drejtor të shkollës në këtë fshat shkollë kjo e cila sot mban emrin e këtij atdhetari të denjë.
  • Në vitin 1957 pas ndjekjeve dhe burgosjeve detyrohet të shpërngulet në Shkup. Atje krahas punës në arsim me një përkushtim të veçantë vepron në organizatën “Partia Revolucionare…” Në nëntor të vitit 1958 Metush Krasniqin do ta burgosin dhe e dënuan me 18 vjet burg të rëndë prej të cilave i mbanë vetëm 8 vite. Pas daljes nga burgu Metush Krasniqi i kaloi disa vite në fshatin e lindjes në Dajkoc. I entuziazmuar nga hovi që kishte marrë shkollimi, Metush Krasniqi më pas do të regjistrohet në Fakultetin Juridik në Prishtinë, dhe në vitin 1970 u punësua në shkollën e mesme teknike “19 nëntori” në Prishtinë. Mirëpo, xhaxha Metushin as këtu nuk e lanë të punoj qetë. Me një vendim të Dushan Ristiqit – Kryetar i KK të LKJ të Prishtinës dhe të kryeudbashit në Gjilan Aleksandar Cana Periq, Metush Krasniqin e larguan nga procesi edukativo-arsimor.
  • Meqë atdhetari ynë Metush Krasniqi gëzonte një autoritet të madh në mesin e rinisë shkollore dhe universitare në Kosovë e në Maqedoni, ai kishte formuar një rreth të gjerë shokësh besnikë, ishin ata si : Hasan Dermaku, Rexhep Mala e Skënder Kastrati, Njazi Korça nga Gëmica, Kadri Zeka nga Poliçka, Ethem e Fehmi Bajrami nga Malisheva e Gjilanit ; Rexhep Elmazi e Rafet Bajrami nga Gjilani ; Jusuf Gërvalla, Zeqir Gërvallën e Sabri Novosellën në Prishtinë, Shefqet Jasharin e shumë të tjerë.
  • Në vitin 1976 Metush Krasniqi vihet në krye të Organizatës “Lëvizja Nacional-Çlirimtare e Kosovës dhe e Viseve tjera Shqiptare në Jugosllavi” LNÇKVSHJ. Gjatë atyre viteve bënë përpjekje për bashkimin e të gjitha grupeve ilegale në një organizatë të fuqishme. Metush Krasniqi gjatë viteve të 80-ta punoi në ilegalitet të thellë, por megjithatë UDB-a përmes informatoreve shqiptar, dinte për aktivitetin e Metushit dhe më 4 nëntor 1981 sërish burgoset, torturohet rëndë nga udbashi i Anamoravës Selim Brosha e shume të tjerë. Pas katër muaj lirohet në gjendje të rëndë shëndetësore.
  • Më 4 nëntor 1985 Metush Krasniqi sërish burgoset dhe gjatë shtatë muaj e pesëmbëdhjetë ditëve sa e mbajtën në burgjet e Prishtinës e të Mitrovicës, rrahet e torturohet në mënyrat më mizore. Pasi ishte i dërmuar për vdekje UDB-a më 16 qershor 1986 e liron nga burgu dhe më 15 tetor 1986 ky atdhetar i devotshëm duke mos pasur shërim ndërroi jetë. Varrimi i tij u bë në fshatin e lindjes në Dajkoc.

PËRKUJTOHEN BJESHKËTARËT E PËRJETSHËM TË PAVARËSISË SHQIPTARE

Nga Shkëlzen Ujeza & Valdet Ermali

Ata, të tre, kanë 100 vjet që rrijnë aty te Kungji i Armëve në rreth 2.000 m. lartësi alpine, në bjeshkën e Markofçës, prej ditës së 18 shkurtit 2018 ku u vranë në pritë e përpjekje trimnore me forcat austro-hungareze. Te tre janë bjeshktarë të përjetshëm.

Te tre: Zeqir Halil Mulosmanaj (1853-1918) dhe, siç njihen në popull, “Dy Bajramat”: Bajram Niman Osmanaj i Margegajt (1878-1918) e Bajram Man Mulosmanaj i Fangut të Bujanit (1875-1918) janë nga Krasniqja e Malësisë së Gjakovës, nga familje e kulla malësore nga ma të shquarat e Dardanisë së sotme.

