VOAL

VOAL

Please Wait ...
0%

Thirrja e fortë e Bashës: Liri a vdekje! Largojmë kufomën politike të Ramës

By | March 28, 2019

Komentet

U nda nga jeta Norman H. Gershman (1932 – 2019), një tjetër Ëngjëll Mbrojtës i shqiptarëve

Voal – U nda nga jeta fotografi i njohur hebre, i mbijetuar i Holokaustit, Norman H. Gershman. I lindur më 14 gusht 1932 në New Jersey, ai vdiq në 10 qershor në moshën moshën 87 vjeç në Santa Berabra Kaliforni.

Norman H. Gershman është bërë mjaft i njohur për shqiptarët – me librin -esse, një foto-album  me titullin : “Besa” (Shqiptarët që shpëtuan hebrenjtë në Luftën e Dytë Botërore),  hapjen e një ekspozite shëtitese në SHBA, dhe Shqipëri, Zvicër, Belgjikë, si dhe me filmin “Shtëpia e Shqiptarit – Shtëpia e Zotit”.

Në vitin 2002, Norman zbuloi familjet shqiptare që shpëtuan hebrenjët dhe dëgjoi për historinë unike të trimërisë dhe Besës shqiptare gjatë Luftës së Dytë Botërore.

“ I gjithë vendi, duke përfshirë qeverinë e Mbretit Zog, por edhe atë të pushtimit fashist dhe nazist më pas, nuk dorzuan as edhe një Hebre te nazistët dhe nuk pranuan të bashkëpunonin me nazistët, edhe pse ishte nën një okupim brutal dhe vunë edhe jetën e familjes së tyre në rrezik”.

Dhe, kështu Norman e dinte se ai kishte projektin e tij të ardhshëm

“Muslimanët, të shpëtojnë hebrenjët ? Çfarë, mos je i çmendur? Kështu, më thonin njërëzit, do të tregonte Gershman, para se t’ja niste për të mbledhur këto fakte, për shqiptarët, se si ata kishin marrë në mbrojtje të gjitha famijet hebraike, që erdhën në Shqipëri e kërkuan ndihmë.

Norman H. Gershman së pari u takua me miken e tij me të mbjetuarën Johanna Neumann, një grua e mahnitshme, e cila i shpëtoi Holokaustit nga shqiptarët.

“Gjatë Luftës së Dytë Botërore – Monarkia Shqiptare, i shpëtoi në mënyrë aktive hebrenjët duke i fshehur në një vend të vogël dhe të varfër të Ballakanit – në Shqipëri. Mbreti Zog i kishte hapur kufijtë e Shqipërisë dhe kishte kërkuar nga ambasadat e Shqipërisë në atë nëpër Europë ( Austri, Itali, Francë), që çdo hebre të paisej me pashaportë shqiptar dhe vizë për tu larguar, ose që donte të vinte në Shqipëri, e përreth saj” ka treguar për Zërin e Amerikës e ndjera Johanna Neumann, që u shua dy vjet më parë. Ndërsa në Gjermani fati i hebrejve ishte zgjidhur përfundimisht nga nazistët, në Shqipëri, fati i hebrenjve dukej ndryshe. Mbreti Zog do të hapte kufijtë e Shqipërisë për çdo hebre që donte të vinte në Shqipëri. “Shqiptarët na pritën si Miq të nderuar dhe na dhanë Besën” tregonte Neumman.

Pikërisht hym Besës i thuri edhe Norman H. Gershman me filmin  dokumentar “Besa”, ku shqiptarët paraqiten si mbrojtës të hebrenjëve gjatë periudhës së luftës së dytë botërore, kur këta përndiqeshin e vriteshin nga nazistët.  Filmi Besa filloi si projekt nga  Norman H. Gershman, me titull God’s House (Shtëpia e Zotit). Filmi bazohet në të dhëna gojore, dokumenta e intervista me personazhë realë, shqiptarë a familje të cilët kishin shpëtuar hebrenjtë gjatë Luftës së Dytë Botërore. Ai fillon me rrëfimin e Rexhep Hoxhës, lindur në Tiranë në vitin 1950. I ati, para se të vdiste i la atij amanet tre libra në gjuhën hebraike. Ato ishin të një familjeje hebreje që gjatë luftës ishte strehuar në shtëpinë e familjes Hoxha. Me ndihmën Gershmanit, Rexhepi zbulon historinë e panjohur të aktit të jashtëzakonshëm të të atit të tij; Besën e ndërthur me  trimëri e sakrificë.

Filmi pastaj  zgjerohet për të hyrë në thellësi të botës shpirtërore të protagonistëve dhe për t’i shpjeguar publikut të huaj se çfarë është Besa dhe përse shqiptarët mendojnë se ajo është pjesë e veçantë e kulturës së tyre. Edhe regjisori kryesor i filmit Jason Williams e pranon, se Besa është diçka e veçantë. Ai mendon se tre elementë shërbyen që shqiptarët të vepronin në mbrojtje të hebrenjëve; “E para ishte qeveria shqiptare gjatë periudhës së Luftës së Dytë Botërore që hapi kufijtë për këta të ikur e të përndjekur; E dyta ishte roli pozitiv i klerikëve myslimanë, katolikë e ortodoksë që u bënin thirrje besimtarëve të ndihmonin e fshihnin  hebrenjtë që kërkonin strehim; dhe së treti ishte fjala e dhënë, Besa ajo që i lidhte këta faktorë, duke krijuar të veçantën që mungonte në Evropë në atë periudhë.”

Filmuar në Shqipëri, Bullgari, Izrael, dhe Shtetet e Bashkuara, filmi përmban rreth njëzet intervista me të mbijetuar dhe të shumë dëshmitarëve të tjerë.

Fjala “Besë” sikur humbet në përkthim. Por për shqiptarët Besa është ashtu sic e kupton bartësi i saj, populli; “Si myslimanë të devotshëm ne u dhamë hebrenjve mbrojtjen humanitare. Pse? Sepse kështu urdhëronte miqësia, humanizmi, Besa.” Kështu shprehej në vitet 1990 në muzeun e Holokaustit  Yad Vashem në Izrael, vlonjati Sazan Hoxha, i biri i Nuro Hoxhës, që strehoi 4 familje hebraike, duke vënë në rrezik jetën e fëmijeve të vet.

Dëshmi të mirëqënies së hebrenjëve në trojet shqiptare janë të herëshme. Para disa vitesh në Sarandë u zbuluan gjurmët e një sinagoge të periudhes romake, ndersa i ashtuquajturi “mesia i fundit” Sabbatai Zevi në shek. XVII, gjeti strehim në Ulqin e Berat pas përndjekjes nga Stambolli e Selaniku. Dhe një nga dëshimitë më konkrete është ajo në shënimet e ish-ambasadorit amerikan në Shqipëri më 1934, Herman Bersntein, i cili shkruan: “Nuk ka asnjë gjurmë diskriminimi kundër hebrenjëve në Shqipëri, sepse Shqipëria ndodh të jetë një nga vendet e rralla në Evropë ku paragjykimet dhe urrejtja fetare nuk ekzistojnë, edhe pse shqiptarët janë të ndarë në tre besime”

Kjo është e gjithë historia, që fotgrafi hebre e rrefeu në Izrael Jad Vashem dhe në SHBA, sikur edhe Johanna Neumann e treguan deri në frymën e fundit deri sa jetoi për t’i treguar komunitetit hebraik nëpër botë Besën Shqiptare, aktin e papërsëritshëm që bën Shqiptarët për të shpëtuar Hbernjët që kërkuan ndihmë në shtëpine Shqiptarit.