Të tre kanë marrë pjesë në kuvende e luftëra historike, kanë luftuar me otomanët, me serbët, me malazezët e, së fundit, me austro-hungarezët.

Të tre janë figura të shquara si luftëtarë të Lirisë e Pavarësisë Kombëtare Shqiptare., të cilët luftuan në treva etnike shqiptare në Shqipëri, Kosovë, Malin e Zi, Maqedoni për një Shqipëri të vetme, për një Komb Shqiptar të Bashkuar.

Te tre janë të shpallur “Dëshmorë të Atdheut”. Të tre, sivjet, janë vlerësuar ‘Qytetar Nderi” të Tropojës.

Në nderim e vlerësim të emrit, jetës e veprimtarisë së tyre atdhetare, në 100 vjetorin e rënies së tyre te Kungji i Armëve në Markofçe, u organizua një Përkujtimore solemne e festive nga Bashkia e Tropojës, Komiteti i Veteranëve të Luftës të Tropojës dhe Familjet Mulosmanaj e Osmanaj.

Në emër të Bashkisë të Tropojës, këtë Takim Përkujtimor, pjesmarësit e atyshëm, i përshendeti nënkryetari i saj, Astrit Margjeka, i cili vlerësoi kontributet atdhetare të Malësisë së Gjakovës, të tre Dëshmorëve të Atdheut dhe përcolli mesazhet e tij zyrtare për përcjelljen e traditave e shembujve ma të mirë të historisë e kulturës tonë tek brezat e rinj të kohës së sotme.
Në këtë Takim Përkujtimor përshendeti dhe nënkryetari i Akademisë së Shkencave e Arteve të Kosovës, akademik Jusuf Bajraktari, i cili kishte ardhur nga Prishtina sëbashku me miq të tij nga Kosova për ta nderuar e përkujtuar këtë Ditë jubilare dhe tre Martirët e saj.

Nënprefekti i Qarkut të Kukësit, Granit Kurmeka, përshendeti në emër të këtij Qarku (që përshin bashkitë Tropojë, Has e Kukës) duke vlerësuar figurat e kontributet e tre Dëshmorëve të Atdheut dhe organizatorët e këtij Takimi Përkujtimor Jubilar.
Nga Zvicra e kishte çue një Përshendetje të mirëpritune dhe studiuesi i historisë, Gani Qarri prej Kosove, i cili ka shkrue disa artikuj studimorë enkas për figura të shquara të kullave të Bajrakut të Krasniqes së Malësisë së Gjakovës,për Mulosmanajt e Fangut të Bujanit, si për personalitetet e shquara, për secilin prej tyre: Binak Alia (Mulosmanaj), Mic Sokoli (Mulsomanaj), Shaban Binaku (Mulsomanaj) dhe për Zeqir Halili (Mulosmanaj) si dhe në këtë të fundit flet dhe për “Dy Bajramat”, për Bajram Man Mulosmanaj e Bajram Niman Osmanajn.

Nga Komiteti i Veteranëve të Luftës të Tropojës e morën fjalën e folën aty kryetari Rexhep Shpati dhe sekretari Zeqir Hasanpapaj, duke vlerësuar këta burra të historisë, kullat e tyre historike, për luftrat e kontributet e tyre deri në dhanien e jetës për një Shqipëri të vetme, të bashkuar, të zhvilluar. Ata iu dhuruan familjeve të tre dëshmorëve të Atdheut dhe një foto të secilit prej dëshmorëve, të kornizuar bukur, për t’i pasë si një kujtim tjetër në shtëpitë e tyre.

Në emër të Familjeve të dëshmorëve të Atdheut, personaliteti kulturor Lirim Mulosmani, një nga burrat e mirë të kësaj treve të Malësisë së Gjakovës, i përshendeti të pranishmit dhe shprehu vlerësime e mirënjohje për Bashkinë e Tropojës, për Komitetin e Veteranëve të Luftës të Tropojës, për Qarkun e Kukësit, për Akademinë e Shkencave e Arteve të Kosovës, për nderimet që i banë kësaj Dite, këtij Takimi Përkujtimor, tri figurave të shquara historike jo vetëm të Tropojës.