I lidhur shumë nëpërmjet këtyre fakteve me Shqipërinë, Gershman, zbuloi se kjo ishte një histori që pak e dinin, sepse Shqipëria, nën regjimin e Enver Hoxhës, ishte e mbyllur nga bota e jashtme, për pothuajse 50 vjet nga diktatura ksenofobike, që pasoi fundin e Luftës së Dytë Botërore. Norman u bë i vendosur për të gjetur dhe regjistruar këtë histori të patreguar të trimërisë dhe dhembshurisë, atë të kodit moral Shqiptar të quajtur “BESA”.

“Shqiptarët, janë njërëz të mirë, trima, të mencuar dhe bujar e zemërbardhë. Ata janë heronj të vërtetë! ” ka thënë Norman H. Greshman.

Përpjekjet e tij të palodhshme për të identifikuar dhe dokumentuar historitë e shumë shqiptarëve (muslimanë kryesisht, por edhe të krishterë), pikërisht atyre që strehonin hebrenjtë gjatë luftës, dhe që tani u bënë baza e filmit të metrazhit të gjatë, fitues i disa cmimeve ndërkombëtare, dhe të shfaqur në disa shtete të SHBA, pra filmi “Besa: Premtimi.

Që në të vërtetë, pa hulumtimet, hetimet dhe veprat detektive të modës së vjetër të Normanit, filmi kurrë nuk do të ishte bërë fare.

Duke filluar në vitin 2007, filmi Besa: nisi rrugëtimin e tij kur Ekuipazhi i filmit Promise bëri dy udhëtime në Shqipëri me Normanin dhe gjithashtu një udhëtim në Izrael ku portretet e tij u ekspozuan në Yad Vashem. Që atëherë, fotografitë e Normanit – së bashku me fragmente të shkurtra nga dokumentari – kanë qenë në Selinë Qendrore të Kombeve të Bashkuara në Nju Jork dhe në Shtabin e Bashkimit Europian në Strasburg të Francës. Në vitin 2008, Syracuse University Press publikoi një libër të portreteve të Norman H. Gershmanit, “Besa: Muslimanët që shpëtuan hebrenjtë në Luftën e Dytë Botërore”.

Një libër ky që u vlerësua në mënyrë unike në disa komente, libri dhe filmi “Besa” dhe “Promise” gjithashtu, është paraqitur edhe nga rrjetet më të fuqishme televizive amerikane e britanike, nga CBS Neës, NPR, Voice of America dhe Al-Jazeera, dhe televizioni shtetror i Izraelit. Ndërsa për këtë akt të Shqiptarëve u hapën anembanë në SHBA, Britani të Madhe, Izrael, Zvicër, Itali dhe Shqipëri, një duzinë ekspozitash të punës së Normanit, foto – albume me të mbijetuarit dhe ata që i shpëtuan.

Ai themeloi edhe Fondacionin Eye Contact, një korporatë jofitimprurëse që promovon edhe sot paqen dhe unitetin, ku Norman ka shërbyer si Drejtor Ekzekutiv.

“Si fotograf, e shoh bukurinë në botë – veçanërisht në sytë e njerëzve që kam fotografuar – prandaj edhe fondacioni ka marrë këtë emër Fondacioni Eye Contact. Ajo që ndodhi në Shqipërinë Muslimane dhe në Kosovë është një mrekulli. Jo vetëm që të gjithë hebrejtë shpëtuan nga pushtimi nazist, por refugjatët hebrenj u trajtuan si miq të shtëpisë sii thonë shqiptarët nën kodin e tyre moral Besa. Ky është një detyrimi moral i të gjithë shqiptarëve, për të strehuar të gjithë ata që janë në nevojë pavarësisht nga feja, kultura apo politika – madje edhe armiqtë e tyre – ky është unik. Ruajtja e të gjithë hebrenjve është dëshmi konkrete e këtij kodi nderi” ka thënë Norman Gershman.

Familjet muslimane do të më thonin për privilegjin e shpëtimit të fëmijëve “të Perëndisë”, më kujtohen fjalët që ata më thanë: “Të shpëtojmë një jetë është të shkojmë në Parajsë”, “Zoti është i Parë, vendi ynë atdheu është i dytë, atëherë janë mysafirët tanë dhe familja e me radhë”. Të gjithë Hebrenjtë janë vëllezërit tanë “.

“Unë e di, se ka njerëz shumë më të mirë në botë sesa me të këqija, dhe kam gjetur njerëz të tillë në Shqipërinë e të treja besimeve dhe në Kosovë. Ajo që ndodhi në Shqipërinë gjatë dhe pas Luftës së Dytë Botërore është një mrekulli. Ruajtja e të gjithë hebrenjve është dëshmi konkrete e Besës.” “Muslimanët dhe hebrenjtë janë vëllezër dhe motra nën të njëjtin at Abraham. Ne jemi një familje.” thoshte Norman H. Gershman.

Prej 10 qershorit 2019 Miku i shtrenjtë i shqiptarëve Norman H. Gershman u largua nga kjo botë. NJë trishtim i madh për shqiptarët në mbarë botën. Tani Gershman i mbron shqiptarët në mbretërinë e Zotit!

Dossier: CNN: PSE SHQIPTARËT I SHPËTUAN HEBREJTË GJATË HOLOKAUSTIT? ARSYEJA ËSHTË BESA

In Memoriam Shoah – Takim me Z.Johanna Jutta Neumann që i dëshmoi botës se moralin e Europës e shpëtuan shqiptarët Nga Elida Buçpapaj

 

Kriporja e Ulqinit shpallet park natyror

Ali Salaj

Kuvendi Komunal i Ulqinit, të hënën shpalli Kriporen e njohur të këtij qyteti park natyror. Vendimi u mirëprit nga qytetarët, pasi me këtë vendim mbrohet tjetërsimi i kësaj hapësire të veçantë natyrore.

Kriporja e Ulqinit cilësohet ndër ekosistemet më të njohura në Adriatik. Ajo është zona e parë me rëndësi ndërkombëtare për zogjtë në Mal të Zi, si dhe “Strehim Emerald” i Konventës së Berlinit.

Kriporja pritet që së shpejti të bëhet pjesë e listës Ramsar, si kënetë me rëndësi ndërkombëtare.

Kriporja e Ulqinit e ngrit në vitin 1926 nga italianët dhe ka një sipërfaqe prej 15 mijë metrash katrorë që është lagunë dhe ndodhet në deltën e lumit Buna. Aty ka edhe një pasuri të madhe shpendësh. Ujërat e ëmbla të lumit ndahen nga uji i kripur i detit Adriatik nëpërmjet kanaleve.

Si shumë pasuri të tjera, Kriporja e Ulqinit ka qenë pasuri shtetërore pas Luftës së Dytë Botërore. Në vitin 2003 është privatizuar, sepse ndërmarrja falimentoi.

Privatizuesi e bleu për 800 mijë euro. Çmimi i tokës u vendos 5 cent metri katror duke u cilësuar si aferë korruptive e politikës në Mal të Zi.

Kriporja e Ulqinit është vlerësuar edhe nga Bashkimi Evropian, i cili financoi edhe studimin për mbrojtjen dhe përmirësimin e kripores. Po ashtu Bashkimi Evropian ka kushtëzuar vazhdimin e bisedimeve për anëtarësim me kapitullin 27 të marrëveshjes, kapitull që i kushtohet parkut natyror të Ulqinit.

VATRA u bën thirrje palëve në Shqipëri të ulen në bisedime

Organizata shqiptaro-amerikane VATRA u bëri thirrje palëve politike në Shqipëri që të ulen në bisedime t’i ofrojnë popullit një zgjidhje afatgjatë, që të mund të sigurojë jo vetëm standardet demokratike të vendit, por edhe një paqe dhe unifikim shoqëror

Me anë të një deklarate, Federata Panshqiptare e Amerikës shpreh shqetësimin për situatën në Shqipëri të cilën e cilëson si të paprecedentë dhe thotë se është thellësisht e dhimbshme, që edhe pas afro tre dekadash pluralizëm, evidentohen probleme të thella lidhur me proceset zgjedhore, ndërhyrja në të cilët është tërësisht e dënueshme.

“Konflikti civil, i cili po hedh shtat dita-ditës nuk duhet lejuar dhe qeveria ka përgjegjësinë kryesore të gjejë rrugët për shuarjen e tij. Ashpërsimi i mosmarrëveshjeve politike shoqërohet fatkeqësisht me ndasi të mëdha shoqërore, gjë e cila dëmton objektivat evropiane të vendit”, thuhet në deklaratë.

VATRA nxit palët të ulen në tryezën e bisedimeve, duke shpresuar që platforma e bisedimeve do të jetë serioze dhe jo thjesht kalimtare dhe njëkohësisht shpreh keqardhjen për humbjen e kohës, nga e cila sipas saj, humbet Shqipëria dhe populli.

VOTONI PËR PS, secili “rilindas” mendon për ju! – Pllakat nga Fritz RADOVANI

VOAL – Po e botojmë pllakatin e përgatitur nga Fritz Radovani “Votoni për PS, sejcili rilindas mendon për ju”, natyrisht, pa e shoqëruar me fjalë të tjera.

75-vjetori i Genocidit grek, Shpëtim Idrizi: Jetojmë në Shqipëri, por gjithmonë do të themi “Pritna nëna jonë Çamëri”

Shoqata Çamëria dhe PDIU kanë zhvilluar pelegrinazh në Varrezat e Kllogjerit, në Konispol, në kuadër të 75-vjetorit të Genocidit grek mbi shqiptarët e Çamërisë. Mijëra shqiptarë të Çamërisë, por edhe qytetarë të tjerë, kanë bërë homazhe në Varrezat e Kllogjerit, në vendin ku humbën jetën më shumë se 2900 çamë, të cilët u larguan me dhunë nga trojet e tyre. Në këtë pelegrinazh ishte i pranishëm kryetari i PDIU-së Shpëtim Idrizi, kryetari i Shoqatës Çamëria Dritan Sejko, Aqif Rakipi, Sekretarja e Përgjithshme e PDIU-së Mesila Doda, deputeti i Vetëvendosjes Liburn Aliu dhe kryetari i Shoqatës Çamëria në Kosovë, Nexhmi Muqiqi.

Kryetari i PDIU-së, Shpëtim Idrizi, u shpreh se shqiptarët e Çamërisë nuk kanë harruar Genocidin që ndodhi ndaj tyre, prandaj edhe sot janë akoma më të fortë. Z.Idrizi theksoi se shqiptarët e Çamërisë jetojnë në Shqipëri, por mendjen dhe zemrën e kanë në Çamëri

“Fatkeqësia më e madhe për ne do të ishte harresa, sepse nuk ka komunitet të madh apo të vogël. Nuk ka popull të vogël apo të madh. Ka komunitet, i cili ose dorëzohet para padrejtësisë, nuk lufton dhe është i destinuar të zhduket, ose ka si ne shqiptarët e Çamërisë që ky 75-vjetor tregon se jo vetëm nuk jemi asimiluar, por kemi 75 vjet që luftojmë dhe do të luftojmë, deri sa të ngelet çami i fundit i gjallë. Kjo është forca e komunitetit tonë, që duket sikur padrejtësia ka ndodhur dje. Harresa është me e keqe se sa morti, prandaj tani që ka kaluar 75 vjet, duket sikur krimi shtetëror grek ndaj një popullsie të pambrojtur, ka ndodhur dje. Prindërit tanë, gjyshërit tanë, nuk lejuan kurrësesi që ne të na pllakoste harresa. Duhet të plotësojmë amanetin e të parëve, drejtësi për Çamërinë. Ne punojmë dhe jetojmë në Shqipëri, por ne e dimë shumë mirë që kokën e kemi në Çamëri, aty ku janë shtëpitë, trojet dhe tokat tona, që presin të zotët e tyre. Edhe prindërit dhe gjyshërit tanë kur ikën nga Çamëria, kokën e mbajtën pas. Nuk thanë dhe nuk themi kurrrë “Lamtumirë Çamëri”. Jo! Ne gjithmonë do të themi “Pritna nëna jonë Çamëri”, se i ke të zotët në Shqipëri, Kosovë dhe kudo që rreh zemër shqiptari. Kur të parët tanë, prindërit dhe gjyshërit u nisën dhe morën rrugën për në Shqipëri, të detyruar nga Genocidi, ata gjatë gjithë kohës e mbanin kokën pas. Kush ka shkuar në Çamëri ka parë që ajo tokë është e etur për të parët e saj. Kush ka shkuar në Çamëri ka parë shtëpi të rrënuara, toka të lëna pa punuar, ullinj shekullor që presin të zotët e tyre. Çdonjëri prej nesh që ka shkuar në Çamëri, ka kërkuar shtëpinë etij, ashtu siç ja ka treguar nana apo gjyshi dhe i kemi gjetur, sepse ato janë shtëpitë tona”, – tha z.Idrizi.

Pamje nga 75-vjetori i genocidit grek

Kreu i PDIU-së i kërkoi Kryeministrit që të kalonte nga Varrezat e Kllogjerit për të vendosur një lule. Gjithashtu z.Idrizi kujtoi edhe një fabul me shqiponjën dhe kërmillin.

“Ndërsa ne jemi mbledhur këtu në Kllogjer të Konispolit, prijësi i Rilindasve është duke bërë tubim në Bashkinë e Konispolit. Natyrshëm çdonjëri nga ne do thoshte: Pse nuk kaloi këtu që të hidhte edhe ai një tufë me lule? Për shumë arsye nuk kaloi. E para, sepse Shoqata Çamëria dhe PDIU i kanë kërkuar që këto varreza historike dhe monumentale, të merrnin zyrtarisht statusin e Varrezave Historike. Minimalisht me të njëjtin status që u bënë varrezat e turpit të ushtarëve grek. Sigurisht duke harruar edhe kërkesën që ne shqiptarët e Çamërisë të kishim varreza për ata që u vranë në trojet e tyre, nëÇamëri.

Kam për t’ju drejtuar vëllezërve të mi çamë të Konispolit. Sepse teksa ne jemi këtu, ata janë duke parë se si kryetari i Rilindjes garon me vetveten. Vazhdoni bëni tubimet, priteni, por mos harroni që projekti i Rilindjes ishte që të mos ekzistonte Bashkia e Konispolit. Këtë bashki donin ta bashkonin me Finiqin, bashkinë e minoritetit. Sot e keni kollaj të prisni prijësin e Rilindjes në Konispol, sepse keni djemtë e Çamërisë që e mundësuan që Bashkia e Konispolit të ekzistonte dhe kjo ndodhi fal nesh.

Megjithëse ju po prisni prijësin e Rilindjes, ne 100 herë do ta bënim në Parlament presionin që të ekzistonte Bashkia e Konispolit. Ne do ikim, Rilindja do ikë, por Bashkia e Çamërisë, Bashkia e Konispolit, do të ekzistojë në jetë të jetëve dhe për këtë ne jemi krenar.

Gjithë këto ditë më është kujtuar një fabul. Shqiponja është një shpend krenar, ne e kemi simbol në flamurin tonë. Shqiponja pa një ndër majat më të larta të maleve dhe u nis për të fluturuar aty. Shkoi në majë të malit dhe kur sheh aty një kërmill. Po ti o kërmill këtu, i tha.