Në fund, për të pranishmit, në këtë jubile përkujtimor të 100-vjetorit të rënies të këtyre tre Dëshmorëve të Atdheut e, tashti, dhe “Qytetar Nderi” të Tropojës, Bashkia e Tropojës, në organizimin e të palodhurit e kudondodhurit për mirë në këso raste eventesh – Hasan Tahiraj (Cani), u dha një koncert artistik festiv nga artistë të Pallatit të Kulturës “Dardania”, ku u dalluan kangtari Ibrahim Muçaj me këngët për Zeqir Halilin (Mulosmanaj), Shaban Binakun e Krasniqes e Abdulla Hoxhën e Gashit, etj. si dhe Grupi i talentuar i Valleve.

Për të pranishmit, Familjet e Dëshmorëve tëAtdheut, shtrun një drekë bjeshktare në ato lartësi alpine, tek bjeshkët që maten me qiellin et ëduket sikur atje flasim me vet Zotin.

Në mbyllje të Takimit Përkujtimor ikën të ftuarit e mirëseardhun për nderimin e vlerësime, për të folur e ba homazhe, etj. dhe, aty, mebetën vetëm ata të tre, martirët e Kombit, Dëshmorët e Atdheut, luftëtari e prijësi Zeqir Halil Mulosmanaj, Bajram Niman osmanaj dhe Bajram Man Mulosmanaj, mbetën aty së bashku me bjeshktarë stinorë të verimit, mbetën aty si bjeshktarë të përjetshëm, gjithnjë në shërbim të të një Shqipërie të Vetme e të Bashkuar në kohërat euro-atlantike e globale të shek. XXI.

Kosova nuk mund ta humbë liqenin e Ujmanit

Liqeni i Ujmanit (Gazivodës) gjendet në territorin e Republikës se Kosovës dhe është ndërtuar me fonde të Buxhetit të Kosovës. Shteti i Serbisë nuk ka bërë asnjë investim në këtë projekt dhe nuk ka të drejtë ligjore që të pretendojë apo tentojë përvetësimin e këtij gjiganti të akumulimit të ujit, thonë ish-funksionarë të lartë të Kosovës në kohën e komunizmit dhe profesorë universitarë në Prishtinë.

Liqeni i Ujmanit vlerësohet një ndër pasuritë e Kosovës, i cili shtrihet në veri-perëndim të vendit, konkretisht në Komunën e Zubin Potokut, komunë kjo e banuar më shumicë serbe.

Penda e Ujmanit është ndërtuar midis viteve 1979-1984. Liqeni i Ujmanit është më i madhi në Kosovë me sipërfaqe prej 11.9 kilometra katrorë dhe 370 milionë kub ujë. Hidrocentrali prodhon 35 megawatt për orë energji elektrike, kurse kanali Ibër Lepenc është 49 kilometra i gjatë.

Uji nga ky liqen artificial përdorët për ftohje të termocentraleve në Obiliq, për furnizim me ujë për disa komuna si dhe për ujitje në disa rajone të Kosovës. Në rast të thatësisë si ajo e vitit 2014 uji nga Ujmani përdoret për mbushje të dy liqeneve afër Prishtinës, atij të Batllavës dhe Badovcit.

Kohëve të fundit, zyrtarë nga Beogradi kanë bërë me dije se do të dëshironin ta ndanin Kosovën në vija etnike duke aluduar se Kosova do të mund ta humbë Ujmanin.

Ky liqen menaxhohet nga ndërmarrja hidroekonomike “ Ibër Lepenc” më seli në Prishtinë, në pronësi të Qeverisë së Kosovës. Në anën tjetër, në Zubin Potok ka një ndërmarrje në pronësi të Serbisë e cila quhet “Ibar” dhe është themeluar në vitin 2002 dhe që Kosovën e konsideron të paligjshme.

Ku u morën paratë për ndërtimin e Ujmanit?