Ja ashtu, i tha kermilli, duke u zvarritur dhe duke u lëpirë arrita dhe unë me ty në këtë majë. Sigurisht që ka plot që mund të kenë menduar se mund të arrijnë majat duke u lëpirë, por dinjitetin çdo çam e ka këtu në Kllogjer, në këto varreza, në Shoqatën Çamëria dhe në shtëpinë e vet, PDIU-në. Mund të kenë çdo gjë, por vetëm dinjitet nuk kanë”, – u shpreh Shpëtim Idrizi.

Aqif Rakipi tha se PDIU është e vetmja parti që nuk ka bërë pazare, ndërkohë që ironizoi kryeministrin Rama se nuk do fitojë 61 bashki, por 63.

“Ne jemi këtu sot për të kujtuar shqiptarët e Çamërisë që kanë humbur jetën nga Genocidi grek. Çështja jonë është e gjithë Shqipërisë dhe këtë e tregojnë edhe shqiptarët që janë të pranishëm ngado, edhe nga Kosova. Ne si çam duhet të jemi si Shqiponja dhe jo si kërmilli, sepse shqiponjë jemi edhe vet. E kemi treguar veten që kemi qënë shqiponja edhe në Parlamentin e Shqipërisë, ku me forcë morëm Rezolutën për Çamërinë. Keni dëgjuar për një“çerr” në Tiranë. Një“çerr” që e gjeti Rama duke shitur fiq dhe e bëri kryetar bashkie. Ky “çerr” e di si është, si ai kërmilli që lëpihet dhe zvarritet, prandaj edhe arriti aty. Ky na akuzon ne që kemi bërë pazare. PDIU ka bërë vetëm një pazar me të, që një shesh në Tiranë të merrte emrin “Çamëria”. Dua t’ju them dhe diçka se shoh kryeministrin duke bërë fushatë në gjithë Shqipërinë. Edi Rama nuk ka për të fituar 61 bashki miqtë e mi, ai do të fitojë 63 bashki”, u shpreh Aqif Rakipi.

Sekretarja e Përgjithshme e PDIU-së,Mesila Doda theksoi se askush nuk do të mund të bëjë pazare me trojet e shqiptarëve.

“Atdheu është një, nga Preveza deri në Mollën e Kuqe. Iduam njëlloj të gjitha pjesët e një atdheu. Por fatkeqësisht atdheu ynë është copëtuar.Kemi parë këto kohë pazare për kufinjtë e Kosovës. U them vetëm diçka. Larg duart nga trojet tona. Këtyre “atdhetarëve” u them të heqin taksën e rrugës së kombit.Ata nuk punojnë as për shtet as për Komb, vetëm për pushtet. E kanë përdorur çështjen çame, a thua se e duan më shumë Çamërinë’, – tha znj. Doda.

Ndërsa kryetari i Shoqatës Çamëria Dritan Sejko, u shpreh se shqiptarët e Çamërisë kanë vetëm një ëndërr, të rikthehen në Çamëri.

“Ky 75-vjetor na tregon se Çamërinë nuk e kemi harruar, përkundrazi, është shumë afër dita jonë kur ne do të shkojmë në trojet tona. Genocidi vrau një pjesë të popullsisë tonë, por ne jemi akoma dhe më të fortë dhe vetëm me një ëndërr: “Të rikthehemi në Çamëri dhe kjo do të ndodhë”, – theksoi z.Sejko.

I pranishëm në këtë pelegrinazh ishte edhe kryetari i Shoqatës Çamëria në Kosovë, Nexhmi Muqiqi, i cili tha se shqiptarët kudo ku jetojnë, nuk e harrojnë Çamërinë.

Video/ Edi Rama në Sarandë, opozita përplaset me Policinë

SARANDË

Mbështetësit e Partisë Demokratike e kanë pritur me protesta kryeministrin Edi Rama sot në qytetin e Sarandës. Me pankarta në duar dhe me thirrjet “Rama Ik”, ata kanë tentuar t’i bllokojnë rrugën shefit të qeverisë, ndërsa nuk kanë munguar përplasjet mes tyre dhe Policisë së Shtetit.

Kryeministri Edi Rama i etiketoi mbështetësit e Partisë Demokratike si “rrugëhumbur”.

Protesta vijon edhe në këto momente tek rruga e Flamurit, rreth 200 metra larg podiumit ku janë kandidatët e PS, Adrian Gurma i Sarandës dhe Majlinda Qilimi e Delvinës. Mes protestuesve janë edhe ish-deputetët, Fatbardh Kadilli dhe Nada Mecorrapaj.

Shqipëria: Gjetjet paraprake të misionit të përbashkët për lirinë e shprehjes

Tiranë, 21 Qershor 2019

Gjatë 18-21 Qershorit 2019, ne ndërmorëm një mision ndërkombëtar mbi lirinë e shprehjes në Shqipëri, me përbërje nga Qendra Europiane për Liri të Shtypit dhe të Medias (ECPMF), ARTIKULLI 19, Komiteti për Mbrojtjen e Gazetarëve (CPJ), Federata Europiane e Gazetarëve (EFJ), Instituti Ndërkombëtar i Shtypit (IPI), Reporterët Pa Kufij (RSF) dhe Organizata e Medias së Europës Juglindore (SEEMO).1 Misioni synoi të mbledhë informacion mbi sfidat e lirisë së shprehjes dhe lirinë e shtypit në Shqipëri dhe për të përçuar shqetësimet drejtpërsëdrejti te përfaqësuesit e qeverisë.

Ne u takuam me gazetarë; kryeredaktorë, përfaqësues të shoqërisë civile, organizatat ndërkombëtare dhe ambasadat e huaja të pranishme në Tiranë; dhe zyrtarë të lartë të qeverisë, përfshirë Kryeministrin e Shqipërisë Edi Rama. Kryebashkiaku i Tiranës, Erion Veliaj, refuzoi të takohet me delegacionin. Ne vlerësojmë mundësinë e dhënë për t’u takuar me një gamë të gjerë aktorësh që ofruan njohuri mbi gjendjen e lirisë së shtypit në Shqipëri.

Delegacioni gjeti se liria e shtypit në Shqipëri është në përkeqësim. Sulmet fizike të kohëve të fundit kundër gazetarëve kanë mbetur të pazgjidhura. Zyrtarët më të lartë publikë rregullisht përdorin gjuhë që ul vlerat dhe sulmon gazetarët kritikë. Administrata publike, përfshirë zyrën e kryeministrit dhe kryetarit të bashkisë Tiranë, nuk janë transparencë në ndërveprimin e tyre me median dhe kufizojnë aksesin e gazetarëve kritikë. Legjislacioni i propozuar së fundmi i lidhur me median, përfshirë një skemë drakoniake rregullimi për median shqiptare dhe atë të huaj, nuk është në përputhje me standardet ndërkombëtare të të drejtave të njeriut.

Ne jemi të shqetësuar se Shqipëria, një demokraci, një Shtet anëtar i Këshillit të Europës dhe Organizatës për Siguri dhe Bashkëpunim në Europë (OSBE), dhe një vend kandidat për Bashkimin Europian, nuk po respekton detyrimet e saj për të garantuar dhe mbrojtur lirinë e shprehjes dhe lirinë e shtypit siç kërkohet nga ligji shqiptar dhe instrumentet ndërkombëtare, përfshirë Konventën Europiane për të Drejtat e Njeriut.

1 European Centre for Press and Media Freedom (ECPMF), ARTICLE 19, the Committee to Protect Journalists (CPJ), the European Federation of Journalists (EFJ), the International Press Institute (IPI), Reporters Without Borders (RSF) & the South East Europe Media Organisation (SEEMO).
2
1. Amendimet e propozuara mbi rregullimin e medias
Koalicioni është thellësisht i shqetësuar nga propozimet e dhjetorit 2018 të qeverisë së Shqipërisë për ndryshime në legjislacionin mbi median në vend, i cili do të krijojë një kërkesë për regjistrim të detyruar të medias në internet dhe do të krijojë një organ administrativ me fuqi për të gjobitur dhe mbyllur median online dhe për të bllokuar mendian e huaj pa një urdhër gjykate. Ne konsiderojmë se këto masa tentojnë të krijojnë një rregullim shtetëror për median online, gjë që bie në kundërshti me praktikat më të mira ndërkombëtare mbi vetë-rregullimin dhe mund të ketë ndikim të dëmshëm mbi lirinë e shprehjes dhe të informimit dhe lirinë e shtypit në Shqipëri.

Në takimin tonë me kryeministrin, ai na informoi se një version i ri i përditësuar i projektit të amendamenteve do të bëhet publik së shpejti pas kritikave ndërkombëtare. Ai deklaroi se në draftin e ardhshëm, mundësia për mbyllje do të eliminohet dhe gjobat do të jenë shumë më të ulëta se sa ishin në projektin fillestar. Ne i mirëpresim këto ndryshime dhe rikujtojmë standardet ndërkombëtare të të drejtave të njeriut që thonë se “shtetet nuk duhet të imponojnë regjistrim të detyruar të medias online si parakusht për punën e tyre për shkak se kjo mund të ketë efekt shumë negativ mbi lirinë e medias.” Qeveria duhet të sigurohet që ky legjislacion të jetë tërësisht në përputhje me praktikat më të mira të OSBE-së, Këshillit të Europës dhe praktikat më të mira të BE-së.

Ne jemi gjithashtu të shqetësuar mbi mungesën në vijimësi të transparencës në lidhje me konsultimet mbi projektligjin, i cili u prezantua përgjatë pushimeve të Krishtlindjeve dhe iu dha një periudhë ekstremisht e shkurtër konsultimi. Ne inkurajomë qeverinë e Shqipërisë të sigurojë që të ndërmerret një proces kuptimplotë konsultimi me gazetarët dhe shoqërinë civile me draftin tjetër të amendimeve.
2. Shpifja
Delegacioni shprehu shqetësim mbi atë që gazetarët e përshkruan si një numër në rritje të akuzave për shpifje të motivuara politikisht kundër gazetarëve të ngritura nga politikanët, shpesh duke kërkuar dëmshpërblime në shuma disproporcionale. Pretendime të tilla kanë pasoja serioze dëmtuese mbi gazetarët. Delegacioni vëren raportet pozitive nga gjykatat shqiptare, të cilat gjithnjë e më shumë po zbatojnë standardet e Gjykatës Europiane për të Drejtat e Njeriut në rastet e shpifjeve.

Megjithëse dënimet me burg për shpifje u anuluan në vitin 2012, shpifja dhe fyerja mbeten vepra penale të ndëshkueshme me një gjobë penale, dhe gjatë viteve të fundit janë parë propozime për të rikthyer ligjet penale kundër shpifjes ndaj zyrtarëve të lartë. Edhe pa kërcënimin për dënim me burg, potenciali i përballjes me dënim penal për punën e tyre mund të shtyjë gazetarët të ushtrojnë vetë-censurën. Ne fuqimisht rekomandojmë që Shqipëria të anulojë tërësisht ligjin penal të shpifjes dhe fyerjes.

Nga ana e tij, kryeministri Rama tha se do të konsiderojë mundësinë e shfuqizimit të plotë të ligjeve penale të shpifjes. Ai tha se ai personalisht nuk do të përdorte ligjin penal kundër gazetarëve por do të vijonte të ngrinte padi civile për shpifje kundër gazetareve vetëm në raste “ekstreme”.

3
3. Siguria e gazetarëve: kërcënimet, sulmet dhe vetë-censura
Delegacioni u informua gjatë intervistave me aktorët se raste të ndryshme të sulmeve fizike dhe kërcënimet serioze kundër gazetarëve në lidhje me raportimet e tyre mbeten të pazgjidhura nga autoritetet. Së fundmi, gazetarët u plagosën gjatë protestave anti-qeveritare. Gazetarët investigativë janë ngacmuar apo pushuar nga puna për shkak të raportimeve të tyre, në disa raste pas ndërhyrjeve të dyshuara nga politikanë të partisë në pushtet. Në disa raste, gazetarët vendosin të mos raportojnë kërcënimet dhe sulmet te autoritetet përkatëse dhe të mos informojnë publikun. Përveç kësaj, ka raste në të cilat gazetarët tërheqin kallëzimet kundër shkelësve të dyshuar për shkak të frikës për hakmarrje të mëtejshme. Delegacioni u informua se autoritetet nuk ndjekin siç duhet çështjet, dhe nuk investigojnë arsyet pas kërcënimeve dhe sulmeve. Ne jemi të shqetësuar se autoritetet dështojnë të hetojnë në tërësi kërcënimet dhe sulmet kundër gazetarëve, duke kontribuuar në këtë mënyrë në një atmosferë pandëshkueshmërie që ka forcuar sulmuesit të kryejnë sulme të ngjashme dhe të frikësojnë gazetarët drejt heshtjes. Ne jemi gjithashtu të shqetësuar që autoritetet dështojnë të garantojnë sigurinë e gazetarëve që raportojnë nga protestat.
4. Fushata denigruese kundër gazetarëve
Gjatë takimeve me gazetarët, delegacioni u informua se Kryeministri Edi Rama në mënyrë konstante i referohet atyre si “kazanë”. Në mënyrë të ngjashme, udhëheqësi i opozitës Lulzim Basha i referohet medias si “të kapur dhe të blerë”. Një gjuhë e tillë denigron gazetarët dhe i bën ata të duken si shënjestër e ligjshme për agresion në sytë e publikut, duke rritur rrezikun e kërcënimeve apo dhunës kundër tyre. Gazetarët që ne takuam deklaruan se kur Kryeministri Rama i quan ata “kazanë”, kjo pasohet me ngacmime të menjëhershme online kundër gazetarëve nga anëtarë të publikut që përdorin të njëjtat fjalë me kryeministrin dhe në disa raste gjuhë edhe më të egër e kërcënime. Ne jemi të alarmuar nga një gjuhë e tillë sulmuese dhe propaganduese e përdorur nga liderët politikë dhe politikanët e tjerë kundër gazetarëve. Delegacioni e ngriti këtë shqetësim me Kryeministrin Rama, i cili mbrojti përdorimin e kësaj gjuhe por u angazhua të mos i thërrasë më gazetarët “kazanë” në të ardhmen.
5. Transparenca e institucioneve – aksesi në informacion/konferenca për shtyp
Situata e aksesit në informacion dhe në transparencën e qeverisë në Shqipëri duket se është e përzierë. Nga njëra anë, ligji shqiptar për të drejtën e informimit shihet gjerësisht si i shkëlqyer, megjithëse zbatimi mbetet i papërshtatshëm. Autoritetet shtetërore vijojnë t’i mohojnë gazetarëve akses në dokumente me interes publik thelbësor dhe të ligjshëm – veçanërisht ato të lidhura me kontratat publike, tenderët dhe koncesionet – dhe përdorin taktika vonuese me rezultat që kur gazetarët në fund marrin informacionin, ai nuk është më relevant. Gjithsesi, si Komisioneri për të Drejtën për Informim dhe Mbrojtjen e të Dhënave Personale ashtu edhe gjykatat shqiptare janë duke luajtur një rol të rëndësishëm në konfirmimin e të drejtës së gazetarëve për të aksesuar dokumente.