Udhëheqës të shtetit të Serbisë po insistojnë ta përvetësojë për vetë këtë liqen, i cili aktualisht menaxhohet nga serbët, duke thënë se pjesa e Ujmanit është e një rëndësie strategjike për mbijetesën e serbëve në veri.

Azem Vllasi, ish-funksionar i lartë i Kosovës në kohën e komunizmit, tani avokat dhe analist politik, për Radion Evropa e Lirë tregon se Liqeni i Ujmanit është ndërtuar në atë kohë me mjete të buxhetit të Kosovës.

Ai tregon se për realizimin e këtij projekti 45 milionë dollarë janë marrë kredi nga Banka Botërore, për të cilën ka garantuar shteti i ish- Jugosllavisë, kurse obligimet dhe marrëveshjet i kanë nënshkruar njësitë federale, në këtë rast Kosova. Ndërkaq, 45 milionë dollarë të tjera janë siguruar nga buxheti i atëhershëm i Kosovës

“Do të thotë edhe si investim edhe nga aspekti pronësoro- jurdik si resurs publik dhe në çdo aspekt Ujmani ka qenë krejtësisht investim dhe resurs i Kosovës. Dhe tashmë në kufijtë që Kosova është shpallur shtet, Ujmani gjendet brenda këtyre kufijve dhe që Serbia asgjë nuk ka në këtë liqe” thotë Vllasi.

Edhe Muhamet Mustafa, Këshilltar i lartë në Institutin për Hulumtime Zhvillimore “ RIINVEST” thotë se akumulimi për Liqenin artificial dhe Hidrocentralin në Ujman është ndërtuar në tërësi me fonde te Kosovës dhe për nevoja të ekonomisë dhe qytetarëve të Kosovës. Madje edhe tokat që gjenden në territorin e Serbisë, thotë ai, janë shpronësuar nga fondet e Kosovës.

“Serbia nuk ka investuar asnjë cent në ndërtimin e Ujmanit. Madje edhe shpronsimet ne territorin e Serbisë, pronat e tokat që janë mbuluar pas akumulimit të ujit, është e vërtetë që një pjesë e Ujmanit i ka mbuluar disa toka që janë në kufi më Serbinë, janë jashtë territorit të Kosovës, por edhe për ato toka Kosova i ka paguar nga buxheti i vetë”

Kanali Ibër – Lepenci kalon nëpër territorin e pesë komunave – Zubin Potok, Mitrovicë, Vushtrri, Obiliq, Prishtinë, duke kaluar nëpër 33 vendbanime rurale dhe dy qytete.

Kështu që çdo pretendim i Serbisë për tentim-përvetësim të resurseve të Kosovës janë të pabaza, thotë Vllasi

“Pretendimet e Serbisë ndaj resursit të ujit të Ujmanit, janë vetëm vazhdimësi e politikës se kohës se Slobodan Millosheviqit kur kanë menduar se Kosova më të gjitha resurset i takon Serbisë”.

Edhe Muhamet Mustafa, thotë se është jashtë çdo logjike pretendimi i Serbisë të diskutohet apo të përvetësojë ndërmarrjet që gjenden brenda territorit të Kosovës dhe që janë pronë e saj.

“Serbia nuk ka bazë legale, logjike dhe as morale që të kërkojnë ndonjë pronësi në Ujman, Trepçë ose në ndonjë ndërmarrje tjetër. Serbia duhet të heq këtë shprehi që diskutojë dhe tentojë të përvetësojë pronat e Kosovës, janë realitete të reja dhe kjo është baza numër një që të normalizohen raportet. Sepse nëse Serbia diskuton për pronësinë e Ujmanit ne mund të diskutojmë edhe për pronësitë e gjëra tjera, por ato janë gjëra jashtë logjike sepse ato janë gjëra jashtë territorit të Kosovës dhe të Serbisë”, thotë Mustafa.

Edhe zyrtarë të Qeverisë se Kosovës, kanë thënë se liqeni i Ujmanit (Gazivodës) i takon shtetit të Kosovës dhe kushdo që pretendon ta përvetësojë atë, do të bëjë “një agresion” ndaj Kosovës.

  • Nadie Ahmeti