Në anën tjetër, delegacioni gjeti konsensus të gjithëpërhapur mes aktorëve të medias se administrata publike në Shqipëri kufizon aksesin e gazetarëve të pavarur dhe përdor formate e veta
4
të komunikimit për të shmangur median kritike dhe për të kontrolluar narativën. Sipas intervistave me shumë aktorë, kryeministri nuk mban konferenca të rregullta për shtyp. Kur konferenca të tilla kryhen, vetëm gazetarët që punojnë për median pranë qeverisë lejohen të bëjnë pyetje. Kamerat nga mediat e ndryshme nuk janë të lejuara. Gjithnjë e më shumë, kryeministri përdor ERTV, kanalin e vet online televiziv, si portalin e tij personal të komunikimit me publikun. Gjatë fushatave elektorale të tilla si kjo që po ndodh aktualisht, gazetarët ndalohen nga mbulimi i ngjarjeve të fushatës dhe në vend të kësaj u serviren materiale të parapërgatitura që ata pritet t’i përdorin. Praktika e imponimit të një burimi videoje të kontrolluar nga qeveria dhe të materialeve të tjera mbi mediat kufizon shumë aksesin e gazetarëve në informacion dhe aftësinë për t’i dhënë publikut një perspektivë të pavarur mbi veprimet e atyre në pushtet.

Në një takim me delegacionin, Kryeministri Rama nuk ishte dakord me gjetjet e mësipërme, duke thënë se ai ka mbajtur konferenca për shtyp “kur ka qenë e nevojshme”, duke shtuar “Ne nuk bëjnë asnjë lloj përzgjedhjeje, ne nuk themi ‘ti hyr’ ose ‘ti dil’ — ne ftojmë dhe të gjithë janë aty “. Ai tha se ai ishte i hapur për pyetje nga të gjithë gazetarët dhe se ai kurrë nuk i ka mohuar dikujt mundësinë për të mbuluar fushatat e tij elektorale. Ai e përshkroi ERTV-në si një “dritare” në aktivitetet e qeverisë.
6. Pronësia e medias
Misioni ynë konfirmoi se pronësia e medias shqiptare dhe të ardhurat nga reklamat janë shumë të përqendruara në duart e pak grupeve nën pronësi familjare, me një shkallë të lartë pronësie ndërsektoriale. Kjo situatë është theksuar më herët nga BIRN Albania dhe Reporterë Pa Kufij. Një ligj i mëparshëm që mbart rregulla specifike mbi pronësinë e stacioneve televizive nuk është më në fuqi.
7. Rekomandime
• Në përputhje me detyrimet ndërkombëtare të Shqipërisë nën Këshillin e Europës, Gjykatës Europiane të të Drejtave të Njeriut dhe OSBE-së, ne nxisim qeverinë të eliminojë klauzolat ligjore që mund të imponojnë kërkesa për regjistrim dhe rregullim shtetëror të medias në internet, si dhe klauzolave që i japin rregullatorëve fuqinë për të pezulluar apo bllokuar aksesin te publikimet elektronike apo që të vendosin gjoba; • Legjislacioni për median duhet të hartohet në një mënyrë transparente, në konsultim të ngushtë me gazetarët dhe organizatat e shoqërisë civile. Kryeministri, kryetari i opozitës dhe politikanët duhet të ndërpresin menjëherë fushatat e sulmeve dhe retorikën diskredituese kundër gazetarëve dhe profesionistëve të medias; • Politikanët shqiptarë duhet të organizojnë konferenca të shpeshta për shtyp dhe të lejojnë të gjithë gazetarët të bëjnë pyetjet dhe të mos diskriminojnë ata në bazë të raportimeve që ata bëjnë. Të gjithë gazetarët duhet të kenë akses të barabartë në informacion të qeverisë/publik; • Ne nxisim autoritetet të garantojnë sigurinë e gazetarëve që raportojnë mbi krimin e organizuar dhe korrupsionin, të rrisin efikasitetin e hetimit të plotë dhe tërësor të kërcënimeve, fushatave të shpifjeve dhe sulmeve fizike kundër gazetarëve, duke i sjellë ata përgjegjës para drejtësisë. Autoritetet duhet të garantojnë sigurinë e gazetarëve që raportojnë nga protestat.
5
• Ne nxisim gazetarët dhe profesionistët e medias të raportojnë rastet e sulmeve dhe kërcënimeve te partnerët e Platformës së Këshillit të Europës për Mbrojtjen e Gazetarëve dhe Sigurinë e Gazetarëve, te Përfaqësuesi i OSBE-së për Lirinë e Medias dhe te organizatat për lirinë e shprehjes; • Ne nxisim gazetarët dhe shoqërinë civile brenda Shqipërisë të ndërmarrin masa për të fuqizuar solidaritetin; • Ne nxisim gazetarët dhe profesionistët e medias në Shqipëri të respektojnë standardet profesionale dhe të fuqizojnë vetë-rregullimin përmes anëtarësisë në Këshillin Shqiptar të Medias; • Ligjvënësit duhet të miratojnë amendimet për të siguruar pavarësinë operacionale, financiare dhe të burimeve njerëzore të Komisionerit për të Drejtë Informimi dhe për Mbrojtjen e të Dhënave Personale; • Të vendosen masa efikase për të rritur transparencën dhe pluralizmin e pronësisë së medias.
Për pyetje mediatike ju lutem kontaktoni email/whatsapp:

ECPMF: Flutura Kusari, kusari@ecpmf.eu, +383 49236664 ARTICLE 19: Sarah Clarke, sarahclarke@article19.org, +44 7575 030028 CPJ: Attila Mong, among@cpj.org, +49 15256900750 EFJ: Ricardo Gutiérrez, ricardo.gutierrez@ifj.org, +32 2 235 22 00 IPI: Scott Griffen, sgriffen@ipi.media, +43 1 512 9011 RSF: Pauline Adès-Mével, padesmevel@rsf.org, +337 82 37 23 12 SEEMO: Oliver Vujovic, info@seemo.org, +43 1 513 39 40

Aktivisti nxjerr fotot nga protesta: Ky talebani është djali im

Mijera protestuesve dje ne tubimin para Kryeministrise u jane bashkuar edhe shume femije.

Nje nder ta ishe edhe aktivisti i njohur si njeriu i meme-ve, Genc Sejko, qe ka postuar foto se bashku me te birin e vogel, ne protesten e mbremshme kunder Rames dhe qeverise se tij.

 

Postimi i Sejkos  

Ky talebani është djali im. Mezi e mbajta se donte të shkaktonte dhunë. I mora edhe shishen e qumështit se donte ta hidhte në drejtim të kryeministrisë. ‘Mos bëj gabim’ i thashë ‘se do të ndalojnë daljen nga Shqipëria’

Zbardhen vendimet e kryesisë dhe ish-grupit të deputetëve të PD. Çfarë do të ndodhë deri më 30 qershor

 

Deri të dielën e ardhshme, do të zhvillohen protesta në çdo zonë ku do të shkojë kryeministri Edi Rama për takime elektorale. Pas mbledhjes me Kryesinë dhe ish-deputetët e grupit parlamentar të PD-së, është vendosur për protesta njëjavore deri më 30 qershor. Zt. Basha është shprehur gjithashtu se më 30 qershor nuk do të zhvillohen zgjedhje, ndërsa u ka kërkuar strukturave që të përgatiten për zgjedhje të parakohshme.

 

“Jemi ne metrat e fundit te finisht te kesaj beteje. Nuk është ky fundi. Na duhen zgjedhje të lira dhe të ndershme pa Edi Ramën. Kemi mbështetjen popullore te qytetareve shqiptareve e kanë të pazëvendësueshëm për fitoren e kësaj beteje. Besimi i qytetarëve nga akti i sotëm është në kuotat maksimale”, mësohet të ketë thënë Basha.

Protestat do të jenë të ngjashme me ato që u zhvilluan një ditë më parë në Shkodër.

Ndërkohë, kryetarët e bashkisë së PD do të vazhdojnë me këmbëngulje zbatimin e Kushtetutës dhe ligjit dhe duke filluar nga e hëna do të nxjerrin urdhrin për revokimin e listave të zgjedhësve në qendrat e votimit.

Basha mësohet të ketë deklaruar se opozita ka siguruar një mbështetje të lartë që shkon nga 54% deri në 60%. “Çdokush qe mendon se duhet te sakrifikojmë kauzën për hir të disa kapsollave dhe rënies pre e provokimeve, është dritëshkurtër”, ka thënë ai.

“Liria e mediave shqiptare është në përkeqësim” – raportojnë 7 organizata ndërkombëtare

Ilirian Agolli

Një delegacion me 7 organizata ndërkombëtare të lirisë së shtypit publikuan në Tiranë një raport paraprak mbi vështirësitë e gazetarëve shqiptarë.

Raporti theksoi se liria e shtypit në Shqipëri është përkeqësuar dhe qeveria nuk është transparente, ndërsa politikanët përdorin një gjuhë të ashpër ndaj medias.

Grupi prej 7 organizatash të lirisë së shtypit dhe shprehjes publikoi sot në Tiranë një raport, sipas të cilit liria e medias në Shqipëri po përkeqësohet.

Qendra Europiane për Lirinë e Medias dhe Shtypit (ECPMF), Artikulli 19, Komiteti për Mbrojtjen e Gazetarëve (CPJ), Federata Europiane e Gazetarëve (EFJ), Instituti Ndërkombëtar i Shtypit (IPI), Reporterët pa Kufij (RSF) dhe Organizata e Medias në Europën Juglindore (SEEMO) zhvilluan një mision të përbashkët në Tiranë.

Sarah Clarke nga organizata “Artikulli 19” tha gjatë konferencës për shtyp se misioni është i shqetësuar për vet-censurën e gazetarëve dhe është i tronditur nga lidhjet e ngushta mes politikanëve, pronarëve të mediave dhe grupeve të interesit, mënyra se si financohet mediat, elemente këto që e vështirësojnë punën e gazetarit kur përgatit shkrime kundër korrupsionit dhe shkeljeve ligjore.

Pas një serie takimesh me përfaqësues të medias dhe të qeverisë, ata konstatuan se Shqipëria nuk po përmbush detyrimet e ligjit vendas, detyrimet si anëtare e Këshillit të Europës, OSBE-së dhe aspiratat si vend kandidat në Bashkimin Europian.

“Ne mendojmë se Shqipëria krahasur me rajonin është një nga vendet me problemet më të mëdha sa i takon lirisë së shtypit” – tha Oliver Vujoviç nga organizata SEEMO.

Raporti thekson se sulmet fizike ndaj gazetarëve nuk janë zbardhur, ndërsa zyrtarë të lartë publikë përdorin shpesh gjuhë fyese e nënvleftësuese ndaj gazetarëve kritikë.

Attila Mong nga Komiteti për Mbrojtjen e Gazetarëve, tha se kemi vërejtur edhe një ngurrim të gazetarëve shqiptarë për të denoncuar rastet e presioneve ndaj tyre, sepse kanë frikë që mund ta pësojnë akoma më keq nëse i denoncojnë ato.

Ndërsa Skot Grifen nga Instituti Ndërkombëtar i Shtypit tha se aktualisht në Europë dhe në Ballkan qeveritë po mundohen të pengojnë raportimet e lira të shtypit dhe t’i nxjerrin gazetarët krikë nga roli i tyre, duke iu imponuar mesazhet e veta.

“Një gjë të tillë e kemi vërejtur edhe në Shqipëri. Kjo nuk duhet të pranohet, sepse nuk është normale. Qeveritë mund të japin pikëpamjet e tyre, por gazetari është i lirë ta pasqyrojë ngjarjen nga këndvështrimi i tij pa ndikime” – tha Griffen.

Të 7 organizatat e lirisë së shtypit raportuan se “administrata publike shqiptare, nga zyra e kryeministrit dhe kryebashkiakut të Tiranës e më tej, nuk janë transparente me median dhe kufizojnë qasjen e gazetarëve kritikë”.

“Legjislacioni i propozuar së fundi për mediat, përfshirë një skemë drakoniane rregullash për mediat shqiptare e të huaja në internet, nuk përputhet me standardet ndërkombëtare të të drejtave njerëzore” – shënojnë 7 organizatat në raportin e tyre.

Delegacioni mblodhi informacione dhe pati takime me gazetarë, kryeredaktorë, përfaqësues të shoqërisë civile, organizata ndërkombëtare, ambasada të atashuara në Tiranë dhe zyrtarë të lartë të qeverisë dhe kryeministrin Edi Rama. Kryetari i bashkisë së Tiranës Erjon Veliaj refuzoi të takonte delegacionin.

“Dënimet me burg për shpifje u shfuqizuan në 2012, por shpifja dhe fyerja mbeten vepra penale të dënuara me gjobë dhe vitet e fundit ka pasur propozime për të rifutur në kodin penal dënimet me burg për shpifje kundër zyrtarëve të lartë shtetëror” – thanë organizatat.

Delegacioni shprehu shqetësim për rritjen e numrit të padive për shpifje të motivuara politikisht, të depozituara nga politikanë dhe që kërkojnë dëmshpërblime të larta.

“Edhe pa kërcënimin e dënimit me burg, mundësia e përballjes me një dënim penal mund t’i shtyjë gazetarët drejt vet-censurës,” tha koalicioni. “Ne e inkurajojmë Shqipërinë që t’i shfuqizojë të gjithë ligjet penale për shpifjen dhe fyerjen” – theksoi ai.

Zëri i Amerikës: Protestë paqësore e opozitës në Tiranë

Në Shqipëri kryetari Partisë Demokratike përsëriti sot në mbrëmje se largimi i kryeministrit Edi Rama mbetet një çështje e panegociueshme për zgjidhjen e krizës politike në vend. Duke folur në protestën e organizuar para selisë së Kryeministrisë, zoti Basha shtoi si një tjetër “kusht të panegociueshëm” ndëshkimin me burg “të atyre që kanë vjedhur votat”, duke iu referuar përgjimeve të publikuara së fundmi nga gazeta gjermane BILD, në të cilat përfshiheshin eksponentë socialistë në biseda për shitblerje votash apo presionesh për të votuar partinë socialiste në zgjedhjet e parakohshme të viti 2016 në Dibër .

“Tani që provat janë në sytë e çdokujt, zotimi i 16 shkurtit qëndron në fuqi. Nuk ka e nuk do ketë negociata me Ramën kryeministër, nuk ka e nuk do ketë marrëveshje politike pa dënuar hajdutët e votave, asnjë marrëveshje politike pa çliruar votën tuaj e dinjitetin tuaj”, theksoi zoti Basha duke ju drejtuar mbështetësve të grumbulluar në bulevardin kryesor të Tiranës.

“Kjo krizë e thellë nuk mbyllet thjesht mbi një marrëveshje bazuar mbi pazare politike. Kjo krizë duhet e do të mbyllet mbi parime dhe sonte dua ta them qartë e prerë se parimi i parë është çuarja para drejtësië e atyre që u vodhën votën shqiptarëve”, deklaroi zoti Basha.

I pandryshuar mbetet qëndrimi i opozitës edhe lidhur me 30 Qershorin. Sipas zotit Basha, kryeministri “po shkon drejt grushtit të shtetit të votimeve pa opozitë. Ta dijë mirë Rama se ne nuk bëjmë asnjë hap pas. Nuk ka zgjedhje më 30 Qershor. Aleanca qytetare është në këmbë, beteja vazhdon qytet më qytet, fshat më fshat. Çdo tentativë për të provokuar shqiptarët do dështojë me turp, ndërsa 30 Qershori do të jetë varreza politike e Ramës”, u shpreh kreu i opozitës, duke ftuar mbështetësit e opozitës “të jemi në çdo shesh e rrugë për të mbrojtur demokracinë e kushtetutën me fuqinë e kauzës sonë të drejtë”.

SI asnjëherë më parë në protestat e muajve të fundit, nuk u shënua as incidenti më i vogël. Zoti Basha pas fjalës së tij, i ftoi sërish mbështetëit e opozitës të marshonin drejt selisë së parlamentit. Edhe këtu nuk pati asnjë incident, ndërsa zoti Basha, pas një qëndrimi të shkurtër u drejtua për në selinë e Partisë Demokratike.

Protesta e mbërmjes së sotme, u zhvillua në një moment kur situata është tensionuar dhe më tej. Ditët e fundit u shënuan nga incidente të dhunshme në shumë qytete të vendit ku opozita drejton Bashkitë. Zyrat e Komisioneve zgjedhore zonale u sulmuan dhe në disa raste materialet zgjedhore u shkatërruan. Nuk munguan as përplasjet me policinë, ndërsa e gjitha u pasua me arrestime dhe procedime ndaj disa dhjetra personave, mes të cilëve sipas autoriteteve dhe punonjës të policive bashkiake, si dhe ndaj ish deputetëve demokrat, si në rastin e zoti Bardh Spahia.

Opozita deklaron se njeh Dekretin e Presidentit të Republikës që ka anulluar zgjedhjet, ndërkohë që shumica nga ana e saj vijon me fushatën elektorale.

Protesta u parapri nga deklaratat e komunitetit ndërkombëtar, përmes së cilave iu kërkua udhëheqësve të opozitës që të siguronte se ajo do të ishte paqësore dhe të shmangte përshkallzimin e situatës.

Deklarata e mbrëmshme e ambasadës amerikane kishte mesazhe të shumëfishta, ndërsa nga njëra anë dënonte aktet e dhunës së vërejtura së fundmi e kërkonte që ushtruesit e dhunës të mbanin përgjegjësi, nga ana tjetër kërkoi të mbrohej integriteti i procesit zgjedhor. Lidhur me protestën e e mbrëmjes të kësaj të premteje, ambasada i drejtohej organizatorëve të saj “që të mbajnë përgjegjësi përballë parime të sundimit të ligjit, t’iu bëjnë thirrje publikisht mbështetësve të tyre të mblidhen paqësisht si dhe të refuzojnë energjikisht dhunën në çdo mundësi”.

Edhe Delegacioni i Bashkimit europian në Tiranë u shpreh “i shqetësuar nga episodet e fundit të dhunës që kanë ndodhur në disa rajone të vendit. Asnjë akt i dhunshëm apo formë e nxitjes për dhunë nuk mund të tolerohen në asnjë rrethanë”, thekson deklarata e shpërndarë pasdite. Ajo theksonte se “është përgjegjësi e drejtpërdrejtë e liderëve të protestës për të siguruar që demonstrimet sonte të mbahen në mënyrë të sigurt si për pjesëmarrësit ashtu dhe për banorët Tiranës, si dhe për të shmangur çdo përshkallëzim gjatë protestave. Përdorimi i eksplozivëve apo i çdo sendi tjetër që mund të shkaktojë lëndime është krejtësisht i papranueshëm. Autoritetet e zbatimit të ligjit gjithashtu kanë përgjegjësinë që të vazhdojnë të veprojnë me përmbajtje, edhe nëse provokohen”.

Një natë më parë, në një ndërhyrje në emisionin Opinion në TV Klan, kryetari demokrat Lulzim Basha, ndërsa bëri thirrje qytetarëve që t’I bashkohen protestës, paralajmëroi se “nuk do të ketë absolutisht asgjë që të kërcënojë një fije floku të një qytetari apo të një punonjësi të ndershëm të rendit”.

Live/ Protesta e nëntë kombëtare e opozitës (video)

Kreu i PD-së, Lulzim Basha theksoi edhe një herë se nuk do të ketë marrëveshje me pazare për zgjidhjen e krizës, por mbi parime.

Parim të parë, Basha tha se është çuarja para drejtësisë e atyre që kanë blerë vota.

Basha: Kjo krizë politike do të mbyllet jo mbi pazare por mbi parime. Dhe parimi i parë është çuarja para drejtësisë dhe burgut të atyre që u vodhën votën shqiptarëve. Ndërkohë që në një vend evropian ky njeri do të kishte shkuara përpara Prokurorisë, e gjithë qeveria do ishte dorëhequr, ai marshon drejt grushtit të shtetit, drejt ërocesit kriminal drejt votimeve pa opozitë, drejt votimeve me karta identiteti të falsifikuara dhe skaduara, me KQZ të paligjshme.

Ne nuk bëjmë asnjë hap pas nuk ka zgjedhje më 30 qershor. Aleanca qytetare është në këmbë. Beteja vazhdon në çdo qytet e fshat. Demokracia kundra narkoshtetit. 30 qershori do të jetë varreza politike e Edi Ramës dhe Rilindjes së krimit.

Këto mesazhe të qarta dhe të prera duhet t’i bëjmë sonte të qarta për këto që nuk i di. Nuk do të ketë më në Shqipëri zgjedhje me Edi Ramën, pa dënuar hajdutët e votave.

 

Basha theksoi se lëvizja e lirë e shqiptarëve kërcënohet nga çmenduria e një kryemafiozi, siç e cilësoi ai kryeministrin.

Basha: Ai ka një emër është hajduti më i madh që ka njohur Shqipëria që me karrigen e tij sakrifikoi të ardhmen tuaj. Ora e të vërtetës erdhi. 9 vite me radhë qëndruam dhe më në fund e gjithë bota e pa fytyrën e vërtetë të Edi Ramës që e ka shkrirë në një krimin dhe shtetin, që e ka kthyer Shqipërinë në një pronë private të krimit të organizuar. Rruga jonë është rruga drejt Shqipërisë së gjithë Evropa.

Lëvizja e lirë e shqiptarëve kërcënohet nga çmenduria e një kryemafiozi, i cili kërcënon përmes Parlamentit të kupacëve të krimit se do të kthejë klonin e Enver Hoxhës. Kushdo që e provon do të përballet me drejtësinë dhe do të provojë hekurat e burgut. Do të jeni përgjegjës moralisht, politikisht dhe ligjërisht. Këtë ua them në emër të opozitës dhe sovranit. Tani që errësira e natës është shtrirë në qytetin tonë ndizini dritat e shpresës që t’i shohë gjithë bota këtë bashkim.

 

Ora 20:40-Protestuesve të opozitës i është bashkuar edhe kryetari i Partisë Demokratike, Lulzim Basha, i shoqëruar me bashkëshorten e tij Aurela si dhe dy vajzat.

Gjithashtu, tubimit të sotëm i është bashkuar edhe kryetarja e LSI, Monika Kryemadhi.

Në protestë ka mbërritur edhe ish-kryeministri Sali Berisha.

 

Protesta po zhvillohet paqësisht përpara Kryeministrisë me parulla të shumta “Rama ik” dhe me flamurin shqiptar, amerikan dhe evropian.

Ora 20:10-Mbështetës të shumtë të opozitës po grumbullohen përpara ndërtesës së Kryeministrisë, ku do të zhvillohet protesta e nëntë kombëtare.

Me pankarta të shumta, mbështetësit e opozitës i shoqëron thirrja: Rama ik!